كل وحده مسويه تحزيم معده تشاركني

[janawi]

السلام عليكم عندي استفسار انا من قبل 6 سنين سويت تحزيم المعده و الحمدالله نزلت اربعين كيلو لكن عقب حملت و زدت 10 كيلو و بعده بسنه حملت وزدت 25 و بدى وزني بزياده دون الفائده من تحزيم و قالي دكتور انه الجيب توسع شنو الحل مع الشكر

 

[أرستقراطية]

يا ليت تقولون من الدكتور اللي سوى لكم اياه وبكم السعر وهل في أي تأثيرات جانبية ..........زلأن اختي كل يوم رايحة عند دكتور تستشيره وأنا مو مشجعتها...... بس اشلون زاد وزنك يا janawi مو المفروض يظل وزنك مثل أول ...............​

 

[أرستقراطية]

عيل ليش مسوين عمليه ..لو بنسوي ريجيم سوينا من قبل افففففففف طفشت انا يا مزنوطه الماي مايدش يا الاكل عادي يمر سهالاااااااااااااااااات

الحين منول انت سويتي تحزيم وهم محتاجة ريجيم اشلون وليش !!!!!!!!!!!!!!!!!! وشنو الفرق بين تغيير المسار والتحزيم وليش ما ينصحون وايد بتغيير المسار مع انه يضعف أكثر بس يقولون ان نفسياتهم وايد تتعب وما أدري ليش !!!!!!!!!!!!!!!

 

[خلصوا الاسامي]

السلام عليكم

شلونكم بنات شخباركم

والله كلنا ملينا من المتن :0bee2e8d89:

وتعبنا من الرجيمات اللي بتبتدي يوم السبت ولي يه السبت صارت يوم الاثنين يعني اجانب :dddds:

والله احنا نقص على عمرنا ولي بدينا بالرجيم وصارت يمعه نقول يمخالف اليوم فري والمشكله اكتشف بعدين ان رجيمي صار يوم ونص او يومين بالاسبوع بس :eh_s(14):

عشان جذي خذيت قراري واتجهت للدكتور باسل السميط انســــــــــــــــــان انســــــــــــــــــــان صج مريح

عطاني سلبيات العمليات قبل ايجابياتها وقالي روحي استخيري وفكري يمكن انا اكون موزين لج او العمليه مو زينه لج استخيري وفكري ورجعيلي

ورجعت له وان شاءالله الاسبوع الياي عمليتي بنات ادعولي والله اني محتاجه لدعائكم:tek:

 

[q8_pearls]

يارب يقومج بالسلامه ان شاء الله

 

[حياة عبدالكريم]

انا سويت تحزيم المعدة من خمس سنين بس ما استفدت منها كلش وشهرثمانيه اللى طاف شلتها وسويت عمليه تصغيروتحويل المساروالحمدالله وااااااااايداستفدت ما انصح بعملية التحزيم كلش

 

[ام حيدور]

اخواتي الاعزاء انا كان وزني 156 كيلو سويت عملية تحويل معدة قبل سنتين والحين وزني 70 كيلو ما ينزل ولا يصعد الى الابد طول العمر

 

[كجب]

بنات منو فيكم تعرف طريقة الحجز حق عملية تحزيم المعدة بالحكوومة, ضروووري , فيدوني الله يخليكم؟؟؟؟

 

[ام حيدور]

في مستشفى مبارك اول شي روحي المستوصف وقولي حق الطبيبه ابي اسوي تحزيم المعدة تعطيج ورقه وبعدها روحي حق امين المستوصف يحطلج موعد عند طبيب مستشفى احسن واحد دكتور خالد شرف

 

[ام حيدور]

الى الاخت عنيدة وتعاند اكيد تاكلين حلويات لاني انا امسويه نفس العمليه عند نفس الدكتور الحمدلله نزلت وايد

 

[كجب]

مشكورة ام حيدرو واااااايد افدتيني بصراحة, لاني مت وانا اسأل هالسؤال و محد يرد علي, بس حبي انا بطاقتي على الفروانية, يصير يحولوني مستوصف الاندلس لي مستشفى مبارك؟؟؟؟ واذا ما يصير ... شسوي؟؟

 

[ام حيدور]

سلام كجب ما ادري والله يمكن مستشفى الفروانية عندهم وادا ما عندهم تعالي منطقتي وادخلج مستوصفنا ونشوف شنو يصير الله كريم لا تحاتين

 

[حياة عبدالكريم]

حبيتى النيه الصافيه انا انصحج تاكلين هريش ويريش وكورن فليكس وروب الفواكهه جلى كسترلانى انا كنت مسوية التحزيم من 6سنين بس ما سوت لى ولا شى قمت وسويت عملية تحويل المساروالحمدالله انشالله كل شى اوكى

 

[wise-girl]

السلام عليكم
بنات ممكن وحده إتفيدنا إذا إمسويه العمليه في الحكومه وإشلون إهتمامهم وشنو الإجراءات إللي سوتها وهل تنصح فيها أو لأ
يعني ما حست إبتعب وتحسفت ليش سوتها وممكن تكتب لنا تجربتها

ومشكوووورين

 

[ام حيدور]

سلام كويتية ما في تعب ولا شي توكلي على الله

 

[wise-girl]

أم حيدرو الله يخليلج حيدرو إنشاء الله
آنا أم جعفرو بس ممكن إتفيديني إنتي عند منو سويتيها يعني كلش ما تعبتي بعد العمليه

 

[حياة عبدالكريم]

حبيبتى انا والله سويت التحزيم بالحكومه والرعايه كانت عجيبه بصراحه بمستشفى مبارك وعادى حتى لوبطاقتج بالفروانيه يسونها لج بمبارك بس عيبهم المواعيدوايدبعيده :0bee2e8d89:

 

[wise-girl]

الله يعينا على المواعيد إنروح إنسويها بالخاص ونضعف ولين الحين ما وصل دورنا

 

[Miss.Vampier]

السلام عليكم هذي مشاركة جديدة لي بس حبيت افيدكم
مواعيد مستشفي مبارك وصلت لحد شهر 7/2010
للاسف
الله يسلمكم انا مفكرة اسوي تحويل مسار
عند فهد الاصفر في مستشفي العدان
طبعا انا كنت عنده بالعيادة مالته ودورت وين يشتغل
وتصادف انه اهو عندنا بالعدان
جان اروح اسوي تحويل
والحمد لله مواعيدهم قريبه وشفت الدكتور 8/9
يعني امس وشرح لي كل شي
انا قلت له انا مابي اسوي رجيم تعبت جان يضحك
قالي خلاص سوي تحويل مسار هذي تفيدج
وشفت كذا وحده يايه تراجع عنده تقول فيها تعب
بس شوية والحمد لله حط لي موعد عملية في
17/2/2009
صج بالنسبة لي وايد انطر 5 اشهر بس
الحمد لله يريت الى مسوية تحويل مسار تفيدني
انا عندي صديقتي عندها خوات ثنتين مسوينها
عند محمد الهيفي بس غالية المهم
الحين اجسامهم افففففففففففف تهبل وصار لهم سنه مسوينها
ووحده فيهم الحين حامل والحمد لله ماتعبت
ومرتاحين
وبنت عمي سوتها عند خورشيد
وهم الحمد لله مافيها الا العافية
علشان جذي قررت اسويها
لان شكلي جني تجورى صغير
لوووووووووووووووول

 

[نــور الكويت]

يعطيكم العافيه ع الموضوع بس اظن ان له سلبيات ع الجسم