تجمع للي توها والده واللي بالنفاس-------جديد xجديد

[الكشخة]

آنا اليوم ربطت بطني شوي بس ذابحني عوار الظهر عوار مو طبيعي يوصل لي خواصري شسوي بنات مابي ردادة ابي مساج صيني بس سمعت يقولون اذا وقف الدم احسن
شرايكم وش تنصحوني فيه ؟؟؟

صدقيني جربي كوين مساج
و الله اني قاعده ادعي حق البنات اللي امدحوهم بالمنتدى
قالت لي انه للوالده لازم 3 ايام كل يوم ساعه
اول يوم مساج ريلاكس
ثاني يوم ترديد
ثالث يوم كاسات هوا عشان تطلع الهوا من الجسم و ترفع الرحم

يتني و سوت لي مساج يلاكس و قالت لي انتي ما تحتاجين ترديد بس كاسات هوا
و الله صرت انسانه ثانية

و حسيت انهم مو ماديين كلش لأنها قالت اني ما احتاج 3 ايام يومين كافي
و حتى لما قلت لها ابي مساج تخسيس قالت لي لا مو زين الحين لازم عقب 6 شهور

و الله وايد اصحج فيهم

 

[أناقوقش]

شفت بوحده من جرايد الاعلانات اعلان عن سرير بيبي معاه كاميرا و شاشه بس مو حاطين السعر

ئي دقيت عليهم شكلها خربوطيه خلاص بروح الغانم

 

[الكشخة]

صراحه انا سمعت عن كريم ريكسول البنات يمدحونه حق شد الصدر بس انا للحين ما جربته
تلقينه موضوع مثبت بالنادي الصحي عن كريمات الشد والتخسيس

مشكورة ياقلبي بدش الموضوع

 

[أناقوقش]

بسبوسه والكشخه شرايكم ببرنامج الببايا

اضبطكم لووووووووووووووووووول

 

[أناقوقش]

صدقيني جربي كوين مساج
و الله اني قاعده ادعي حق البنات اللي امدحوهم بالمنتدى
قالت لي انه للوالده لازم 3 ايام كل يوم ساعه
اول يوم مساج ريلاكس
ثاني يوم ترديد
ثالث يوم كاسات هوا عشان تطلع الهوا من الجسم و ترفع الرحم

يتني و سوت لي مساج يلاكس و قالت لي انتي ما تحتاجين ترديد بس كاسات هوا
و الله صرت انسانه ثانية

و حسيت انهم مو ماديين كلش لأنها قالت اني ما احتاج 3 ايام يومين كافي
و حتى لما قلت لها ابي مساج تخسيس قالت لي لا مو زين الحين لازم عقب 6 شهور

و الله وايد اصحج فيهم

عفيه ابي رقمهم

عاد صج مساج الشد والتنحيف عقب 6 شهور؟؟؟ عاد انا ناويه اسويه بعد 10 ايام بس زين قلتيلي

 

[om_Barook]

بنات اشلونكم انا اليوم صارلي 24
يتني الرداده اليوم اول يوم وبقالي يومين بعد
بس في احد فيكم يعرف شقره ومزيونه ابي خلطاتها دزيتلها مسج على الخاص ما ردت علي
اذا اتعرفون احد يبيع خلطات حق الجسم يقولي عنها
سلمكم الله بدى مشوار التعديل ما بقى شي وارجع ابويتي ومع ريلي الله لا يخليني وياكم

 

[الكشخة]

عفيه ابي رقمهم

عاد صج مساج الشد والتنحيف عقب 6 شهور؟؟؟ عاد انا ناويه اسويه بعد 10 ايام بس زين قلتيلي

و الله هذا كلامها ، اهيه اصلا من مصلحتها تسوي مساج و تربح ، مو من مصلحتها تقولي انطر 6 شهور
عاد انا احب الامانه

رقمهم 22657789 و 25754502

 

[الكشخة]

بسبوسه والكشخه شرايكم ببرنامج الببايا

اضبطكم لووووووووووووووووووول

جربتيه؟ فرق معاج اللون؟؟
و الله زمن، لوني اللي ماكان عاجبني صرت الحين اتمنى يرجع بدال هالسواد اللي عقب الحمل

 

[الكشخة]

بنات اشلونكم انا اليوم صارلي 24
يتني الرداده اليوم اول يوم وبقالي يومين بعد
بس في احد فيكم يعرف شقره ومزيونه ابي خلطاتها دزيتلها مسج على الخاص ما ردت علي
اذا اتعرفون احد يبيع خلطات حق الجسم يقولي عنها
سلمكم الله بدى مشوار التعديل ما بقى شي وارجع ابويتي ومع ريلي الله لا يخليني وياكم

صبري شوي و اطلعه لج

 

[أناقوقش]

جربتيه؟ فرق معاج اللون؟؟
و الله زمن، لوني اللي ماكان عاجبني صرت الحين اتمنى يرجع بدال هالسواد اللي عقب الحمل

لا ماجربته بس بجربه

وبقولكم النتايج بس تو الناس يمكن بعد 10 ايام او اكثر


واذا على اللون مايبين بتجربه وحده بس اذا المغربي يفرق علينا اذا تفركنا عيل اكيد هذا بعد
وترا انا ماكنت اعرفه بس شفت بنات وايد يمدحونه جنه في هذا الموضوع بس جدام بأول الصفحات
وسويت عليه سيرج ولقيت الصوره وحطيتها لكم عاد انا حدي متحمسه بسووووووويه وبقولكم النتيجه إن شاءالله

 

[الكشخة]

يمدحون الحمام المغربي مال هيربل سبا اللي حاطين اعلانه بالمنتدى بجربه انشالله

 

[أناقوقش]

يمدحون الحمام المغربي مال هيربل سبا اللي حاطين اعلانه بالمنتدى بجربه انشالله

انا قريت موضوع كامل هنيه عن هربيل سبا

واااايد يمدحون شغلهم ويقولون رخيص

بس بعيد بالرقعي وانا ما ادل بالرقعي غير سفير الرقعي واللي يمه
يعني اخاف اروح

 

[الراجيه مغفرته]

بنات شلونكم صراحه انا ماذيني بطني مو متقبله شكله حيل مترهل وصاير اسود ماادري شنو اسوي فيه تعبت نفسيتي:krkrkr:

 

[أناقوقش]

بنات شلونكم صراحه انا ماذيني بطني مو متقبله شكله حيل مترهل وصاير اسود ماادري شنو اسوي فيه تعبت نفسيتي:krkrkr:

هههههههههههههه

ذكرتيني بحالتي اول ماولدت

اليوم لي 30 بطني نفس الشي حالته كسيفه بس حالتي النفسيه انا تعدلت شوي يمكن تعودت على شكله

انا طبعاً ماخليت زوجي يشوف بطني يعني راح ينصدم فيه اول يوم بس بخلي الشغل بالظلمه احسن

بس قلتله من الحين شووووف مابي تعليق لمدة 4 شهووووووور اوص ولا كلمه قام يضحك بس مسكين مايدري شنو يايه

بقولج الكلام اللي قالوه لي

السواد يروح شوي شوي
الترهل عليج بالرياضه وخصوصاً رياضة شد البطن والمشي بس مو الحين عقب ماتخلصين النفاس
انتي جم لج اليوم؟؟؟

احلى مكان تمشين في خصوصاً ان الجو حلو هالايام روحي مشرف والمرينا وعند الاكواريوم

 

[Brounzi_girlly]

رجية حالج نفس حالي مادري بطني بيرد ولا لأ ربطته اليوم بشماغ لبست شورت استرج وفوقه الشماغ
ياربي يرد بطني

 

[أناقوقش]

رجية حالج نفس حالي مادري بطني بيرد ولا لأ ربطته اليوم بشماغ لبست شورت استرج وفوقه الشماغ
ياربي يرد بطني

إن شاءالله يرد

انا حاطه امل بالحركه عقب النفاس إن شاءالله مع الحركه والمشي والشغل يرد

 

[Om^7aMaNi]

انا قريت موضوع كامل هنيه عن هربيل سبا

واااايد يمدحون شغلهم ويقولون رخيص

بس بعيد بالرقعي وانا ما ادل بالرقعي غير سفير الرقعي واللي يمه
يعني اخاف اروح

ابي الموضوع ابي اقراه وين القاه بليز ؟؟

 

[أناقوقش]

ابي الموضوع ابي اقراه وين القاه بليز ؟؟

دورته لج مالقيته بس دوريه في قسم العناية بالبشره والجسم

بس هذا موقعهم

http://www.spaq8.com/html/arabic/Packages.html

كنت ماخذته من الموضوع

 

[الحور]

مرحبا حبايبي رحبو فيني زميله يديده معاكم بالتجمع انا والده لي اسبوع وبالنسبه لبرنامجي ان شاء الله بعد ما اتمم 10 ايام يبتلي وحده تسويلي مساج ولما تييي بتقولي جم جلسه احتاج وان شاء الله بعد 17 يوم بسوي حمام مغربي عند وحده تيي البيت اسمها فاطمه المغربيه يمدحون حمامها بجربه ومفكره اسوي تبيض ليزر عند عيادة الحكمه وتنظيف البشره والله موعارفه عند منو اسويه .. عندي انبولات الصبار حق الشعر ببلش فيهم بس يهدا العوار اللي فيني ابلش فيهم وهمن عندي امبولات ايفا للبشره بحطهم عشان ويهي يرد شوي .. وعندي موعد عند دكتورتي بعد جم يوم عشان تشوف الخيااااااط (واااااااي ياقلبي ماحب اروح بس شسوي مضطره) فيني التهاب بالبواسير الله لايوريكم عوااااار موطبيعي كله على المسكنات والابر بنات عفيه ادعولي حدها تعورني بموت من هالالتهااااااااااااااب ..

 

[أناقوقش]

مرحبا حبايبي رحبو فيني زميله يديده معاكم بالتجمع انا والده لي اسبوع وبالنسبه لبرنامجي ان شاء الله بعد ما اتمم 10 ايام يبتلي وحده تسويلي مساج ولما تييي بتقولي جم جلسه احتاج وان شاء الله بعد 17 يوم بسوي حمام مغربي عند وحده تيي البيت اسمها فاطمه المغربيه يمدحون حمامها بجربه ومفكره اسوي تبيض ليزر عند عيادة الحكمه وتنظيف البشره والله موعارفه عند منو اسويه .. عندي انبولات الصبار حق الشعر ببلش فيهم بس يهدا العوار اللي فيني ابلش فيهم وهمن عندي امبولات ايفا للبشره بحطهم عشان ويهي يرد شوي .. وعندي موعد عند دكتورتي بعد جم يوم عشان تشوف الخيااااااط (واااااااي ياقلبي ماحب اروح بس شسوي مضطره) فيني التهاب بالبواسير الله لايوريكم عوااااار موطبيعي كله على المسكنات والابر بنات عفيه ادعولي حدها تعورني بموت من هالالتهااااااااااااااب ..

حياج الله و مبروك مايبتي
يتربى بعزكم إن شاءالله

شلون بتسوين حمام مغربي باليوم 17 يعني قبل لا تخلصين الاربعين ؟؟؟

يمدحون تنظيف البشره اللي عند لافندر

ماتشوفين شر إن شاءالله اجر وعافيه