عربانة البيبي وكرسي السيارة بامريكا ؟!!!!

[batoulizm]

سلاااام

بنات ناويه انشالله اسافر امريكا اخر شهر 11

وبنتي عمرها 10 اشهر بتكون معاي

اخذ عربانتها معاي من الكويت وادخلها الطياره !! مو اذيه عادي !!!!!

وشلون هناك اذا باجر سياره يعطوني وحده فيها Baby car seat ??

انا بصراحه بالكويت بعدي مااستخدمته لنه يكون الي ويه البيبي لي وره (مجابله الكرسي) يعني مااقدر اشوفها

الحين اقدر استخدم لها العادي ؟!!!

واقدر أاجره مع السياره ؟.!!!!

شرايكم منو عندها خبره ؟!@@

 

[84 Miss Chocolate]

والله ما عندي فكره بالنسبة لتأجير اسياره بس عندي حقج اقتراح العربانه ضروووووووووره بس دامها صغيره في عربانه مع كرسيها تنباع بمذركير و الحين فتره تنزيلات انشاءالله عليها خصم تصير تحطين الكرسي على العربانه و لما ادزينها ايكون ويها امجابلج و عيبها الحجم عود بس خفيفه بالدز وايييييد ..

سؤال عرض ما تحسين راح اتأذيج بالسفر و الجو بارد ؟؟ انا ولدي سنتين و متردده اخذه اشراايج ؟؟

 

[batoulizm]

اي عندي ياها الحمره والسوده
بس اولا كرسي السياره لمن اركبه يصير ويها على الكشن مو لي جدام ..
ثانيا الكرسي الي فوق وايد كبير عباله
بس لو الكرسي ويهه لي جدام بالسياره هم جان ممكن

بلى بتأذيني والحين فترة تسنين يعني حنه والله يستر من الطياره

بس ابوها طاق الصدر ويبيها فيستحمل يعني راح يساعدني شوي

وطبعا بالنهايه الام الي تضحي يعني اهو يلعب مثلا او يتسبح وانتي الي بتقعدين اجابلينها

بس ميخالف قلبي مايطاوعني اخليها مااقدر على فراقها

انا مستانسه على الاجازه عشان راح اجابلها شوي

وبيني وبينج ريلي يبيها عند امه وانا ابيها عند امي فكسرنا الشر وخذيناها

 

[بطه فيها نطه]

حبيبتي ... اخذي معاك عربانه البيبي مالتك العاديه ... لا اذيه ولا شيء بالعكس

وانا اتكلم عن تجربه ... طول ماانتي بالمطار العربانه معاك مريحتك ... واول ماتوصلين

عند باب الطياره ايي المضيف المتخصص لهالسوالف ... يعطيك ليبل حق العربانه

تركبينه ... وياخذونها منك ... ويسلمونك وصل استلام ... وساعات لا

لانك بتلاقين العربانه مع الجنط .... اما بخصوص الكرسي بالطياره

اذا البيبي اقل من سنه حجزي السرير المحمول ... واذا اكبر من سنتين كرسي عادي

وهم يبولك حزام للاطفال .... والحمد الله سهاله ...

 

[rawona]

العربانه مهمه حيل .. بالمطار معاج بس حرصي وانتي اتسوين البوردينغ تقوليلهم ابي تاغ tag للعربانع يكتبون فيه رقم الرحله والوجهه وبس توصلين عند باب الطياره ياخذونها منج .. واول ما تطلعين من باب الطياره تلاقينها بره عند الباب واذا ما حصلتيها نطري اشوي على ما يصعدونها لج ..

بالنسبه للكار سيت ما انصحج تاخذين واحد من اهني لان بروحه اذيه وتقعدين تشغلين فيه من مكان لي الثاني الا اذا حاجزة حق بنتج كرسي بالطياره لازم تاخذينه وتحطينه على الكرسي وتقعدينها في بس بما ان بنتج عنونه فبتقعد بحظنج ماله داعي اتيبينه ومكاتب التأجير للسيارات يأجرونه عليكم باسعار مناسبه انا العام خذيت لبنتي واحد منهم ..

وسهالات لا تحاتين :eh_s(8):​

 

[84 Miss Chocolate]

اي عندي ياها الحمره والسوده
بس اولا كرسي السياره لمن اركبه يصير ويها على الكشن مو لي جدام ..
ثانيا الكرسي الي فوق وايد كبير عباله
بس لو الكرسي ويهه لي جدام بالسياره هم جان ممكن

بلى بتأذيني والحين فترة تسنين يعني حنه والله يستر من الطياره

بس ابوها طاق الصدر ويبيها فيستحمل يعني راح يساعدني شوي

وطبعا بالنهايه الام الي تضحي يعني اهو يلعب مثلا او يتسبح وانتي الي بتقعدين اجابلينها

بس ميخالف قلبي مايطاوعني اخليها مااقدر على فراقها

انا مستانسه على الاجازه عشان راح اجابلها شوي

وبيني وبينج ريلي يبيها عند امه وانا ابيها عند امي فكسرنا الشر وخذيناها

لالا الكرسي تقدرين اتحطين ويها اجبالج .. حطيها بالكرسي و ربطيها بحزم الكرسي و عقب حطي حزام السياره بس من ورا الكرسي و الثتني يصير عند بطنها و قفلي باب السياره من داخل القفل عشان حتى لو تعبثت ماتقدر اتبطل والله يسهل انشاءالله و ما تأذيج بس اخذي دوا التسنين و العضاضه و العاب تسليها و حاولي ما تنومينها الا بالطياره عشان ترتاحين .

 

[batoulizm]

وناااسه صج الله يطمنكم انشالله
ريحتوني
خلاص باخذ عربانتها والله يعني عليها بالطياره اي شي ينومها باخذه معاي هذا اذا فاد معاها

بطة فيها نطة

مافهمت شنو قصدج السرير المحمول شلون هذا ؟!!!



84 Miss Chocolate


تتكلمين عن الحمره والسوده مالت مذركير ؟@@
عيل بروحلهم اليوم بسألهم لأن الكتيب كان بي في هالي ويه البيبي على الكشن وحاولت ماعرفته


مشكووورين عموما على الرود والله يسهل انشالله

 

[اوركيدا]

البنات ماقصرو او بالنسبه للطياره اهما بيعطنج ياسرير ياكرسي يثبتونه بطاوله جدام كرسييج اهم شي تأكدين عليهم يقعدونج اول صفه بالطياره ..

 

[دمـوع الشـموع]

العربيه ضروريه في السفر
بالنسبه لكرسي السياره
احنا حجزنا عن طريق النت السياره وقلنا ان معنا طفل عمره 3 سنوات لما وصلنا مكتب التأجير عطونا سياره مجهزه بكرسي وكل شي
انت خبريهم بس ان معك بيبي وهم يجهزون لك كل شي شغل عدل