عورتوا قلبي على أيام طفولتي ومراهقتي المبكرة LooL..... (من حلاتها عاد نفطس من الضحك ومصدقين عمرنا!)
خل أحط لكم تقرير مفصل عن ذكرياتي:
برامج الاطفال بالتلفزيون..
البرنامج الأول : أذكر البابايات بشار وسنان وعقلة الاصبع.. ومخلص صديق الحيوان.. ورانزي و ننجا.. وغريندايزر كنت متحطمة بكوجي (حبي الأول- ياهل بالروضة مادري شعرفني بالحب :eh_s(22)
....
ومسسلات رمضان مدينة الرياح وأم الدواهي .. وأذكر مسلسل ما اعرف اسمه فيه شخصية "معزوز" مع صخلته (حده كان أرف) وقطعوا المسلسل بسبته.. ومسلسل الأسوار و العائلة حق هدى حسين.. وبعد مسلسل فريج العتاوية جنه الحلقة الثانية مادري الثالثة طفت الكهربا وطافتنا ومتنا بجي.. كنا يهال ونموت بالنزقة سحر حسين (المثل الأعلى وقتها نطبق شطانتها مع أهلنا:27d66a9c24b146327bf )..
وغانم الصالح لما سوى دعاية هارديز وجبة همبرغر الديرة !!! كلووووووووووووووووووه !!:dddds:
والبرنامج الثاني: مسلسل ماغنوم والسيارة العجيبة والحسناء والوحش.. واذكر مسلسل اجنبي بعد كنا متحطمين فيه ما اذكر اسمه بس واحد عنده شحنة كهربائية لماعية جنها حشرة وتعطيه قوة خارقة ويصير يلمع اهوة بعد !!...(مادري بنات الي تذكرة تحط اسمه ترة لي الحين ميته عليه LOL):eh_s(16):
يا حظي لا كان عندنا فضائيات ولا رسيقرات... و وين ووين... الكشخة اللي يطلع عندهم دول الخليج ولا العراق بوقتها يحطون برامج أطفال.. وطيح له فرررررررر بالأريل الفرار الرمادي اللي كلة يشوش.. لا كاشخين فيه ونتشيحط على عيال الفريج !!
المسرحيات:
مرة نهب بمسرحيات هدى حسين وحسين المنصور كانوا مسوين ثنائي.....ومرة بمسرحيات عبد الرحمن العقل ومسوي ثنائي مع رجاء محمد وكنا نموت عليها :hjy5jewf:.. وأذكر بعد منى عيسى بمسرحية سنو وايت.. صورت معاها (شكلي قمة الاناقة بالفسفوريLooooL) وشاقة الحلج من وناستي ...
ودار الزمن على الممثلات إيمان العبيدي وميعاد.... شاخبااااااااريييييييييي ....
الفيديو:
أذكر نجرة بين اليهال ناس عندهم فيديو شريط صغير وناس شريط كبير ونجرة هذا احسن .. لا هذا احسن!!! ... لا ومطيحين عند محلات الاشرطة الوسام و مركز الفنون أيام تأجير الاشرطة..وهبينا فترة بالأفلام التركية.. "ابراهيم تاتلس" مادري وين اختفى الحين.. أكيد شيب!...
صرعات الموضة:
اذكر الملابس الفسفورية من كل صوب لون يكسر العين LOL وحدنا مكيفين بالتنانير البرميل ولا البرمودا .. واللي أكبر شوي لبسوا تنورة ضيجة شوي وتنشق مادري شلون مقلقصين عمرهم فيها مع قميص مخبخب تقولين خيمة الله وكيلكم LOL... والكل بنات وشباب ما عندنا غير تكرمون هالجوتي اللي فيه رقبة مرتفعة شوي ومترسينه حبال فسفورية كل الألوان .. غير الاساور الخايسة اللي فيها دبابيس وشي جنه واير تلفون نربطه على البنطلونات المخبخبة جنه كانوا يسمونها "بقي؟!؟!؟!؟".. وبعد حمالات البنطلونات اللي على سيور وملونة!!
والشعر موضتين بس ماكو غيرهم.... اللي شعرها ناعم تقص كارية لازق جنة لاحسته صخلة من الدهن... واللي شعرها خشن بعد من قدها.. كانت اهي الأرقى على أيام موضة كشة الخروف والقذلة مسحبة بالاستشوار والتقصف ماله والي !!!!(جنه مسمين التسريحة آفرو حسب ذاكرتي؟!)
والمكياج .... حدث ولا حرج.. كل العلبة على الويه.. والشاطرة اللي تترس ألوان متنوعة أكثر... والبنات الكووول وقتها يقلدون مكياج شريهان (يعني عايشين الدور:krkrkr
!!
المدرسة:
ما نصدق تيي العطلة علشان نسافر مع اهالينا وبالسفر ما عندنا هم غير نشري اغراض واقلام وفناتق حق المدرسة!! (مقطعين الشطارة عطلة وكل همنا فيها المدرسة) ولي ردينا هم مو شبعانين.. حنة على الأهل علشان يودونا محل بيت الهدايا ولعبتي اللي بالسالمية ولا بمجمع النقرة الشمالي.. وهم كنا نشتري جلادات حق الكشاكيل(وقتها طلعت موضة تجليد الكشاكيل- مادري شهالعبط:080402ask_prv
.. و أقلامنا ومساحاتنا ومساطرنا أما على "هلو كتي" أو التوأمين البنت الوردية والولد الأزرق Twins star مادري شسمهم... ولا الأرنب بو كبوس احمر جنه اسمه ميلودي
LoooL تذكرت المذكرات اللي نوزعها على بعض ونكتب ذكرى.. وفي بعض البنات الجريئات شوي يخلون الأبلات يكتبون لهم (كان في موضة أبلات الجامعة وكنا نموت عليهم)
وقت الوناسة:
هذا بس اللي على الأٌقل ارحم من الحين اللي ما عندنا غير السوقة والمطاعم....
قبل كنا مطيحين بالشعب والترفيهية والسكيتنق... ولما فتحت الواجهة البحرية غيرنا المسار وتنقعنا بالجزيرة الخضرة.. وكاانوا مرات يسوون حفلات وهم كنا ما نطوف أي حفلة! واللي تروح تتشيحط على رفيجاتها يايبة الصور المدرسة ولا وكاتبين لها رويشد ونوال ونبيل بالمذكرة..
والعابنا رول سكيتنق بو التواير وبيت باربي وبالخش نشتري زوج باربي (كن) واحنا نتلفت من الفشلة!(وا خزيا شارين ريال؟)
وما أنسى ألعاب صخر الشواذي الثلاثة ولما نكتب تاريخ الميلاد بالميلادي يطلع لنا نفس اليوم بالهجري وما خلينا احد من العايلة ما حولنا له تاريخ ميلاده (عاجبتنا الحركة)
وعلى أيام المسجلة الكبيرة أو الهيدفون .. كنا ندور أغاني النكد.. وأذكر علقت بشريط "فهد الماص" وأدمنته فترة بس ناسية أغانية الحين! وعبد الكريم طلع شريط للأطفال عصفورة ووردة وهبينا فيه بعد!.. وتذكرت أيام الفرق .. المرجانة والدانة كانوا أشهر شي وبعدبن طلعوا فرق تانية الجوهرة وسمر والأسوار ... وأزياءهم تحفة.. يونيفورم موحد خبابوو وزانطين عمرهم بالكارافيتات !!:dddds:
وأذكر الاطفال المثقفين فينا هوايتهم القراءة LOOOOOOOOOOOOOOOOOOL يوم الاربعا جنه تطلع مجلة ماجد.. وكان عندنا قصص تان تان ومجلدات سندباد ولولو الصغيرة..
