الكريم السحري bio oil للتشققات البطن

[! بنت العاشره !]

:ggdw: مرحبا خواتي :ggdw:





بنات واجد سمعت عنه والكل يمدحه وهو كريم من بوتس bio oil للتشققات الحمرا والبيضا بعد

والكل يقول سحر مو طبيعي بس بما اني ما اثق باحد الا انتم :eh_s(15):


فقلت خل اسالكم منو جربته وجاب فايده ومنو جربته وطلع خرطي:cxxxp:


لان ياكثر الكريمات اللي استعملتها وعلى الطل


والفايده تعم الكل



:tek:

 

[فررررح]

مادرى والله بس حبيت ارفع موضوعج

 

[AFRoDiT]

انا سمعت عنه من بنات المنتدى

بس ماجربته ..


ناس يقولون زين
وناس يقولون مافادهم

 

[مس فاشن]

والله انا بعد لان اعاني من الخطوط الحمره فالبنات اهني انصحوني فيه بس للحين ماجربته

 

[باحثة عن الحب]

حتى أنا والله سمعت عنه بس ما استخدمته...عاد اليوم كنت بالافنيوز ومريت يم بوووتس ....ونسيت اشتريه...حتى ماركة VICHY وتلقونها بكل الصيدليات عندهم كريم حق التشققات ...هذا اختي مجربته وتقول عجيب

 

[Bella^^swan]

upppppppp

 

[ii DareeN ii]

شريته مافادني بشي كل يتحجون ويضربون بشي يسونه يهبل عقب ولا شي حرام والله البنات يبالغون

 

[الأمل الوقاد]

palmers اللي في الجمعية للتشققات ، اقوى من البايو اويل،(بالمرز مصنع من زبدة الكاكاو منتجات عليها صورة وحدة حامل) ومجرب.

 

[Betty]

ما ابي احبطج بس صراحه جربته ما سوالي شي

 

[مس فاشن]

ويه عاد كنت بشتريه
تحبطت
كنت مستانسه ان لقيت الحل
انزين قولو لنا بنات شنو الحل حق الخطوط الحمره

 

[كلي دلع!]

ماجربته






للرفع

 

[! بنت العاشره !]

شريته مافادني بشي كل يتحجون ويضربون بشي يسونه يهبل عقب ولا شي حرام والله البنات يبالغون

مشكوره اختي :0bee2e8d89:

يعني ما في حل جزاج الله خير

 

[! بنت العاشره !]

ما ابي احبطج بس صراحه جربته ما سوالي شي

:0bee2e8d89::0bee2e8d89::0bee2e8d89:

لاعادي متحبطه خلقه اني ادري انه مافي فايده بس ما ادري ليش كل المنتديات يمدحونه

شاكره لج مليون مره :tek:

 

[Fatima]

اهو مو كريم او زيت
انا بصراحه الخطوط الحمراء يمكن ما سوه لها شي بس نفع للبضاء وخففها نسبة 70%
ومع الاستمرار اتوقع ينفع الحمراء
الحمراء بعد مده تخف وتصير بيضاء
بس لا تهملين وكملي دهان

 

[ChOcoLaTe 'n MarShMaLlOw]

وايد بنات امدحوه .. بس صح لازم الاستمرار

يعني مو من اول شهر استمري عليه

يمكن تبين النتيجة بعد 6 اشهر و لا اكثر او اقل .. على حسب الجسم ..

جربي و لا تخلين جسمج جذي ..

 

[ميساء]

أستخدمه بس مو باستمرار الصراحة
مافي نتيجة .. الخطوط يبيلها تكيف معاها

 

[Japanese]

اي صج ترى الخطوط ماتروح الا بعد استخدام ااي منتج مخصص للسكار > لمدة ماتقل عن 3 شهور

ويمكن اكثر بعد > على حسب الجسم يعني

اذكر مره سألت دكتوره ف صيدليه بوتس .. عن هالزيت .. قالت لي بصريح العباره

لا تتوقعين يسويلج سحــر :/ ومن اول اسبوع تختفي الخطوط !!! مستحيــــــــــــــــــــــــــــــــــــــللل

يعني صج صج صج كانت أمينه وياي وايد .. وقالت لي لازم تداومين عليه ع الأقل 3 شهور وبتشوفين النتايج يعدين


وبخصوص السترج مارك .. ترى يروحون صدقووونيييي .. اذكر انا طلعت بيدي خطوط

من زمان >> من كثررر ماضعفت ذيج الايام .. ضعف مرض :/ كانت لايعه جبدي من الدراسه

المهم .. تخيلو اطلعت لي خطوط تحت الكوع >> يعني ع الساعد !! بغيت استخف .. عبالي نقص فيتامين

بس يوم رحت للدكتور قالي هاي خطوط تمدد الجلد وقعد يخربط اشوي خخ بس استفدت منه اهم شي .. وعاد عطاني علاج وراحو بظرف اسبوعين @@

علاجي كان ان السترج مارك مايجيهم اي شي ممكن يسبب جفاف ( صابون + ليفه + عطر + لوشن معطر >> الخ )

+ ارطبهم كل يوم بلوشن فازلين .. + فيتامين a 2500 >> هالعلاج كان بسيط وايد بس حمدلله كان فعال وايد للخطوط اللي كانت

توها طالعه

بس القدامى ماراوحو .. يتروالي كان يبيلهم استمرار اكثر وشغل لأنهم موجودين من زمان بس عاد انا طنشت

والخطوط القديمه خفو عن قبـل وايد والسبب نظامي الغذائي والرياضي >> وخرو عنها لووووول

بس صج يعني مهتمه حمدلله بأكلي واتمرن واشرب ماي وايد والله لا يغير علي =)

وسلامتكم .. واااي سمحولي هذرت وايد .. بس لا تفقدووون الأمل كلش

 

[مس فاشن]

up
up
up

 

[bint_looda]

عاد كنت مفكره اشتريه على حجي البنات بالمنتدى @@

انزين نبي شي مجرب

 

[هوّن على قلبي]

اب
اب
اب