سؤال عن شعر لقطاوة أبي حل

[Q8stylle]

شخباركم يابنات

بنات عندي قطوتين نثيه وذكر المهم
اللي مأذيني بالبيت شعرهم يلزق بالملابس يبط الجبد

اللي تعرف الحل ياليت تفيدني

واذا بحلق قطاوتي بجم ؟

الاني قلت بحلقهم وافتك من الشعر اللي يطيح :0bee2e8d89:

 

[الاطلالة]

انا احلق قطوتى بمركز الدهماء برى بعشر دنانير

 

[Alia]

شنو نوعهم؟

 

[Q8stylle]

انا احلق قطوتى بمركز الدهماء برى بعشر دنانير

انا دايما اوديهم هناك
مشكورة حبيبتي
الان صج صج مااذيني شعرهم

 

[Q8stylle]

شنو نوعهم؟

شيرازي

 

[AmOoNa-]

الحلاقه زينه تطلع شعر يديد ونسبه التساقط فيه اقل واذا الشعر ماذيج بمركز سلطان ودايسو يبيعون مثل رول في لازاق يشيل الشعر من عالملابس وفي شي ماعرف اشرح شلون صاير يعني عرفتو الي يمسحون في الجام اللي شكره نفس حرف الt انا مره شايفه نفسه حق الملابس ينظفهم من شعر القطاوه بس للاسف ماذكر وين يمكن مركز سلطان اما الحل البدائي جلاد الكتب حطي عالمكان وشيلي بيشيلج كل الشعر

 

[ملكة الفن]

عجيبة طريقة الجلاد
حبيبتي انا عندي بس شعرهم يطيح طبيعي يعني لان موسم تساقط القطاو من شهر 7 لي شهر 10
و عطيهم فيتامينات اما الشعر انا عندي ما الي يشيل الشعر الي يجي مع اوتي البخار

 

[معلمة روضه]

عيدكم مبارك

ياقث الشعر اذا قام يطيح

حبيبتي اهم شي انتي شنو قاعده توكلينهم؟؟

ترى في انواع تطيح شعر القطاوه الشيرازيه مثل السمك والاكلات البحريه والحليب

افضل شي انج تمشطين شعرهم بمشط القطاوه وتعدلين نوع الاكل اللي ياكلونه

 

[مهناز]

شعر القطوه يسوي عقم اسم الله عليكم

 

[معلمة روضه]

شعر القطوه يسوي عقم اسم الله عليكم

:dddds:

مهناز اسم الله عليج!!

شكو الشعر بالعقم؟

إذا الله كاتب ان الانسان يكون عقيم فهذا بيده وحده شكوووو القطاوه؟؟

ياليتج قبل لا تكتبين شي تتأكدين لأن حلو الواحد يبحث ويتأكد من المعلومه

حبوبه

الحيوانات المريضه بالتكسو بلازما عموما برازها يسبب العقم وتشوهات للجنين للحامل وطبعا مو اي براز (اللي ما مر عليه 24 ساعه ولحيوان مريض) وممكن اي طفله تلعب برمل عالبحر ويحوشها من هالبراز ويصير معاها عقم وهو له علاج إذا عرف سبب عقمها يعني مو شرط ان اللي عنده قطو يصير مريض.

وقطاوتنا حارصين عليها بالتطعيمات والله خير حافظ

 

[جوجو.]

عشان جذي ودي اييب قطو بس للاسف شعرها يذبح

 

[soso q8]

اي صح اذا كليتي شعر القطوه يصير فيج عقم لحظه شلون يعني اذا لمست برازهم برجلي او ايدي و انا ما ادري يصير عقم !!!!!!!!!!!!!!!!!!!!!!!!!!!!!!!!!!!!!!!!!

 

[معلمة روضه]

سوسو

ياماما الشعر ما يسبب عقم

لعاب القطاوه فيه انزيم ولما تلحس شعرها بهاللعاب يسبب حساسيه للي عندهم حساسيه فقط لاغير

وبالنسبه للبراز انا قلت لكم (الحيوان المريض فقط) لما تلمسين برازه يسبب عقم وتشوهات لجنين طبعا هذا اذا كنتي ما تدرين وما غسلتي ايدج لكن هالموضوع يرجع لكتبة الله سبحانه اذا كاتب لج يصير معاج هالشي لو شنو تسوين بيصيبج والله خير حافظ

 

[Q8stylle]

الحلاقه زينه تطلع شعر يديد ونسبه التساقط فيه اقل واذا الشعر ماذيج بمركز سلطان ودايسو يبيعون مثل رول في لازاق يشيل الشعر من عالملابس وفي شي ماعرف اشرح شلون صاير يعني عرفتو الي يمسحون في الجام اللي شكره نفس حرف الt انا مره شايفه نفسه حق الملابس ينظفهم من شعر القطاوه بس للاسف ماذكر وين يمكن مركز سلطان اما الحل البدائي جلاد الكتب حطي عالمكان وشيلي بيشيلج كل الشعر

صح كلامج علي شان جذي بحلقهم
اما بالنسبه للرول عندي ولا فادتني بشي اكثر شي يوخر شعر للملابس
حطي ماي ومسحي علي الملابس بيطلع
ونص اغراض قطاوتي من المانيا
بس نفس الشي ماكو فايدة

 

[JaGuar]

أنا شعر قطوتي ماكان يطيح كلش وكنت ألعب معاها واتلها وامشطها وماكان يطيح والسبب اني رحت حق دكتورها د.أندرو وقلتله أبي حل سريع وفعال حق الشعر ومايهمني السعر وعطاها ابرتين تحت الجلد يعني يشيل جلدها ويطعمها ابرتين وبالفم قطرة وقاللي ييبيها بعد شهر وعقب شهر قبل لايبلش يطيح وديتها ونفس الشي وبعدها كل شهر اوديها مره بس الشعر... نسيت شكله واهوه يطيح لول .. بيتي نظيف وملابسي نظيفه .. اللي احاول اذكره سعر الابر والمحلول .. مادري جنه كنت ادفع عشرين!!! وبعدين عطاني شامبو بعد... وقاللي لاتوكلينها سمج وقمت اشتريلها من المعلبات لحوم وارانب والخ الخ من مركز سلطان.. جربي هالطريقة

 

[رياح الشمال]

اختي الشيرازي يطبح شعهم وايد اشتريلهم بلوزة يهال اهوه منع لتساقط السعر اهوه حلو انا ذاك المرة رحت سيرز عندهم قسم للحيوانات عندهم نفس بلوزة على بربري بس ما شفت جم سعرها

 

[MoonDiamond]

والله انا عندي قطاوه من انا ياهل والشعر ماله حل لازم يطيح بس بنسبه بسيطه مو وايد ولازم تمشطينها يوميا وتسبحينها مرتين بالاسبوع بالشامبو المناسب واذا صار شعر على ملابس اشيله بفوطه صغيره مبلله بشوية ماي وبعدين طحت على الرول اللي يقولون عليه البنات بس ياكثر ما رديت للفوطه المبلله..

والبنات اللي يسولفون عن العقم .. يا حبيباتي (دونت ووري) انا وخواتي نتزوج نحمل على طول ماشاء الله مع ان قطوتي وعيالها اربع وعشرين ساعه بداري ويخلون سريرهم وينامون معاي بفراشي ولله الحمد ما صار فيني شي بس على فكره قطاوتي مو قطاوة شوارع .. ديروا بالكم قطاوة الشوارع كلها جراثيم

 

[بنت عبدالغني شربت]

انا اقول شوفي اذا في كورس ابر احسن من لا تحلقينهم