شركة الاتصالات الثالثة ... دار الاستثمار ... الخطوط الجوية الكويتية

[zeeta]

منو عندها رقم الاتصالات الثالثه

بدق بشوف متى على خير يوظفوني <<لووووول على كيفي

مليت قدمت محد راضي يدق على

لو بالجذب خل يدقون ويقولون مانبيج

بس لا اقعد انطر

 

[speed]

امبيه بنات من صجكم ؟

الطيور طارت برزاقها وانا قاعده في مكاني ... حمدالله والشكر على عمري شفييني ما تلحلحت وتحركة !! :|

بنات تقفون انا اطرش بالزفه على بالي اقدم اوراقي بديوان الخدمه واهما يحطوني في المكان الي ابيه !!! طلعت السالفه غيرر لازم اروح واودي اوراقي وما ادري شنوو ؟ زين فيدوني شسوي الحين بقدم على الكويتيه او على الاتصالات الثالثه وين اروح واقدم وشنو المطلوب .. ؟ شنو الاوراق المطلوبه مني اقدمها حق الشغل ؟

وبالنسبه حق البنك المركزي اذا بقدم فيه شلون ؟ لازم اروح له ولا اسجل بديوان الخدمه ولا شنو الطريقه ؟

 

[مفرفشة ومنعنشة]

ما انصحج بالكويتية تحسفت كثر شعرراسي غلطة حياتي والله يشهد علي نصيحة
وانا مقدمه الحين عالاتصالات وطيران الوطنية
والله يوفق الجميع يارب

لييييييييييييش ؟؟؟ اشفيها الكويتية ؟؟؟؟؟؟؟؟؟
والله يعافيج شلون التقديم على الوطنية للطيران ووين مكانها وجم رواتبهم ...

بالنسبه لفيفا أنا طلبوني وقابلوني وقبلوني<<<الله خوش قصيده:eh_s(6):
بس أنا بعدين غيرت رأيي معاشهم للجامعيه قالي 550 ومع دعم العماله والزيادات يوصل 960_وأهم يخيرونج في البدايه بين قسم المبيعات ومركز الأتصال هذا الحجي للجامعيات أما الدبلوم ماعندي فكره,,
وتقبلوا تحياتي,,,

شلون قدمتي على فيفا ومتى ... وشنو شهادتج ... وطولتي على ما قابلوج وقبلوج ولا لأ
ومشكوووووووووورة وما قصرتي

 

[مفرفشة ومنعنشة]

وينكم يا انود ويا مرررحب !!!!!!!!

 

[مفرفشة ومنعنشة]

:lkmnkl: ويـــنـــكـــم :lkmnkl:

 

[احلى@كويتيه]

بنات انا قدمت على شركة فيفا قدمت اوراقي حقي وحق ريلي

واثنينا دبلوم بس محد دق للحين تقريبا صارلي شهر او اقل شوي

يااااااااارب يقبلونا

وبنات الي دقو عليهم شنو الرقم على اساس ننتبه للرقم لانه مرات الصبح ماارد على الارقام الغريبه



ويااااااااارب يقبلونا

بس يقولون الاولويه للسعودين لانها شركة سعوديه ؟؟ صج هل كلام

 

[امل الوجدان]

ما قصرتوا كفيتوا ووفيتوا

 

[مرررحب]

عفوا أختي مفرفشه ومنعنشه ماقريت ردج إلا تو<<واي أسمج يونس

يحسس الواحد بالأنتعاش

يالحبيبه أنا ماقدمت أهم أخذوا أسمي من أعادة الهيكله ودقوا علي وشهادتي أنا متخرجه من الجامعه تخصص أحصاء

وتخصصي المساند أداره عامه وبالنسبه لمقابلتهم قابلوني وبعدها بأسبوعين بالضبط بلغوني بالقبول..

أختي أحلى كويتيه بالعكس يالحبيبه أهم يبون الكويتين وحتن مدير الشركه قال بما معناه" نحن نبحث عن الكفاءات

الوطنيه"<< والله كانا شحلاتنا أنتوا بس دقوا

أما رقمهم على ماأتذكر يبدأ 299

وعلى فكره ياحلوات أهم موظفين للحين بس 200 يعني يبون شكثر بس على مايشغلون الخدمه..

وبالتوفيج يارب للجميع
:eh_s(8):

 

[amoraa-q8]

انا قدمت على فيفا من شهر تقريبا وشهادتي دبلوم وسائط بس ماكو لا حس ولا خبر

 

[zeeta]

انزين شصار على هالشركه

بيدقون وله لا

انا قدمت مرتين

لاحس ولا خبر


ياربي اشفيهم على

 

[فـرحـه يـتـيـمـه]

والله القطاع الخاص في تعب حييييييل

تصدقون شركة فيفا لواحد من جماعتنا بس مافكرت اقدم فيها

بس حجزت رقم منهم

 

[zeeta]

الله يرزقه ان شالله و يكبر الشركه
قولي امين

والله انا قدمت عليها مرتين
بس مو راضين يدقون على

لوو يقصون على يدقون يقولون : زيتا يبه مانبيج لا تقدمين

عشان ازعل و رروح مكان ثاني لووول

 

[eLzain]

لوووووول زيتاا الله يعينج حبيبتي ميخاالف صبري شورااج لاحقه على الهم والروتين .. لا يضيق خلقج ماتدرين الله شكاتبلج

 

[مملوحة_الوصايف]

والله انا مادري شلاقين بفيفا واايد تعب خصوصا انها يديده يعني بكون عليها ضغط مو طبيعي والعنوان ماكو مقارنه بين هال3 شياب دار الاستثمار حق الكويتيه او فيفا ماكو مقارنه كلش الي محتاره بين هالاماكن لا تروح غير دار الاستثمار بس خل تسحبلها اي وزير عشان يوظفها هناك وتابع الموضوع بنفسه بعد ههههههه من كثر ماهم ما ياخذون اي احد او مو اي واسطه تنفع معاهم وموفقين ياارب

 

[مفرفشة ومنعنشة]

والله انا مادري شلاقين بفيفا واايد تعب خصوصا انها يديده يعني بكون عليها ضغط مو طبيعي والعنوان ماكو مقارنه بين هال3 شياب دار الاستثمار حق الكويتيه او فيفا ماكو مقارنه كلش الي محتاره بين هالاماكن لا تروح غير دار الاستثمار بس خل تسحبلها اي وزير عشان يوظفها هناك وتابع الموضوع بنفسه بعد ههههههه من كثر ماهم ما ياخذون اي احد او مو اي واسطه تنفع معاهم وموفقين ياارب

والله سالفة الواسطة هذي تحر :eh_s(14): اييلج واحد لاتقدير سنع ولاخبرة ولااسلوب ولاشي ويوظفونه لييييييييش لانه عنده واااااااااااسطة
حسبي الله ونعم الوكيل

 

[6moo7]

بنات (فيفا) يوظفون البدون ولا لأ ؟؟

فيفا >>> حشى الإتحاد الدولي لكرة القدم مو اتصالات :eh_s(6):​

 

[مفرفشة ومنعنشة]

بنات (فيفا) يوظفون البدون ولا لأ ؟؟

فيفا >>> حشى الإتحاد الدولي لكرة القدم مو اتصالات :eh_s(6):​

للاسف ما عندي فكرة
بس اعتقد القطاع الخاص ما عندهم مانع يوظفون الكل
المهم يقتنعون فيج

 

[مملوحة_الوصايف]

بنات بغيت اسأل الحين دار الاستثماار انا ابو رفيجتي بوظف اخوي هناك اهو ثنويه عاد قاله معاشك 450 بس عاد انا ابي اسأل 450 غير دعم العماله صح.؟ وشلووون الدوام عندهم والجو هناك يعني مكان حركه ولا هدوء شلون بليز فيدوني لانه متردد يا الاستثمار او فيفا صار نفسكم لوووول

 

[6moo7]

مفرفشة ومنعنشة

يعطيج العافية
التقديم بفندق الراية .. عدل ؟

مملوحة_الوصايف

دار الاستثمار حلـوة
كافي انها شركة اسلامية
بس سمعت ان شغل يعني شغل
ويتراوالي كل القطاع الخاص هيك
موفقة​

 

[مفرفشة ومنعنشة]

مفرفشة ومنعنشة

يعطيج العافية
التقديم بفندق الراية .. عدل ؟

​

الله يعافيج حبيبتي
إلي اعرفه ان تقديم فيفا بالراية
وهم بعد تييهم ترشيحات من برنامج اعادة الهيكلة