تجربتي مع تحويــل المعدة ..

[ام سلطانوه]

بخبركم سالفة صغيرة انا من شهرين ما ينزل وزني واليوم رحت اكشف شو حصل شو صاير...

قاللي الدكتور مستوى السكر عندي مب متوازن وانا متعودة على الساعه 12 اتيني حالة من الرعشة هذا هبوط لأني ما اكل فواكه ولا خضار ف عادي اكل كاكاو ما يأثر علية من آكله تخوز عني الرعشة حالا وبعد ربع ساعه لازم ينزل اللي كلته لأنه من السكريات ..

مع اني كل يوم رياضه وتعب وحالة فقالي لازم قبل كل وجبة أشرب عصير اي عصير عشان يعدل مستوى السكر عندي .. وعشان تروح عني الرعشة الليلية خخخ لأنه يحتبس السكر عندي وما ينزل الوزن .. واذا ما انزلت خلال يومين او 3 ايام برد اراجعه ..

:ggdw: حبيبتى كثري من الفواكة فيها فايدة لج زين الحمد الله على هذا الحال طمنتينى عليج

 

[ام سلطانوه]

انا مشكلتى يالهواوى إن الدكتور ماخذ رقمي وهو يدق يقولى موعد العملية يعنى قاعده على اعصابى:yaaaaaarb:

 

[The Boutique]

الهواوي بالتوفيق اختي
سؤال شنو الشي اللي ازعجج فيها وايد وضايقج
والبربيش مال البول عزج الله والدم بعد العمليه ماعورج ؟؟
وخياط عمليتج كان خيط ولا كبس ولا يذوب بروحه
شعرج شلونه ؟ ماحسيتي طاح
اضطريتي تاخذين ابر لتعويض نقص الفيتامين ؟
الدكتورم اقالج الامعاء اللي يقصها شنو مصيرها بالمستقبل ؟؟

حبيبتي طولت عليج بس لان اختي تحن تبي تسويها وانا خايفه

 

[el.hwawi]

انا مشكلتى يالهواوى إن الدكتور ماخذ رقمي وهو يدق يقولى موعد العملية يعنى قاعده على اعصابى:yaaaaaarb:

ياختيه انا ما احب الفواكه ولا الخضار ابدا استغفر الله العظيم ...

عطاج موعد ولا بعده؟ هو صدق الاعصاب تخترب وانتي قاعدة تترييت

 

[el.hwawi]

الهواوي بالتوفيق اختي
سؤال شنو الشي اللي ازعجج فيها وايد وضايقج
والبربيش مال البول عزج الله والدم بعد العمليه ماعورج ؟؟
وخياط عمليتج كان خيط ولا كبس ولا يذوب بروحه
شعرج شلونه ؟ ماحسيتي طاح
اضطريتي تاخذين ابر لتعويض نقص الفيتامين ؟
الدكتورم اقالج الامعاء اللي يقصها شنو مصيرها بالمستقبل ؟؟

حبيبتي طولت عليج بس لان اختي تحن تبي تسويها وانا خايفه

الله يخليج الغالية ..

اللي ازعجني الغالية اني انا اريد اتحرك بس هم مب مخليني لازم يوم كامل متسطحة

اما عن البول والدم موووول ما حسيت فيه لين يوم قالوا لي اتحركي اتخيلي يربطولي حبل فإيدي عشان امسك مال البول على اليمين ومال الدم عاليسار ومن هالناحية ما يعوّر بس انا يوم شفت مال الدم خفت .. بعد يومين شلاه عني الدكتور..وعلى فكرة جرح العملية مووول ما بتحس فيه بس انا جبانة كل شوي اقووول بيتبطل ..

الله يسلمج الخياطة كانت بخيط لأني مسوتنها عملية منظار .. وبعد اسبوعين شلتها اميه بس انا جبانة اخاف اشوف المنطقه فكانوا حاطين لي لزقه..

شعري آآآآخ يا شعري بعد 4 شهور بدا يطيح شعري بالهبل كان واصل لركبتي وبعدين استوا اخر ظهري صدق انقهرت بعدين عطاني دوا خف علية ..وما قام يطيح شرات قبل

ابر نقص الفيتامين لا ما اخذ وانا الدكتور اللي اتعامل وياه يبا كل شي طبيعي فيه ذمة .. ما يبا يعّودني على الابر او الدوا .. كان يقولي اكثر من الفواكه والخضار والعصير ..

حبيبتي انتي ما فهمتي شو سالفة الامعاء الدقيقة انا بفهمج .. الامعاء الدقيقة يوّصلونها صوب البراز عزج الله .. يعني لو تاكلين كل انواع السكريات ينزل عن طريق البراز وما يتم في جسمج وانا وايد ارتحت من هالشي .. وانا مدمنة كاكاو بس 5 شهور ما بتطيقين تشوفينه حتى انا كملت سادس شهر وبديت أدمن لأنه اييني هبوط .. ولو آكل ما اكل غير قطعتين صغار ما بقدر اكل زيادة ..

وسلمي لي على اختج وهي مقررة ولا بعدها تتشاور؟

 

[ام سلطانوه]

لأماعطانى موعد للحين يقول هو يدق يقولى مثلا بكرة موعد دخول المستشفى جذى يعنى علشان كذا اقولج قاعده على اعصابى

 

[el.hwawi]

لأماعطانى موعد للحين يقول هو يدق يقولى مثلا بكرة موعد دخول المستشفى جذى يعنى علشان كذا اقولج قاعده على اعصابى

واهلج راضين عن العملية ولا؟ بس صدقيني من تسوينها راح ترتاحين

 

[The Boutique]

لا والله متردده

 

[el.hwawi]

لا والله متردده

خلها تستخير وتشوف نفسها اذا هي وزنها من 100 لين 150 تقدر تسويها اما اذا تحت ال 100 تراها ما تقدر

 

[sharoo_e5]

بنات والله حرام تسوها


ترا تمين العمر كلة تاخدين فيتامينا والشعر بيتساقط
وكل شى بيتغير وبتبنيين اكبر من عمرج ب 10 سنوات


والمشكلة الكبرى ما لها حل ابدا

يعنى مافى رجعة فيها الى تسويها خلاص ما تقدر ترجع عنها

 

[The Boutique]

لاحبيبتي تقدر ترد الامعاء مكانها الطبيعي
اصلا لما تنقص تتم داخل البطن
اعرف وايد رداو امعائهم مكانها

 

[Q8stylle]

انا رفيجتي مسويه وماشالله جسمعا صار يهبل

 

[كحيلانه]

مرحبا هواويه حبيت اسئل اللي فيه سكر وغدد وزنه فووق ال110 يصيرررر
لان افكر اسوويهااااا؟؟؟؟؟ تعبت من السمنه بتذبحني

 

[el.hwawi]

مرحبا هواويه حبيت اسئل اللي فيه سكر وغدد وزنه فووق ال110 يصيرررر
لان افكر اسوويهااااا؟؟؟؟؟ تعبت من السمنه بتذبحني

اختيييه بسأل لج الدكتور وبرد عليج ان شاء الله بس انتي جاوبيني ع سؤالي ويصير خير:tek:

 

[قهوة عربية]

متابعة تجربتج ....وأنا كنت مقتنعة إني أسويها ...بس مع قراءة ردود البنات كأني ترددت وخفت !!!

 

[el.hwawi]

متابعة تجربتج ....وأنا كنت مقتنعة إني أسويها ...بس مع قراءة ردود البنات كأني ترددت وخفت !!!

انتي استخيري اذا الله كاتبه لج بيصير واهم شي نفسيتج بتتغير بعد العملية اتمنى انج تفكرين وااايد قبل لا تسوينها هذي حياتج انتي اللي بتخفين وبتشوفين الفرق
الله يوفقج ان شاء الله:yaaaaaarb:

 

[قهوة عربية]

حبيبتي أنا وحدة كبيرة بالسن ...عمري بالأربعينات

وفيني سكر وضغط ....عشان جذي خفت وترددت ...لأن قالوا لي أأمن شي الحلقة أو تدبيس المعدة ....مافيها الخطورة مثل الشفط

لكن كأني بهون ....العمر مش بعزأة

 

[el.hwawi]

حبيبتي أنا وحدة كبيرة بالسن ...عمري بالأربعينات

وفيني سكر وضغط ....عشان جذي خفت وترددت ...لأن قالوا لي أأمن شي الحلقة أو تدبيس المعدة ....مافيها الخطورة مثل الشفط

لكن كأني بهون ....العمر مش بعزأة

هو كلامج صحيييح العمر مش بعزأة بس نحن اللي في ال 20 ما نروم نصك حلوجنا عن الاكل والنتيجه متينة

اما عن الحلقة انصحج لا تسوينها مل اللي سووها نزلوا 10 كيلو بس وردوا شالوها سواو شي ثاني واما عن تدبيس المعدة تراها نفس تحويل المعدة بس ناقص شي انج لو سويتي تدبيس ما راح تقدرين تاكلين سكريات طول عمرج لأنه المعده بس تكون مدبسة ومصغرة

الله يوفقج ان شاء الله وتنزلين بليا عمليات الله لا يحوجج للعمليات:yaaaaaarb:

 

[fufu1980]

مشكوره عيوني عالموضوع الحلو بس باسألك وايد تعبتي من الترجيع واذا اكلتي كميات قليله ترجعين ولا بس في حاله اذا أكلتي وايد ؟؟؟؟

 

[el.hwawi]

مشكوره عيوني عالموضوع الحلو بس باسألك وايد تعبتي من الترجيع واذا اكلتي كميات قليله ترجعين ولا بس في حاله اذا أكلتي وايد ؟؟؟؟

العفو حبيبتي ولول انا اصلا منزلة الموضوع عشان الاستفادة

هوو الصراحة تعبت منه بس الحمدلله من 3 شهور ما ارجع لاني اعرف الكمية اللي اكلها

شوفي اذا كلتي زيادة ترجعين اما اذا اكلتي لين تشبعين ما يستوي شي ومشكووورة