سلام عليكم بنات شلوونكم
شخباااركم
وشحلااات جو الكويت هالايام << فيها شي
يلا بنات عازمتكم على جاي وحب شمسي عندي لكم سوالف مو سالفة
اي والله مثل ماقلتوا الديرة صغيرة والجذااب مرده بيطلع
بس ماكو فايدة فيهم بوطبيع مايوز عن طبعه
مرات العايلة تنغر بكلام اهل المعرس او العكس علشان مانظلم احد فينا ومافينا وكله بلووش
انا مرة ياني واحد قالولي بالبداية ترى خوووش ناس مايتطوفون بداية حلوة وموفقة
امه بالتلفون قالت حق امي ترى ولدي ضغيف << لاحظوا انا كله العقد في المتن والضعف شكلي بتعقد وبصير دب شمالي اسم الله علي
قالتلها امي مو مشكله عادي بعدين يت امه واخته وخالته البطة (قلتلكم مرة قصتها قالتلي ضعفي واهيا شمتنها كااااك ضعفي انتي اول يالفيلة)
بس بلطف الجو ماحب اتطنز على احد
ولاحظت كلهم لابسين اسود جنه ياين عزا
اختي قالت للام الولد ضعيف قصدها هل يناسبني والا لا؟ جان الاخت تصرخ لا مو هزيل منو قال هزيل
صج منو قال هزيل انتي الي تحجيتي وقلتي هزيل احنا ماقلنا هالكلمة
انا اخترعت لان صرخت صرخة مو طبيعية واهيا كانت طول الوقت ساكته , هلاقة
اختي قالت ماقلنا شي الوالده قالت حق امي ان الولد ضعيف وبغينا نشوف مناسب والا لا قبل كل شي ؟!!؟
جان امه تقول انا قلت لا لا ماقلت متى قلت لا ماقلت
انتي ماقلتي احنا جذابيين
هذلا اول ناس ايوني بهذلوني
طبعا قالولنا عنهم عقب انهم رافعين خشمهم ويقولون ان اهما عندهم فلووس وايد يعني جنه محد عنده فلوس غيرهم مايبون اي احد يبون نفيسه مثلهم
قلنا حق الي وصلولنا الخبر ليش من الاول ماقلتوا ناس قالوا توه عرفنا الحقيقة وناس قالوا يمكن يصير نصيب زين ؟؟ !!!علامة تعجب!!!
عقبها بقترة بنات سمعت انه خذا مطلقة اللهم لا شماتة
احب اقول قول للامام علي بن ابي طالب عليه السلام : ((على قدر النية تكون من الله العطية))
للعظة والعبرة
ويريت اي وحده بتخطب حق اخوها اهيا واهلها يحسون ان الي جدامهم بشر مثلهم الي ماتحبون حق عمركم لاتحبونه حق غيركم
.......
بقولكم الحين العكس علشان نشوف ان مو كل الشباب غلط هم في بنات الله يستر عليهم
وحده كانت كله تطلع عيوب بالرياييل واحد خشمه مادري شفيه
واحد جسمه يلوع الجبد واحد ويهه جنه --
عقبها تزوجت واحد جميل مثل ماتبي بس ماصار نصيب وتطلقج وتبهدلت
واحد من الي كانت تتطنز عليهم كان خاطبها مرتين وكل مرة تعطيه لقب غير عن الثاني المسكين اكيد كان يحبها
رجع خطبها عقب ماتطلقت واضطرت توافق عليه
قاموا يعايرونها الناس خذيتي بو ويهه -- وخذيتي الي فيه كذا وكذا
لمن وصله خبر ان اهيا قايله عنه جذيه هم طلقها
نقول هني:: (( القناعة كنز لا يفنى ))
ومن عاب ابتلى
----
سالفة ثالثة عن وحده اعرفها حيل قالت انها كانت قاعده تحجى مع وحده من البنات اكبر منا عن الزواج الظاهر البنت قالتهلها ان اهيا حست عمرها كبرت او شي
تدروون شقالت لها
قالت لها انتي مو بس طافج القطار طافج وقحص علييج
وتضحك المشكلة عقبها البنت هذيكي تزوجت خوش ريال وصار عندها عيال منه واهيا ظلت وخذت واحد كبير ومطلق جم مرة
----
واذكر مرة وحده عيوووز اسم الله على عيايزنا قالت حق امي البنت مثل قطعة الخام كلمن يفتحها ويشوفها امي قالت لا بناتنا غاليات مانوريهم حق اي احد
دقت بعد شوي جان تقول تصدقييين فكرت عدل جان اقول اي والله احنا مو قاعدين بسوق السمج
شفيها الحجية
اما سالفة قطعة الخام كلش ماحبيتها
زين في وحده قايله حق اختي البنت لمن تنخطب تصير مزهرية:cxxxp: وين قاعدييين
البنت اغلى من جذيه
:tek:صــح والا شرايكم
