واخيرا نزل اسمي ساعدونى (بالهئيه العامه للمعلومات المدنيه معاشاتهم واحسن قسم)

[الدين نعمه]

السلام عليكم و رحمة الله و بركات

شلونكم بنات شخباركم و اخييييراااا عرفت شلون اشترك معاكم

انا الله يسلمكم تونى ترشحت من ديوان نزل اسمي بالهئيه العامه للمعلومات المدنيه اللي بجنوب السره

واتمنى ايي وحده من البنات تقولى شلون الشغل هناك و المعاش وشنو احسن قسم بالنسبه لهم واذا

في بدلات او امتيازات بالنسبه حق الدرجه الخامسه


تفيدنى و احب اعرف الحين لما ادوى لهم الاواراق اللي طالبينها ممكن عقبها متى اسوي مباشرة عمل

 

[طالبه جامعيه]

رد: واخيرا نزل اسمي ساعدونى

الله يوفقج انشالله

 

[AlZeenah]

رد: واخيرا نزل اسمي ساعدونى

انتي راجعيهم وبتعطينهم اوراقج واقل شي عقب اسبوعين بيدقون عليج
انا من شهر 6 طالع اسمي وللحين ناطرة كل مرة اراجعهم يقولون الاسبوع الياي

بس انا موبنفس مكانج

 

[M!sS roo7 alm!sk]

رد: واخيرا نزل اسمي ساعدونى

وعليكم السلام والرحمة..

اهليين يالغالية..

انا توني متوظفة بالهيئة العامة للمعلومات المدنية..

الحمدلله المكان حلوو ومريح..

وبالنسبة للمعاش على حسب ماقدر افيدج بشي اكيد بس هو 500 وفوق..

وحاليا قاعد يطالبون بالكادر..وان شاءالله يقرونه قريب..وعندهم بدل شاشة..

عندج كذا قسم الشؤون الإدارية..قسم التوزيع..قسم التجهيز...وكثير اقسام حلوووة..

وانا انصحج فيها قدمي عليها وانتي مرتاحة..

وبالنسبة لإجراءات التوظيف انا طولت لأن كان وقتها انتخابات فما ادري وضعج وشلون بيكون..

الله يوفقج ويسهل امرج..

وان شاءالله اكون افدتج ولو بالقليل..

 

[شعوله]

رد: واخيرا نزل اسمي ساعدونى

الله يوفقج


بس متى نزل اسمج

 

[الدين نعمه]

رد: واخيرا نزل اسمي ساعدونى

السلام عليكم ورحمة الله وبركاته شلونكم

حبيت اسأل البنت اللى تقولى انها تداوم هناك كنت بعرف عن قسم اسمه التسجيل الخاص

يقولون اهو بس خاص يسوي اوراق الخاصه بالاسره الحاكمه و الدبلوماسين

واذا ممكن تفيدينى رايج بهل مكان

 

[7alawa]

رد: واخيرا نزل اسمي ساعدونى

و الله ما عني فكره عن المعاش بس رفيجت اختي تشتغل هناك و وايد مرتاحه

موفقه

 

[فز1عه]

رد: واخيرا نزل اسمي ساعدونى

الله يوفقج احلى مكان بالنسبة للوظايف الحكوميه

 

[M!sS roo7 alm!sk]

رد: واخيرا نزل اسمي ساعدونى

السلام عليكم ورحمة الله وبركاته شلونكم

حبيت اسأل البنت اللى تقولى انها تداوم هناك كنت بعرف عن قسم اسمه التسجيل الخاص

يقولون اهو بس خاص يسوي اوراق الخاصه بالاسره الحاكمه و الدبلوماسين

واذا ممكن تفيدينى رايج بهل مكان

هلا اختي..

شفت ردج وانا بالدوام..

فقلت خليني اروح اشوفلج التسجيل الخاص..

بيني وبينج انا ماعجبني المكان..وحيل دقيقين..

سألت رئيس قسمهم عن طبيعة العمل رد علي من ورى خشمه انه دوامهم من 7ونص الى 2 اتوقع..

وهذا رده بس بخصوص طبيعة العمل..وقال ان في وحده بتجيهم وبيسون لها مقابلة ..

بالنسبة لمكانهم هادي بس يجيب الكآبة..

هذا شعوري ناحية التسجيل الخاص..عاد انتي شوفي اللي يريحج..

ان شاءالله اكون افدتج اي شي محتاجته لا تترددين..

موفقة​

 

[الدين نعمه]

السلام عليكم ورحمة الله وبركاته

شكرا على ردودكم كلكم ماقصرتو

ومشكوره حبوبه لانج سألتيلي و عن سالفة رئيس القسم اهو مأخذ اجازه وحتا المدير العام مساعد العسعوسي

وان اهم انشالله بداومون يوم الاحد و بالنسبه حق اللى بسوين لها المقابله اتوقع اتوقع انها بتكون انا انشالله

حبيبتى قوليلي شنو سالفة المقابله شنو يسألونى بظبط و من ايي ناحيه شغل دقيق ليش اهم شنو شغلهم بالضبط



والله خليتينى احاتى:0bee2e8d89:

 

[M!sS roo7 alm!sk]

السلام عليكم ورحمة الله وبركاته

شكرا على ردودكم كلكم ماقصرتو

ومشكوره حبوبه لانج سألتيلي و عن سالفة رئيس القسم اهو مأخذ اجازه وحتا المدير العام مساعد العسعوسي

وان اهم انشالله بداومون يوم الاحد و بالنسبه حق اللى بسوين لها المقابله اتوقع اتوقع انها بتكون انا انشالله

حبيبتى قوليلي شنو سالفة المقابله شنو يسألونى بظبط و من ايي ناحيه شغل دقيق ليش اهم شنو شغلهم بالضبط



والله خليتينى احاتى:0bee2e8d89:

العفوو يالغالية..

بس اللي كلمناه انا وموظفة اسمه (راشد) جايز يكون مساعد رئيس القسم..

عموما ع البركة الوظيفة وانا ماكنت حابة اخرعج..بس هذا شعوري وشعور الموظفة اللي كانت معاي..

بالنسبة لدقتهم فهم يحاسبون على كل شي لو حرف غلط يحاسبون عليه هذا كلام البنات..خاصة وان اللي يجونهم مندوبين الشيوخ والحكام والدبلوماسيين..

عموما اتمنى لج كل التوفيق..صلي استخارة وان شاءالله خير..جايز انتي ترتاحين للمكان ويعجبج..

اذا احتجتي شي انا موجودة..​

 

[spanish-girl]

انشاءالله البنات يفيدونج

 

[الدين نعمه]

السلام عليكم شلونكم بنات شخباركم

مشكووورين وااااايد على ردودكم السرييعه لى

وحبيبتى كنت ابي اعرف شنو سالفة المقابله اللى مع رئيس القسم شنو الاسئليه؟؟
وكنت بعرف اذا في دوام العصر او لا؟؟


ومشكوره و يزاكم الله خير جميعا

 

[M!sS roo7 alm!sk]

السلام عليكم شلونكم بنات شخباركم

مشكووورين وااااايد على ردودكم السرييعه لى

وحبيبتى كنت ابي اعرف شنو سالفة المقابله اللى مع رئيس القسم شنو الاسئليه؟؟
وكنت بعرف اذا في دوام العصر او لا؟؟


ومشكوره و يزاكم الله خير جميعا

والله يالغالية..قلت لج ماعطاني اي نبذه عن الشغل عندهم..
بس اهم شي خلي عندج فكره عن الهئية وشنو تختص فيه..دوري بالسايت تبعهم بتحصلين كل شي..
اما اذا كان في دوام العصر لهم..اتوقع فيه..لأنهم يسلمون البطاقات المدنية للحكام والدبلوماسين..
جايز يستقبلون المندوبين العصر..
لا تحاتين وكل شي بيعدي على خير ان شاءالله..
الله يسهل امرج ويوفقج..​

 

[sky is high]

السلام عليكم
وناااااسة مبروك الترشيح اولن واتمنى لج وللجميع التوفيج باي مكان كنتي
بالنسبة لي انا تعينت توني من شهرين تقريبا
والمقابله ماكانت مع رئيس القسم كانت مع مدير ادارتي وكانت سوالف عادية اكثر من انها اسئلو وتجاوبين فحدج لا تحاتينها:gathering:

انا اداوم العصر في ادارة الانتاج والتسليم
نسلم بطاقات ونشيل غرامات
الشغل حلو والمسؤولين زينين واااااايد الحمدالله
وبالنسية للمعاش اول ماتخلصين المقابله او قبلها تقولج السكرتيرة عليه
انا بكالريوس عالدرجة السادسة تقريبا صافي معاشي (قبل التثبيت على قولتهم)640 زيدي الخمسين هالشهر ان شالله ..وبعد ست شهور يزيد اعتقد 90 بدل شاشة

امممم
شنو بعدددددد ودج تعرفين؟؟
تعالي مري علي اذا داومتي عصر :68_asmilies-com:

 

[أبيار الكويت]

اختي دامها هيئة سجلي وانتي مغمضه

 

[xxxx7]

بنات عندي سؤال عفيه

اذا وحده تخصصها علم الحاسوب(علوم كمبيوتر) ومسماها صائغ برامج جم يكون معاشها عندكم

واشلون ادارة نظم المعلومات عندكم زينه ولا لا فيها دورات ولا لا

القسم غالبيته بنات ولا صبيان ودوام من متى لي متى

 

[الدين نعمه]

السلام عليكم ورحمة الله وبركاته

شلونكم بنات ؟؟

والله و مشالله زااااااادو زميلات العمل انشالله:ggdw::ggdw:

حبيبتى انا كنت بعرف انتى تداومين الصبح بعد ولا بس العصر؟؟؟

وانا شهادتى دبلوم على الدرجه الخامسه و هل كل الموظفين يعطونهم بدل شاشه 90 ؟؟؟



وشكرا لتعاونكم والله يزيد زملاء العمل

 

[M!sS roo7 alm!sk]

السلام عليكم
وناااااسة مبروك الترشيح اولن واتمنى لج وللجميع التوفيج باي مكان كنتي
بالنسبة لي انا تعينت توني من شهرين تقريبا
والمقابله ماكانت مع رئيس القسم كانت مع مدير ادارتي وكانت سوالف عادية اكثر من انها اسئلو وتجاوبين فحدج لا تحاتينها:gathering:

انا اداوم العصر في ادارة الانتاج والتسليم
نسلم بطاقات ونشيل غرامات
الشغل حلو والمسؤولين زينين واااااايد الحمدالله
وبالنسية للمعاش اول ماتخلصين المقابله او قبلها تقولج السكرتيرة عليه
انا بكالريوس عالدرجة السادسة تقريبا صافي معاشي (قبل التثبيت على قولتهم)640 زيدي الخمسين هالشهر ان شالله ..وبعد ست شهور يزيد اعتقد 90 بدل شاشة

امممم
شنو بعدددددد ودج تعرفين؟؟
تعالي مري علي اذا داومتي عصر :68_asmilies-com:

:ggdw: مشاءالله بقسمي تشتغلين بس انا الصبح

وبخصوص الأسئلة هو صح يسولف معاج بس سألني شنو تعرفين عن الهيئة..

يعني سهالات ان شاءالله..

قبل المقابلة السكرتيرة تفصلج المعاش تفصيل كم المربوط الاول مع التأمينات ومع الزيادات..

وعندهم الدرجات غير يعني اللحين انا بالخامسة عند الحكومة بس عندهم اعتبر بالدرجة السابعه..

بس قالت لي بدل الشاشه 60 دينار وتنزل مع معاشج بعد 6 أشهر من تعيينج ..

لأن ها6 أشهر على قولتهم بتكونين تحت التجربه..​

 

[sky is high]

بنات عندي سؤال عفيه

اذا وحده تخصصها علم الحاسوب(علوم كمبيوتر) ومسماها صائغ برامج جم يكون معاشها عندكم

واشلون ادارة نظم المعلومات عندكم زينه ولا لا فيها دورات ولا لا

القسم غالبيته بنات ولا صبيان ودوام من متى لي متى

حبيبتي ماعندي فكرة واضحة عن القسم بس سالت ويقولون ان قسم الحاسب الالي من الاقسام الزينة وحسب علمي عندهم كادر خاص فيهم ...بس هذا اللي عرفته :tomato2: