أبي قطوة بس ضايعة ولا أعرف شي :(

[c a t w o m a n]

أهلا بنات أنا قررت آخذلي قطوة وماني عارفه شي بتاتا عنها أبي أعرف اشلون أعتني فيها أبي أعرف اشلون تنام وشنو تاكل أبي أعرف .. أبي أعرف .. مممم .. ماأدري اشلون تنقال هذي ... أبي أعرف اشلون اذا فيها بيبي أو شي ثاني وين تروح واشلون ينظفون المكان : ......... أنا بخاطري قطوة عنونة حيل مجكنمه مو كبيرة وويها حلو مو اللي خدودها نازلين جنها spike اللي بتوم آند جيري .. وودي أعرف بجم أسعارهم .. قطاوة المنتدى أكون شاكرتلكم جدا جدا لو نصحتوني ..​

thank you ​

 

[معلمة روضه]

ان شاء الله راح اعلمج كل شي والبنات ما يقصرون

بس خليها بعد رمضان احسن لج لأن شهر عشره راح يكون موسم ولاده للقطاوه يعني خليه على نص السنه احسن لج

 

[c a t w o m a n]

مشكورة عزيزتي معلمة ... بس حابة أعرف أكثر عنها عشان أقنع السلطة العليا .. أبي أعرف تربيتها وأهم شي اشلون أحافظ على نظافتها ونظافة البيت منها ويعطيج ألف عافية حبيبتي ​

 

[c a t w o m a n]

معلمة روضه كفيتي ووفيتي يزاج الله خير ..


nyone else can help please :gr4uu:​

 

[أم عنقوصه]

سلام عليكم

اي والله حتى انا بخاطري قطوه ياليت الخوات يفيدونا ..


يرفع ببركة شهر رمضان

 

[c a t w o m a n]

وي حياتي أم عنقوصه انتي اهني ... فديت ألبك .. صرنا اثنين نبي قطوة .. منكم نستفيد عزيزاتي ​

 

[سكارف.فوشي]

http://ourpetclub.com/vb/-f12.html
انا اضبطج
دشي اهني وكل شي تلاقين يخص القطاوه

 

[c a t w o m a n]

ثانكس حبيبتي فراولة ... مممواه​

 

[معلمة روضه]

كات ومن

بعرف دام اسمج المراه القط اشلون ما تعرفين للقطاوه؟؟

هههههههههه

ما علينا شوفي عزيزتي دامج توج يديده بالمجال احسن لج تاخذين قطو مو صغير ومطعم وخالص

طبعا الاسعار متفاوته في شي بلاش وفي يوصل لغاية 600 دينار اذا كان مستورد

الحين هابين بالهمالايا وانا ما احب هالنوع وفي منه 3 انواع شي يسمونه شوكلت وشي اورنج وشي بلو بوينت

احلى شي الاورنج والبلو بوينت ما احب الشوكليت لأن احس انها سياميه بشعر كثيف

ما علينا

الشيرازي تكون ريوله قصيره وشعره كثيف ويبيله عنايه بالتمشيط والاكل وووووو ...احلى شي فيه انه دلوووع ويحب التمسح ويقعد بالحضن ويستانس عالتمشط

اما السيامي فهو شعره قصير وذكي جدا ونشيط وعنده وفاء لصاحبه وما يبيله عنايه مثل الشيرازي

طبعا النوع اللي ما يمرض ولا يصير فيه شي (قطاوه الشارع اللي ببلاش ههههههه)

طبعا القطاوه نظيفه ودايم تنظف نفسها بنفسها عن طريق لحس روحها واذا بغت الحمام تروح للرمل وتعمل عملتها وتدفنه....طبعا هذه بالاغلب فطره فيهم بس الذكور شويه مشكله لأن سبحان الله يرشون البول بمحيط منطقتهم لتحديد المكان بأنه ملك لهم وبعد عشان يجذبون القطاوه الاناث للتزاوج وطبعا هالشي في فترة البلوغ وللقضاء على هالمشكله ينصح بإجراء عملية للقطو ويصير عقيم,,,وهالشي متوفر من خلال جمعية الرفق بالحيوان جميع القطاوه عندهم عقيمه وتاخذينها مقابل سعر رمزي للخدمات المقدمه للقطو وهالقطاوه للتربيه كحيوان اليف فقط مو للتكاثر والانتاج.

الحين راح تقولين اشلون تروح للرمل؟

طبعا بالجمعيات وايضا في عند محلات ابو اميه مثل الصحن المربع بلاستيك تقريبا طوله ربع متر في نص متر تحطين فيه الرمل وتخلينه بالحمام وتسكرين علي القطوه بأول ايامه بهالحمام وتعطينه اكل وماي علشان يعرف ان بهالمكان يعمل عملته وانتي بكرامه وعقب فتحي الباب وخليه يتجول ولاتخلين باب الحمام مسكر ويفضل يكون مطرف عشان يقدر يدخل داخل بسرعه اذا بغى الحمام.

السبوح عادي كل اسبوع او اسبوعين مسكي القطو وحكريه بالحمام وحطي شويه شامبو وماي وفركيه وعقب غسليه وخل احد يساعدج بس ابتعدي عن العيون والاذن.

وبس

 

[c a t w o m a n]

هههه عن جد ضحكتيني معلمة لا يغرج النك نيم ترا كات بس شكل ... على كل ... تسلمين وتسلم أياديج على كتابة هالمعلومات بس القطوة أحطها بالحمام وأنتي بكرامة حرام حر عليها أخاف تتعب ولا تموت .. معلمة في صور روعة للقطاوة عندي ياها ماني عارفه أحطها بس بحاول أدزلج ياها لأني أبي بس هالنوع يهبل عنونو ومجكنم وقصير وكشه حبيبتي ما تعرفين هذا شنو نوعه .. وين تنصحيني آخذ القطوة .. سؤال أخير بس لا تزنطيني .. اهي بروحها تدل الرمل إذا احتاجته ؟​

شاكرتلج المساعدة عزيزتي ​

 

[معلمة روضه]

ههههههههههههه حلوه سالفة كشه

طرشي لي الصوره وانا اقول لج

حبيبتي الحمام اذا داخل بيتكم ماراج يكون حيل حار وبعدين هذا للتدريب يعني بالكثير يومين تظل بالحمام وطبعا تعطينها اكل مو تنسينها

انا حاطتهم بالسرداب وبيتنا سنترال وكنت حاطتهم صوب مغاسل الضيوف والعلبه مالت الرمل موجوده وطبعا شوي شوي قعدت اسحب العلبه لحد ما دخلتها بالحمام عشان عن الريحه

الحين الرمل في نوعيه معينه تنباع ما تطلع ريحه وبس تشيلين الوسخ من الرمل وميزته ان البول وانتي بكرامه يصير مثل الصخره وينشال بقفشه مثل المشخال.

اذا القطوه صغيره حطيها فوق الرمل وراح تستانس وتسويها وعقب تدل بروحها المكان لأن فيها ريحتها طبعا القطاوه من يوصخون بالرمل سبحان الله يدفنونه مايخلونه مكشوف.

طبعا القطو الكبير ماراح يأذيج ومتعود عالرمل بس عاد يبيله تحكرينه بمكان يوم او يومين عشان يتعود عالمكان ويتأقلم.

طبعا القطاوه تحب تتمسح فيج مو لله هههههه لأ عشان تخلي فيج من ريحتها وتصيرين من ممتلكاتها وتمووون عليج

وشراي القطاوه حظج نصيبج

في ناس كويتين غالين ...شوفي القطو اللي شاريته الفرواله الحمرا يهبل بس غالي عقب مكاسر اخذته ب100 دينار

انا اعرف رقم سلوى حسين ام رضا وتبيع من 80 وطالع وعارضه جم قطو بالمنتدي اللي حاطته لج الفرواله الحمرا بقسم البيع والشراء بس نوعهم همالايا طبعا ام رضا ما تبيع إلا وهم كبار ومطعمين وقطاوتها نظيفه الصراحه

 

[c a t w o m a n]

كفيتي و ووفيتي معلمة رايتج بيضة ... بس قوليلي حبيبتي أي نوع من القطاوة يكون قزم و صغير هيمالايا ولا شيرازي ... معلش حابة أعرف قطوتج من وين ماخذتها .. اللي فهمته إن القطوة بروحها تروح للرمل إذا احتاجته مو جذي .. مشالله أحسن من عيالنا بس وايد أوسوس وأحاتي من ناحية النظافة شكلي بعيشها بصندوق وأقط عليها الأكل من فوق ..​

 

[beeka_q8]

ههههههههههههههههههههههههه
وعليه بصندوق عاد مسكينه تحكرينها جذي
عاد انا مادري اشفيني على القطاوه اتنرفز منهم
اقول لييش اتعبين روحج ودورين يازين اقطاوة الشارع طلعي بعد شوي ومعاج خيشه العيش
وقعدي تنقي اي وحده اللي عريه واللي عوره واللي تطالعج بطرف خشمها
هههههههههههههههههههه

عاد بشرينا اذا شريتي وعلمينا شنهو بتسمينها

 

[c a t w o m a n]

هههه حبيبتي .. قطاوة الشوارع مسببتلي قلق وأزمة نفسية صج أخاف منها عندنا قطوة ما تنام إلى يم باب السكة ولا توخر ومكاسر بالعيون شوي وتحط إيدها على خصرها وتقولج نعم يختي ... على كل... مثل ما قالت أختي معلمة روضة دام إن شهر 10 موسم تزاوج أنطر لي بعد شهر 10 بإذن الله وآخذها ومن ناحية اللإسم لازم أشوفها أول وأشوف شنو لايق عليها .. تسلمين عزيزتي​

 

[beeka_q8]

لا تاخذين عتوي ولا لونه يغلب على الاسود
ينخاف منه يمكن فيه يني ههههههههههههههه

 

[c a t w o m a n]

لا عزيزتي .. بخاطري رمادي أو بني فاتح ... قاعدة أحاول أنزل الصور ماني قادرة .. انشالله لما أحطهم تشوفينهم بس لا انسي الأسود اللهم آخذه وأصبغه هذا شي ثاني .. ​

 

[c a t w o m a n]

محبطة .. صور القطاوة مو راضيه تصير مو عارفه أنزلهم إهني :eh_s(2):​

 

[معلمة روضه]

كفيتي و ووفيتي معلمة رايتج بيضة ... بس قوليلي حبيبتي أي نوع من القطاوة يكون قزم و صغير هيمالايا ولا شيرازي ... معلش حابة أعرف قطوتج من وين ماخذتها .. اللي فهمته إن القطوة بروحها تروح للرمل إذا احتاجته مو جذي .. مشالله أحسن من عيالنا بس وايد أوسوس وأحاتي من ناحية النظافة شكلي بعيشها بصندوق وأقط عليها الأكل من فوق ..​

:dddds: حرام عليج امبيييييييييييييييييييييه اتخيل شكلج وانتي متوتره من النظافه

شوفي عزيزتي اذا انتي موسوسه انصحج لا تشترين قطوه والافضل لج سمج او طيور زينه

لأن القطاوه معرضه للبراغيث والفطريات والي اخره

ومشهور بالقطط اللي شعرها كشه انها تعاني من تساقط الشعر

والاهم ان محد في بيتكم عنده حساسيه صدر او نشله او ربو

لأن القطاوه تزيد الحساسيه فيهم

بالنسبه للهامالايا اهو مثل الشيرازي بس ويهه مصبوغ بلون وريلوه وذيله مثل هذولا القطاوه اللي يبيعهم واحد سوري بالكويت بس غالي

 

[معلمة روضه]

طبعا الهمالايا نوع هجين وغالي وهو عبارع عن تزواج شيرازي مع سيامي ,,,,انتج هالنوع طبعا مو اي واحد يقدر ينتج هالانتاج لن علماء اللي انتجوا هالنوع الهجين وصار نادر بس مشاكله وايد ويبيله واحد يعتني ويهتم.

انا قطاوتي واحد اهداء والثاني شاريته من سوق الحمام

 

[c a t w o m a n]

مممم .. بلى عندي في البيت حالات مستعصية ربو وحساسية اليهال فيهم .. انحبطت يعني الأمل من القطوة مقطوع ! خليني أوريج صورة جم قطوة وقصي علي قوليلي ما في مشكله تربينهم .. بس مو عارفه أنزلهم .. *_* ... ما أخليهم يقربون صوب القطوة عادي مو جذي .. صار فيني إحباط ... ببجي​