تجمع للمسافرات لامريكا هالصيف

[nawnaw]

والله عدل كلامج .. انا الريزورت اللي سكنت فيه اول مره انغشيت فيه حطونا بشقق حلوه وبصراحة للامانة معاملتهم وايد زينه واستانسا بالهاربر مالهم وصج الطريج اشوي لج عليه بس اهو السكة مالته جذي اما الشارع الرئيسي ماله bronson memorial Hwy كل شي فيه تقريبا ..

هالسنة لوع جبدي وتحسفت قد شعر راسي اني يته مره ثانية عاد انا نوعي ما احب اكرر نفس الفندق احب اشوف فنادق يديده بس شسوي ريلي قال هالمره اليهال اثنينهم ويانا واكيد بيستانسون بالهاربر والووتر بارك مالت الفندق "طل" اصلا ما طبينا ولا مره وحطونا بشقق قديمه لوعه ومافي روم سيرفس يوا مره وحده بس طول فترة اقامتنا ..

وشفت الماريوت بعد وايد حلو بس انا عجبني حيل الهيلتون غراند اللي يم السي وورلد والبريميوم اوت لت دخلته وشفت الريزورت مالهم حده نظيف وراقي وتحسين بنظام الفندقة فيه حتى لو شقة ..
وترى على فكره انا دخلت اكسبيديا وحطيت تواريخ الصيف الياي للهيلتون طلعليavailablel والون بيد روم مع الجاكوزي ب $169 لليلة بس جنه الغرفتين مو متوفره انا بالنسبة لي اعيالي 2 ويهاااااااااال 2 و 4 سنوات فون بيد روم اوكي لي ..

يالله الواحد يتعلم من اسفاره وكل مره يكتشف شي غير :eh_s(6):
​

هلا روانا
صح انا كنت ادور2 bed room villa وما كان فيه .... الشقه ام غرفه وحده موجوده ... بس لان انا عندي 3 يهال 9 و6و4 ..فما راح يكفينا .... بس ان شاء الله اذا كتب الله لنا روحه يا ماريوت جراند فيستا او شيراتون فيستانا ريزورت بس ناكد عليهم يحجزون لنا علي lakes villas هذا الجزء المجدد اللي حطونا فيه بعد ما سوينا لهم سالفه ...وتبين الصج وللامانه ..ريلي وعيالي وايد حبو الشيراتون عن الماريوت لان فيه 7 حمامات سباحه كلهم فيهم زحلاقيات والعاب ..يعني اونس من الماريوت بس ادارتهم زفت

 

[rawona]

هلا روانا
صح انا كنت ادور2 bed room villa وما كان فيه .... الشقه ام غرفه وحده موجوده ... بس لان انا عندي 3 يهال 9 و6و4 ..فما راح يكفينا .... بس ان شاء الله اذا كتب الله لنا روحه يا ماريوت جراند فيستا او شيراتون فيستانا ريزورت بس ناكد عليهم يحجزون لنا علي lakes villas هذا الجزء المجدد اللي حطونا فيه بعد ما سوينا لهم سالفه ...وتبين الصج وللامانه ..ريلي وعيالي وايد حبو الشيراتون عن الماريوت لان فيه 7 حمامات سباحه كلهم فيهم زحلاقيات والعاب ..يعني اونس من الماريوت بس ادارتهم زفت

يالله لاحقين خير انشالله..

انا حاليا منطمة مااقدر اتكلم عن السفر عند ريلي لانه بيزطني لووووووووول ناطره بو 3 او 4 اشهر بالله اكلمه اهو كل مره يزفني لا يبت طاري السفر وانا اساسا متعوده على السفر على طول من بيت اهلي مااقدر اغير طبعي واهو مايبيني اييب طاري السفر بس عرفتله الحين اذا سكت اهو اللي يفتح الموضوع لووول يالله انشالله تنكتب لنا وياكم ولكل البنات روحة السنه اليايه :tomato2:​

 

[nawnaw]

يالله لاحقين خير انشالله..

انا حاليا منطمة مااقدر اتكلم عن السفر عند ريلي لانه بيزطني لووووووووول ناطره بو 3 او 4 اشهر بالله اكلمه اهو كل مره يزفني لا يبت طاري السفر وانا اساسا متعوده على السفر على طول من بيت اهلي مااقدر اغير طبعي واهو مايبيني اييب طاري السفر بس عرفتله الحين اذا سكت اهو اللي يفتح الموضوع لووول يالله انشالله تنكتب لنا وياكم ولكل البنات روحة السنه اليايه :tomato2:​

ويييييييييييي يا روانا
انا كلش ما اعتقد ان في مجال سفره .....
ودي ... بس ما اعتقد
واذا صار ...يمكن نورث كارولينا .. صراحه عجبتنا . مرينا عليها واحنا في طريجنا من سموكي ماونتن الي اورلاندو ..وصراحه عجبتنا
بس كلش ما اعتقد ان بنروح الصيفيه اليايه ابدا

 

[rawona]

ويييييييييييي يا روانا
انا كلش ما اعتقد ان في مجال سفره .....
ودي ... بس ما اعتقد
واذا صار ...يمكن نورث كارولينا .. صراحه عجبتنا . مرينا عليها واحنا في طريجنا من سموكي ماونتن الي اورلاندو ..وصراحه عجبتنا
بس كلش ما اعتقد ان بنروح الصيفيه اليايه ابدا

والله بيني وبينج السفر مكلف .. خاصة اذا عيالج اكبروا وزادو .. وانا مستغلة هالفترة ليش اليهال بعدهم اصغااار بس ادري بس ادش العوده الابتدائي السنة الياية السفر بيصير كل 2-3 مرة .. انا الود ودي كله طايره لووول شنسوي بعد هذي الدنيا.. بس اطلب الله يعطينا الصحة والعافية وطولة العمر وكل شي لاحقين عليه انشالله وانا بعد ما اضمن في سفرة السنة الياية واللي الله كاتبة بيصير انشالله ​

 

[nawnaw]

والله بيني وبينج السفر مكلف .. خاصة اذا عيالج اكبروا وزادو .. وانا مستغلة هالفترة ليش اليهال بعدهم اصغااار بس ادري بس ادش العوده الابتدائي السنة الياية السفر بيصير كل 2-3 مرة .. انا الود ودي كله طايره لووول شنسوي بعد هذي الدنيا.. بس اطلب الله يعطينا الصحة والعافية وطولة العمر وكل شي لاحقين عليه انشالله وانا بعد ما اضمن في سفرة السنة الياية واللي الله كاتبة بيصير انشالله ​

اي والله لاحقين خير ان شاء الله
وما تدرين الله شو كاتب لنا...
والحين عقب ما صار رمضان بالصيف بعد ماكو سفر بالصيف ... لا انا ولا ريلي نفكر ان نرمض بره
فيمكن نحول سفرتنا الي شهر 12 مع عطله اليهال ... وانا حابه امريكا هالحزه ..سافرت مره هالحزه امريكا ..صراحه وايد احلا من الصيف
جو الهالوين ..وجو thanx givin وجو الكريسمس والزينه ..........واي حيل تشوقت
انا رحت لوس انجلوس ولاس فيغاس بهالفتره ...الجو اينن ..
لوس انجلوس كلش مو برد احر من الكويت ... ولاس فيغاس موت برد .

 

[Queen-q8]

روونا يا ليت تحطيت اسم الهيلتون اهو هيلتون قاردن والا قارند

تصدقين قبل فترة طحت على سايت اسعاره عجيبة بس تصدقين الحين ادوره مو لاقيته

اما الريزورت اللي سكنتيه لقيته بسعر خيالي يعني مو اكثر من 80 $ بس لانج ما مدحتيه ترددت مع انه 4 ستار بس صوره ما تشجع
الشيراتون والماريوت حلوييين بس اسعارهم وايد مرتفعه بالفترة اللي ناوية اروح فيها فشلتهم عن بالي

عطوني اسامي حق اوتيلات او ريزورتات وايد حلوة واسعارها مقبولة

 

[rawona]

اي والله لاحقين خير ان شاء الله
وما تدرين الله شو كاتب لنا...
والحين عقب ما صار رمضان بالصيف بعد ماكو سفر بالصيف ... لا انا ولا ريلي نفكر ان نرمض بره
فيمكن نحول سفرتنا الي شهر 12 مع عطله اليهال ... وانا حابه امريكا هالحزه ..سافرت مره هالحزه امريكا ..صراحه وايد احلا من الصيف
جو الهالوين ..وجو thanx givin وجو الكريسمس والزينه ..........واي حيل تشوقت
انا رحت لوس انجلوس ولاس فيغاس بهالفتره ...الجو اينن ..
لوس انجلوس كلش مو برد احر من الكويت ... ولاس فيغاس موت برد .

ناو ناو انا عشت فترة دراستي بامريكا ومريت باجواء هالوين والثانكس غيفينغ والكريسماس وانا عندي احلى فترة اهي الكريسماس عجيبه واجواء الاعياد على قولتهم تونس .. والله اياااااااااام .. وانا كنت عايشة بمتشغن الجو برد موووووووووت بهالفتره سنو مو طبيعي واذكر بس تصير عطلة السبرينغ بريك شهر 3 انحاش انا وريلي من الولاية ندور اي مكان دافي مره رحنا هاواي ومره رحنا فلوريدا ومره رحنا شيكاغو بس كانت بارده بعد .. ومره نزلنا بهالفتره الكويت لوول كانت اقصر عطلة بالكويت 10 ايام بس لان السيبرينغ بريك مدته اسبوع بس ..

والله حابه وايد اروح كاليفورنيا ولاس فيغاس بس شكلي بانطر سنتين او 3 ابي اليهال اكبر وافهم اشوي ويتحملون التنقل .. وعلى قولتج اذا صار رمضان بالصيف ماكة سفر بعد الا بعطلة الربيع وانشالله خير ​

 

[rawona]

روونا يا ليت تحطيت اسم الهيلتون اهو هيلتون قاردن والا قارند

تصدقين قبل فترة طحت على سايت اسعاره عجيبة بس تصدقين الحين ادوره مو لاقيته

اما الريزورت اللي سكنتيه لقيته بسعر خيالي يعني مو اكثر من 80 $ بس لانج ما مدحتيه ترددت مع انه 4 ستار بس صوره ما تشجع
الشيراتون والماريوت حلوييين بس اسعارهم وايد مرتفعه بالفترة اللي ناوية اروح فيها فشلتهم عن بالي

عطوني اسامي حق اوتيلات او ريزورتات وايد حلوة واسعارها مقبولة

ما انصحج فيه كلش .. شوفي الماريوت او شيراتون فيستانا اخذي فنادق معروفة وايد افضل وانا يوم حجزت الريزورت كان باكيج (تذاكر+ فندق+ سيارة) فمادري جم كان سعره بالليلة بالضبط .. ​

 

[nawnaw]

تبين الصج ياروانا....
انا خبري اب هاواي بشهر العسل ...رحت هونولولو ورحت ماوي ... هونولولو حلوه بس تشبه اي سيتي عاديه ...
اما العجيبه ماوي عجيييييييييبه اتينن...وايد حلوه
وانا ميته اروح لها ..بس مومالت اروح لها مع اليهال ... وبنفس الوقت طريجها طويل مومال اخلي اليهال مده طويله
بس بخليها للمستقبل ..اذا كبرنا انا وريلي وتقاعدنا
لووووووووووووول
وشيبنا
ههههههههههه
نروح هاواي ..اواذا كبرواا عيالنا وصاروا بالتعش يعني شايلين روحهم...
لان والله طعم ماوي بحلجي ...ما شبعت منها ,,مع ان قعدنا فيها 10 ايام

 

[nawnaw]

ورحت جزيرهbig island اللي فيها البركان ..الجزيره مافيها شي الا البركان ...وركبنا الهليكوبتر فوق البركان
وبس ...يعني كلش ماتسوي...والمده اللي قعدنا فيها يوم واحد ,,,رحنا الصبح ورجعنا بالليل

 

[rawona]

ورحت جزيرهbig island اللي فيها البركان ..الجزيره مافيها شي الا البركان ...وركبنا الهليكوبتر فوق البركان
وبس ...يعني كلش ماتسوي...والمده اللي قعدنا فيها يوم واحد ,,,رحنا الصبح ورجعنا بالليل

لووول انتوا نفس حالاتنا مخلين هاواي لمشروع التقاعد

انا رحتلها بشهر العسل بعد وكنت طالبه بامريكا فزرقنا 10 ايام حق جزيرة كواي kuaui مادري شلون تنكتب واذكر ريلي سأل AAA عن احسن جزيرة بهاواي حق شهر العسل قالتله ماوي حلوه وايد بس انا افضل كواي حق شهر العسل لانها اهدى واحلى حق معاريس "وريلي خذا كلامها" انا ماكنت وياه اهوا كان مسويها لي مفاجأه ..

شوفي الجزيرة وايد هاديه ومو كبيرة اذكر رحنا رحلة بحرية حزة الغروب وشفنا الحيتان والدلافين ..

ومرة رحنا مزرعة جوافا ورحنا مزرعة فيها خيل وحجزنا حق رحلة ركوب الخيل وكانت ممتعة مرينا بمناظر عجيبه وودونا صوب شلال وقالوا اللي يبي يسبح يسبح بس الماي كان بارد صج كنت حزتها مو متحجبه بس ماكان في مايوه اسلامي فما سبحت لوول ..

واكثر شي فيها مناظر طبيعيه وديان وجبال ومزارع وطبعا البحر مو طبيعي ورحنا شفنا بعض الكهوف واذكر يوقهم عجيب الذ ريوق كليته بحياتي .. وطبعا السي فوود طفحنا اهناك كنه ..

ماكان فيها سوق كانت بدائية بس اذكر فيها وول مارت وعندهم ماركت بلايس فيه اكشاك تبيع تذكارات وسوالف عن هاواي وزرنا مصنع الاصداف اهناك .. بس بعد فتره تعرفت على كويتيين وكانوا رايحين ماوي وايد امدحوها لي وقالولي اونس من كواي ..

يالله انشالله تحصلي فرصة اروحلها بالمستقبل
​

 

[nawnaw]

لووول انتوا نفس حالاتنا مخلين هاواي لمشروع التقاعد

انا رحتلها بشهر العسل بعد وكنت طالبه بامريكا فزرقنا 10 ايام حق جزيرة كواي kuaui مادري شلون تنكتب واذكر ريلي سأل AAA عن احسن جزيرة بهاواي حق شهر العسل قالتله ماوي حلوه وايد بس انا افضل كواي حق شهر العسل لانها اهدى واحلى حق معاريس "وريلي خذا كلامها" انا ماكنت وياه اهوا كان مسويها لي مفاجأه ..

شوفي الجزيرة وايد هاديه ومو كبيرة اذكر رحنا رحلة بحرية حزة الغروب وشفنا الحيتان والدلافين ..

ومرة رحنا مزرعة جوافا ورحنا مزرعة فيها خيل وحجزنا حق رحلة ركوب الخيل وكانت ممتعة مرينا بمناظر عجيبه وودونا صوب شلال وقالوا اللي يبي يسبح يسبح بس الماي كان بارد صج كنت حزتها مو متحجبه بس ماكان في مايوه اسلامي فما سبحت لوول ..

واكثر شي فيها مناظر طبيعيه وديان وجبال ومزارع وطبعا البحر مو طبيعي ورحنا شفنا بعض الكهوف واذكر يوقهم عجيب الذ ريوق كليته بحياتي .. وطبعا السي فوود طفحنا اهناك كنه ..

ماكان فيها سوق كانت بدائية بس اذكر فيها وول مارت وعندهم ماركت بلايس فيه اكشاك تبيع تذكارات وسوالف عن هاواي وزرنا مصنع الاصداف اهناك .. بس بعد فتره تعرفت على كويتيين وكانوا رايحين ماوي وايد امدحوها لي وقالولي اونس من كواي ..

يالله انشالله تحصلي فرصة اروحلها بالمستقبل
​

اعتقد جزيرتج اللي يسمونها big island اللي رحنالها لان كانت بدائيه

اما ماوي فكانت كله ريزورتات علي البحر ....ومافيها سوق زايد . الا اوتيل نسيت شنو اسمه فيه محلات ماركات ..
وكان كل شي بالهواء الطلق . لوبيات الفنادق مفتوحه .. الهوا اييلج من كل صوب..
وممرات الغرف بالهواء الطلق . انا كنت ساكنه الشيراتون . وكان وايد حلو مسكت.
وعندهم شارع فيه مطاعم .. هارد روك .وبلانت هوليوود .. ومطاعم سي فووود البحر ايصير تحتج
اذكر صادف عيد ميلادي هناك ..واحتفلنا فيه هناك
وااااااااااااي كانت اياااااااااااممم
ما كو مسؤوليه ...ووناسه

 

[rawona]

اعتقد جزيرتج اللي يسمونها big island اللي رحنالها لان كانت بدائيه

اما ماوي فكانت كله ريزورتات علي البحر ....ومافيها سوق زايد . الا اوتيل نسيت شنو اسمه فيه محلات ماركات ..
وكان كل شي بالهواء الطلق . لوبيات الفنادق مفتوحه .. الهوا اييلج من كل صوب..
وممرات الغرف بالهواء الطلق . انا كنت ساكنه الشيراتون . وكان وايد حلو مسكت.
وعندهم شارع فيه مطاعم .. هارد روك .وبلانت هوليوود .. ومطاعم سي فووود البحر ايصير تحتج
اذكر صادف عيد ميلادي هناك ..واحتفلنا فيه هناك
وااااااااااااي كانت اياااااااااااممم
ما كو مسؤوليه ...ووناسه

لا ناو ناو الجزيرة اللي رحتلها اسمها كوااي مو بيع ايلند قالولنا على البيغ ايلاند بعد بس ريلي اختار كواي .. وهم ريزورتات على البحر واللوبي مفتوح بالهواء الطلق وريزورت اللي سكنا فيه كان راديسون ساس والجزيرة صوب الوست سايد فيها اولد تاون "مدينة اثرية تراثية" فيها مطاعم ومحلات اصغيره ويمها ميناء عود تطلع منه رحلات للكروز على ما اعتقد .. والجزيرة فيها مطاعم السي فوود والستيك بس اذكر كنا نحب مطعم الفندق وايد لانه مفتوح على البيتش والجو اينن .. بس ترى على فكرو الواحد يحتاج يغير بين الوقت والثاني ويصير لج سفره بروحج مع ابو العيال بس علشان الواحد يريح اشوي ويحس انه مسؤول عن نفسه بس انا مع ان الوحده وريلها تكون لهم سفره خاصة من غير العيال علشان ما يصير فتور بالحياة وتتحول الحياة لروتين والا انتي اشرايج؟؟ :eh_s(6):​

 

[nawnaw]

اكيييييييييييييييييييييييييد و لازم لج سفره مع الريل بروحكم ..
بس انا افضل طريج السفر القصير..صج انا رحت مره امريكا مع ريلي بس حسيت ان الطريج طويل
يعني دبي .. مالديف ..اوروبا ..مصر
وحدي اخلي عيالي 10 ايام الي اسبوعين مو اكثر..

 

[rawona]

اكيييييييييييييييييييييييييد و لازم لج سفره مع الريل بروحكم ..
بس انا افضل طريج السفر القصير..صج انا رحت مره امريكا مع ريلي بس حسيت ان الطريج طويل
يعني دبي .. مالديف ..اوروبا ..مصر
وحدي اخلي عيالي 10 ايام الي اسبوعين مو اكثر..

اي اكيد اصلا انا ما يطاوعني قلبي اروح امريكا بالذات من غير اعيالي .. انا هم قصدي الرحلات القصيرة ام 10 ايام اسبوعين بالكثير .. هم انا بعد افتشل لما اخلي اعيالي عندي اهلي فاحاول ما اطول بالسفره ​

 

[tofy]

queen-q8

زين لقيتج هني بطرش لج رسالة خاصة بس مادري ليش ماتطرش

الموهم

انا ماعندي فكرة عن الفيزة ريلي سوه كل شي

انا بس رحت معاه المقابلة

ان الله البنات يفيدونج

 

[Queen-q8]

queen-q8

زين لقيتج هني بطرش لج رسالة خاصة بس مادري ليش ماتطرش

الموهم

انا ماعندي فكرة عن الفيزة ريلي سوه كل شي

انا بس رحت معاه المقابلة

ان الله البنات يفيدونج

مشكووورة يالغالية


بس ليش ما اندزت الرسالة يمكن كان مفول يومها مع انه من زمان ما فول

حبيبتي مشكككورة انا طلعت الفيزا وطلعت حدها سهالة اصلا ودنا الويندوز مالت الامريكان ريزدنس وسألت ريلي عم الوظيفة اللي مكتوبه بالجواز والابليكيشن وسألتني عن طبيعه شغلي في مكان شغلي بس وقالت ابرروفد واحنا مقابلتنا الأثنين وريلي استلم الجوازات الاربعا

يعني فعلا الله سهلها لآخر درجة بس كلهم من اللي الموظف اللي برا وحتى اللي استقبلت طلبنا كانوا مستانسين ان طلباتنا كاملة وتصدقين ولا سألوا لا عن كشف الحساب ولا عن شهادة الراتب مع ان اثنينا يايبينهم معانا

مشكككورة يالغالية وما قصرتي

 

[AMANI82]

بناااااااااااااااااااااااات بلييييز
ابي شلون اشحن من امريكا الى الكويت؟
ابي شركة زينة و اسعارها زينه
احنا كنا نشحن على الطيران بس وايد يضيعون soابي شركة شحن او اي طريقة مضمونه بليييييييييييييييييييييييز

ابي اشتري و ابي اضبط نفسي من البداية
وانا انشالله رايحة لوس انجلوس بس كلش مالي بالمكاتب الشحن

 

[Queen-q8]

حتى انا والله نفس السؤال

وان شاء الله البنات ما يقصرون

 

[rawona]

ال ups من شركات الشحن المعروفة والثقة بامريكا بس انا لو منكم اشحن على الطيران نفسه ارخص انا ما عمري شحنت بس اذا عندي شي زايد ادفع عليه ويرد وياي بنفس الطيارة وانا اساسا ارد ب 6 او 8 اجناط لان معاي يهال وما احتاج شي زيادة بس اللي اعرفة شركة الطيران افضل وارخص من شركات الشحن ..

وموفقين ​