عندج مهر وماتدرين من وين اتجهزين .. حياج

[no0o0r3]

مشكووورة على موضوعج المميز

 

[ملح بدويه]

تسلمين عالموضوع

 

[سنفوره]

صراحة الموضوع يحتاج للتثبيت حده شى الموضوع ولا يوقف

 

[الفراشه الرقيقه]

مشكووووووره ياعمري على هالموضوع

 

[فـرفـر]

موضووع بفيديني بالمستقبل

كملي

 

[هنـــد]

مشكووورة على موضوعج المميز

العفو حبيبتي

 

[هنـــد]

تسلمين عالموضوع

الله يسلمج يارب

 

[هنـــد]

صراحة الموضوع يحتاج للتثبيت حده شى الموضوع ولا يوقف

مشكوره ياعمري عالتشجيع

وان شاء اله راح اكمل

نطريني

 

[هنـــد]

مشكووووووره ياعمري على هالموضوع

العفو حبيبتي

وحياج الله

 

[هنـــد]

موضووع بفيديني بالمستقبل

كملي

تسلمين حبيبتي

بكمل ان شاء الله

 

[OM^BoJasSoM]

خووووووووووووش موضووع ... الله يعطيج العافيه

 

[نـور الكويت]

يعطيج العافيه ع الموضووع

لا يوقف لايوقف .. ثبتوه مهم وااايد يسلموو هند والله يرزقج بالرجل الصالح .. آمين يارب العالمين

 

[هنـــد]

خووووووووووووش موضووع ... الله يعطيج العافيه

الله يعافيج حبيبتي

 

[هنـــد]

يعطيج العافيه ع الموضووع

لا يوقف لايوقف .. ثبتوه مهم وااايد يسلموو هند والله يرزقج بالرجل الصالح .. آمين يارب العالمين

الله يعافيج حبيبتي

تسلمين عالدعوه الطيبه

 

[هنـــد]

الحين بنكمل :eh_s(9)::eh_s(9)::eh_s(9):

 

[هنـــد]

بدل الطلعات والملافع والعبي


طبعا محلات بالكويت شكثر حق البدل بس في بدل الصراحه ماتسوى سعرها او ماتعجبج شتسوين تأخذين خام من سوق دبي للتنانير وتفصلينهم الموديل اللي يعجبج وهم خام حق الشغلات اللي تنلبس عن عالجينز يكون لي الركبه جذي ( لازم يكون خياط فاهم عشان مايلعب بالخام )

واتروحين اتشوفين لهم بدي ولا قميص وتركبين على ذوقج

ولازم تشترين لج جينزين عالاقل وتنانير اقصار وليقينز ( حق ريلج وحق رفيجاتي لا صار عندهم يمعه )

وجينز برمودا وتنوره ميني جوب لريلج لووووووووووول

وحاولي يعني ماتكثرين من البدل مو كل مره اتروحين للسوق تشترين لج بدله يعني حددي بالضبط جم تبين 10 بدل او 7 كافي لا تزيدين اكثر من جذي وهم اطلبو لكم بدل من برى او أي دوله اتسافرين لها دبي او الخبر او مكه المكرمه ( اذا سافرتو حطو لسته حق كل دوله شنو تشترون منها )

ولا تنسون شهر العسل اذا سافرتي دول اوربا جوهم غير عنا فا اشتري لج جم شغله اتفيدج اهناك

محلات للبدل ( ستراد فيرس مانغو زارا بيرشكا كونزو انوتا اتش اند ام اوسيس )

يعني على حسب اللي تبونه

المجمعات سوق شرق مرينا الافينوز
ومجمعات اللي كلها ماركه الرايه والصالحيه
ومجمعات تلقين فيها شغلات حلوه ورخيصه النقره وسنتر بوينت

يعني تنوعين من هالمحلات

اي ولا تنسون في مشاغل بنات بمعارض رووعه وغريبه اشترو لكم بدلتين او ثلا بس اتكون غريبه وراقيه وتسوى سعرها
مو عشان من مره تندفع حق شي مايسوى

والحين العبي والملافع

خالتي اتقول دبي حدها غاليه مو شويه وخاصه الملافع عندهم والعبي انا اقول مكه والخبر احلى شي بصراحه بمكه المكرمه محل الشرقيه ومزاج ملافعهم حلوه ورخيصه والخبر شارع سويكت طبي وتخيري فيه كله ملافع روووعه ومع عبايتهم مايكلفون وايد

وخالتي قايله لها رفيجاتها بعد بالدمام ارخص من الخبر عندهم شارع اسمه الحب او مجمع مادري عندهم ملافع وعبي شارع السويكت وارخص منهم بعد

 

[هنـــد]

دراريع وبيجايم البيت وقمصان النوم

اهني لازم تنوعين من بيجايم ودراريع قصار وشغلا حلوه للبيت

وتحلصينهم بلاسنزا ونعومي و اويشو والطاهر والمحلات اللي يعرفونهم خواتكم

ومثل ماقلت محل فلة الرحيل بالايوب عندها شغلات حلوه للبيت

ومحل الطاهر عنده قميص اول لليله اشترته خالتي ب150 دينار بس كان روووعه شحلاته وناعم

وملابس داخليه وقمصان طويله وقصيره مع القميص او بدونه فسخت الحياء لووول

نوعو بلي اتحبونه واللون فريحيه احمر وردي اصفر سماوي خوخي موف

وهم دراريع البيت

فصلو عند حريم شغلات مميزه وغريبه ورخيصه بنفس الوقت لانكم تبون لكم مايقل عن 10 دراريع للبيت واتكون كشخه

وخالتي راحت للعربيد ( راح اتقولون صعبه كل من شافه )

خالتي فصلت اشكال والوان ورخيص حده انتو غيرو بالموديل مو لازم كوبي بيست وهم اللون غيرو

والله شفت شغلات طبق الاصل من شغل الحريم ولا يبعونهم على 60 و100 وموجودين بالعربيد على 17 دينار

انتو اختارو الموديل اللي يعجبكم وغيرو الالوان واللموديل يطلع غير

 

[هنـــد]

دراريع الكشخه كافي 4 دراعات

هذيلا الدرايع يكونون حق الاستقبال او احد يعزمج من اهلج

وطبعا لازم يكونون كشخه بمعنى الكلمه لانج عروووس ولازم اللي يشوفوج يشوف شي مميز وراقي عدل

يعني كل دراعه ما تقل عن 100 دينار

ولازم اتكون عالاقل دراعتين يكون سعرهم 200 وفوق

انا اشوف 4 دراريع كافي ويكون عند مصممين راقيين ومعروفين بالكويت او مشاغل معروفه بالكويت مثل مشغل بنت الحويله وانسام الخلف وريميه العذاب والخ

شكثرهم كل من يعرفهم ولازم الوحده تسأل وخاصه العروس لازم اتروح معرض وايد مو أي معرض اتروح لا

المعرض اللي اتكون فيها مصممات معروفين

وكل وحده موديل يفرق وايد عن الثانيه

وكل وحده وذوقها

 

[هنـــد]

ملابس السهره كافي 2

ملابس السهره كافي اثنين ووحده حق ثاني يوم ( اذا فيه طبعا )

ووحده حق عرس يصير بعد عرسج وطبعا الناس كلها اول ما ادشين العيون عليج لازم اتكون كاشخه ولابسج يكون مو مكرر ويدد


اللي يكون حق ثاني يوم لازم يكون مصمم معروف بالكويت والخياطين المعروفين شكثرهم منهم

برجوازيه و زهرة القاسم بيربل ديزاين و فاطمة قبازرد و شروق سالمين

وبدلة عرس حق بعد عرسج يا انج تشرينها من الكويت او من الخبر وايد ارخص وشحلاتهم

 

[كلي فخر]

هند

تسلمييين على الموضوع المفيد

والله استفدت منه


شكرااااااااااااااا لج ياقلبي