قصة حياتي مع الاكزيما ... من الالف الي الياء

[بطه فيها نطه]

خواتي الحبيبات

اليوم حبيت اكتب لكم تجربتي مع مرض الاكزيما ... بكل مراحلها

اشلون ابتليت فيها ؟؟ وشنو اثارها النفسيه والجسديه ؟؟ وطرق علاجها ؟؟ ومهيجاتها ...

وراح اتكلم بشكل كبير ومفصل ان شاء الله .... الى هذي اللحظه وهي لحظه كبيره

وحلوة من حياتي بعد مامن الله على بالشفاء


اتمنى اشوف ردودكم علشان اتحمس واكتب لكم القصه بكل مافيها

من خبرات وتجارب مريت فيها ...

 

[صاحبة السمو]

حمدلله على سلامتج معاناتي مع الأكزيما صارلي 21 سنه ننتظر القصه على احر من الجمر ونبيلها الحل بس سؤال انتي وراثه والله طلعتلج من شي معين لأن اللي فيني وراثه وما اظن لي علاج

والحمدلله على سلامتج مره ثانيه والله يشفي كل مريض

 

[بطه فيها نطه]

حمدلله على سلامتج معاناتي مع الأكزيما صارلي 21 سنه ننتظر القصه على احر من الجمر ونبيلها الحل بس سؤال انتي وراثه والله طلعتلج من شي معين لأن اللي فيني وراثه وما اظن لي علاج

والحمدلله على سلامتج مره ثانيه والله يشفي كل مريض

خلك معاي وتابعيني ... وان شاء الله راح اتطرق لكل التفاصيل اللي

تحبين تعرفينها ... وتهمك اختي ..

والله يفرح قلبك ... مثل ماشافاني وفرح قلبي

 

[صاحبة السمو]

خلاص ناطرتج

 

[ماكنتوشه]

الحمدالله على سلامتج وناطرينج حبيبتي

 

[معكرونه أسبكتى يم يم]

لى عمر انا وياها وللحين مالقيت لها حل اعنبو ابليسها كرهتنى في كل شي صرت ماالبس الا القطن جنى عيوز

 

[emankuwaiti]

وأنا بعد حاشتني بريلي من تحت الركبة و ايديني الثنتين
و الحين راحت بس الأثر موجود و لايعة جبدي منه
و ناطرة قصتج

 

[هنـــد]

الحمدالله على سلامتج

 

[بطه فيها نطه]

الحمدالله على سلامتج وناطرينج حبيبتي

الله يسلمك اختي ... تابعيني

 

[بطه فيها نطه]

لى عمر انا وياها وللحين مالقيت لها حل اعنبو ابليسها كرهتنى في كل شي صرت ماالبس الا القطن جنى عيوز

لا تستسلمين لها .. كل شيء وله ادوا ... بس متى ماالله كتب حبيبتي

الله يشافيك من كل شر

 

[بطه فيها نطه]

وأنا بعد حاشتني بريلي من تحت الركبة و ايديني الثنتين
و الحين راحت بس الأثر موجود و لايعة جبدي منه
و ناطرة قصتج

الحمد الله على سلامتك اختي ... والاثر مقدور عليه

بس الاهم انها راحت

 

[صاحبة السمو]

ناطرينج نبي نعرف العلاج

 

[بطه فيها نطه]

الحمدالله على سلامتج

الله يسلمك اختي .. شاكرة مرورك الطيب

 

[بطه فيها نطه]

ناطرينج نبي نعرف العلاج

ان شاء الله اختي ..

 

[عالي مستواها]

ما تشوفين شر

ناطرين نسمع قصتج

بس عندي سؤال .. الأكزيما ممكن تجي على كبر ؟

انا أذكر عيال اخواني تجيهم بوجهم وهم صغار بس يكبرون تروح والحمد لله ما يبقى لها اثر

 

[بطه فيها نطه]

اولا احب اعرف كلمة اكزيما معناتها شنو للي مايعرف ....

الاكزيما / كلمة يونانية معناتها الغليان ...

وتعريف الاكزيما طبيا اهو / عبارة عن اضطراب جلدي يتميز بالحكة والالتهاب وتكون البشرة أحيانا ملتهبة وجافة
ومتورمة، ومكسوة بقشرة أو تنضح بالسوائل،


والحين ببدي بقصتي المريره مع الاكزيما ....

الاكزيما بشكل عام مرض وراثي من الدرجه الاولى .... وانا قلبت ملفات العايله كلها من يداني ويداتي

وخوال وعمام .... سلامتكم ابد محد حمل هالمرض ....

طيب اشلون ياني هالمرض ؟؟؟؟ للا سف الحسد لعب دور كبير بحياتي وكانت اثاره هذا المرض ...

البدايه كانت يوم عمري 10 سنوات وتحديدا كنت برابعه ابتدائي .... كانت عندنا جاره عربيه من دوله

الواحد مايشتهي يذكر اسمها ... كان عندها فضول كبير .. عسى مااحد زارنا .. الا ونطت بعده واسالت مين

ياللي اجاكوم ؟؟؟ وشو هالكيس الاصفر ؟؟ ومين هاي ؟؟؟

المهم كان عندها بنت كبري وكنا بنفس الصف .... ويوم اللي ناخذ فيه الشهاده الله لا يوريكم ... تي وتسال امي

كم جابت بالعلوم ؟؟؟ طيب والعربي ؟؟ .... الخ .... وتقعد تقارن بالعلامات بيني وبينها

المهم بدون مبالغه كان شعري واااااااااايد حلو وطويل وفيه لمعه ... وامي كانت دايما تحنيني كل شهر وكل خميس تدهنه لي

بخلطات حلوه يدتي الله يرحمها كانت تسويها ....

المهم ذاك اليوم .... يت هالجاره النزقه وتخيلوا اطلبت من امي الشامبو اللي انا استعمله .....!!!!

تقول بدي من هظاك اللي تغسلي فيه لـــ ++++ علشان بنتي +++ بدي يكون زيها هيك حلو

المهم بنفس الليله .... بدى شعري يحكني ... مو حك .. الا هرش ليه درجه اني طلعت الدم من جلدة شعري

والحين ابي ردودكم علشان اكمل قصتي ....

 

[بطه فيها نطه]

ما تشوفين شر

ناطرين نسمع قصتج

بس عندي سؤال .. الأكزيما ممكن تجي على كبر ؟

انا أذكر عيال اخواني تجيهم بوجهم وهم صغار بس يكبرون تروح والحمد لله ما يبقى لها اثر

الشر مايجيك اختي .. ومعاك حق ممكن تجي على كبر

تابعيني وراح اتطرق لهالامور اكثر

 

[صاحبة السمو]

معاج للاخر

 

[صاحبة السمو]

والله ياأختي من امس وانا انطر اشوف شنو العلاج وفي ناس بأمس الحاجه للعلاج ولا تخلين الناس تدعي عليج بدال ما تدعيلج انتي جربتي الأكزيما وعرفتي الحاله النفسيه اللي تجي منها وانا من امس انطر عشان اشوف القصه وعلقتينا وخلاص ان شاء الله العلاج من الله ولا منة الغير يعني قلنا ننطر ساعه ساعتين بس مو يوم الله يهداج
يعني قصه على اجزاء كنتي وضحتي هالشغله من اول

 

[بطه فيها نطه]

والله ياأختي من امس وانا انطر اشوف شنو العلاج وفي ناس بأمس الحاجه للعلاج ولا تخلين الناس تدعي عليج بدال ما تدعيلج انتي جربتي الأكزيما وعرفتي الحاله النفسيه اللي تجي منها وانا من امس انطر عشان اشوف القصه وعلقتينا وخلاص ان شاء الله العلاج من الله ولا منة الغير يعني قلنا ننطر ساعه ساعتين بس مو يوم الله يهداج
يعني قصه على اجزاء كنتي وضحتي هالشغله من اول

ليش اختي يدعون علي ؟؟؟

انا ماني دكتوره وبخلت بالدوا عليهم ؟؟؟

انا قاعده اكتب تجربه مدتها عشرين سنه فيها كثير من التجارب والمعاناة ... تبين اختصرها لك

باسم الدوا بس ؟؟؟؟

على فكره الدوا اللي شافاني يمكن مايشافي غيري .... وهذا الشيء بيد رب الرحمن

وانا موضحه بموضوعي ان القصه او التجربه من الالف الي الياء ... جزاك الله خير