هالمعلومة سببت لي اكتئاب عن مستشفى المواساة

[( مي )]

قوة بنات
انا ولاداتي الأولى والثانية كلها بالمواساة
اموت على هالمستشفى واحس فيه بالراحة
اللي صار
اني راجعت دكتورتي من 5 ايام تقريبا وقالت لي معلومة سببت لي احباااااااااااااااااااااااااااااااااط خاصة اني ناوية اولد بالمواساة
هالمعلومة اهي
ان احسن السسترات المسؤولين عن الولادة واللي يكونون مع اللي تطلق بالغرفة استقالوا وبعضهم هاجروا وبعضهم انتقلوا لاماكن ثانية
وان مع بعد العيد راح يكون فيهم طاقم سسترات يدد ولأول مرة يمارسون شغلهم بالكويت ،، هالطاقم عبارة عن 20 سستر من باكستان :0bee2e8d89: ،، حتى ان الدكتورة بنفسها قالت لي انها لما تروح تولد بالمواساة قاعده تلاحظ ان اهتمام السسترات في تردي مستمر ومتزايد
صارفيني احباط وخفت ،، وحتى زوجي قالي غسلي ايدج نروح المواساة اييلونا سسترات باكستانيات يدد يحورفون فيج انتي والبيبي ،، وقررنا انا معاه اولد برويال حياة مع اني مو بالعته من الله بس مضطرة لاني ما احب هادي ولا دار الشفا

من قبل شوي قلت لزوجي خل نتأكد وندق على المواساة ونتأكد من المعلومة
قالنا اللي بالريسيبشين انه صج وبدوا من الحين السسترات الباكستانيات شغلهم بغرف التوليد

يعني طول عمرنا نتعامل مع سسترات من الهند او فلبينيات ،، بس من باكستااااااااااااااان !!!!!!!!!!!!!

شلونه رويال حياة ؟؟
كثر ما امدحوه لي مو بالعته ما ادري ليش​

 

[الاسطورية]

روحي السلام وايد يمدحون عنايته

 

[je t'adore]

هااااااي انا بعد دكتورتي قالتلي نفس الكلام بالظبط....واكيد انا وانتي نراجع عند نفس الدكتورة

شوفي انا اصدق دكتورتي وهي امدحتلي مستشفى السلام وايد وايد....
انتي عند منو تراجعين؟؟؟

رويال حياة حده فندقي...بس ماكو الله وكيلج عليه وايد ملاحظات من وايد بنات وعليه مشاكل يعني ما سمعت مدح...كثر الذم

 

[bint_looda]

روحي السلام وايد يمدحون عنايته

انا أأيدج وعن تجربه

 

[( مي )]

هااااااي انا بعد دكتورتي قالتلي نفس الكلام بالظبط....واكيد انا وانتي نراجع عند نفس الدكتورة

شوفي انا اصدق دكتورتي وهي امدحتلي مستشفى السلام وايد وايد....
انتي عند منو تراجعين؟؟؟

رويال حياة حده فندقي...بس ماكو الله وكيلج عليه وايد ملاحظات من وايد بنات وعليه مشاكل يعني ما سمعت مدح...كثر الذم

هلا حبيبتي

انا اراجع مرة عند شادية عثمان وج مرة رحت ليلى ابو الليل ود. ليلى اهي اللي قالت لي هالكلام وهم امدحت لي السلام بس نادر اسمع احد يولد فيه !!!​

الأسطورية و bint_looda
تسلمون على مروركم ​

 

[ضحـاوي]

يمكن الله يسخر لج سسترات زينين بالمواساة

انا اخر ولادتين لي كانوا فيه ,, والسسترات مو ذاك الزود كانوا

بس كنت ارتاح للدكتوره الي فيه وايد

رويال حياة يهبل

اختي ولدت ولادتين فيه عند الدكتوره خالده المجيبل

ووايد مرتاحه له ولدكتورتها

الله يسهل عليج

 

[je t'adore]

هلا حبيبتي

انا اراجع مرة عند شادية عثمان وج مرة رحت ليلى ابو الليل ود. ليلى اهي اللي قالت لي هالكلام وهم امدحت لي السلام بس نادر اسمع احد يولد فيه !!!​

الأسطورية و bint_looda
تسلمون على مروركم ​

انا وانتي نراجع عند نفس الدكتورة وممتازة على فكرة
وسمعي كلامها لأن لها نظرة وانا اثق في كلامها.... وناسة انا توقعت انج تراجعين عندها:dddds:

 

[( مي )]

je t'adore
اي انا كنت اروح لها من قبل لا احمل حق سوالف التهابات او اي استفسار ،، بس ناوي تولدني شادية مولدتني مرتين من قبل

ضحاوي
تسلمين على مرورج المشكلة ان احنا اخذنا الولادة بالمواساة بالوراثة من امي لووووووول امي ولدتنا فيه واحنا قاعدين نكمل المسيرة ،، مو قادرين نطلع منه

​

 

[ضحـاوي]

الله يسلمج يا قلبي

استخيري احسن لج وكل شي بيد الله

 

[وجودي عسل]

زييييييين قلتيلي


عيل قولولي جم اسعاار رويال حياااة

 

[بنت التوخذه]

واي بنات خلرعتوني انا ولادتي بشهر 12 د.ليلى اشكناني وايد خايفة الحين شسوي طمنونه عفية

 

[الهامورة]

حياتي روحي السلاااااااااااااااااااااااااااااااام وانتي مغمضه الدكاتره تينن والسسترات عنايتهم حدها كوووووووووووووووووووووووووووول وغرفه الولاده تشرح النفس وكبيره عكس المواساه تضيق الخلق روحي وانتي مطمنه انا رويال حيات
ة وييييييييييييع فشخره عالغاضي بنت خالي ولدت هناك صج روعه المستشفى بس الله وكيلج الاهتمام ويييع انا ولدت بالسلام شهلر 6 والله اني ارتحت والسستر كانت يمي طول ما انا اطلق مو بس سستر وحده تحوس بين الغرف

 

[غـــ روحــsaraــي ــلآآ]

هههههههههههههههههه مي بعد بتولدين بالمواساه ودكتورتج شاديه؟؟

اخاف بيومها دكتوره شاديه تحوس بيني وبينج هههههههههههههههه عاد حسافه على السسترات الفلبينيات يهبلون ونفسياتهم حلوه

بس انا ماارتاح الا للمواساه سبحان الله مافكر اولد بمستشفى ثاني ماادري ليش ...والسهاله من الله عساه يقومنا بالسلامه

 

[حور الجنان]

هم انا مفكره بالمواساه

والسهااااله من رب العالمين وانا وكلت امري لربي وان شاءالله هو معيني والا المستشفى والدكاتره مجرد مكملات للولاده

وكلي امرج لربح

 

[بنت العرب]

السلام لا يحوشك وااااااااااااااااااااااي شسوو بأختي؟ خلعوا رجلها وقت الولادة إنحاشوا عنه يامعودة أحسن شئ المواساة وإذا غيروا السسترات هذا مستشفى راقي ما يوظف احد اللي أكيد عنده خبرة بهاالشئ .

 

[( مي )]

ضحاوي
اي والله ناوية استخير ما ادري ليش مو متقبلة رويال حياة تعودت على المواساة

وجودي عسل
والله ما ادري زوجي دق على المستشفى وسأل عن الأسعار بس ما اذكر بالضبط جم قالي

بنت النوخذه
الله يعين

الهامورة
والله ما يندرى حدي محتاسة ،، تعرفين لما تتعودين على مكان وبعدين فجأة تسمعين بالبلاوي اللي فيه ؟؟؟؟؟؟؟ احباااط اتدودهين

غـــ روحــsaraــي ــلآآ
يا معودة عاد اذا بنفس اليوم تييلنا الولادة بس واللي يعافيج مو نفس الوقت لووووول ،، لا المشكلة اذا غيرت المستشفى عاد شادية لمنو بتروح لوووووول ،، تخيلي تصير فينا مثل سوالف الأفلام ولادة بنفس اليوم ونفس الوقت

حور الجنان
اكيد كلامج صح والسهالة من الله ،، بس هم الوحده لما تدخل المستشفى لازم تحس براحة نفسية وأمان من الستاف الموجود فوق راسها

بنت العرب
حبوبة ترى الخلع مو من الولادة ،، لأ ،، الخلع يكون من لحظة تكون البيبي في بطن امه لان انا بنتي كان فيها خلع وضلت سنة بجهاز بريولها ودكاترة العظام والولادة قالولي الدكتورة مالها علاقة ،، هالشي فيها من اهي في بطنج​

 

[غـــ روحــsaraــي ــلآآ]

مي ههههههههههههههههههههههه اعطيها دبل سعر الولاده ثلاث مرات بس ماتخليني لووووووووووول

 

[غموض المطيرى]

تبين نصيحتى انا تونى والده ولله الحمد بالسلام عن جد مستشفى روعه ورعايه قمه والسسترات ما يخلونج وحيل عارفين شغلهم وهذا عن تجربه

 

[بنوته cool]

والله المواساة لا من سستراتهم ولا دكاترتهم.. والله اني تعقدت منهم..

يعني المفروض يحطون بالطوارئ ناس تفهم وتعرف تفحص!!
بس الله يجازيهم على اللي سووه فيني!!

والله الواحد صار يخاف وين يولد!!!!

 

[ZajiL]

رووحي السلام وانتي مغمضه
روووعه وطاق السسترات ولا احسن من جذي والله لين طلعت من النستشفى يلموني ويبوسوني
من كثر ماانه رعايتهم عجيييييييبه