أفضل دكتورة نساء وولادة جربتيها ؟؟؟

[Brounzi_girlly]

بنات منوووو مجرب دكتورة زينات في دار الشفا ؟
أو الدكتورة أشلاتا الهندية ؟

 

[غلا وليدي ملا قلبي]

بنات اي دكتورة مسوية غلطة طبية بوحدة وتوفت

 

[مس كاليفورنيا]

بــــــنــــــــــات أحد يعرف د. هــــــند الحمدان (( مستشفى السلام )) أتولد

 

[^^ام ميمي^^]

الدكتوره عاليه الفضلي ماشاء الله عليها انا الصراحه صارلي 5 سنوات ما حملت وماخليت دكتوره ولا دكتور بالكويت ما رحتله وراجعت والحمدلله يوم راجعت عند الدكتوره عاليه الفضلي من ثالث شهر انا حامل طبعا بعلاج ووايد شاطره واللحين انا بالثالث واراجع عندها الحمدلله وايد مرتاحه لها وايد معاملتها ماشاء الله عليها واسلوبها وتاخذ وتعطي معاج ومو من النوع الطايره اللي تبي تخلصج وتمشي صج عندها زحمه بس كل الدكاتره الشطار عندهم زحمه وخالتي كانت تراجع عندها رحمها نازل وقايلين لها لان نسويلج ربط وسوت عندها شيء ما ادري شنووو والحمدلله ولدت عندها وايد تمدحها واي وحده تبي تسأل عنها او اي شيء عنها ادزلي بالخاص وانا ارد عليها .

 

[batlah]

من زمان ما سمعت احد مدح بدكتورة ماجده اليتامى انا عندها ان شاء الله

 

[كويتية سياسية]

الدكتور عماد غزاوي ...
كان بالمواساة و الحين صار برويال حياة ... وايد شاطر ماشالله عليه و ثقة !!

 

[اخت أخوها]

السلام عليكم
بنات أنا حابه أراجع في مستشفى السلام بس ما أعرف منو الدكتورة الزينة عندهم !
إذا وحده عندها فكرة لا تبخل علينا
ناطرة ردكم...

 

[<Miss ROoSe >]

رد: ملف كامل بأحسن الأطبه للتوليد (يرجي التثبيت )

بنات نبي يكون هذ الموضوع مرجع لنا (الرجاء التصويت بضمير وعن تجربه شخصيه ) نبي كل وحده تقول اسم الدكتور او الدكتوره الي ولدت عنده وحست بأنه دكتور شاطر وارتاحت في ولادتها مع ذكر رقم التلفون ومكان تواجده وسعره مع الشكر،،،
انا عن نفسي ارشح الدكتور / على النمر والنعم فيه ما اقدر انسي الرعايه والإهتمام اللي سواه لي في ولادتي0
عنده عياده خاصه بالفروانيه رقم تلفون العياده:4734505
سعره: 200 دينار
يولد في جميع المستشفيات بالكويت (احلي شي) :eh_s(6):

ايه والله وانتى صاجة ولدنى لما كان بمستشفى دار السلام
روعة هالدكتور من أخلاق ورعاية وضميره حى ويخاف الله ومو مادى مثل باجى الدكاترة
انشاء الله اذا الله كتب لى حمل راح أخليه يولدنى
مشكورة حبيبتى على رقمه لأنى أعرف أن بالفروانية بس مادرى بأى عيادة؟​

 

[<Miss ROoSe >]

مهجة البدر وبـــــــــــــــــــــــــس

مالقيت احسن منها وتقولج كل شي مرة وحدة ماتماطل فيج

علشان تجينهاااااااا مرة ثانية حق الصرف الفلوس

ايه والله أنا مجربتها بس مراجعات ماجربت ولادتها
صراحة خبرة وما تحسين أنها دكتورة شنها أمج ووايد طيبة​

 

[نملة زقرتية]

بنات انا ابي اسأل
عن دكتورة خالدة المجيبل
اللي برويال حياة
محد جربها؟؟؟

 

[كتكوته_1982]

دكتور عمر الصياد والله ولدت ولا حسيت باي تعب واصلا ماحسيت اني والده

 

[وجودي عسل]

انا محتاااااره بين ناهده وفوزية



شنو تنصحوني فيه

ويطلعون للمستشفيات الخاصه يولدون والا نفس منتهى اللي بالعرف ماتولد الا بمستشفى العرف

 

[ايمان 24]

كويتيه ذهبيه انشالله الله يشفي بنتج امييييييييييييييييييييييييييييييييين

 

[دانه البحر]

السلام عليكم معاكم ام يوسف سمعت عن الدكتورة معصومة مخصيد يمدحونها
وبهواني بعد . خواتي بسالكم اذا كان في خاطري احمل بتوأم بنت وولد اقدر اروح حق دكتور ويساعدني ؟؟؟؟؟؟ اهو الشي بايد الله سبحانه قادر على كل شي ؟؟؟.

 

[popyoona]

بصراحه احسن دكتوووووووووورة بلا منافس طبعا
د0 ناهده العلي
انا ولدت عندها 3 مرات ولا افكر في غيرهااا
ونصحت رفيجاتي وراحوا لها وقاموا يدعون لي على هذي الدكتورة العسل

حبيبتي انا على ويه ولاده بالبكر و ميته خوف اراجع عند فرجينيا المواساه بس خرعوني من الكلام عنها و ما اعرف احد غيرها ابي اعرف عن تجربتج مه د.ناهده و رقم عيادتها بليز

 

[alhekma]

بهواني وبس ( بعد الله طبعا )_03ba:

 

[هــــامــورة جنيــف]

حبيبتي انا على ويه ولاده بالبكر و ميته خوف اراجع عند فرجينيا المواساه بس خرعوني من الكلام عنها و ما اعرف احد غيرها ابي اعرف عن تجربتج مه د.ناهده و رقم عيادتها بليز

حبيبتي هذا رقم عيادة د.ناهدة االعلي5656886

 

[tam-tom]

\ليش ناسين ليلى اشكناني مكانها بمجمع زخرف ماشالله عليها دكتورة عجييييبة:tomato2:

 

[الاسطورة]

انشالله باجر موعدي عند الدكتوره ناهده

 

[دانة الدنيا-10]

بسم الله الرحمن الرحيم

خواتي شلونكم أنا من زمان مادشيت هني بس قلت أمر أشوف آخر نتايج الإستفتاء

وهزني حيل الكلام اللي إنقال عن الدكتورة ناهدة العلي مو تجريح بخواتي اللي كتبوا الكلام لا والله بس عن السوالف اللي عيب تنقال عن دكتورة بهالعمر والخبرة

أنا مادري شلون ينقال إن الدكتورة (( منحاشة )) !!!!! وعيادتها مفتوحة وقاعدة تستقبل فيها المراجعات

كلمة حق خواتي والشهادة لازم تنقال اللي يعرفني من قبل يذكر شلون كنت أدور أحسن دكتورة تولدني حالي حال أي حامل
ودها بولادة سهلة وخياط زين

الدكتورة ناهدة العلي ولدتني وسوتلي تجميل رقعت اللخراب اللي كانوا مسوينه الصباح
والله سهالة وذمة وضمير ومرتني من باجر بالمستشفى تطمن علي عسى الله يجزاها عني كل خير

ترى اللي تسويه الدكتورة ناهدة تقدر أي دكتورة تسويه لأني بصراحة بدفع لها فلوس بس إنتي تحسين باللي موهمها الربح أو الصيت
همها راحة المريضة

وشي ثاني أنا راجعت عندها 3 شهور تقريبا وتكنسلت لي مواعيد و رحت مرتين وماحصلتها بس هذا مومعناه إنها مو زينة
لأنها عندها شغل وتولد بره العيادة والله والله والله يا بنات إني مرة شفتها طالعة تركض رايحة سيارتها رايحة تولد وحدة
والله جنها بتطيح من كثر العجلة وترى العيادة مافيها غير الدكتورة والسكرتيرة وسسترات ثنتين فإذا حصل تقصير لاتلومونهم

ترى صج عندها ضغط مراجعين وسامحوني إذا طولت بس وراس عيالي كلمة حق حبيت أقولها