عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[CuTiE PiE]

وناااااااااااااااااااااااااسه يستاهل الموضوع التثبيت..........

 

[مرتاحه]

انا عندي يدة ريلى كلامها مال اول
مثل تقول للسلطه زلاطه ، وللعيش المشخول عيش شاول
والمنجو تقول هبه، وتقول انسل شعري مو امشط شعري
وكلمات وايد وشغالتها تعلمت كلمها

 

[جاي الضحى]

لوووووووووووووووول انا بعد امى الله يذكرها بالخير كانت تخوفنى بحماره القايله وبام السعف والليف..........
جااااااااااااااى حبيبتى الى اعرفه انه زور ابن الزرزور يقولونها لما يبقون يبدون بحزايه او قصه اذكر بدايه اى قصه كانو يقولون
إذا جانا وجاكم خيرٍ لفانا ولفاكم وشرٍ تعدانا وتعداكم...الزور ابن الزرزور اللي عمره ما كذب ولا حلف زور...ذبح بقّه وترس سبع جدور وخلى الشحوم واللحوم على الصواني تدور...ويا حبيب النبي صل على النبى..........وبعدين يبدون بالقصه

يا هلا وغلا بي لفانا...CuTiE PiE: شلونج حبيبتي...من يوم و رايح محنا قالين كان يا مكان..لا لا خلاص....لازم نبدي القصه بزور إبن الزرزور....ذكرتيني بحبابه...الله يرحمها مريم الغضبان......تطلع بالرادو قبل..."يا حبابا حازينا قصه حلوه تسلينا"..:dddds:...ذكرتوها بنات؟!!:eh_s(6):... الحين شلون نبي حزايه ثانيه؟... منهي الشيخة إلي بتحازينا الليله؟ :ggdw:​

خخخخخخخخخخخخ جاى تعرفين هالانشوده
حمامه نودي نودي سلمي على سعودي
سعودي راح المكه يجيب الثوب العكه
يحطه في صندوقي
صندوقي ماله مفتاح
المفتاح عند الحداد
والحداد يبي فلوس
والفلوس عند العروس
والعروس تبي ولد
والولد يبي حليب
والحليب عند البقر
والبقر يبي حشيش
والحشيش فوق الجبل
والجبل يبي مطر
والمطر عند الله
ذبحنا دويش عبد الله

إيه أعرفها هالنشيدا......اليهال كلا يقلونها...بس بالكويت الظاهر يخطرون أول بيتينين...لول... يقلون العروس تبي رييل..و الرييل يبي عيال...و العيال يبون حليب...الحليب عند البقر و البقر يبون برسيم و البرسيم يبي مطر و المطر عند الله... لا اله إلا الله....يا حلوج كيوتي....مرورج مثري جداً...تسلمين....:hjy5jewf:...​

 

[جاي الضحى]

يعطيج العافية موضوع مميز ان شاء اللة كلنا راح نثريه

هلا !! DareeN!! :

الله يعافيج....بس ها... أنا مترياه منج السوالف الونيسه من يدتج...كل ما صار عندج وقت طلاي علينا بجم سالفه...:tek:​

 

[جاي الضحى]

:dddds:


اي والله جنج تدرين قلبه طيب وأبييييييييض .. بس صوته عااالي و كله يزف ويتفل .. بس دقيقتين يسولف وياج عااادي جنه مو زافج قبل شووي .....!!!!!!:dddds:




وعلى طااري الكلماات ... انا كل ماتذكرت أو تعلمت كلمه بحطها إهني ..


وتوني متعلمه جملة : (( بانت فيلجا ؟؟؟؟ ))
يعني اذا أحد سولف عن موضوع ويبي يتأكد إنج فهمتيه يسألج و يقولج : بانت فيلجا ؟؟؟؟ يعني وضح الموضوع ولا لأ ؟؟؟؟؟ !



وبعد توني أدري إنه الغواصين اياام قبل .. كانو يسمون السله اللي يعلقونها برقبتهم واهم يغوصون ويلقطون فيها المحار .. كان يسمون هالسله : (( الــديـيـن )) ..!!

وفي كلمة (( سنياار )) بمعنى مجموعة سفـن اللي تروح الغوووص ...


وبعد في كلمة للحين أسمعها من أمي ومن حريمنا الكبار .. بس ماعمري سمعتها عند أحد ثاااني .. وبشوف في أحد يقولها أو لأ ...؟؟؟ .. لمن ينكت شي .. أو يطيح من ايدج شي .. يقولون : (( جـب الـعدو )) ...!!!!:eh_s(1): لووول مادري شنو ومادري في أحد يقولها ولا لأ ..؟؟؟؟؟؟؟؟؟؟؟؟؟؟؟؟:dddds::dddds:

.
.

واذا تذكرت لي عوووده ....

عاشت Mazaji CoOl: لا بالله أنا أشهد انج ما قصرتي...خوش كلمات يبتلينا.....إيه عفياه كلا لصقي مع الكبار...وحفظي وتعالي سمعي عندنا...ترى إذا ما قمنا نردد حجيهم...يمكن يضيع......الله يخلي أهلج لج و يطول بعمارهم....انتي تراج قاعدا تذكرينا...جب العدو إيه أنا سامعتها...وحتى بانت فيلجا؟! الله يذكرج بالخير...

تحبين أكلة القبوط؟ يربي مشتهيا قبوط يدتي :krkrkr:<< <<< طلعت عن الموضوع البطينييه...هاوو علامكم تراها أكله تراثية...:bbbiu:​

 

[جاي الضحى]

وناااااااااااااااااااااااااسه يستاهل الموضوع التثبيت..........

يا حليلج يا كيوتي...أشوفج غيبتاي على سوالف أوال...البركه في مشاركاتج الطيبه حبيبتي...​

 

[جاي الضحى]

انا عندي يدة ريلى كلامها مال اول
مثل تقول للسلطه زلاطه ، وللعيش المشخول عيش شاول
والمنجو تقول هبه، وتقول انسل شعري مو امشط شعري
وكلمات وايد وشغالتها تعلمت كلمها

يا حلوها والله ...الله يخليها لكم
إيه وعلى طاري النسال أبوي توه نزرني و قالي روحي نسلاي شعرج هالكشه...:eh_s(14):....ما يحب الشعر مفلول.....أحب كلمة زلاطه ..تونس .بس بنشدج اهي تقول جقاير بدال زقاير :016:...مشكوره اختي على تفاعلج :tek:​

 

[MaZaji CoOL]

عاشت Mazaji CoOl: لا بالله أنا أشهد انج ما قصرتي...خوش كلمات يبتلينا.....إيه عفياه كلا لصقي مع الكبار...وحفظي وتعالي سمعي عندنا...ترى إذا ما قمنا نردد حجيهم...يمكن يضيع......الله يخلي أهلج لج و يطول بعمارهم....انتي تراج قاعدا تذكرينا...جب العدو إيه أنا سامعتها...وحتى بانت فيلجا؟! الله يذكرج بالخير...

تحبين أكلة القبوط؟ يربي مشتهيا قبوط يدتي :krkrkr:<< <<< طلعت عن الموضوع البطينييه...هاوو علامكم تراها أكله تراثية...:bbbiu:​

ههههههه عاد ماأحب القبوط ذقته مرتين أو ثلاث وكان متروس كشمش فطعمه صاير حااالي حيييييييل ماحبيته ..
بس اللي صج أحبه المرقووووووووووق ...ومرقوق طباخ بيتنا وبس_03BA:...

المهم نرد للموضوع ... تذكرت كلمة ماأسمعها وايد .. بس احنا بالبيت للحين وعلى طول نقولها ...

كلمة : (( يـرجـخ )) ......!!!

يعني مبلل .. ومتروس بلل ... يعني لمن أقول فلان هدومه تـــرجــخ ماااااي ... يعني كلها مااي ....
.
.

وتذكرت كلمة سمعتها ذاك اليوم بمسلسل الدايه ... كلمة : (( يـتـصـــوّخ )) .. يعني يتسمع ..!!
بس هالحين صارو مايقولونها وايد .. صارو يقولون قاط إذنه ... أو يتسمّع .. بس حلوه يتصوخ ...:dddds::dddds:
.
.

وهم لي عوووده ...

 

[سبائك]

رووووووووووووووووعه الموضوع

هيضتي الشجون يا جاي الضحى<<< هيضتي من الكلمات التراثيه ترى

والله حاولت اعصر مخي واييب لج جم كلمه من الكلمات الكويتيه القديمه بس المشكله انها تطلع مع السوالف بس اذا تبين تذكرينها صعبه

 

[coffee]

تسلمين حبيبتي على الموضوع الروعه مبروك التثبيت

والله شقولج انا كلامي عتيج والكلام اللي الناس تشوفه قديم ليلحين متداول عندنا واللي اتحجى فيه غيري يستغرب للاسف
الكلمات اللي احسها ما تستخدم وايد هالايام بين الناس اهي:
شتري = شمسية
ششمه = نظاره
تتن = زقاير
سري = ليتات
طاوليني = عطيني
دندرمه = برد
جتايه = غتره
السيف = اليال
الباينباق = الكرفته
والامثال والكلمات اللي لها دلالات طبعا الكويتية عن نفسي اموووووووووووووووووووووت فيها من طقة لزقة عنزروت ههه
مشكوره

 

[جاي الضحى]

ههههههه عاد ماأحب القبوط ذقته مرتين أو ثلاث وكان متروس كشمش فطعمه صاير حااالي حيييييييل ماحبيته ..
بس اللي صج أحبه المرقووووووووووق ...ومرقوق طباخ بيتنا وبس_03BA:...

المهم نرد للموضوع ... تذكرت كلمة ماأسمعها وايد .. بس احنا بالبيت للحين وعلى طول نقولها ...

كلمة : (( يـرجـخ )) ......!!!

يعني مبلل .. ومتروس بلل ... يعني لمن أقول فلان هدومه تـــرجــخ ماااااي ... يعني كلها مااي ....
.
.

وتذكرت كلمة سمعتها ذاك اليوم بمسلسل الدايه ... كلمة : (( يـتـصـــوّخ )) .. يعني يتسمع ..!!
بس هالحين صارو مايقولونها وايد .. صارو يقولون قاط إذنه ... أو يتسمّع .. بس حلوه يتصوخ ...:dddds::dddds:
.
.

وهم لي عوووده ...

يا حيا الله Mazaji...ويييه يا حلو بيتكم وحجيكم...خوش كلمات ما شاء الله...لا تطلعون بره مطر كلا رجيخة...ولا تهويهون بالحر بره لاهوب يلفح....هذا حجي أمي...أقول يبيلانا يوم نعزمج بالشاليه على جاي ضحى وفي بيتنا على مرقوقه...شرايج...قبول ولا مو قبول؟ لا تحرمينا من طلتج و- مشاركاتج..​

 

[جاي الضحى]

رووووووووووووووووعه الموضوع

هيضتي الشجون يا جاي الضحى<<< هيضتي من الكلمات التراثيه ترى

والله حاولت اعصر مخي واييب لج جم كلمه من الكلمات الكويتيه القديمه بس المشكله انها تطلع مع السوالف بس اذا تبين تذكرينها صعبه

سبائك...شلونج؟ أفا...ما كان قصدي أهيض الشجون كنت أبي أهيض ذكريات حلوه وونيسه...إيه أدري... الشي من تبينا ودورينا ما تلقينا ولا يطلع...عارفه هالشعور...بس من يوم ورايح نبيج تسجلين الكلمات في عقلج الباطني و من تشوفين الموضوع راح يطرون عليج...:eh_s(6):​

 

[جاي الضحى]

هذا موقف من مواقف

يدي الله يرحما...كان ما عندا كيري ميري حار...أيام أول مثل منتو عارفين...ذاك من ذاك

إلي تشوف واحد يعرف يقره ويكتب...وخصوصاً الحريم....يعني كانو يروحون حق

المطوعه ...تعلمهم حفظ القرآن و بس.... حياتهم كانت بسيطه بس مبروكه ما شاء الله..بس

مرت السنين و تطورت الاوضاع وقامو ناس وايد بدت تعلم القرأه والكتابه

..يدتي كانت تبي تصير من الي يعرفون.......فا ما أدري من يابلها كتب وبدا

يعلمها......فا يوم من الأيام...كانت منسدحه على بطنها على الفراش وجدمها الكتب إلي

معطينها اياهم...متخيلين السدحه ...و شلون الواحد إذا إندمج يرفع ريولا؟!!..:eh_s

(6):...ورايحا منسجما تعابل بهالحروف.....تفجج فيهم تحاول تقره...وكان يدي الله يرحما

يناديها واهي مغيباااا ما تدري درها ودرا...واهو ينادي فقير ...ما وعت إلا

بهالصوت...






"غبررروووووه....قاماي..:eh_s(14):.." وقوم يا يدي وشوح

بهالكتب....فقيره يدتي...:eh_s(1):. ما تشوف إلى الأوراق تهفهف بالهوا...:dddds:.....

للاسف كان يشوف ان يدتي فات ها الفوت على العلم......بس تموو خالاتي وخوالي

يضحكون على الموقف لا يومكم...:eh_s(6):​

 

[جاي الضحى]

تسلمين حبيبتي على الموضوع الروعه مبروك التثبيت

والله شقولج انا كلامي عتيج والكلام اللي الناس تشوفه قديم ليلحين متداول عندنا واللي اتحجى فيه غيري يستغرب للاسف
الكلمات اللي احسها ما تستخدم وايد هالايام بين الناس اهي:
شتري = شمسية
ششمه = نظاره
تتن = زقاير
سري = ليتات
طاوليني = عطيني
دندرمه = برد
جتايه = غتره
السيف = اليال
الباينباق = الكرفته
والامثال والكلمات اللي لها دلالات طبعا الكويتية عن نفسي اموووووووووووووووووووووت فيها من طقة لزقة عنزروت ههه
مشكوره

هلا قهوتي...عاد الحجي القديم الزين عندج انتي...أعرفج...كل ما أقول هاو... طراتي علي بالخير...تسلمين على الكلمات...فعلاً خوش نقوه..وأنا بزيد عليهم كلمة قيض= صيف /حر..توها طرت علي....يوم يبتي طاري الدندرمه...:eh_s(6):..​

 

[سبائك]

اي اي تذكرت

روتي = توست

راهي = كميته كبيره وتكفي الجميع

هامور بالسوق = تاجر كبير بالسوق

غزير او غويط = عميق

جتّي = بالجمله

حنّان منان ربي يصبر اهل بيته = ولدي ههههههههههه ذبحني بالحنه وانا اكتب الرد قلت بحطها

شحاطه = نعال مكرم القاري

تتشيحط = تفتخر وتتكبر

كور مخلبص = عايم ما ينعرف راسه من كرياسه

متسمّت = مشدود

متيح = متين

صوته مطبّق = صوته متغير بسبب المرض

واذا ذكرت شي برجع لكم ان شاءالله

 

[سبائك]

وتذكرت هالحجوتين بعد

مصعوي = ضعيف حيل

متبتب = متروس عوده على متين شوي

 

[سبائك]

تذكرت لكم كلمات دفنه <<< دفنه يعني وايد

ترى استانست كيفت عالموضوع رايحه راده عليه

من شوي كنت بالافنيوز وكل ما قلت حق اختي كلمه اقول لها هذي بكتبها بالموضوع استهلت الكلمات علي شكثرها.....عاد عقب قامت اهي تفطنني على الكلمات الي نقولها وتصلح للموضوع

دثوي <<< قلتها عن الهندي الي بكارفور بط جبدي ههههههههه

مسبه

مدوده

هذا رنقها <<< يعني هذا موديلها او طريقتها

غجه يعني حيل

ميح يعني نهائيا

امبلبط يعني يتكلم بكثره

مجقجق بالدهن يعني متروس دهن

متوبك يعني مسكر عدل

قماري يعني حلوه بس على طنازه احنا نقولها دايما هههههههه

لحظه بناديلكم اختي تفوخ تكمل عني نسيت وايد كلمات

 

[مطيريه ماركه]

مرحبا

شاي الضحى خووش موضوع مبروك التثبيت

عندي اغنية بشاركم فيها

فطومه من تمر تراجيها حمر .. عذبوا الحلاوة ونبسط بالتمر

وي الباقي نسيته

اكيد لي عووودة بإذن الله

 

[MaZaji CoOL]

يا حيا الله Mazaji...ويييه يا حلو بيتكم وحجيكم...خوش كلمات ما شاء الله...لا تطلعون بره مطر كلا رجيخة...ولا تهويهون بالحر بره لاهوب يلفح....هذا حجي أمي...أقول يبيلانا يوم نعزمج بالشاليه على جاي ضحى وفي بيتنا على مرقوقه...شرايج...قبول ولا مو قبول؟ لا تحرمينا من طلتج و- مشاركاتج..​

الله يحييج ويبجييييييييييج ..
انشالله مقبوله العزيمة بس لازم فيها جاي الضحى بالمرمريه .. ويمه بخصم و قرص عقيلي على أصوله ..:ggdw:

جني تذكرت كلمة أمي قبل تقولها لإخواني لمن كنا صغار .. صغار ومايسمعون الحجي فيطلعون بالسكه حفااااي:dddds:
كانت أمي تقول لبسو نعالكم ..(( رمـضـا )) لاتحرق رجولكم ...!!!

والرمضا يعني الارض الحاااااااااااااااااره ....:eh_s(1):

.
.
وفي بعد كلمة (( يـحـدّر )) بمعنى ينزل ... مثل لمن تبين تدعين على أحد واهو ياكل .. تقولين (( ياعله مايحدر ))!!
يعني الاكل مااينزل ابطنك .. لووووووووول


.
.


لي عووووووووده انشاالله ..

 

[القرآن ربيع قلبي]

موضوع اكثر من رائع
سلمت يداج وفيه كلمات اشوه لما الحين نقولها