شريتي الأوربتراك أو عندج إياه؟حياج معانا

[Ms. luxury]

السلام عليكم ورحمة الله وبركاته حبيباتي اشلونكم ؟
اليوم وصلني جهاز الاوربتراك وقلت وايد بنات في المنتدى عندهم اياه وغير اللي بيشترونه فقلت أسوي موضوع نشجع فيه بعض علشان نستمر لأن أهم شي بالرياضة الاستمرار وخلونا نكتب يومياتنا واللي حابة تكتب وزنها هل نزلت مع الجهاز على راحتكم بس خلونا نشجع بعض
أما عني أنا ماراح أشوف وزني إلا بعد ماأوصل مقاس 36 ان شاء الله فقط أقيس بالسانتيمتر ..
وموفقين ...:ggdw::ggdw::ggdw:

 

[Ms. luxury]

اشدعوة ماكو أحد ...ليش ؟ عالعموم راح أيي هني كل يوم ان شاء الله وأكتب يومياتي واللي بتشاركني حياها الله

 

[وردة بيتنا]

وايد زين الجهاز . البنات ما شاركوا يمكن لان فيه مواضيع وايد عن هالجهاز

الله يوفقج

 

[عنايد]

ممكن اشوف له صوره لاني سمعت عنه واجد بس ما اعرفه

 

[أم التوينز]

ياحلوين هوا صح يمحي المؤخرة على قولتكم الجناط لاكن انا مرة احب جناطي بس ابغى اشدها ينفع لي الاوربتراك ولا زي ماسمعت انوا يمحيها لالا مابي امحيها هي العلامة الانثوية الوحيدة بجسمي لان ماعندي صدر ابد والحمد لله

 

[Ms. luxury]

والله ياأم التوينز أنا حالتي نفس حالتج بس كل شي يهون في سبيل إزالة الأدهى والأمر اللي هم الأجنااااااب (الارداف)
وان شاء الله أحط لكم صورته الحين

 

[@بناتي غناتي@]

مرحبا انا صاري 3 ايام استعمله ابي يشد جسمي كله وانا ما شريته الا لما عرفت انه عجيب للشد

 

[Ms. luxury]

هلا بناااات ..
توني مخلصة من الدورة وببلش ألعب فيه مرة ثانية 10 دقايق صبح و10 دقايق بالليل..
سي يو.....

 

[ام كتكوت]

بقولكم على طريقه عجيبه تقدرين تستفيدين منها

بس امانه اللي تستفيد تدعي لي اضعف امااااااااااانه

خلي الجهاز عكس يعني من وره وخليج قاعده ع القنفه ولعبي بريول التراك مثل القاري
شرايكم؟؟

2في 1

اوربيت تراك وقاري بنفس الوقت واللي بتنقل فكرتي تذكر اسمي ومشكورين

 

[ناني سيكرتس]

بس نشتري الجهاز بشترك معاكم بهالتجمع..

 

[فنـــــر]

انا عندياااه بس مقطووط
بس والله ياشيهيرو شجعتينى انشالله التزم ؟؟؟؟؟؟؟

 

[@ الرسامة @]

السلام عليكم


للي يسال عن صورة الجهاز

هذي الصورة

على فكرة الجهاز وايد مفيد انا عن نفسي استعمله بالنادي وينسق الجسم بسرعة

 

[أميرة حالمة 33]

من وين اشتريه وبجم

كل اللي القاهم لازم تقعدين وانا ما احب القاري ابي مثل اللي بالصورة

عفية ردوا دام عندي فلوس قبل لا اصرفهم

خو انا ايدي اتحكني _03ba:

 

[Ms. luxury]

أميرة حالمة حبيبتي شوفي أنا رحت محل تيلي سين اللي يحطون دعاياته بالتلفزيون (ماأدل وينه ريلي وداني) ولقيت عندهم القديم ب49 دينار والمطور ب81دينار يعني الدبل ..والفرق يقول اللي يبيع ماكو فرق إلا الشكل فقط فطلبت منهم القديم اللي بدون كرسي وفيه اللي تثقل الجهد وتخففه مرسوم عليها سالب وموجب ..ووصلولي إياه بعد 4 أيام كنت كل يوم اتصل عليهم أسألهم ليش مايابوه ..يالله بالزور وصلوه وحزتها كتبت الموضوع هذا ونبي تفاعل وتشجيع يالله انضمي لنا حبوبة .انتي والبنات حياكم الله

 

[Ms. luxury]

وترا تقدرين تتصلين عليهم وانتي ببيتج يوصلونه لج ..رقمهم:
808 808

 

[Ms. luxury]

أنا يابنات قمت أقعد بين السجدتين وبالتشهد بكل سهولة عوار ركبي راااااح ولله الحمد بظرف اسبوعين من شريت الجهاز مع العلم اني وقفت أيام الدورة بس كنت ألعب ربع ساعة وربع ساعة (يعني على فترتين ) مجموعهم نص ساعة باليوم بدون تخفيف يعي أحاول أوقف ماأحط صحن ثاني بس بالعشا آكل والعصر أخربط وكيك وبرد وبلاوي .وماشفت وزني أعتقد لو أخفف أنزل أسرع .
بس الشي الحلو اللي لاحظته ان عوار ركتي رااااح
الحمد لله ..يالله همتكم بنات رمضان ياي استغلو الفرصة علشان تكشخون عدل بالعيد

 

[أميرة حالمة 33]

مشكورة ياحياتي عاد أمس انا رحتت للمحل وانشالله راح اطلبه وانضم وياكم

 

[لعيـــ ترخص أرقاب ـــوني]

عندي بالبيت مقطوط محد يلعب فيه غير خواتي توم بثانية ابتدائي ((عصاقيل ))هههههههههه وحده تركب على مكان الرجل اليمين والثانية اليساار تخيلوووو اشكالهم ههههههههههههههههههههههههههه ويللا فلينهاا مابقى فيهم غير هالعظاام ناوين عليها

 

[Geisha]

بنات مو متعب ؟ ولا سهل لانه اخاف امل منه اذا يالله احركه

 

[موزة ام فارس]

عندي الجهاز ومن شريته حسيت بالفرق
صج عجييييييييييييب يشد الجسم شد