ايش الحل كيف اتصرف ساعدوني

[الليدي *-*]

السلاااااام عليكم ورحمة الله وبركاته

اخواتي ساااااااااااااعدوني انصحووووووني ايش الحل كيف اتصرف معاهم كيف اكسبهم

امي وبوي​

انا بين نارين بين حبهم وبرهم ومخافتة الله فيهم وبين انزعاجي منهم وعدم تحملهم وافضل ابعد عنهم


امي وبي كبار سن امي اميه وابوي متعلم نص تعليم
انا آخر العنقود عمري 28 الوحيد ه بالبيت معاهم اخواني وخواتي كلهم تزوجوا
متخرجة جالسة بالبيت
اعاني من ضغوط نفسيه شدديده حزيييييييينه على طول احس بكآبه احياناً ووحشة من معاملة امي وابوي العلاقه بين وبين ابوي شبه من قطعة يأمر واناانفذ ما اقد اسولف معه كثير كلمة ورد غطاها
لانه عصبيييييييييييييييييييييييي مره ===> يتخانق مع ذبان وجه
امي ماتفهمني مره اذا تكلمت معها في اي موضوع اولاً ماتفهم الموضوع اساساً وتهزاني وطلعني انا الغلطانه وبالنهاية اسكتي ازعجتيني ===> نوع من الهروب
وإذا حاولت تحل الموضوع تروح تقول لأبوي السالفه بطريقه غريبه
المهم انها تطلع من الموضوع ولا تحمل ادنى مسؤوليه
واندم اصلاً اني تكلمت معها
دائما التهزيئ والإهانات على اتفه الأسباب واغلب الأحيان بدون سبب ويفضلون الإهانه وقت ما تكون العائلة مجتمعة على شان ما ارد ====> طبعا احاول القط وجهي ثم اقلب الموضوع مزح وضحك

يوم في بيتنا​

:68_asmilies-com:​

اول ما اصحى من النوم الساعة (4) عصراً اروح الصاله الكل متواجد السلام عليكم
ابوي صح النوم توك صاحيه مثل الكلبه بالليل سهر ونوم بالنهار
اخوي ====> نظام الصيف الكل كذا بالإجازه
ابوي >>>>> يناديني بأسم الخدامه قومي شيلي الأكل >>>> طريقه جديد من الأهانات
تدور السواليف بيني وأخواني وين بتروحون اليوم وش رايكم نطلع 000000000000 ترد امي
ترد امي ====> ايه هاذى الي تبيه المراويح والطلعات قلة ادب ماتستحين كل يوم طالعه ==> تسوي حركات قدام ابوي بتكحلها اعمتها
ياامي ==== انا ماطلعت لي يومي :eh_s(1):
بعد ضيقة الصدر اصر على الطلعه واطلع
ابوي ===> يتصل بي الساعة (10) مساءً وينك هايته بالشوارع ماتستحين :eh_s(14): انواع الأهانات ا انا===> يابوي انا مع اخوواتي الكبار مو لوحدي :gathering:
ابوي ===>>>؟؟؟؟؟؟؟؟؟؟؟؟؟؟؟ الحين ترجعين


ابوي ===> يرجع يفتح الموضوع سييييييل من الأهانات انتي خبيثه تصرفاتك مو عاجبتني الله يفكنا منك ابطلع انا ومك بيت ثاني والله لأقفل الباب واخليك برا ويهزء ويهزء اخوي الي خرجنا ويقله لا عاد احد يطلعها
طبعا يتواصل الأهانان لأخواتي
اخواني واخواتي متعاطفين معي نوع من الشفقه المؤلمة
بنهاية اليوم
ادخل غرفتي بكل هدوؤء واقفل على نفسي وامسك مخدتي>>>> مرسوم عليها بنت مبتسمه >>>>>0يعني نوع من المواساه
وابكي وابكي واطلع كل الي بداخلي
وبالي سؤال واحد يتكرر ....... ليه امي تعامني كذ ليه ابوي يعامني كذا ليه الكره ذا ليه العدوانيه
ورد واقول الله يفرجها الله يهديهم ويحنن قلوبهم علي ويشرح صدر ابوي ويرزقه الحلم والصبر


آآآآآآآآآآآآآآآآآآآآآآمييييييييييييييييييييييييييييييييييين يارب

 

[الذهبية]

الله يعينج حبيبتي عورتي قلبي فيه شكثر بنات نفسج لا تخافين انتي مو بروحج بس ما ذكرتيلنا ظروف عايلتج ؟ يعني اهما من زمان جذي ولا بس تغيروا من فترة ؟ بعدين اخاف عدم زواجج همن له دور مرات مو قصدهم يحطون عليج بس من حرتهم لانهم يبون يزوجونج ويفرحون وانصدموا انه ما صار فتصير ردة الفعل قاسية شوي ولا شعورية...كلمينا اكثر عن حياتج وان شا الله البنات ما يقصرون ... الله يفرجها عليج ويصبرج آميييييييين ويهدي امج وابوج ويطمن قلبهم وقلبج يا رب..

 

[كولوراديه]

الله يكون بعونج

 

[الليدي *-*]

شكرا على الرد السريع
ظروف عايلتي عاديه يعني الوضع المادي متوسط في تفرقه كبير بالتعامل بين اخواتي اكثر وحده يحبها ابوي من خواتي اختي المتوظفه وعايشه بعيد خواتي الكبار يقولون ان ابوي مدلني وانه كان شديد عليهم ويضربهم
واحس ابوي شايف اني متمرد ه ومدلله وتصرفاتي كلها غلط مع ان اخواني يحولون يفهمونه ان الوضع تغير وان البنات كلهم نفسي والوضع عااااااااااااادي وبنسبه للزواج خطبني اخو زوج اختي ورفضت لان ابوي ما مدحه
انا ما الوم ابوي لانه عايش بزمن مو زمنه وفيه فرق كبير بين الظروف القاسيه الي عاشها ابوي وبين الظروف اليو م علشان كذا يحس اني مدلله بزياده وكل شي اخذه بسهوله بدون تعب
يعصب على اخواني وخواتي كثير ويهزءهم عيالهم بعد
اهم يطنشون ولا يردون عليه يطلعون من البيت يوم ويومين ويرد ابوي يدورهم ويسال عنهم يعني اهو شخصيته كذا عناادي وعصبيييييييييييييييييييييي حيل ومايتفاهم وذا طلع كل الي باخله يندم ويسكت

بس ابي طريقه اقدر اقرب منه اشوي واكسب وده ورضاااااااااااه واقدر اسعد نفسي شوي

 

[لمسة حنان]

حبيبتي لا تكبرين الموضوع --الشايب بركه البيت--عسى الله يخليهم لج ولا يحرمج منهم--انتي ادرى بابوج وشنو يحب--دوري شنو يحبه وسويه --تغشمري معاه --حاولي ادورين شنو يستانس منه وسويه--وترا انتي بنعمه --عسى الله يخليلج الوالد-وبالنهاية تحملي الوالد--هذا طبعه وماراح يغيره-

 

[الليدي *-*]

الله يعطيك العافيه لمسة حنان
بحاول انفذ الي تقولينه الله يعين والله اني اخاااااااف منه بس بحااااااااااااااول

 

[س من الناس]

مرحبا لليدي شلونج ؟

ما عليج يا خيتي يبقون والديج ومحد يختار والديه صح و إلا ؟

أنا اللي أعرفه أن الرجال إذا كبر وتقاعد و قعد بالبيت يصير جذي عصبي و يهاوش لأتفه شي لأن ببساطة تغير وضعه قبل التقاعد يطلع وينشغل بأمور الدنيا وعقب النقاعد ما كو شغل غير يسمع عند ربعه أخبار الوفيات و أخبار السياسة اللي تغث
و إذا رجع للبيت ما يلقى أحد يداريه ويقوله كلمه حلوه فيحس أن محد يحبه و كأنه مو لازم ... عرفتي

المهم ... لوو يلقى أبوج شي يشغل وقته فيه مثلاً أي هوايه عنده شجعيه عليها و أمدحيه دايماً لبسه و تصرفاته وأي شي يسويه للبيت أشكريه عليه طبعاً مع الابتسامه أهم شي
و أبدئ أنت السلام عليه و أسأليه صحته و إذا بدأ يسولف لج ابتسمي واسمعي و خففي عنه بصوت ناعم ولا تحطينه بموقف يكون فيه كأنه ما يعرف يسوي شي .... مصيبه .... إذا حس الرجال انه ما يقدر يسوي شي ....

و بالنسبة لأمج ... لفتره لا تفضفضين لها اسكتي و دشي وياها المطبخ ساعديها وسولفي عن المطبخ واسمعيها عدل العجوز تحب اللي يسمع سوالفها


أما أنتي ... ليش ما توظفتي ..؟؟
شنو هواياتج أي شي تحبين تسوينه مارسيه خليه يملى وقتج بشي ترتاحين فيه ...

ولا تنسين الــدعـــاء دايماً أدعي الله يرحمهم ويغفر لهم كما ربياكي صغيره ( الرحمة والمغفرة للحي والميت ) و يحنن قلوبهم عليج .. و لاتنسين الاستغفار صدقيني بيفتح عليج الله كرري قولة أستغفر الله ...


و مالي إلا أدعيلج
بالتوفيق إن شاء الله

 

[قلبي ابيض]

الله يهديهم اهلج تحملي ان شا الله الله يعوضج اسرة وذرية صالحة وحياة حلوة عليج بالدعااااااااااااء

 

[الليدي *-*]

هلا وغلا فيك س من الناس
والله كلامك يشرح الصدر ووعدك احطه بين عيوني المهم اكسب برهم وافتك من دعاويهم
بالنسبه لي مقدمة على وظيفه وإنشاء اتعين >>>>>>>>>بس ادعيلي
امي >>>سلبيتها من خوفها من ابوي يرجع عليها ويحطها اهي السبب علشان كذا تخاف تتخذ اي قرار وتتحمل مسؤوليته
ابوي >>> معك حق بكااااااااااااال الي قلتيه اهو متقاعد من زمان كل اصحابه تفرقوا الي مات والي مريض والي ما يطلع من البيت والحين متفرغ وتصدقين انه يطلع من البيت الساعة خمس العصر ويرد بعد المغرب يقول تعبان وياوش الصغار مايبي ازعاج يقول يبي نام بعد المغرب
وابوي عضو بلجنه اصلاح ذات البين حاليا يعني اذا فيه احد متهاوش مع احد يعني يصلح بينهم ؟؟؟ مدري كيف شكلهم يخافون منه لاجاو عنده تصالحو ولا طلعو ا ردو تهاوشووووووو
الله يرزقني برهم ولا يحرمني اجرهم
شكرا قلبي ابيض حبيبتي
دامك معي انتي والبنات الي مثلك وشرواك اكيد بنصبر بعض ونفيد بعض

 

[عالي مستواها]

بعد عمري لا تحطين بخاطرج كل الشيبان جذي .. بس هذول بركة البيت مهما قسوا وغلطوا يبقى والله وجودهم بالبيت له طعم غير

انتي لا تحطين ببالج أي شي يقوله ترا مو من قلبه لو سبج أو غلط عليج .. بس بالمقابل أنا بنصحج نصيحة

انتي عدلي من حالج شوي يعني اصحي مبجر شوي واقعدي معاهم وسولفي عليهم علقي على اي شغلة أو اسألي ترا الشيبان يحبون أحد يسمع لهم وانتي الله يهداج تقولين ما تقومين إلا بعد صلاة العصر أكيد لما يشوف أبوج حالج جذي قلبه يعوره لا دوام ولا شغل وسهرانه ما تقعدين معاه ولا شي ... مو راضي عن حالج

بس لا تشيلين بقلبج وادعي لابوج الله يهديه ان شالله ويقربكم من بعض ويسخرهم لج.. بس هم انتي سوي اللي تقدرين عليه انتي قلتي البيت ما فيه إلا انتي لا موظفه ولا متزوجه طيب حاولي تونسين امج وابوج خل يحسون انه عندهم احد ويفقدونج إن غبتي عنهم او لهيتي

 

[(كويتيه عسل)]

صدقيني

اهما جذي يعصبون ويصرخون عليج

بس اذا صار فيج شي لاسمح الله راح بتشووووووووفين شلون اهما يحبونج

ومهما سووا تحمليهم وصبري عليهم اذا ماانتي بنتهم ماتحملتيهم منو بيتحملهم؟

انا مومتزوجه بس اشوف المتزوجين

يايج الخير اذا تزوجتي بتقولين امي وابوي ارحم بواااااااااايد من الريل

واللي مافيه خير لاهله مافيه خير لنفسه

 

[pretty sarona]

الله يعينج الصراحه و مهما كان امج وابوج و ملزومه تبرينهم

 

[إنسانه بكل حالاتي]

حبيبتي تصدقين البيت اللي مافيه شايب مافيه بركه وحتى لو كان عصبي يكفي وجوده معاكم اصبري والله كريم

 

[BaTtEr My HeArT]

الله يعينج ويصبرج .. ترى البنت تكون حساسه لما تكون فى بيت اهلها .. تحملى ماعليه

بس ضحكت لما قلتى ابوج عضو فى لجنه اصلاح ذات البن وانه الناس يتصالحون خايفين منه ههههههه


اعذرينى بس غصب ضحكت

 

[الليدي *-*]

الله يعينج ويصبرج .. ترى البنت تكون حساسه لما تكون فى بيت اهلها .. تحملى ماعليه

بس ضحكت لما قلتى ابوج عضو فى لجنه اصلاح ذات البن وانه الناس يتصالحون خايفين منه ههههههه


اعذرينى بس غصب ضحكت

ضحكي قلبي وأنا بعد ضحكت من ضحكك
بتحمل اكيد ونشاء الله تفرج والله يعوضني بس ابيك تدعولي بنات بالوظيفه :yaaaaaarb: والزوج الصالح :ioljnmlk::aha:

كويتيه عسل >>>>>> قولي خير حبيبتي ترا الزوج اهو املي الأخير
لاتسدينها بوجهي
:balo:
إنسانة بكل حالتي pretty sarona
:e3:
عالي مستواها
والله حاولت اغير من وضعي بس مافي فايده والطبع واحد قلت يابنت سوي الي يريحك علشان اكوان اكثر الوقت بعيدة ومايصير مشاحنات وضغط نفسي

:nbvppw:شكرا بنات على ردودكم وسعتوا صدري ::nbvppw:

 

[ام_بدر]

الله يعينج يارب