افضل دكتوره لطفل الأنابيب

[عبيري]

السلام عليكم يا بنات الصراحه وبدون مقدمات نفسيتي حدها تعبانه لان هاذي ثالث مره اسوي التلقيح الصناعي وما احمل وانا صار لي سنه ونص متزوجه ومن اول ما تزوجت راجعت عند دكتوره فوزيه القطان بس لاعت جبدي وانا اراجع عندها وماكو فايده كل شهر كلوميد لمده سنه تقريبا وبعدين بلشت معاي ابر تنشيط والحين انا مسويه عندها تلقيح صناعي وباقي لي حمس ايام وتنزل علي الدوره بس طبعا نفس الأعراض اللي كل مره وناويه انشالله اسوي طفل انابيب انشالله وسؤالي اقدر اسويها لما تنزل علي الدوره الحين ؟ ومنو الدكتوره الشاطره اللي تسويها ؟ تكفون لاتقولون فوزيه القطان لاعت جبدي مااقدر اروح عيادتها بعد ملييييت والله يرزقنا بالذريه الصالحيه يارب العالمين

 

[Coffee-Girl]

د: باترك بمستشفى لندن

د:اسامه صالحه بالشفاء

وانا ناويه انشالله عند باترك ابدا

وانتي الله يكتبلج الي فيه الخيره

 

[كويتيه مذهله 87]

الله يرزقج
بس أنتي أكيد تروحين عند د شيماء أو نهله ما دشين عند د فوزيه صح
ماعندي أحد غير د فوزيه القطان لأنها التووب
توني مسويه عندها منظار كوي تكيسات وماشاالله شاطره وأرتحتلها

 

[عبيري]

مشكور حبيبتي بس انا ابي دكتوره مو دكتور

 

[عبيري]

مشكوره اختي كويتيه مذهله بس انا والله اراجع عند فوزيه نفسها

 

[توتة الدلوعه]

حبيبتي لا تياسين من كتبه رب العالمين اول شي خل اقولج على شغله انانفسج ما لقط التلقيح الصناعي من اول مره لان اذا عندج خليفيه عنها انها نسبه نجاحها بس 50 بالاميه واذا بتسوينها لازم تنسين وما تحسبين الايام والله حاولي تشغلين روحج في شغله مثل قراءه القران ولا روحي نادي والشغله الثانيه قالت لي عنها وحده ملتزمه بالدين شوفي قالت لي قبل لا تحملين بشهر او تنوين اتحملين عن طريق التلقيح سوي هالطريقه وانا سويتها والحمدلله على النعمه الله رزقني شوفي حبيبتي كل يوم قبل صلاه الفجر اب ساعه تقعدين وتصلين في النص الساعه الاولى يعني كل ركعتين اتسلمين لمده نص ساعه بعدين النص ساعه الثانيه بس تستغفرين وعقب كل صلاه فرض تستغفرين الف مره وسلامتج وربي انشالله يرزقج ويرزق كل محروم يارب وطبعا دكتوره فوزيه لا يعلى عليها ادري مليتي منها بس صج شاطره والله يوفقج يارب

 

[$غــ(ز)ــل$]

الله يرزقج ياارب
وان شااءالله تكونين حاامل

الدكتور باتريك شااطر
وبالووفيق ياارب

 

[ام الاسمر]

عندك دكتورة منتتهى السالم بمركز العرف بالجهراء
انا ماخليت دكتورة مارحت لها ومانفعني بعد الله الا هي
بس انتي لما تسوين التلقيح او الانابيب ترى لازم ترتاحين لمدة اسبوعين راحه تامه وماتتحركين من السرير وماتسبحين
انا سويت التلقيح وماثبت لاني من جيت من البيت صعدت شقتي وتسبحت وبعدين كنت افرر بالاسوقه وسوتها بنت خالتي وقلت لها نفس اللي قلته لك وثبت ان شاءالله وحملت بتوم وباكر ولادتها بعمليه ادعي لها .. ولنا سويت حقن مجهري لان الضعف حيل بزوجي
بس بنت خالتي كان الضعف فيها
والله يرزقك

 

[محاميه الغد]

بالنسبه لي فوزيه القطان
لاني رحت عند وايد دكاتره
بس اهيا احسن وحده فيهم و عندها خبره

 

[Emanova]

ترى كل الدكاتره يمشون على نفس البرتكول ...كل شيء بأمر الله ..و ان شاء الله تطلعين حامل و ما تحتاجيين الانابييب

 

[عبيري]

يا بعد عمري مشكورييييين على الرد والدعاء بس حبيت اقول لكم ولله الحمد انزلت علي الدوره امس اللهم لا اعتراض

 

[فطووومة]

الله يرزقكم ان شالله الذرية الصالحه

 

[مبدعة]

ترى كل الدكاتره يمشون على نفس البرتكول ...كل شيء بأمر الله ..و ان شاء الله تطلعين حامل و ما تحتاجيين الانابييب

انا اوافقج الراي

العلاج واحد لكن اذا ربج اراد يصير حمل و لو ما اراد ما راح يصير

 

[مبدعة]

عندك دكتورة منتتهى السالم بمركز العرف بالجهراء
انا ماخليت دكتورة مارحت لها ومانفعني بعد الله الا هي
بس انتي لما تسوين التلقيح او الانابيب ترى لازم ترتاحين لمدة اسبوعين راحه تامه وماتتحركين من السرير وماتسبحين
انا سويت التلقيح وماثبت لاني من جيت من البيت صعدت شقتي وتسبحت وبعدين كنت افرر بالاسوقه وسوتها بنت خالتي وقلت لها نفس اللي قلته لك وثبت ان شاءالله وحملت بتوم وباكر ولادتها بعمليه ادعي لها .. ولنا سويت حقن مجهري لان الضعف حيل بزوجي
بس بنت خالتي كان الضعف فيها
والله يرزقك

ما تتسبحين ؟؟؟؟

من وين يبتي هالمعلومة ؟؟

يعني شنو تقطنين اسبوعين على ما تطلع النتيجة ؟

بالعكس تسبحي و طلعي و استانسي و جنه العيد السعيد و اذا ربج كاتبه بيصير يعني بيصير

انا يوم سويتها اول مرة ما تحركت و حرمت نفسي من الطلعه و من الحركه و ما حملت

و يوم سويت العكس ربي رزقني سبحان الله