حملة قراءة سورة البقره كل يوم

[مناير خزنة التاير]

:nbvppw: شخباركم :nbvppw:

 

[flowers_q8]

حبيبتي مدمنة كاكاو اقريها بالوقت اللي يناسبج بس المهم انج تقرينها يوميا وماتقطعين لان هذه السورة العظيمه اخذها بركه والشيطان مايدخل بيت تقرا فيه
حبيبتي بداية اقريها من التفسير عشان تفسرين كل آيه عشان تفهمينها وانا افضل انج تقرينها من التفسير الميسر لعائض القرني حده عجيب واسلوبه سهل وبعدين اذا فهمتيها اقريها من القرآن
وحبيبتي اذا استطعتي تقرينها في قيام الليل في الثلث الاخير هذا افضل
على العموم انتي شوفي شنو اللي يناسبج ويريحج
ربي يعينج على طاعته دوم يارب وحياج الله معانا في الحمله ربي يسعدج ويرزقج كل ماتتمنين يارب

 

[flowers_q8]

آمين اجمعين ان شاء الله

الله عايض القرني اموت على اسلوبه


وين القا هالتفسير وبجم؟؟

واذا فيه مكتبه توصل بعد ياريت

اعتقد مكتبة جرير وكأن سعره 6 دنانير
بس عجيب لايطوفج

 

[::blackrose::]

السلاام عليكم بنات

تسجيل دخول

 

[الكادي-83]

بناااااااااااااااااااااااااات ابي اسألكم بس لازم الكل يجاوب لأني أكتشفت شي وبقولكم عنه بعد ما أقرا ردودكم


منو اللي منكم بعد ما أستمرت على سورة البقرة وقيام الليل صارت تشوف في منامها رؤيا صادقه او تحس انها دل على شي

لو سمحتو الكل يجاوب

 

[نجوله]

الصراحه شجعتوني على قراءة سورة البقرة الله يجزيكم كل خير..وفعلا فضل سورة البقرة عظيم
بس انا مرة سمعت ان مايصير تركزون على سورة معينه عشان هدف معين وان لازم انحط في بالنا ان هدفنا اولا قراءة القرآن بهدف التقرب لله سبحانه وتعالى وان الواحد لما يتقرب من ربه الله سبحانه وتعالى ماراح ينساه في وقت الشده.. وياريت اتفيدوني في هذا الموضوع اللي ذكرته

 

[flowers_q8]

الكادي مافهمت قصدج؟ناطرة ردج

 

[طرقية]

لو تعرفون أهمية سورة البقرة جان ما خليتوها_ سبحان الله فيه بنات واظبوا على قراءتها وتزوجوا مع ان اعمارهم كبيرة_ والي تيسرت أمورها بالبيت و بالعمل ومع زو

 

[::blackrose::]

فلورز
الكادي تسأل
اذا صرنا نشوف احلام صادقه يعني مثلا تحلمين انج قاعده تسوقين بمحل معين قعدتي وفعلا رحتي السوق ونفس المحل اللي بالحلم
يعني احلام تحقق

 

[الجوهرة الماسية]

السلام عليكم
مساكم الله بالخير
شلونكم بنات مستمرين ان شاء الله انا مستمره الله يثبتنا

نهاية حبنا ........ جالسه اوري بنتي الصورة الي انتي حاطتها عن تقويم الاسنان مرره انبسطة حليها كانت مسويتلي مناحه في البيت خايفه من التقويم ولما شافت الصورة قالت بس كذا حلو ... ..هههههه يا حبيلك يا نهايه ساعدتيني تعبت وانا اشرح لها بس خوافه بنتي الله يصلحها.

مناير ........ الحمد لله بخير حبيبتي ومستمرين انتي شلونك.
مدمنة كاكاو.......... فلورز حبيبتي جاوبت عن سؤالك الله يجزاها خير

بلاك روز والكادي وطرقيه ونجوله شلونكم بنات

كل البنات الي مشتركين معنا في الحملة بشروا ان شاء الله مستمرين

بالنسبه لرؤى بحكيلكم الرؤى من اول مابديت قراءة البقرة والاستغفاااااااااااار.
الحمد لله كلها رؤى مبشرات .

انتظروني لي عوده .

 

[alfa2002]

أم منصور وينك؟؟؟؟ لك فقدة عسى المانع خير

 

[بنت.المطيري]

قوة بنات شلونكم
الجوهرة حبيبتي .. مشكورة عالاقتراح وحلو ان شاء لله بطبقه
بس بقولج انا شلون طريقتي مادري اذا صح والا لأ
انا من يوم ماقررت اقرا سورة البقرة قررت اقراها لحاجة بنفسي
فقلت مو حلوة اقراها بروحها فكنت اصلي الشفع والوتر وركعتين شكر وركعتين صلاة الحاجة بعدين اقراها بعدين ارد اصلي مرة ثانية صلاة الحاجة للتأكيد يعني!! مادري اذا غلط اللي قاعده اسويه ؟؟
وشلون طريقة قراية سورة البقرة انا اللي اعرفة احسن شي اقراها متواصلة ولا اقطع
وشلون اذا بصليها مع القيام ؟؟
ياليت تفيديني ياقلبي وانشاللة بميزان حسناتج

 

[الجوهرة الماسية]

اختي بنت المطيري الطريقه الي سمعت الشيوخ يمدحونها انك تصلي البقرة بركعتين وبصوت مسموع يعني مو بس تحركي شفايفك لا لازم تسمعي صوتك وحاولي ترتلي وبعد الركعتين سلمي وبعدها صلي ركعة الوتر ركعه فرديه واحده .

وتقدرين تسوين طريقة ثانيه تقسمين البقرة على اربع ركعات كذا اريح لك .




وللعلاج والفاعليه والنتيجه السريعه لك ولجميع البنات

الوصفة القاضية على جميع المشاكل

*الاستغفار

*الصدقه

*قيام الليل

*قراءة البقرة

*اذكار الصباح والمساء

*صلاة الفروض في اوقاتها

*ترك المعاصي والمحرمات

*بر الوالدين

*قراءة الرقيه الشامله او سماعها مره او مرتين باليوم.


هذا والله اعلم​

 

[أم منصور]

السلام عليكم جميعا

اليوم الجمعه

لا تنسون خواتي قراءة سورة الكهف​

 

[عسل طبيعي]

السلام عليكم
شلونكم اخواتي كلكم بدون تحديد و شخباركم

 

[الجوهرة الماسية]

هلا والله ام منصور منوره الحمله ومشكوووووووره على التذكير بقراءة الكهف جزاك الله خير.

الوتر الحزين ........ الحمد لله بخير ومستمرين

 

[الجوهرة الماسية]

تذكرون الرؤى الي حكيتها لكم عن الدبابيس الي فكيتها من ملابسي

الي شفتها بعد مابديت بالاستغفار وقراءة البقرة بجلسه واحده دون انقطاع وصوت عالي واستخدام الحلتيت

المهم فسرها لي الشيخ انها سحر معمول لي بالدبابيس وجالس ينفك الان عني ولله الحمد والمنه



وخلال الاسبوع الي طاف شفت رؤيتين

الرؤيةالاولى

اني خرجت من بيت اهلي ورحت محل فيه فواكه واكلت منها
ولما رجع البيت لقيت حيه كبييييره اكثر مما تتصورون ميته هي وعيالها وسالت خالتي وامي وقالوا انها طقت راسها في الباب لين ماتت
قلت انها دايم تسوي هالحركه فيني وتسوي نفسها ماتت وهي ما ماتت وتاكدت انها ميته ودخلوا ناس من برى وشافوها
قلت شفتوا ماكنتوا تصدقوني لما احكيلكم عنها .


الرؤيه الثانيه

حلمت بوحده اعرفها انها في بيت لحالها في ديره ثانيه بعيده عن اهلها وزوجها وعيالها
وما معها احد في هالشقه الا عبد اسود ذميم الخلقه
ويدينها من اليد الى اعلى الذراع مسوده وكانها محترقه
وحالها مايسر ...... مع العلم ان هالحرمه كم وحده قالولي انها تتعامل بسحر يعني تحط لزوجها سحر محبه حسبي الله ونعم الوكيل فيها
لا وتقول للحريم الي عندهم مشاكل مع رجالهم يسون لرجالهم وانه مايضر
مع ان زوجها مسكين ماخلا مستشفى ولا بلد ماراح يعالج من الم في معدته وصداع دائم والكل يقولون له انه سليم مافيه شي
وانا قد مره وحده قالتلي انها يمكن تكون حطت لي شي لانها تغار مني غيره عميه والعياذ بالله.


سبحان الله يابنات انتوا الشي الي يمكن ماتعرفونه .........


ان البقرة اذا قريتيها وفي احد مسويلك سحر ينقلب السحر عليه ويصير في حاله من المرض والالم وعدم التوفيق مايعلم بها الا الله

واتوقع انوا بدى السحر يفك عني ويروح للي سوته لي .




هذي رؤياي انتم يا بنات ما احد منكم شاف شي بعد ما بدى يقرا البقرة ؟؟

كل وحده تكتب الي شافته عشان نشجع البنات على الاستمرار بالبقرة والاستغفار.

 

[::blackrose::]

تسجيل دخول

هلا الجوهره

وانا حلمت تقريبا نفس حلمج عن الحية
بس لونها كان اصفر وانها ما قدرت تستحمل فطقت راسها بالسقف وانفجرت وانا اطالع جلدها شلون متناثر على الارض

والحمدالله على كل حال

 

[فـرفـر]

السلاام عليكم

شلونكم بنااات


الجوهره يااقلبي انا حلمت في ثعباان ويوم فسرته بمنتدي الخير للرقيه الشرعيه قالوا هذا خاادم سحر

وللحين مستمره بقراءه سورة البقره والله يعيناا علي طاعته

بناات جد احس حياتى لهاا طعم بعد مااقمت احرص علي قراءه القرأن

يالله يااربي يعيناا علي ذكره وطاعته ويتقبل مناا

 

[فـرفـر]

صحيح بناات في ملتقي يوم الاثنين الجاي علي خير

راح يكون فيه سوق خيري مع ندواات



عنده صاله نادي النصر


لايطووفكم