شركة الاتصالات الثالثة ... دار الاستثمار ... الخطوط الجوية الكويتية

[مفرفشة ومنعنشة]

بنات ما تدرون شلون اقدم على شركة فيفا ( الاتصالات الثالثة ) أو دار الاستثمار أو الخطوط الجوية الكويتية
وشلون طبيعة الدوام والراتب والحوافز
يريت الي تعرف تفيدني
ملاحظة : آنا جامعية وموظفة بوزارة ( يعني عندي خبرة مو تعيين يديد )

 

[سمو]

السلام عليكم


طبعا اعلى شي بالراتب الخطوط الجويه ....بس


واسطه علشان تاخذين الطلب ..


وواسطه علشان تدشين امتحان المستوى...



وواسطه علشان يقبلونج حت لو يبتي بالامتحان 100/100



والله يسهل امورج وامورنا

 

[xxxx7]

سمو ماتعرفين جم معاشات الكويتيه

يعني تعيين يديد وبكالوريوس حاسب الي جم يكون معاشي اول ماتعين

 

[DraMa._.QueeN]

معاشاتهم ماعرف جم
بس اللي أعرفه ان دوامهم شفتات
يوميين صبح من 6-2
يومين عصر 2-10
يومين ليل من8-6 الصبح
يومين أووف

انة بعد ودي أروح عندهم بس مالي خلق دورات تدريبية

 

[zeeta]

اللي تعرف عن الاتصالات الثالثه
جان زين تفيدنا

انا قدمت مرتين قبل رمضان و الخميس اللي طاف 16\10

محد دق على

لا تقولون واسطه ..

 

[DraMa._.QueeN]

انا سمعت انهم يبوون كويتيين
روحي لهم الأدارة مالتهم
شركة يدييدة أكيد يبووون

 

[xxxx7]

ما انصحج بالكويتية تحسفت كثر شعرراسي غلطة حياتي والله يشهد علي نصيحة
وانا مقدمه الحين عالاتصالات وطيران الوطنية
والله يوفق الجميع يارب

عنود انتي تتكلمين عن المضيفات بالكويتيه ولا بشكل عام

ماتعرفين شي عن قسم نظم المعلومات (قسم الكمبيوتر) الي بالكوتيه زين ولا لا حابه اتوظف مناك لنا شهادتي علوم كمبيوتر ولا ماتنصحين فيهم.

 

[كويتية86]

عاد انا ودي اروح اسال عن شركة فيفا لان قالولي دوامه لي 4 و معاشهم 500 غير دعم العمالة و بعد شنو اممم اي التسجيل بالراية واااي بنات الي تعرف اي شي عن الشركة خل تفيدنا

 

[zeeta]

التقديم في فندق الرايه .. مو في المجمع

الطابق الاول

راح تشوفين واحد قاعده بس ياخذ الاوراق

هذي مهنته .. ويقول ان شالله اندق عليج


كويتيه
ال500 حق البكالريوس وله الدبلوم؟؟

 

[مرررحب]

بالنسبه لفيفا أنا طلبوني وقابلوني وقبلوني<<<الله خوش قصيده:eh_s(6):
بس أنا بعدين غيرت رأيي معاشهم للجامعيه قالي 550 ومع دعم العماله والزيادات يوصل 960_وأهم يخيرونج في البدايه بين قسم المبيعات ومركز الأتصال هذا الحجي للجامعيات أما الدبلوم ماعندي فكره,,

وتقبلوا تحياتي,,,

 

[سمو]

سمو ماتعرفين جم معاشات الكويتيه

يعني تعيين يديد وبكالوريوس حاسب الي جم يكون معاشي اول ماتعين

حبيبتي مادري والله ...بس اهي اعلى معاشات ووراها شركات النفط

 

[سمو]

عنود انتي تتكلمين عن المضيفات بالكويتيه ولا بشكل عام

ماتعرفين شي عن قسم نظم المعلومات (قسم الكمبيوتر) الي بالكوتيه زين ولا لا حابه اتوظف مناك لنا شهادتي علوم كمبيوتر ولا ماتنصحين فيهم.

انا شايفه مكان قسم الكمبيوتر ...وايد حلو وهادي ...بس عندهم البريك محدد يعني مثلا ساعه وتردين مكانج

 

[xxxx7]

مشكوه سمو وايد استفدت منج

انزين ميخالف سمو اخر سؤال

شنو فيها لو تخصصت الكويتيه هم زين والوطنيه ودار الاستثمار وفيفا كلهم قطاع خاص شنو الي مو حلو فيها يريت اتقوليلي الشغلات الي مو حلوه لو اشتغلت فيها بعد ماتتخصص الكويتيه.

وشسمه قسم الكمبيوتر ماتدرين من متى لي متى دوامهم وتقريبا جم يكون معاشي لو تعينت عندهم ولو توظفت عندهم شغلي يكون بس بالمكتب الرئيسي ولا في اماكن ثانيه اشتغل فيها.

ومشكوره بس جاوبيلي بلي اتعرفينه بهالاسئله واسفه لو ازعجتج معاي

 

[سمو]

مشكوه سمو وايد استفدت منج

انزين ميخالف سمو اخر سؤال

شنو فيها لو تخصصت الكويتيه هم زين والوطنيه ودار الاستثمار وفيفا كلهم قطاع خاص شنو الي مو حلو فيها يريت اتقوليلي الشغلات الي مو حلوه لو اشتغلت فيها بعد ماتتخصص الكويتيه.

وشسمه قسم الكمبيوتر ماتدرين من متى لي متى دوامهم وتقريبا جم يكون معاشي لو تعينت عندهم ولو توظفت عندهم شغلي يكون بس بالمكتب الرئيسي ولا في اماكن ثانيه اشتغل فيها.

ومشكوره بس جاوبيلي بلي اتعرفينه بهالاسئله واسفه لو ازعجتج معاي

شوفي صراحه مادري عن معاشاتهم جم بالضبط بس مثل ما قلتلج اعلى معاشات ...بس عندهم الشغل شغل ..حال الشركات اللي معاشاتهم قويه ...يعني مو هدد مثل الوزارات ..وما يعتمدون على توقيعج بالحضور ..لالا فوقج مسؤول يفتر قاعده بمكتبج ولا لا ...واتوقع دوامهم للساعه 3 لان رفيجتي كانت هناك ..وقسم الكمبيوتر بالمكتب الرئيسي


بس بقولج شغله وللبنات كلهم ...اللي تبي المعاش القوي ...تتحمل طول مدة الدوام ..وتتحمل قوانين الدوام

 

[xxxx7]

مشكوره سمو

 

[سمو]

حياج عزيزتي ...وان شاء الله تتوظفين بالمكان اللي يريحج اهم شي

 

[مستشاره قانونيه]

مايمدحون دوام فيفا رفيجتي اهناك تقول حتى اليمعه والسبت تداوم مالهم شغل بالاووف غير عنا ودوامها من الصبح لي الساعه 5 وعادي يطلعون مرات ساعه 6 ماصارلها شهرين تقول وااااااااايد تعب ..


اما الباجي ماعندي علم فيها

بس التقديم بفندق الرايه الدور الاول

 

[xxxx7]

مايمدحون دوام فيفا رفيجتي اهناك تقول حتى اليمعه والسبت تداوم مالهم شغل بالاووف غير عنا ودوامها من الصبح لي الساعه 5 وعادي يطلعون مرات ساعه 6 ماصارلها شهرين تقول وااااااااايد تعب ..


اما الباجي ماعندي علم فيها

بس التقديم بفندق الرايه الدور الاول

احسلها واللله تتعب الحين وكلها سنه سنتين او ثلاث سنين وشوفي شتصير على قسمها لنا توها شركه يديده واهيا تكبر مع شركتها وشوفي شلون وضعها بصير بعدين بالشركه.... اللله يوفقها

وانشااااللله الله يكتبلي وحصلي فرصه فيها بقسم it

 

[كويتية86]

بالنسبه لفيفا أنا طلبوني وقابلوني وقبلوني<<<الله خوش قصيده:eh_s(6):
بس أنا بعدين غيرت رأيي معاشهم للجامعيه قالي 550 ومع دعم العماله والزيادات يوصل 960_وأهم يخيرونج في البدايه بين قسم المبيعات ومركز الأتصال هذا الحجي للجامعيات أما الدبلوم ماعندي فكره,,

وتقبلوا تحياتي,,,

مرررحب شالفرق بين قسم المبيعات و مركز الاتصال شنو الاحسن؟

 

[مرررحب]

والله حبيبتي أنا أخترت المبيعات عشان تعاملي مع العملاء مباشره يعني مثل الي تشوفينهم بزين

والوطنيه يستقبلون دفع الفواتير ولهم بالمبيعات ويكون لج نسبه من المبيعات,,

أما مركز الأتصال هذولي تعاملج مع العميل يكون بس بالتليفون بس ماأعرف عنهم أكثر,,

وأتمنى فدتج بالي أقدر عليه,,