محتارة حيل وأبي رايكم يزاكم الله خير

[6amo7a]

آنا عمري 23 وهذا مو أول واحد يخطبني بس ربج مايكتب نصيب

موت الحمر : أبداً مافكر هالتفكير ان عروس ووناسة .. هالتفكير أفكره بروحي اذا محد خاطبني اي عادي

بس حزت الجد كل شي يتغير أفكر بحياتي لي جدام شلون راح تصير

ادعولي ان ربي يعيني

ترا حيل مهمومة

 

[موت الحمر]

آنا عمري 23 وهذا مو أول واحد يخطبني بس ربج مايكتب نصيب

موت الحمر : أبداً مافكر هالتفكير ان عروس ووناسة .. هالتفكير أفكره بروحي اذا محد خاطبني اي عادي

بس حزت الجد كل شي يتغير أفكر بحياتي لي جدام شلون راح تصير

ادعولي ان ربي يعيني

ترا حيل مهمومة

لا يا حبيبتي لا تنهمين و لا شي هذا زواج الزواج قسمة و نصيب

و انتوا بالنهاية اهل سواء رفضج او قبولج ماراح يتغير شي

استهدي بالله و تعوذي من ابليس و تشاوري انتي و اهلج يمكن لهم وجهة نظر ثانية

 

[جوك احلى جو]

هذا القرار انتي اللي راح تتخذينه راينا ماراح يفيد لان قرار مصيري

 

[6amo7a]

أكيد هذا راي راح أتخذه آنا

لكن لازم استخير ربي وأشور أحد عنده خبره

بس بالنهاية آنا الي راح أقرر

شاكره مروركم خواتي الموت الحمر و جوك احلى جو

 

[توته كيوته]

ما خاب من استخار

عليج بصلاة الاستخاره حبيبتي والله يكتب لج اللي فيه الخير

 

[BaTTy]

انا مع البنات الي يقولون زواج الكويتيه من غير كويتي كلش مو من صالحها
مو اي مكان راح يقدر يشتغل لا تقوليلي خليجي
الخليجي الي امه كويتيه يشغلونه عادي و معاشه معاش الكويتي و يقدر يتقاعد و كل شي ما يكون بينهم عقد نفس المو كويتي
بس خليجي امه مو كويتيه حاله حال المو كويتي بالوظيفه والمعاش
بيت ما يعطون الا صليبيه و راح تنشال و قبل الصوابر الحين ماكو
و بالواااسطه بيوت سالم الصباح
يعني مالج الا اجار و الاجارات غاليه
اوكي اهوا خوش ريال عالعين و عالراس بس ظروف راح تكون صعبه و هذا زواج مو عشرة يوم يومين و خلاص فكري الف مره و استخيري
و بعدين هم صح كلام وحده من الخوات كل يوم يا بالكويت يا بالسعوديه سعوديه كويت ولا ولدتي ولا شي بيكون احتمال كبير عند اهله
فا مادري
بس هم ماتدرين شنو الي الله كاتبه لج استخيري و فكري عدل
و الله يوفقج ان شالله و يكتب الي فيه الخير

 

[مون نايتس]

مالج الا صلاة الاستخاره وانتي اللي تشوفينه راح يريحج سويه
مو شرط ولد خالتج لازم تاخذينه هذي حياتج وانتي تختارينها لاتخلين الظروف تحكمج
استخيري وفكره واتخذي القرار المناسب..يمكن هالولد يكون لج خيره عن غيره

 

[احلى ايامي]

شوفي حبيبتي انا متزوجه سعودي من سنه ونص وعندي الحين بنت صح مستانسه بحياتي واحبه وضعنا المادي الحمدالله الحين زين لكني احاتي وافكر بباجر يعني ماعندنا بيت وشنو وضع عيالي اذاكبروا وافكار ثانيه احاول اطردها واعيش حياتي

 

[أسيره]

الله يوفقج حبيبتي ويسهل امورج وصلي صلاه استخاره
والله يكتب الي فيه الخير انشالله

 

[razany]

حبيبتى دام انتى مرتاحتله وصليتي استخاره خلالاص شليي يمنع وبعدين لاتفكرين وايد بالمستقبل دام اهلج راضين وماعندهم مانع الله بوفقج انشالله وانا اقوولج ياها بالكويت ماكو احد يموت من اليوع وكل واحدورزقه

 

[miss_math]

اي آنا كويتية

بس اذا آنا كويتية وريلي سعودي يطلعلي بيت حكومة ؟

انزين واذا اهوا بيتوظف بالكويت شلون ؟

لا حبيبتي ما يطلع لج بيت الا بيت شعبي والحين يقولون بعد وقفوا البيوت الشعبيه

 

[غلاي غير]

نصيحه نصيحه اذا انتي صغيره ارفضي انتي كويتيه واهوا سعودي وثانويه بعد يعني المعاش مااااااااااااش مايكفيكم اذا الكويتي والامتيازات بمعاشه مايكفي ياقلبي راح تظلمين عيالج بالمستقبل وتحطمين لشوفتهم وتغارنين مع قرايبج الي عيالهم انا عايشه الوضع مع عمتي وعيالها السعودين ضايعين

 

[ياسمين العمري]

حبيبتي بيني وبينك عوانس لكويت اكثر من الهم على القلب واتحدى اي وحدة تغالط هالشي
والمتزوجات ثلاث ارباعهم عايشين خيانات ازواجهم بعلم وبغير علم
واللي اعرفة عن السعوديين انهم رومانسيين ويحبون زوجاتهم اكثر وواعرف اكثر من وحدة متزوجة سعودي ومستانسة مع زوجها والله رزقهم من حيث لايحتسبون .. وفوق هذا مبين عليك تخافين الله ماشاء الله وتعرفين شلون تتصرفين اذا واجهتك مشاكل زوجية .. فنصيحة لا تطوفين المعرس خاصة اذا كان مختار بنفسة .. وفي النهاية الزواج قسمة ونصيب ..استخيري والله يوفقك

 

[miss_math]

اول شيء علييج بالاستخااارة

ثاني شيء حطي ببالج انج بهالشيء راح تضحين بامتيازات وايد اقلها البيت وغيرها وغيرها

فاذا كان يستاهل من ناحية الدين والاخلاق وشاريج ويحبج وافقي عليه

اما اذا كان زواج والسلام ارفضيه احسن لج

وبعدين رفيجتي ماخذه سعودي وما شاء الله عليها متهنيه معاه الله يوفقها

واعرف جم وحده متزوجه مو كويتي وشرت بيت بس حطت لها استراتيجيه معينه

الله يوفقج ويكتب لج اللي فيه الخير

وبالنهاية القرار قرارج لانه اذا صار شي لا سمح الله كلهم بيلومونج انتي على اختيارج

واولهم اعيالج ,,

 

[6amo7a]

شوفي حبيبتي انا متزوجه سعودي من سنه ونص وعندي الحين بنت صح مستانسه بحياتي واحبه وضعنا المادي الحمدالله الحين زين لكني احاتي وافكر بباجر يعني ماعندنا بيت وشنو وضع عيالي اذاكبروا وافكار ثانيه احاول اطردها واعيش حياتي

اختي انتي كويتية ؟

واذا كويتية وين ساكنة بالكويت ولا السعودية ؟

بس قوليلي حسيتي انج تحسفتي انج وافقتي عليه ؟

واذا على بنتج وين راح تدرس؟

عطيني من خبرتج يزاج الله خير

 

[6amo7a]

بعد عمري خوااتي

والله ان ردودكم ريّحتني

ربي يكتب الي فيه الخير والصالح

بس هم ماراح أستعيل وبفكر أكثر

 

[HERMITAGE]

صلي استخاره والخيره في ما اختاره الله

 

[نوروظلام]

سعودي كويتي اماراتي اللي شنو يصير ...........اسالج راعي صلاة مقيم شرع الله بس اخلاقه زينه يقدر المره ويحترمها بالمعنى الكويتي ريييييييييييييييييييييييييييييييييياللللللللللللللللللللللللللل بس توكلي على الله والفلووووووووووووووووس والبيت والشهاده والعيال كل هذون الله يقدرهم من قالج الريال ولا انتي كويتيه ولا لا على نياتكم ترزقوووووووووون لايكون عاد الكويتي اسكت ولا الشهاده خلاص ابد ولا اكثر اصحاب الديون والمشاكل اصحاب هالشهادات اختي استخيري ربج وحطي في بالج ان الله الرازق الله المنعم الله الوهاب الله اللي يسر الامور الله اللي يعطيج الحياة الزينه لج ولعيالج والباجي كله اسباااااااب عليج بالاستخاره والدعاء والله الموفق

 

[6amo7a]

نور وظلام: كلامج ريحني وايد

سبحان الله صج ساعات في أشياء تخليج عاجزة عن حياتج .. وبعدين لما تفكرين فيها عدل

تلقين حياتج مو مهمة كثر آخرتج

جزاج الله خيير أخيتي في ميزان اعمالج ان شاء الله

 

[احلى ايامي]

حبيبتي انا كويتيه وساكنه بالكويت وزوجي يشتغل بالجيش واذا على بنتي تدخل المدارس الحكوميه والجامعه حالها حال الكويتيين وعندنا بطاقه التموين والحمدلله انا مو متحسفه لكن كله افكر بسالفة البيت تدرين مومعقول نتم ساكنين بالاجار طول عمرنا ومابي بيوت الصليبيه ونصيحه اذاانتي مو موظفه لاتوافقين لان انا موظفه وهاالشي مساعدنا حيل عالاقل ملابسي انا وبنتي علي اتمنى اني جاوبت على اسءلتج كلها والله يوفقج