مؤهل ماجستير او دكتوراه (هل تحسن وضعها بالدوام ؟ وهل زاد معاشها؟ )

[الغريبة]

السلام عليكم بنات
كل وحدة عندها مؤهل عالي ماجستير او دكتوراه تقول لنا هل تحسن وضعها بالدوام ؟ وهل زاد معاشها؟ ومن اي جامعه ؟ وكم كان معدلها بالبكالريوس؟

انا عنى ما زاد معاشي الا 25 و حاولت اقدم بالتدريس قالوا لازم معدل البكالريوس 3!!!!!

ليش ما نطالب بكادر دراسات عليا او نسوي شي يعترفون فينا .. حرام والله تعبنا راح على الفاضي

 

[الكــادى..]

رد: مؤهل ماجستير او دكتوراه

و حاولت اقدم بالتدريس قالوا لازم معدل البكالريوس 3!!!!!

يعنى شنو؟؟

اللى بالبكالوريوس معدلها اقل من ثلاثه مايقبلونهاا

ياليت توضحين هالنقطه!!!!

وحسب علمى ان بالهيئه والجامعه الزياده فيهم بشكل كبير

والله يوفقك يارب ويعينك حبيبتى

 

[الغريبة]

رد: مؤهل ماجستير او دكتوراه

اي حبيبتي من شروط الاعلان ان المعدل بالبكالريوس 3 حتى لو كنتي بالماجستير و الدكتوراه يايبة معدل 4 !!!!
والمشكلة يعينون الاجانب اعضاء تدريس بمعدل جيد بس و انا شفت الاعلان اللي نزلوه بدول ثانية !!!
يعني ليش ما يعنون اعيال الديره اولي كافي اتعبوا وكملوا من جيبهم الخاص

و كانوا بالسابق يقولون مطلوب معدل 2.67
واعترضوا ناس وايد يبون اقل من هالمعدل لان وايد ناس يكملون بره باقل من هالمعدل يعني جيد
وبدل لا يقللونه سوووه 3 !!

 

[نور-الكويت]

رد: مؤهل ماجستير او دكتوراه

انزين 3 نقاط جم تعادل بنسبه المئويه الحقوق يعني جم ؟؟؟

 

[الغريبة]

رد: مؤهل ماجستير او دكتوراه

مادري والله حبيبتي

 

[Miss Germany]

رد: مؤهل ماجستير او دكتوراه

حبيبتي 3 نقاط يعني 80%

 

[ردينه]

رد: مؤهل ماجستير او دكتوراه

انا مؤهلي ماجستير و لا زاد معاشي و لا حتي 25 دينار! ---شعليج يالغريبة انتي احسن مني معاشج اكثر مني ب 25 دينار ! اشرايج ؟ صج صج مبلغ ؟ ههههههههههههههه تري اتغمشر بس و الله من الحرة ما رضوا الخدمة المدنية يزيدوني حتي 25 تصوري ---يا ليتني ما كملت و لا تعبت

 

[(كويتيه عسل)]

رد: مؤهل ماجستير او دكتوراه

ردينه + الغريبه

انتوا وين تشتغلون بأي وزارة ؟

ومن اي جامعه اخذتوا الماستر؟

 

[nero]

رد: مؤهل ماجستير او دكتوراه

شلوون ؟؟!!

انتي عندج شهاده اعلى منها شلون يحاسبونج على الي قبلها؟؟!؟

 

[الغريبة]

ردينة لازم التعليم العالي يعادلون شهادتج

 

[الغريبة]

كويتية عسل انا بالتربية و خذيت الشهادة من امريكا من نفس الجامعه اللي زوجي زادينه بعثة لها بس انا على حسابي الخاص يعني ما خسرت الدوله

 

[الغريبة]

نيرو

هذا القهر (((((((((((((((((((( لو ندري جذي من الاول ما تعبنا روحنا

 

[الكــادى..]

لاحول ولاقوة الا بالله العلى العظيم

هذى حاله بالله !!!!

الحين انتى خريجة جامعه امريكيه , وماتحسن وضعك بالدوام

عيل شبيسون مع خريجين الجامعات العربيه , شكلهم مارح يعترفون فيهم

صراحه يخلون الوااحد يتردد مليون مره قبل لايكمل

 

[(كويتيه عسل)]

كويتية عسل انا بالتربية و خذيت الشهادة من امريكا من نفس الجامعه اللي زوجي زادينه بعثة لها بس انا على حسابي الخاص يعني ما خسرت الدوله

ماشالله الله يوفقج

بغيت اسألج بعد ماخلصتي واخذتي الشهادة (الفال لي ياااااااااااااارب العالمين ):yaaaaaarb:

شنو الاجراءات اللي سويتيها بالتفصيل ؟؟

انا سمعت بس مومتاكده صــــج اللي تاخذ ماستر تصير مشرفه علطول ويستثنونها من شرط الخبر؟

بعد مااخذتي الماستر شنو استفدتي غير زيادة25 + ارتفع تحصيلج التعليمي

 

[معلمة روضه]

شر البلية ما يضحك!!


انا جامعة الكويت بس للحين ماخلصت قاعده اشتغل عالاطروحه

الغريبه لا يقصوووون عليج بسالفة 3 نقاط

ترى فيتامين واو قووووي حده

الضحك ان انتي ريلج بعثه وكان من حقج انج تبتعثين معاه ما ادري ليش ما استفدتي من هالشي!!

ولا يهمج روحي للقطاع الخاص احسن لج


كويتيه عســـــــــــــــــــــــل


لا يا قلبي مو صج

الاوراق تبلينها وتشربين مايها ههههه

احنا دولتنا تمشي على الاقدميه ,,,,,وهذا سبب تقدمنا ههههههههههههههههههههههههه

 

[cawcaw]

شر البلية ما يضحك!!


انا جامعة الكويت بس للحين ماخلصت قاعده اشتغل عالاطروحه

الغريبه لا يقصوووون عليج بسالفة 3 نقاط

ترى فيتامين واو قووووي حده

الضحك ان انتي ريلج بعثه وكان من حقج انج تبتعثين معاه ما ادري ليش ما استفدتي من هالشي!!

هذا كان قانونهم قبل ان اذا ريلج كان مبتعث هم تقدرين تكملين على حساب الدوله بس الحين كنسلوا القرار هذا.. الظاهر خسرهم وايد _03ba:

 

[ردينه]

هلا الغريبه : ما يحتاج اعادل شهادتي لاني خريجه جامعة الكويت البكالريوس و الماجستير الاثنين ----تصوري و ديوان الخدمة ما عطاني 25 يقولون ما كو فايده لشهادتج بالدوام ---قصتي محد يصدقها بس هذا الواقع ---ما لا معني لا ندرس و لا تعب عمرنا -----خريجات معهد التطبيقي عليهم بالف عافية ما شاء الله لا قوة الا بالله اعلي من معاشاتنا بسبب البدلات فلو رااايحه اهناك من الاول احسن ---- لا جامعة و لا خراببببيط

 

[الغريبة]

الكادي تدرين انهم يطلبون أعضاء هيئة تدريس من مصر و الدول المجاورة و ما يشترطون المعدل تخيلي؟؟؟
خيرنا حق غيرنا !!!

 

[الغريبة]

ماشالله الله يوفقج

بغيت اسألج بعد ماخلصتي واخذتي الشهادة (الفال لي ياااااااااااااارب العالمين ):yaaaaaarb:

شنو الاجراءات اللي سويتيها بالتفصيل ؟؟

انا سمعت بس مومتاكده صــــج اللي تاخذ ماستر تصير مشرفه علطول ويستثنونها من شرط الخبر؟

بعد مااخذتي الماستر شنو استفدتي غير زيادة25 + ارتفع تحصيلج التعليمي

الله يوفقج و تاخذين اعلا الشهادات

ماذكر الاجراءات لاني من زمان متخرجة من خمس سنين

وضعي ما تغير بالدوام للاسف بالعكس صار أسوأ لاني اعلى مؤهل بالقسم حتى اعلا من مسئوليني عشان جذي يحاولون يحبطوني و يخربون على و يحاربوني

تجميد بشكل غير مباشر عشان ما اخذ مكانهم ...

ادعو لي الله يعوض صبري خير و افرح بشهادتي و تعب السنين

 

[الغريبة]

ماشالله الله يوفقج

بغيت اسألج بعد ماخلصتي واخذتي الشهادة (الفال لي ياااااااااااااارب العالمين ):yaaaaaarb:

شنو الاجراءات اللي سويتيها بالتفصيل ؟؟

انا سمعت بس مومتاكده صــــج اللي تاخذ ماستر تصير مشرفه علطول ويستثنونها من شرط الخبر؟

بعد مااخذتي الماستر شنو استفدتي غير زيادة25 + ارتفع تحصيلج التعليمي

شر البلية ما يضحك!!


انا جامعة الكويت بس للحين ماخلصت قاعده اشتغل عالاطروحه

الغريبه لا يقصوووون عليج بسالفة 3 نقاط

ترى فيتامين واو قووووي حده

الضحك ان انتي ريلج بعثه وكان من حقج انج تبتعثين معاه ما ادري ليش ما استفدتي من هالشي!!

ولا يهمج روحي للقطاع الخاص احسن لج


كويتيه عســـــــــــــــــــــــل


لا يا قلبي مو صج

الاوراق تبلينها وتشربين مايها ههههه

احنا دولتنا تمشي على الاقدميه ,,,,,وهذا سبب تقدمنا ههههههههههههههههههههههههه

صح هذا اللي صاير ,,, الواسطة اللي مخربة علينا للاسف "(