اعيالج بمدارس انجليزيه؟ حياج ويانا

[طيبة الكويتية]

سلام عليكم خواتي
ببدي بنفسي و اعيالي
اعيالي في مدرسه الشويفات في الامارات, بمراحل KG 1 , KG 2
ماشاءالله مدرستهم وايد قويه في التأسيس. الطالب يتخرج من كي جي 1 و اهو يعرف يكتب الحروف اللانجليزيه و العربيه كلهم و يعرف كلمات وايد هذا غير القراءه.
و عندهم كتب وايد في هالمرحلتين. كتابين رياضيات. كتاب للأشكال الهندسيه و الألوان, كتاب للكلمات, كتابين للأحرف الانجلزيه و كلمات تبدي بكل حرف. و كتابين للعربي. غير كتب القراءة و كتاب الخط.
وايد اهتم انه اعيالي يكونون متميزين في المدرسه من جذي اسوي لهم اوراق عمل في البيت , او اطبع لهم اوراق من النت, او اشتري لهم كتب خارجيه ندرس و نلعب فيها بنفس الوقت.

انتوا شنو تسوون مع اعيالكم و شنو ياخذون في مدارسهم؟ خلونا نتشارك ويا بعض. و اي وحده منكم عندها مواقع زينه لليهال تحطها.

هذول جم موقع استعملهم مع ولدي الكبير لأنه يعرف حق الكمبيوتر اشويه
http://www.funbrain.com/

http://www.starfall.com/

http://www.kidzone.ws/

http://www.thekidzpage.com/learninggames/learningonline.htm

و فيه مواقع ثانيه آخذ منها اوراق عمل و هذا اهمهم

http://www.tlsbooks.com/

http://www.kidzone.ws/

خلونا نساعد بعض على تميز اعيالنا. و حياكم

 

[qa6wa_q8]

انا بكون اول من يجااوبج انا اعيالي ببلعالميه الانجليزيه مستوى المدرسه الحمدالله المدرسين كلهم انجليز وامريكيين اعيالي يدرسون مع الانجليزي الفرنسي والحمدالله خطتهم بلدرااسه حلوه وشنوو بعد مممممممممممممم

 

[كويتية أصيله]

عجني توقيعج .وأحنا بعد نحب الإمارات وهلها...ومشكورة على المواقع .....آنا عيالي توني ناقلتهم مدرسه جديده والله المستعان

 

[ريماا]

هلا فيج وهلا باهل الامارات
انا عيالى بعد ب kg 1 , kg 2
المدرسة كتاسيس زينة ودراستهم حلوة بس الاطفال مستويات وقدرات ولدى الكبير معذبنى اشوى يكرة الكتابة فكرت هاليومين ايبلة مدرسة تأسسة بس مومحصلة فقلت اشمر عن ذراعى وانا احاول
مشكورة عالمواقع

 

[وافية*]

مرحبا بنات انا عيالي بمدرسة ثنائية اللغة والحمدللة مستواهم حلو
عندي هالموقع عجيب انشاللة يفيدكم فية اغاني الاطفال الانجليزية ويحبونة حيل عيالي
تفضلوا.......
http://www.britishcouncil.org/kids-songs-traditional.htm

 

[وافية*]

وهذا لتعليم القراءة بالنجليزي
http://www.starfall.com/n/level-a/learn-to-read/load.htm?f

 

[سيدة الكويت]

جزاج الله خير ما قصرتى بس يالله نحل معاهم واجباتهم بالعطل نخليهم بالويك اند يشفونهم

عفيه ما عندج مواقع عربى ((( خاصه جدول الظرب))

 

[بواسم]

خواتي انا الاحظ الي مدارسهم اجنبية يكونون اضعاف فب مادة اللغة العربية والي بمدارس الحكومة ضعاف بالانجليزي يعني الواحد يحتار
بين المدارس بس باعتقادي احسن شيء المدارس ثنائية اللغة . شرايكم ؟
والي تبي اي موقع عن اي شيء ممكن تكتب بالجوجل ويفتح الالف المواقع .

 

[LuLiTa]

اخت بواسم : الانجليزية صارت لغة العصر و اهي اللي يدرسوونها بالجامعة و الدنيا كل مالها يصير كل شي فيها بالأنجليزي
المداارس الأنجليزية تنفعهم حق دراستهم و مستقبلهم و بالنسبة للعربي ممكن اتييبن لهم مدرسين بالبيت و اهم شي انه يقدروون يقروون القراان لأنه اصل اللغة العربية و فنونها كلها فيه

 

[ام مضاوي]

انا بنتي توها صغيره

بس من السنه اليايه بعد ماتكمل سنتين ونص
بكون مظطره استقر فتره ببريطانيا وبدخلها حضانات هناك
وبراعي يكونون معاها يهال خليجيين

وووووووو وعندي عيال خالتي توأم كانو بمدرسه باولى ابتدائي واااااااايد موزينه
اول سنه انجحو بالشهاده امتياز واهم مايعرفون شي
السنه الي فاتت دخلتهم كيمبردج وماشاءالله وااااااااااااايد فرقو معاي حتى يوم اخاطبهم
ومشو فيها والسنه بثالثه

وووووو مشكورين عالمواقع شكلي بعرضهم عليهم يستفيدون منها

 

[هيونه1]

مشكورين ع المواقع الحلوه حبايبي بس اشرايكم في الي ادخل عيالها مدارس انجليزيه بالروضه تالي تحطهم مدارس عاديه سواء خاصه او عامه ؟

 

[ام الحارث]

انا بكون اول من يجااوبج انا اعيالي ببلعالميه الانجليزيه مستوى المدرسه الحمدالله المدرسين كلهم انجليز وامريكيين اعيالي يدرسون مع الانجليزي الفرنسي والحمدالله خطتهم بلدرااسه حلوه وشنوو بعد مممممممممممممم

يا قطوة يا حلوة ..انا شكلي وراج وراج ..(( بس على فكرة انا احس ان فيج مني وايد )):tomato2:

شلونها المدرسة بشكل عام قوي مستواها .. ؟؟ وما يدرسونهم عربي كلش ؟؟؟

ووين مكانها ؟؟؟ وجم رسومها ؟؟؟

دوختج بالاسئلة .. بس تحمليني حبيبتي لان عيالي الحين في مدرسة روض الصالحين ثنائية اللغة ,,
كانت قوية بس الحين بدى يقل مستواها وصاروا يقبلون اي احد عكس اول ...

 

[طيبة الكويتية]

انا بكون اول من يجااوبج انا اعيالي ببلعالميه الانجليزيه مستوى المدرسه الحمدالله المدرسين كلهم انجليز وامريكيين اعيالي يدرسون مع الانجليزي الفرنسي والحمدالله خطتهم بلدرااسه حلوه وشنوو بعد مممممممممممممم

هلا والله فيج اختي و آسفه جدا على التأخير بالرد و اهمال الموضوع
كنت مسافره و تونا رادين قبل يومين بس.

و ماشاءالله زين انج مرتاحه بالمدرسه و اعيالج بعد, و خوش شي يعطونهم فرنسي, اعيالي ليما الحين يمكن ليش انهم صغار و بعدين ان شاءالله راح يخيرونهم اي لغه راح يختارون.

الله يوفق اعيالج يارب

 

[طيبة الكويتية]

عجني توقيعج .وأحنا بعد نحب الإمارات وهلها...ومشكورة على المواقع .....آنا عيالي توني ناقلتهم مدرسه جديده والله المستعان

حياج بينا اختي
و لا شكر على واجب. و ما قلتي اي مدرسه ناقله اعيالج؟ ووين كانوا و شنو اللي ما حبيتيه في مدرستهم القديمه و خلاج تنقلينهم؟

ادري حنانه بس ميخالف ابي الكل يشارك.

 

[طيبة الكويتية]

هلا فيج وهلا باهل الامارات
انا عيالى بعد ب kg 1 , kg 2
المدرسة كتاسيس زينة ودراستهم حلوة بس الاطفال مستويات وقدرات ولدى الكبير معذبنى اشوى يكرة الكتابة فكرت هاليومين ايبلة مدرسة تأسسة بس مومحصلة فقلت اشمر عن ذراعى وانا احاول
مشكورة عالمواقع

اهلين ريما
اول شي ما قلتي اعيالج في اي مدرسه؟ و زين تسوين انج تدرسين ولدج بنفسج احسن له, والله ماراح تلقين احن منج على ولدج و احد فاهمه اكثر منج. و حاولي معاه و راح يتعود.
ولدي الكبير عندي نفس الشي ماشاءالله يكتب بس كله ماله خلق و يقولي تعبت لكن اتم وراح لين اشوفه يكتب عدل.

و على فكره والله انا كويتية :q8: مو اماراتيه, لكن زوجي و اعيالي الله يحفظهم لي اماراتيين. و صارلي بالامارات الحين 6 سنوات.

 

[طيبة الكويتية]

مرحبا بنات انا عيالي بمدرسة ثنائية اللغة والحمدللة مستواهم حلو
عندي هالموقع عجيب انشاللة يفيدكم فية اغاني الاطفال الانجليزية ويحبونة حيل عيالي
تفضلوا.......
http://www.britishcouncil.org/kids-songs-traditional.htm

هلا والله وافيه
و تسلمين الغالية على الموقع ما قصرتي. اي ثنائيه بين مدارس الكويت اعيالج فيها؟ علشان الكل يعرف شنو المدارس الزينه و يبتعدون عن اللي مو زينه.

 

[طيبة الكويتية]

وهذا لتعليم القراءة بالنجليزي
http://www.starfall.com/n/level-a/learn-to-read/load.htm?f

مشكوره مره ثانية

 

[طيبة الكويتية]

جزاج الله خير ما قصرتى بس يالله نحل معاهم واجباتهم بالعطل نخليهم بالويك اند يشفونهم

عفيه ما عندج مواقع عربى ((( خاصه جدول الظرب))

هلا والله
الله يكون بعونج يارب و يسهل امور اعيالنا يارب.
اعيالي الحمدلله ما يعطونهم واجبات, كل شي يسوونه في المدرسه لأنه يداومون من الساعه 8 لي 3 و شي العصر. يعني عندهم وقت طويل يحلون و المدرسات يجابلونهم عدل.
اذكر حتى المسؤوله عن الكي جي السنه اللي طافت تقولي لا تدرسين اعيالج في البيت خلي كل شي على المدرسه اهم شي بس حسسي الطفل في البيت انج ولهانه عليه و خليه يلعب مو اكثر.
لكن ما اقدر ما ادرسهم و الله لازم اقرا وياهم اسألهم بالكلمات الانجليزيه اللي خذوها و الارقام و جذي, هذا غير الأوراق اللي اسويها لهم و نحلها ويا بعض.
و بالنسبة لمواقع الضرب من عيوني ادور و احط لج.

 

[طيبة الكويتية]

خواتي انا الاحظ الي مدارسهم اجنبية يكونون اضعاف فب مادة اللغة العربية والي بمدارس الحكومة ضعاف بالانجليزي يعني الواحد يحتار
بين المدارس بس باعتقادي احسن شيء المدارس ثنائية اللغة . شرايكم ؟
والي تبي اي موقع عن اي شيء ممكن تكتب بالجوجل ويفتح الالف المواقع .

اختي بواسم
والله ما ادري شنو اقولج, لكن الضعف باللغه يعتمد على البيت. يعني انا اشوف انه اهم شي انه الواحد يعرف يقرا و يكتب عربي علشان لما يقرا القرآن, غير جذي العربي ماله استخدام في حياتنه اليوميه لأنه نستخدم العاميه.
اما الانجليزي فصار الحين اهو المسيطر على كل شي. وين ما تروحين يطلبون انجليزي. حتى التدريس بالجامعات صار بالانجليزي.
الله يعين بس

 

[طيبة الكويتية]

اخت بواسم : الانجليزية صارت لغة العصر و اهي اللي يدرسوونها بالجامعة و الدنيا كل مالها يصير كل شي فيها بالأنجليزي
المداارس الأنجليزية تنفعهم حق دراستهم و مستقبلهم و بالنسبة للعربي ممكن اتييبن لهم مدرسين بالبيت و اهم شي انه يقدروون يقروون القراان لأنه اصل اللغة العربية و فنونها كلها فيه

معاج باللي قلتيه كله و ممكن اكون نقلت اللي كاتبته لأنه يقول اللي ابيه.

مشكوره على المشاركه