منو أحلى و أونس تايلند ولا ماليزيا ؟؟

[84 Miss Chocolate]

[size="6"]منو أحلى و أونس لزوجين تايلند أو ماليزيا ؟؟

السوق - الطبيعه - الالعاب - الرومانسيه و الهدوء - الفنادق - الاسعار ؟؟[/size]

 

[toot^o^mishmish]

شوفي انا رايحتلهم اثنينهم ...ماليزيا انظف وارقى بوايد بس اغلى من بانكوك هم وايد....
وتقريبا اهما يتشابهون بالفنادق لانه فنادق تايلند موووووووووصج خاصة اذا خذيتي الديلوكس وهم عندج ماليزيا نفس الشي بسا ذا هذا شهر عسل او مامعاج يهال روحي ماليزيا انظف ..
بس انا برايي تايلند اونس شعبهم اونس ورخيصة ...
واذا تبين اشور عليج خليهم برحله وحده يعني خلي بانكوك حق التشري تكفيها 3 ايام ان شاء الله والباجي ماليزيا ..
واي تعبت (اموت عالقرقة) خاصة بشي يخص السفر
موفقة ان شاء الله:RoadRunner:

 

[فرفورة2]

تبين الصراحة انا مارحت ماليزيا بس رحت حق تايلند
بس شنو وناسة ما خلينة مكان مارحنا اكثر شي بانكوك وبوكيت بس بانكوك ما فيها اماكن ترفيهية كثيرة
بوكيت طبعا ياكثر الاماكن الحلوة والتسوق يعني بس بانكوك التسوق فيها أحلى
بس النظافة موشي يعني اذا دشيتي wcوانتي بكرامة حاطين لج بس كلينكس ماي مافي تظطرين تسوين مثلنا تاخذين
مطارة وتعبين من ماي البانيو اللي يمج>>صج عبالة
بس من ناحية طبيعة كلمة روعة اشوية عليها
بس ماليزيا ماشفتها انشالله اروحلها بالمستقبل القريب بس فكرة الاخت حلوة خلي تايلند وماليزيا بوقت واحد أوفرلج ومدام طاقة هالطريج كله مرة وحدة ثمن ساعات حبيبتي موشوية بالطيارة
وانتي عاد بكيفج اللسي يريحج

 

[digital]

انا برايي تايلند احلى

 

[84 Miss Chocolate]

والله حيرتوني زياده ههههه لا انا بروح المالديف و ابي معاها دوله .

 

[دنيا جديده]

ماليزيااا طبعااااااااااااااااااااااااا وخاصتا الجزر

 

[بطه فيها نطه]

عن تجارب مو تجربه .... الطريج واحد .... خليها اسبوع باسبوع

ماليزيا لعب وجبال و حر ومطر و وناسه ... بعدها روحي تايلند شوبينغ

 

[إستبرق]

والله انا محتاره خخخخخخخ
شوفي انا توني راده من ماليزيا والسنه الطافت كنت بتايلند وسالفه ان نظافه ماليزيا حيل فرق عن تايلند لا والله مو فرق حيل وبالنسبه لي فنادق تايلند احلى وايد من ماليزيا السوق هم بالنسبه لي سوق تايلند وايد وايد احلى من ماليزيا مو بالنسبه للاسعار لا للبضاعه في فبوكيت وبانكوك مجمعات رووووووعه ومو اشياء تقليد لا بضاعه اصليه وماركات حلوه بماليزيا مو وايد وايد عجبتني البضاعه الي بالاسوقه
الوناسه بوكيت ولنكاوي عندي نفس الشي ثنتينهم حلوين ولنكاوي احلى بالطبيعه تهببببببببببل ووالله هم بوكيت حلوه لوووووول
يعني تدرين شلون سوي حدره بدره خخخخخخخخخخخخ

 

[84 Miss Chocolate]

رايكم اخلي اسبوع ماليزيا و اسبوع تايلند و اكنسل المالـــــــــــــديف ؟؟!!

انا كان بخاطري المالديف و مع دوله ( تايلند او ماليزيا ) بس صج محتاره انا بخاطري بتايلند عشان السوق و ريلي يقول كيفج بس ماليزيا احلى

اشرايكم لفندق puket pavilions سعر 4 ليالي مع حمام سباحه خاص و ريوق بس 504 اشرايكم ؟؟ حصلته من بوكينج .

 

[شهدQ]

شوفي ياقلبي

مافي مقارنه انا رحت للثنتين

ماليزيا احلى واااااايد من تايلند وهم بالبضايع بس الناس ماتعرف لاسواق ماليزيا عدل

لان mbk بتايلند = سونجي ونغ بلازا بماليزيا

والشوبينغ فيه احلى بوايد

من ناحية الشحاطات تنوع ماليزيا اكثر بكثير تخيلي فريت مجمع ام بي كي بضايع الجزم متشابهه

عكس ماليزيا تمشين وتخمطين

الجنط التقليد بسونجي وانغ عندي ارقام محلات يتعنون لهم الاجانب بسبب جودة التقليد لدرجة اني اخذت جنطتي جوتشي لبوتيك جوتشي بالكويت

اصلحها ماجك انها تقليد ويوم قلتله تقليد بقق عيونه منصدم

بس اعارهم غاليه بالنسبه للشغل التوب كواليتي من 35 دينار وطالع بس شي شي

والبدل مااعبرلج عاد عن هالمجمع صج مو تقليد ماركه لكن قات تدوخ وماتنزل بالكويت الا بعد سنتين ثلاث

حتى درينغات جوسي كورتر هناك ب12ونص دينار تقليد بس شي شي

ع العموم انتي قسمي الميزانية نصين نص شوبينج من هالمجمع ونص شوبينغ بتايلد واذا رجعتي قوليلي الفرق بهالموضوع

هذا بالنسبه للشوبينغ

اما بالنسبه للوناسه والرومانسيه اعتقد مافي احلى من جزر ماليزيا

الصخب والوناسه ببينانغ والتمشي بشارع الليل حتى لو ماشريتي شي وقعدتي بالمطعم وتوشفين المعاريس بس للامانه شارع الليل شغله باين تقليد رديء جدابس ماادري ليش حبيته من غير لااشتري منه شي

لنكاوي طبيعه خلابه تسحرج خصوصا اذا كان كوخج بوسط البحر مثا اكواخ برجايا لنكاوي لاغون

تايلند طبيتها 3 ايام لاعت جبدي تمنيت تخلص الايام بسرعه

بضاعه رديئه وتفشلوالناس اذواق حتى شحاطاتي قبل لاالبسهم تعفست خامتهم واهما بالجنطه من رداءة الجلد المستخدم

وتقليدهم فاشل فاشل فاشل حتى الجناط الي مدحهم عند فريده علي قمه بالرداءه الا قليل جدا جدا

 

[قلبي تركواز]

انا رحت لماليزيا صراحا حدها روعه من وناسه ورومانسيه حتى الجو مو رطب حيل مثل مايقولون بالعكس الجو حلو وغيوم وكل شوي يطق مطر والتسوق والتشري شئ شئ موطبيعي والسياحه والاماكن الترفيهيه كذلك روعه وديره شرحه ونظيفه
شوفي حبيبتي اذا بتروحين ماليزيا اوصيج بمحلين مايتفوتون محل احذيه اسمه فينشي vincci عندهم فروع باكثر من مجمع هذول نعالهم خياااااااال عجيبه تشبه نعال آالدو وناين ويست ولا واحلى منهم بعد كلهم كعب عالي ومريح حيل ومدوديلات والوان غريبه حيل واغلى نعل عندهم ب6 دنانير ومرييييييييح حيييل وموديلات روعه والشئ الثاني محل سيمبونيا للحقائب والاحذيه جنطهم روعه وموديلات حلوه والكل بيسألج عنها واسعارهم من 20 دينار وطالع
بالنسبه للسوق الصيني لايقصون عليج ويقولون لج حلو ترى يلوع الجبد وموحلووو والتقليد عندهم حده باااااااااااااايخ مبين عليه تقليد

 

[84 Miss Chocolate]

لالالالالا انتو جذي شيشتوني حدكم و هم وهقتوني

خلاص قسمولي 12 يوم او 14 بين ماليزيا و تايلند ؟؟ او خلوها كلها ماليزيا بس مابي تحطولي اماكن فيها حيوانات لأني حييييييييييل خوافه حتى من الفراشه اخاف والله و ابي مسبح خاص لأن جذي بكنسل مالمالديف

 

[دلوعة القادسية]

تايلاند رخيصه وااااااايد

وبوكيت حلوه


بس حدها اسبوع


ماليزيا بعد حلوووه


روحي اسبوع تايلاند واسبوع ماليزيا

 

[84 Miss Chocolate]

اشرايكم من الكويت لبانكوك ( 4 ليالي )
من بانكوك لبوكيت ( 3 ليالي )
من بوكيت ل كوالمبور -- ( سيلانجور )) -- (( 4 ليالي ))
من سيلانجور -- (( لنكاوي )) - ( 3 ليالي ))
من لنكاوي - كوالالمبور ( 5 ليالي ))

مادري احس وايد تنقلات و وايد طيران داخلي تعب اشرايكم اخليها ديره وحده ما اعرف اخطط توهقت

 

[شهدQ]

من الكويت لكوالمبور واخذي فيلا بالصن واي لاغون بمسبح خاص ليلتين

بعدين طيري لبينانج قعدي 3 ليالي وبعدين طيري للنكاوي 3 ليالي وبعدين طيري لكوامبور 4 ليالي واخر شي تايلند ( بانكوك ) 3 ليالي

لان جزر ماليزيا بتغنيج عن جزر المالديف وبوكيت

انتي صممي وانا انسقلج الرحله والاماكن وابي فلووووس لوووووووووووووول اقصد دعوة مسافر حلوه

 

[aady]

انا رحت ماليزيا ماشاء الله حلوه وااااااااااايد و تسوقت و خمطت كل شى جدامى
بس يقولون ان تايلند حق العزابيه لان مافى نظافه زوود

 

[لوكريسيا]

انا رحت تايلاند مرتين و ماليزيا مرة توني رادة منها

روحي الثنتين .. كل وحدة فيها ميزات تختلف عن الثانية ..

 

[84 Miss Chocolate]

من الكويت لكوالمبور واخذي فيلا بالصن واي لاغون بمسبح خاص ليلتين

بعدين طيري لبينانج قعدي 3 ليالي وبعدين طيري للنكاوي 3 ليالي وبعدين طيري لكوامبور 4 ليالي واخر شي تايلند ( بانكوك ) 3 ليالي

لان جزر ماليزيا بتغنيج عن جزر المالديف وبوكيت

انتي صممي وانا انسقلج الرحله والاماكن وابي فلووووس لوووووووووووووول اقصد دعوة مسافر حلوه

هههههه تامرين امـــر

والله مادري مابي طيران وايد و ابي صراحه سووق و رومانسيه و جو حلو أن بسافر بفبراير و مابي حيوانات كلش ..

 

[brettey]

انا مارحت تايلاند بس رحت ماليزيا وللامانه وايد حلوه

 

[84 Miss Chocolate]

انزين اذا انا بروح كوالالمبور 5 ايام شنو الاماكن الي اروح لها ؟؟