وسالفة التبني هذي بعد امي ملت منها لين بعدين قامت تقولنا اي متبنيتكم شتبون؟ ماتبوني روحوا الباب مبطل (والله عرفتلنا عدل)
عاد احنا نرجع غرفنا ونسد حلوجنا ونسكت
نفس الشي لي قلنالها انتي تحبين فلانه اكثر مني، ترد تقول ياخي الحب من الله شسوي انا؟ الله خلاني احب اختج اكثر منج عاد هني احنا ننفجر خخخخخخخخخخخخخ
مو مسكينه عيزت واهي تحبب وتلمم وتقولنا لا واحبكم كلكم وكلكم بناتي و و و
طفح الكيل عندها مسكينه
ام بدير
بقولج سر
قبل جم يوم يتني بنتي الوسطيه قالتلي ان اختها العوده البجر (اي توئمها والاكبرمنها بسبع دقايق) قالتلها ان اهي مو اختها وان اهم متنبينها علشان جذي اهي (اي الثانيه نمبر تو عندي واللي يايه تشتكي واللي مفروض ان متنبينها) ماتعطي اختها العوده اغراضها لان لو اهيتحب اختها العوده وتطيعها واختها من صج جان عطتها كل الوانها وتللاوينها والعابها واشرطتها
وعلشان تثبت هالشي لازم تعطيها
عاد يايتني تتقلب وتقولي يما تعالي ابي اكلمج بموضوع بدارج
قلت خير طلعت عيني قلت لايكون بلوغ بسن مبكر بسم الله ماتهنيت بالطفوله معاهم ست سنين ياوييييييييييييييليييييييييييييييي لايكون بنتي بلغت (حيث ان عندها شوارب) جان تقولي ماما صج انا مو بنتج؟ قلت نعم خير؟ ليش؟ جان تقولي ماما فلانه تقول انكم تبينتوني وعطفتو علي وانج مو امي وبابا مو ابوي وانها مو ا ختي لاني ماعطيها غراضي لاني لو اختها من صج جان عطيتها
جان اقول كدينا خييييييييييييير بدينا بالسن اياه الله يعينا ويثبتنا يارب ويثبت عقولنا لي دشو سن الجذب (المرحله التاليه)
قلتها تدرين شلون ماما؟ روحي قوليلها اتصدقين طلعت مو اختج! وان امي متبنيني وانج صح
علشان جذي ماحب اعطيج اغرااااااااااااااااضي عيل طول عمري ماراح اعطيج شي وبروح ادور اختي الصجيه وماني لاعبه وياج لانج مو اختي جان بنتي تغورق عينيها وتحمر وتصفر وتخضر وتبلوع صج انا مو بنتج؟ قلتها لا ماما هي تقولج جذي علشان تعطينها اغراضج روحي قوليلها جذي وشوفي شنو بتقولج
خمس دقايق والا يايتني تتناقز لحقي ممااااااااااماااا
يوم قلتها جذي قالتلي انا اختج العوده وغصباااااااااا عليج تلعبين معاي وتطيعيني والا بقول حق مامااااااااااااااااااااااا
بسرعه طلعت الاخوه
العبره من القصه : تراث الامهات يتناقله الابناء والبنات - كلنا متبنينين (عفيه ملجا يوزع)
(والله عرفتلنا عدل)
