فيني صدفيه و بسوي ليزر

[parakeet]

السلام عليكم

الله يكافيكم من شر كل الامراض

مثل ماقريتوا الموضوع فيني صدفيه في كل مكان بجسمي على طريقة البقع

وودي اسوي ليزر الصدفيه

شرايكم منو جربته او سمعت عنه او عن احد مسويه او احسن دكتور يسويه

الي اتساعدني بتم ادعي لها طول عمري

الله يشافي كل مرضى المسلمين

 

[الغريبة]

الله يشافيج ويعينج
جربتي دوا من مصر للصدفية؟ هو طبيعي بس مواد طبيعية عسل وصبار ما يضر
جربته مع بنتى طابت الحمدلله

اسم الدوا " الوريد" او aloreed
اذا عندج احد بمصر طلبيه منه يييب لج خلال اشهر بتشوفين النتيجة ان شاء الله

 

[ريمه الكويت]

ماتشوفين شر بس الليزر اذا كانت الصدفيه بجزء صغير من الجسم مومنتشر انا مره قايله حق صديقتي عنه ودقت على الدكتور قالها اذا الصدفيه محصوره بجزء صغير بالجسم نسويه لانه مكلف وياخذ وقت وترا اهو حاله حال اي علاج تطيبين فتره ويرد مره ثانيه

بالنسبه حق علاج مصر اهو نفسه الي بالصبار وسم النحل ؟؟ الي مكتشفته دكتوره اغاريد الجمال ؟؟؟ صج بنتج طابت ؟؟؟ الحمدلله على سلامتها الحمدلله انها شافت نتيجه لاني سالت عنه قالو اكثر يطيب الصدفيه الي بالاظافر انزين بنتج جم سنه سار فيها ووين مكان صدفيتها؟؟ وانا سامعه بيعبونه بيسونه كريمات ويتصدر حق الامارات بشركه ادويه معروفه عندهم

 

[فطووومة]

الله يشفيج ان شاءالله حبيبتي

 

[شيهانه كويتيه]

والله ماانصحج اتسوينه اختي سوته وصاارت سوده حيل من الليزر

وبالنسبه للكريم استعملته اختي مانفع معاها لانه منتشر بجسمها حيل

هذا رقم الدكتوره اغاريد الجمال0020224510258

 

[الغريبة]

ريمة الكويت اي والله الحمدلله بنتي طابت وحتى مافي اي اثر بجسمها وهي عمرها عشر سنوات وظهر فجاة بجسمها بعد ما كان بشعرها بس وظل بجسمها كم شهر واستخدمت معاها علاجات وايد ما فادها الا هذا
هو اذا ما نفعت ما راح يضرج لانه مواد طبيعية بس لازم تكونينين صبورة وما تهدينه وبنتي طابت بعد فترة قصيرة من العلاج تقريبا شهر او شهرين الحمدلله ما تتصورين كانت وايد متعبة نفسيتي الحمدلله طابت بس شعرها فيه لاني ما حطيت لها منه بشعرها بس هالايام قاعده استعمله بشعرها وان شاء الله تطيب قولوا امين

 

[dr_enshalla]

انا سامعه عن ليزر الصدفيه وحده كانت مسولفتلي انه رفيجتها سوته وجنه راح بس لونها غمج
انا ماتذكر السالفه عدل والمشكله اللي موسلفتلي ماعرفها عدل ... بس بحاول ايبلج معلومات عن هالموضوع

 

[parakeet]

الغريبه

ريمة الكويت

فطومه


شيهانه كويتيه

dr_enshala

تسلمون يعد قلبي انتو لا خلا وعمد

والله يبعد عنكم كل شر

وشر الامراض

ويدوم عبكم الصحه والعافيه

 

[ريمه الكويت]

الغريبه يارب يشافي بنتج ولاتردلها الصدفيه انا اعرف وحده وارتني الصدفيه الي فيها كانت تخرع ماشالله عليها سوت ختمت قران وكانت علاجها كله بالقران وماشالله سالتها شخبارج تحلف تقول راح منها ولارد ماشالله الفال للمرضى كلهم مادري ليش احس الصدفيه وهالامراض الي مالها علاج من العين

اختيparakeet ماجربتي العلاج بسفاجا بمصر ترا فيه ناس يطيبون على ماي البحر الاحمر والشمس هناك بس اذا بتروحين على حساب الحكومه لازم تسوين لجنه ويوافقون عليج
سبحان الله الصدفيه علاجها يختلف من وحده للثانيه يمكن شي ينفعج ماينفعني والعكس صحيح

 

[ريمه الكويت]

دكتوره المستقبل حتى العلاج الضوئي للصدفيه تسود الجسم وحتى العلاج بالشمس الي قلت عنه بسفاجا يسود
انتي شنو تخصصج ؟؟؟؟

 

[kady-elq8]

انا اعرف وحده مسويه ليزر و فيها صدفيه بس عادي الحمدلله ما صار فيها شي بس انا انصحج تسألين دكتور جلديه زين قبل لا تسوين الليزر

 

[ريمه الكويت]

انا اعرف وحده مسويه ليزر و فيها صدفيه بس عادي الحمدلله ما صار فيها شي بس انا انصحج تسألين دكتور جلديه زين قبل لا تسوين الليزر

لا اهي تقصد عن علاج الصدفيه بنوع من انواع الليزر يسونه بعض دكاتره الجلديه :eh_s(8):

 

[parakeet]

الغريبه يارب يشافي بنتج ولاتردلها الصدفيه انا اعرف وحده وارتني الصدفيه الي فيها كانت تخرع ماشالله عليها سوت ختمت قران وكانت علاجها كله بالقران وماشالله سالتها شخبارج تحلف تقول راح منها ولارد ماشالله الفال للمرضى كلهم مادري ليش احس الصدفيه وهالامراض الي مالها علاج من العين

اختيparakeet ماجربتي العلاج بسفاجا بمصر ترا فيه ناس يطيبون على ماي البحر الاحمر والشمس هناك بس اذا بتروحين على حساب الحكومه لازم تسوين لجنه ويوافقون عليج
سبحان الله الصدفيه علاجها يختلف من وحده للثانيه يمكن شي ينفعج ماينفعني والعكس صحيح

هلا حبيبتي ريمة الكويتاهو فعلا احس ان الصدفيه عين اعوذ بالله

وعن علاج سفاجا الي بمصر ما عمري سمعت عنه شلون طريقته

وشلون اسوي لجنه علاج بالخارج يوافقون على مرض مثل الصدفيه

تسلمين بعد عمري على هالمعلومات

 

[ريمه الكويت]

هلا اختي باركيت العلاج بسفاجا اهو علاج طبيعي يخلونج تسبحين بالبحر الاحمر لانه فيه نسبه املاح عاليه وعندهم الشمس والجبال الي تساعد على شفاء مرض الصدفيه لانا فيها نسبه من الاشعه البنفسجيه يعني تسبحين بعدها تتشمسين واهم حاطين لكل مريضه مثل غرف مسوينها من الخشب والسعف وتنسدحين وتطقج الشمس والله فيه بنات شفتهم بعيني ماشالله الصدفيه تشوفينها جنها تنكمش يوم بعد يوم مايمر 3 اسابيع الاجسمهم صافي مافيه صدفيه بس عاد لاتشوفين لونهم محروق من الشمس @@ عادي تردين برونزيه
بالنسبه للجنه يسونها يمكن بمركز اسعد الحمد الي بالصباح اذا شافو حالتج شديده يمكن يوافقون واذا عندج واسطه بسرعه يمشونج لوووووووول والله حاله ولا روحي على حسابج شتسوين

 

[حرير28]

السلام عليكم اختي اول شي بي اقولج لا تسوين ليزر واعلاجج عندي بس ابيج تدعين لي بس

الوالد كانت فيه صدفيه من سنه 1989 وراح كل مكان واخذ مراهم وابر وسوى كل ش حتى مصر سافر لها وعالج اهناك وسافر للاردن للبحر الميت وسافر لكذا مصحه لكن سبحان الله اعلاجه وين صار في بيتنا واقسم بالله وهو وحده شاهد بالكلام اللي بقوله انه صحيح ؛؛؛ وكان علاجه شي بسيط عباره عن زبده ونشادر يخلطهم مع بعض ويتدهن فيهم يوميا لمده ساعتين ولمده شهر بس وسبحانه اللحين مافيه ولا شي وهالكلام كان من 6 شهور وكانت مدة تداويه بهالعلاج لمده شهر فقط لاغير والله يشفيج انتي بعد >>>>>>>>>> تكفين انشريها بالنيابه عني وعن والدي الله يحفظه لي وادعيلي بالتوفيق والتيسير لاموري لاني وين ما اطقها عوجه بس واذا تبين مني شي ارسلي لي رساله بالخاص وانا اعطيج رقمي بالتوفيق حبيبتي وخليها على الله

 

[ريمه الكويت]

السلام عليكم اختي اول شي بي اقولج لا تسوين ليزر واعلاجج عندي بس ابيج تدعين لي بس

الوالد كانت فيه صدفيه من سنه 1989 وراح كل مكان واخذ مراهم وابر وسوى كل ش حتى مصر سافر لها وعالج اهناك وسافر للاردن للبحر الميت وسافر لكذا مصحه لكن سبحان الله اعلاجه وين صار في بيتنا واقسم بالله وهو وحده شاهد بالكلام اللي بقوله انه صحيح ؛؛؛ وكان علاجه شي بسيط عباره عن زبده ونشادر يخلطهم مع بعض ويتدهن فيهم يوميا لمده ساعتين ولمده شهر بس وسبحانه اللحين مافيه ولا شي وهالكلام كان من 6 شهور وكانت مدة تداويه بهالعلاج لمده شهر فقط لاغير والله يشفيج انتي بعد >>>>>>>>>> تكفين انشريها بالنيابه عني وعن والدي الله يحفظه لي وادعيلي بالتوفيق والتيسير لاموري لاني وين ما اطقها عوجه بس واذا تبين مني شي ارسلي لي رساله بالخاص وانا اعطيج رقمي بالتوفيق حبيبتي وخليها على الله

سبحان الله والله اعرف وايد فيهم صدفيه وانشالله الله يعطيج على قد نيتج ويسر امورج يارب

بعرف النشادر من وين نحصله ؟:tek:

 

[أم حمـــــودي]

شوفي عالخاص عن تجربه والله يشفي كل مريض اسمحولي يا بنات بس لان هالشي في خصوصيه لي اعذروني والسمووووووووووووووووووووووووحه فديتكم

 

[حرير28]

النشادر تلقينه عند الحواج >>> العطار امانه انشريها هالخلطه للي اتعرفينه وفيه صدفيه وامانه ان كل كلامي صحيح والوالد هو الدليل وحتى اللي حوالينه شافوا الفرق في خلال شهر وما خلا احد وما علمه بهالخلطه ويبي الاجر وانا كذلك ابي الاجر والله يشفي الكل

 

[حرير28]

نسيت اقولكم ان النشادر بورده فيها ماده عجيبه تحكر خلايا الصدفيه وتموتها وما اتخليه تنتشر اكثر وخلال ايام تكون ميته هالخلايا كلها باذن ربي انشالله

نشادر ملعقيتن او حسب مساحه الصدفيه + زبده مسيحه تنخلط وتنحط لمده ساعتين لمده شهر

والنشادر تلقونه عند الحواج

 

[ريمه الكويت]

حرير بنجربها وبقولها حق رفيجتي واذا فادتنا لج الاجر انشالله ترا الصدفيه مرض مزعج للنفسيه