ساعدونى ابى احسن انواع البخور للبيت

[حبيبة حبيبها]

:0bee2e8d89:بنات اللى تعرف افضل نوع بخور تخلى البيت ريحتة جنان لان دايم اشترى بخور من عند البسطات اللى فى السوق بس تكون ريحتة مو حلوة بليزززز ساعدونى

 

[ماي الورد]

حبيبتي انا مرة اشتريت بخور من الجليب اسمة بخور المجالس صراحة قمة الروعة للملابس والبيت تلقينة داخل محل المضيفة لو تعرفين سوق الجليب عدل

 

[مميزة خلقة]

حبيبتي نصيحه جانج تبين بخور للبيت اشتري بخور الحرمين بعلبه مشجره روحي سوق مغاتير بالفروانيه بس اسم البخور مدري اشوفلج علبته عند امي اهو عود مشرب بخري بيتج فيه تلقين اللي تحت وجيرانجيسالون شنو هالبخور ورخيص بدينارين ونص او ثلاثه وادعيلي

 

[اوركيدا]

في محل عند جمعية الخالديه ناسيه اسمه ..
عندهم بخووور اينن احنا كله نوصي عليه اذا احد بيروح الكويت ..
ومعروف بخوره نوع واحد .. وسعره وايد زين واينن فالبيت وريحته اتطول

 

[اوركيدا]

اي او فالمباركيه .. اول ماتدخلين المجمع على يدج اليساربعد تقريب 4 محلات او اقل في هندي بعد يبيع بخوور للبيت وايد زين ..
انا من البحرين عشان جذي مو عارفه اوصف عدل ..

 

[ام الفهد712]

والله انا صارلي فترة استعمل حق تبخير البيت عود مبخر من اجمل وااايد حلووو وارش بعد معاه دانتيل من الشاااايع صج صج روووعه واذا تبين الريحة تظل اكثر ضيفي معاهم اكوابارفيوم من الرصاصي شي عجييييييييييييييييييييييييييييييييييييب

عود مبخر في منه احجام ب7 وب13 و21د.ك وشوي

ودانتيل ب4د.ك وشوي على ما اظن

واكوابارفيوم ب2.500د.ك

 

[زهقاانه]

كنت دااشه محل الاثااث والله نسيت اسمه الا بخورهم يجنن وسألتهم من وين قالولي من بخور عبدالمحسن اسمه حنان ماادري جنان مااعنده بخور مسقى الا هو
صرااااحه روووووووووووعه يهبل ريحته في البيت ولج بعد اتبخريين منه وشعرج بعد

انا اشتريه من جمعية قرطبه بس مااأدري اذا عندهم فروع ولا لا عشااان اقرب لي فجذي مااسألت

 

[حبيبة حبيبها]

الله يعطيكم العافية وان شاء لله راح اجربهم كلهم

 

[ام وليد hamood]

حبيبتي بخور الحرمين حلو وبخور اجمل بعد حلو .

 

[عبق البنفسج]

اخذي معمول فاخر من أطياب المرشود سعره رخيص ووايد حلوووو

 

[بـــطوووطه]

حبيبتي انا مرة اشتريت بخور من الجليب اسمة بخور المجالس صراحة قمة الروعة للملابس والبيت تلقينة داخل محل المضيفة لو تعرفين سوق الجليب عدل

اختي انتي تقصدين شريتيه من سرداب المضيفه؟؟

بجم خذيتيه

 

[حبيبة حبيبها]

مشكورات حبيباتي على مساعدة

 

[ودي***أفرح]

بخور الحرمين حلو ......وبخور المعاريس من أمل الكويت فظيييييع

 

[بـــطوووطه]

حبيبتي نصيحه جانج تبين بخور للبيت اشتري بخور الحرمين بعلبه مشجره روحي سوق مغاتير بالفروانيه بس اسم البخور مدري اشوفلج علبته عند امي اهو عود مشرب بخري بيتج فيه تلقين اللي تحت وجيرانجيسالون شنو هالبخور ورخيص بدينارين ونص او ثلاثه وادعيلي

بخور الحرمين من وين تاخذينه من اي شركة حبيبتي ومن اي محل بمغاتير؟؟

 

[السكوت مشكلتى]

فى معمول اماراتى اسمه المسنى حلو وايد للبيت

 

[مميزة خلقة]

ادري رديت متاخر بس شسوي كله مغلق المنتدى مدري شسالفته المهم اهو تبع محل الحرمين شلون محلات اجمل ورصاصي جذي نفسهم والمحل تلقينه بسوق مغاتير اسم المحل الحرمين انتي لادشيتي السوق اسالي

 

[حروف الغـــلاااا]

عندج عود مسقى الي عند اجمل وامل الكويت والعربيه والقرشي وعبد المحس بعد اشحلو ..
واي خدمه انا حاضر...

 

[نواااال]

احسن شي بخور القرشي لا يعلي عليه عجيب انا ماابخر بيتي الا بخور القرشي وبس

 

[athora]

معمول ديفا من بيت ديفا التوله ب4 دنانير

 

[جاكليت]

انا استخدم عود مبخر من أجمل


وعندج بعد العربيه حلو