المدااااارس .....الخاصة..... ما ادراك بالخاصة؟؟؟؟؟؟

[Om eL-3a9aGeeL]

مع احترامي للجميع , ومو قصدي بكلامي وحدة معينة
لكن مجرد وجهة نظر

إذا الأم والأبو معاشهم قوي ويقدرون عالمدارس الخاصة خل يدخلون عيالهم
أما سالفة اني احرم روحي وأكسر ظهري بالمصاريف ليييييييييش !!

كل سنة 5 آلاف شدعوه !! , عليكم بالعافية بس ليش تحملون نفسكم فوق طاقتها

والحين المناهج بالحكومة كل مالها وتتعدل

(( والله حالة نخلي لغتنا ونفتخر بإنه اسسنا عيالنا على لغة الغرب )) << طبعاً مو الكل لكن البعض

ترى الخاصة ما تفيد إلا بشي واحد "اللغة الانجليزية"

وبالمتوسط والثانوي تخلي اخلاقهم اللهم يا كااافي << اعرف وايد ناس يكونون بمدارس خاصة بهالعمر , والأخلاق ؟! حدث ولا حرج

اللي تبي تأسس ولدها صح , وبنفس الوقت توفر معاشها وتستانس بحياتها

تدخل ولدها دورات الانجليزي بس القوية اللي لها اسمها
مثل اللي بالسفارة البريطانية وايد زين

وسامحوني عالطوالة ..
وانشالله ماكون جرحت احد :$

 

[برونزية رشيقة]

مع احترامي للجميع , ومو قصدي بكلامي وحدة معينة
لكن مجرد وجهة نظر

إذا الأم والأبو معاشهم قوي ويقدرون عالمدارس الخاصة خل يدخلون عيالهم
أما سالفة اني احرم روحي وأكسر ظهري بالمصاريف ليييييييييش !!

كل سنة 5 آلاف شدعوه !! , عليكم بالعافية بس ليش تحملون نفسكم فوق طاقتها

والحين المناهج بالحكومة كل مالها وتتعدل

(( والله حالة نخلي لغتنا ونفتخر بإنه اسسنا عيالنا على لغة الغرب )) << طبعاً مو الكل لكن البعض

ترى الخاصة ما تفيد إلا بشي واحد "اللغة الانجليزية"

وبالمتوسط والثانوي تخلي اخلاقهم اللهم يا كااافي << اعرف وايد ناس يكونون بمدارس خاصة بهالعمر , والأخلاق ؟! حدث ولا حرج

اللي تبي تأسس ولدها صح , وبنفس الوقت توفر معاشها وتستانس بحياتها

تدخل ولدها دورات الانجليزي بس القوية اللي لها اسمها
مثل اللي بالسفارة البريطانية وايد زين

وسامحوني عالطوالة ..
وانشالله ماكون جرحت احد :$

والله هذا رايج لا بالعكس ما زعلتي (( البعض )) هذا منتدى ديمقراطي :ggdw:

إييه بس ساعات تبين الزين حق إعيالج لان الحكومة ألله بالخير لا تقوللين المناهج تعدلت لا تعدلت ولا شي ..... :ada::ada::ada:

 

[كويتية صغيرة]

مع أحترامى لآرائكم ........ الشاطر شاطر سواء دخلتيه حكومة او خاص
و ألحين المدارس الخاصة ..... صارت موضة
وايد من أقاربي دخلو عيالهم مدارس خاصة ..... و بعدين حولوا حكومة لأن ماقدروا يكملون ...... واجبات مرهقة .... ميزانية ..... طلبات و ارهاق و الطفل موقادر يشم نفسه ..... و بعدين يتعلم على عادات غريبة تثبت معاه و تبين لما يكبر.



مناهج الحكومة في تعديل مستمر للأفضل ...... خصوصا هذا العام ..... لو لاحظتوا مادة الرياضيات و العلوم خصوصا كل مناهجها تغيرت هالسنة صارت مكثفة أكثر ..... خصوصا اولى ابتدائي ..... و كذلك غيروا منهج ثانية و ثالثة..... حتى اذا الطالب ضعيف .... في معاهد تقوية .... في دورات بكل مكان ...... يعنى الموضوع مو راجع للمدرسة نفسها

و في نقطة مهمة في المدارس الخاصة لأنى سألت اكثر من مدرسة خاصة ..... و بعدها قررت ادخل عيالي حكومة بصراحة
.......
......
......
المدارس الخاصة ...... الصف الواحد فيه تقريبا 40 طفل ...... تخيلوا ..... (في مدرسة القطوف ) 40 طفل بالصف المدرسة شنو تلحق و الطفل وين يستوعب

اما الحكومة ..... اقصى عدد بالصف الواحد هو 25 فقط ..... هذا قرار من وزيرة التربية



نقطة الضعف الوحيدة بمدارس الحكومة ...... هي اللغة الانجليزية ..... و هذه تعالجينها بالمعاهد الانجليزية بالصيف .... و هذا بصراحة اللي راح أسويه مع عيالي

و بعدين كلنا درسنا بالحكومة .... ماصار فينا شي و كلنا دخلنا جامعات ...... بالعكس ألحين أحس الجيل القادم مستواه حيل نازل ...... مو علشان المدرسة (لاتصير شماعة ) ....... من الدلع و الترف و الاتكالية حتى الواجبات الأم تسويله واجباته ..... صار الطفل مايحس بالمسئولية و لا يحس بقيمة العلم و لايوجد طموح للتفوق مع الأسف.

المشكلة ان عيالنا ..... مو مثلنا و لامثل أيامنا .......ندرس بروحنا و نسوي واجباتنا بروحنا ....... لا انطر امى و لا انطر احد يدرسنى ......
المشكلة بعيالنا ..... مو بالمدرسة صدقونى

 

[غــ وايليه ـــرور]

انا بمدرسه خاااصه والحمد لله على كل حاال صج في فرق 180 درجه بينا وبين مدارس الحكومه !!
بس احنا بالدراسه مانغشمر !