احسن صالون تمليس وتنعيم شعر بالكويت :(

[ريتال الكويت]

السلام عليكم بنات
شلونكم وشخباركم
معاكم **اخت** العضووه ريتال
واللي يعافيكم
الوقت ضيق و ما عندي الا فترة هالاسبوعين عشان املس او انعم شعري باحسن واجدد الطرق وباحسن صالون بالكويت وبسعر زين انا سمعت عن بعضهم وعن اسعارهم بس احس اني ضايعه شنو ابي ..!؟؟
بس ابي صالونات اكيده منكم وادري انكم ما تبخلوون بنصايحكم واللي منها بقرر فترة هالاسبوعين
لان خواتي كلهم يحنووووون على لازم تسووين شعرج لانه صج صج مو ناعم وكشه وانا مليت منه لاني والله فكرت اني اقصه بوي او كاريه و افتك,, وهو طول ظهري تقريبا لكنه مشكله, بس الحمدالله على كل حال


يعطيكم العافيه

اختكم

اصايل​

 

[lamsety]

اختي نصيحه لاتسوين تمليس لانه بتلف شعرج بعدين وتندمين

 

[ريتال الكويت]

مشكوره اختي الكاتبه72 و ماقصرتي على النصيحه والله
بس سمعت عن حالات سووه و فشلوو و مانفعهم انا حطيت هالموضوع عشان ماتصير حالتي مثلهم بعد,, و في بنات جربووه فادهم فتره
بس ابي احسن مكان لاني صج زهقت من شعري:0bee2e8d89: استغفر الله اذا امي راضيه جان قصيته من زماان والله و ارتحت

 

[بشورة الأمورة]

روحي لاليك اهناك في خبيرة شعر تنصحج و ماشالله شغلهم نظيف في انواع وايد واحسن شي اللي بالالماس اختي راحت بتسوي بس قالت بعد ما اولد

 

[ريتال الكويت]

يعطيج أألف عافيه بشوره الاموره سمعت عنه و هو من اول الصالونات اللي تخصصو بهالشئ
و ودي اي احد سمع انه احد سوواه و شنو كانت نتيجته !!؟
وو
سمعت عن
:
البان
جاك ديساانج


بس محتاره شنو الاحسن والاضمن !!؟
و ضروري فترة هالاسبوعين قبل رمضاان


والله يا بنات اذا مو محتاجه ما حطيت الموضووع

مشكورين ما قصرتوو للي رديتووو انشاءالله بميزاان اعمالكم


وناطره باقي الردوود
حتى اللي ماتبي تكتب رد طويل بس اسم الصالون واحسن تنعيم عندهم و النتيجه على البنت اللي جربته


يزااكم أألف خير

 

[خمريه]

هلا اختي انا بقولج عن صالون في الجابريه اسمه ماريا انا سويت عنده تمليس ماتركس يهبل يخلي الشعر حرير بس انا ما اعتنيت بشعري بعد التمليس واحس انه خف بس ما ادري من التمليس ولا من اني ما اعتنيت فيه بس للامانه شعري من قبل التمليس يطيح حيل بس بجد يهبل ماتركس اسالي عنه وانتي قرري اذا بتسوين ولا لا اخاف ما يعجبج وتدعين علي انا قلتلج عن تجربتي وكنت ناويه اسوي تمليس مره ثانيه على شهر تسعه تشكرات
خمريه اذا تبين الرقم طرشي على الخاص

 

[مركب الأمل]

للرفــــــــــــــع

 

[ريتال الكويت]

اخت خمريه يعطيج أألف عافيه
و انشاءالله بــ تمليسج الياي يضبط شعرج اكثر و يرد مثل اول و احسن

اخت مركب الأمل اسفه انا يديده هني ما اعرف شنوو للرفع :ssssso:

و انشاءالله بسجل معاكم بنك يديد غير نك اختي هذا و افيدكم باشياء وايد و نصايح اعرفها


ما قصرتوو
واللي يعرف بعد صالونات لا يبخل علينا عشان ودي الكل يستفيد مو بس انا
​

 

[أرستقراطية]

روحي مركز مس رنيم للتجميل روعة عندهم تمليس الكيراتين والسيراميك وشوفي اللي مسوسسن يجنن وفي صور روعة انا صديقة اختي سوت وطلع من اروع ما يكون ومكانهم بخيطان بس شغل صح....خل كارولين وبيلي يسوون لك احسن ناس بالتمليس الفليبينيات لأن بالهم طويا مو نفس العربيات اللي يتعبون ويخلصون بسرعة سالي عن كارولين وبيلي ....

 

[doOody]

ارستقرااطية عرفنا خلاص من ردودج انج صاحبة الصالون او تعرفينها فما يحتاج هالردود والاعلانات والتهويل .. انا بصراحة ما رحت صالونكم بس كلامج مليق صراحة

سوري طلعت عن الموضوع

 

[JWAHERQ8]

شوفي حبيبتي ريتال صالون جاك والبان وكوزو اللي بالمهلب وفيتو كلهم شركة وحدة تملكهم الشيخة ريم سالم العلي المهم
أنا سويت تمليس أطفال حق بنتي (ماشاء الله عليها والله يخليها لي شعرها كثيف حيل بس فيه ردات كبار وحنت علي تبيه ناعم وانا طبعا الاماية شعرها منتف من هالاصباغ والقصات يوم انه على بركة ايد الحجية الوالدة لا قصات ولا اصباغ حرير ناعم والحين قمت أتفشل من أطلع من الحمام كشة وخفيف قلت لو انه ناعم نعمة بس كل شعرة متهاوشة مع الثانية حجزت موعد لي ولبنتي ورحت فيتو هناك سورية اسمها مي وكله فلبن بنتي سويت لها تمليس اطفال طلع لا قوة الا بالله روعة وقمت قلت يالله انا بعد اخترت تمليس فيتو اسمه و يبدأ ب 150 للشعر القصير وانا قصيير جربت سائل على خصلة منه (شدعوة من صجي خصلة كله على بعضه يالله خصلة )وقالت ما ينفع انتي حاطة حنة قلت اي قبل شهرين فالت ما يمشي معاج الا السوفت وهذا اخف نوع يعني لو انها تجارية وما يهمها سمعة المحل جان سوت اللي ب150 بس نصحتني ب اللي ب65د وفعلا شعري تغير واحسن صار يعني مو حريري مثل الفلبن طايح لأ بس اذا سويته بالسشوار على الخفيف لاحظوا على الخفيف حيل 3 دقايق بس لاني قبل اقعد 8-9دقايق اسشوره لين يتعدل بس بعد تمليس السوفت يطلع شكله جني مسويته عند صالون سشوار بروفيشنال يعني حريري وهذا رقمهم مو على الخاص ماله داعي للي يحب يستفيد ترى يا بنات هذي تجربتي انا وبنتي اللي عمرها 10 وكانت ولله الحمد ناجحة وانا ما رحت للصالون بعد نصيحة لا والله شفت اعلاناته تارسة الممتاز جريدة الوطن ورحت له عمياني بس الحمدلله نجحت تجربتي معاهم ت (5656678

 

[نعومة]

السلام عليكم

شوفي يا قلبي والله على ما اقول شهيد، انا صارلي 7 سنين اسوي ريلاكس واصبغه بعد وخصل
ما اجذب عليج تعب شعري بس والله من الصبغ بس الريلاكس روعة انا اسوي عند صالون لا فينوس
عند ليلى وللأمانة المرة تخاف الله وتنصحج وما يهمها انه بس تستفيد انا ديما ما تسويلي ريلاكس اله بعد فترة من الصبغ
تقولي اشكره راح يحترق ما اسوي معنه اسعارها غالية الحين صارت بس ما اهيت شعري عند اي احد، وما شاء الله طق اعصي عندها ودايما اشوف بنات اصغلر وكبار عندها يسوون ريلاكس.
وبصراحة الي امخليني اتم عندها انها مو بياعه حجي مثل باجي الصالونات وي شعرج تعبان تعالي اشتري وسوي كورسات
لا والله انت اذا سألتيها عن نصيحة تجاوبج بس ما ادلل عن منتجات الي عندها.
وخل اقولج ترى الريلاكس يبيله عناية يعني حمامات زيت كل عشر ايام لانه يسحب الرطوبة الي بشعرج وهذا كلام ليلى.
ادري طولت بالحجي بس توكلي على الله وروحي لها بس لللاستشارة علشان تتطمنين.

 

[ريتال الكويت]

ارستقراطيه
والله وايد سمعت عن الكيراتين وانه زين..وخيطان قريب بعد
يعطيج أأألف عافيه والله ما قصرتي يزاج خير

..
doOody ما ادري شنو اقول لج !! بس بعتذر لارستقراطيه عن الكلام لانه موضوعي* اسفه*

..

JWAHERQ8 الحمدالله انشاءالله يظل دوم ناعم ولا مشاكل هالشعر
الله يوفقج ويوفق بنتج انشاءالله ،،ماقصرتي والله
..
نعومة يعطيج أألف عافيه اي والله الاحسن اذا تخاف ربها بعد
..
مشكوره والله،، وجزااااج أألف خير والله


....
بنات عسااه بميزان حسناتكم انشاءالله ما قصرتوو ا والله لانكم اذا نصحتوو كانكم تنصحون اخت او صديقه مو عضوه عاديه بمنتدى

وياريت اللي يعرف بعد اي معلوماات مايبخل علينا عشان تعم الفايده للكل

جزاكم أألف خير


اصايل​

 

[أرستقراطية]

ارستقرااطية عرفنا خلاص من ردودج انج صاحبة الصالون او تعرفينها فما يحتاج هالردود والاعلانات والتهويل .. انا بصراحة ما رحت صالونكم بس كلامج مليق صراحة

سوري طلعت عن الموضوع

:

قبل الرد على العضوة doOody :

أود الاستئذان من العضوة ريتال الكويت باستخدام موضوعها وصفحتها لتوضيح بعض النقاط وللرد على العضوة التي قامت باستخدام ألفاظ غير لائقة بحقي .... فاسمحي لي يا أخت ريتال بالاسترسال بالكتابة ويرجى من باقي العضوات تجاهل ما كتبته لأنه يخص العضوة doOody :

1- بالفعل أثبتت العضوة DoOody بأنها مثال للفتاة الكويتية الساذجة والغيورة اللي تكره الناس بمجرد انهم أبدوا رأيهم بشيء ما عجبها .... يا سبحان الله !!!!!

2- أظن من غير اللائق على العضوة doOody استخدام ألفاظ غير لائقة كالمذكورة في حوارها (مليق) وإرسالها بكل استهتار من دون تحمل أية مسئولية .... وأنا أقوووووول.... عيالنا اللي بالروضة والابتدائي من وين متعلمين هالكلمة ...أثاري الكبار من أمثال عضوتنا DoOodoy هم اللي معلمينهم .... ونعم الجيل اللي بييجي من وراك يا doOody ......والله ثم والله اني دوم اسمع هالكلمة السخيفة من قبل عيالنا بكل مكان وأسألهم شنو معناتها واكتشفت ان كل طفل يفسر المعنى اللي يحب يضايق فيه غيره ..... يا ليت يا أمهات تخلون بالكم على عيالكم ...وأنا دوم أنصح هاليهال اللي بالحضانات والمدارس ومراكز الألعاب والمرافق العامة بالابتعاد عن هالكلمة الدخيلة على مجتمعنا .... شيء مو طبيعي .... ملافظ السعد يا doOody وأنت عليك لفظ يهد جيل بحاله .......

3- بالنسبة لصالون رنيم (اللي مو عاجبك مدحنا له ) أولا يمكن إني ما أعرف صاحبة الصالون شخصيا بس كلامك صحيح أنا صديقة قريبة حيل لوحدة من أقاربها .....يعني أنا مو مستفيدة بشي في مدحي لصالونهم !!! وعلى فكرة أحب أوضح لك نقطة حتى تكوني أكثر بالصورة ...أنا ما اشتركت بالمنتدى إلا لأني شفت سؤال لإحدى الأخوات تستفسر عن اللي يعرفون صالون رنيم .....يعني بكل صراحة أنا بداية اشتركت بالمنتدى حتى أرد على استفسارات البنات بخصوص صالون رنيم فقط لا غير وأنقل تجربتي الناجحة لحد الآن والحمد الله للعضوات ........بس ما هقيت ان في عضوات بتحتر أم بتتضايق من غير سبب أو بمجرد اني نقلت تجربتي معاهم !!!!!!!!!!!!!!!!!!!! وراح تلقيني دائما بكل استفسار عن التجميل أنا أمدح بهالصالون ..... ومتى ما شفت منهم شي يضايق أو يكدر صدقيني هم راح أذكر ....وأحب أزيدك من الشعر بيت ترى صالونهم ما يحتاج دعاية لا مني ولا من غيري ... لأنه صالون محترم ...واذا مو مصدقة روحي شوفي بعينك ....وكفاية إن فيه مصلى والناس دوم تذكر ربها فيه .....

4- العضوة doOody نصيحة اخذيها من أخت .....عمرك لا تبدين استيائك لأشخاص لمجرد إن رأيهم ما عجبك أو حتى لو كنت مستاءة أو متضايقة منهم ...فقط تجاهليهم .... وأنا تصفحت في بعض مشاركاتك لبعض مواضيع المنتدى ولقيت أغلب ردودك تعاني من السطحية والفراغ وما فيها أي مقياس للموضوعية .... فنصيحة مني لك روحي اخذي لك كورسات في NLP أو كيفية التحاور والتعامل مع الجمهور ومو بالضرورة يكون الحوار بالكلام .... بالكتابة وبكل الحواس .... وأنا عن تجربتي الشخصية وايد استفدت من هالكورسات .... ويا كثرهم بالجرايد ( قولي بعد اني قاعدة أسوي دعاية واعلان وترويج لكورسات NLP لأن عندي مركز مع الدكتور ابراهيم الفقي ) ..... حتى تستفيدين أكثر في حياتك العملية ... ....وعلى فكرة أنا ما قاعدة أستهزأ فيك لا والله أنا جادة بالكلام وأعني كل كلمة فيها .....

5- العضوة doOody اذا حابه تفتحين صفحة جديدة فأهلا وسهلا فيك وعفى الله عما سلف .... واذا مو حابه فهذا شيء راجع لك .... والله يهديك ......

شكر خاص للعضوة ريتال الكويت .....ولاعتذارها مع ان ما كان له داعي لأن ما بدر منها شي بحقي ... وما حبيت تكون صفحتها مكان لحل الخلافات والنزاعات ... بس كان من الضروري توضيح الصورة ..... وأقدم لك اعتذاري وان شاء ما أكون ضيفة ثقيلة على العضوات ........................................والسلام عليكم ورحمة الله وبركاته ...................

 

[krkooora]

صالون لاليك

علاج ميلك شيك و فكي نفسج شعرج يصير حرررررررررررير

 

[يازمان العجايب]

انا سويته بلمسة تهاني وسوبت كيراتين بعد لان عقب الماتركس وايد صبغت وفتحت لون شعري

 

[2moonq8]

حبيبتي ريتال انا جربت صالون بيوتي تك اللي بالسالمية ... سوولي شيء اسمه بيرل و كانت التجربة حلوة بالنسبة حق شعري لأنا شويا ردته قويه .... و عشان قصيت شعري سووه لي اب 200 دينار و ان شاء الله اكون فدتج

 

[Killer^Girl]

مايكو يابان
عن تجربه
99055467

 

[الملكة هدى]

حبيبتي انا ماا انصحج تسوين كراتين ولا تنعيم كلش انا سويييت شعري تحتت وااااايد تساااقط استخدمت زييووووووووووت شعر صحت جني هندية شعري صاااااااااااار ناااااااااااااااعم :$:$ وحمام زيت وشامبو طبي صير شعري زين وناعم

 

[د-سوسه]

حبيبتي سمعتي نصايح وايد من البنات ..انا بقولج تجربتي ..
انا شعري ناعم بس يلف نفس ميريام فارس ومع ان الكل يمدحه لي والكل يستغرب لي خليته طبيعي ويسالوني اشحاطه انا مليت منه وهم بعد من الصبغ وهسوالف صار متقصف من تحت ويبيله قص ..فكرت قلت خلاسوي كيراتين وفعلااااادورت واستقريت و سويت كيراتين برشا شيك ..صج صج صج حلو .....سعرهم حلو لان الاسعار تبدي من 80 بس ونوع الكيراتين اهو الي بيوم واحد موثلاثه ايام ورا بعض اروح وارد ..سويته وبنفس الوقت والدوا علي شعري كان شعري حلو وماابالغ لو قلتلج لو رايحه زواره جان محد درا اني حاطه شي بشعري وشعري صار ناعم حيل جني فلبيينه وغيرت رايي عن القص لانه التقصف صار مايبين كلش ..طبعا هالكلام من 3 اشهر الحين شعري قصير
سمعت من بنات وايد ان الكيراتين حده شهر وبعدين يقلب خشن ..وشفت ناس بعيني شعرها من الكيراتين عقب ساعه ساعتين من الشور شكله مدهن ولاااااازق..وناس طلعلهم قشره انا الحمدلله شعري شكله حيل طبيعي وكل الي قلتلج اياه ماصار معاي ..والله شاهد علي ..الله يوفقج حبيبتي واي استفسار عالخاص اعتبريني اختج ..