إنتي مدرسة .. وتكررهين التدريس .. تفضلي نتناقش لإيجاد الحل

[نور83]

يعطيج الالعافية ام علي كفيتي و فيتي قلتي كل اللي ودي اقوله جنه انتي قاعده يمي و انا امليج اي والله هذا جزء من ولاشي
جم مرة صارت لي هالحركة اقوم المغرب حدي مخترعة اقول هالصبح دوام بعدين استوعب ....... وهم اشوف الجنطة مخترعة ادري ان وراي هم ما يلتم من هالوظيفة اللي الله كتب اني اشتغل فيها .........

و طبعا غير الشغل و الكراف اشياء واييد تضيق الخلق بس خليها على الله الله كريم

 

[*سكون*]

التدريس بالنسبة لي مو مشكله .. اللي ما احبه الاحتياط والمناوبه والمعارض وسوالف الوجاهة جدام المنطقه

والله يعينا وتكون سنه حلوة وخفيفه علينا

ويعطيج العافيه

 

[أبلة مس]

بصراحة ......... انصدمت لما عرفت إن أكثركم يكره التدريس .. :0bee2e8d89:

أنا عن نفسي .. تخصصي مو تربوي .. و أول سنة لي تدريس عفته .. و كرهت الكراف .. بس السنة اللي بعدها قررت أقلب تفكيري و أكون إيجابية بكل شي ... لأن التفكير السلبي ما راح يفيدني أبد و وقتي بيضيع و أنا أتذمر ... صدقوني ما تتخيلون أنا شكثر أحب ألحين شغلي .. رغم كل المساوئ اللي عديتوها بس أنا هم أحبه .. و رغم الإحباطات اللي مريت فيها بس هم أحبه ..

أنا من النوع اللي دائما أجدد و أنوع من أسلوبي في التدريس و أستخدم أدوات وايد .. كل اللي ممكن يخطر ببالكم أسويه .. و أنا ما أمدح نفسي بس أشارككم تجربتي يمكن غيري يستفيد ..

كل حصة عندي أعتبرها حصة نموذجية .. و أفاجئ البنات في كل مرة ..

صدقوني لو تفكرون فيها بس و لو لحظة .. إن مو بس التوجيه أو رئيسة القسم أو المديرة يراقبون عملج .. الله ما تغمض عينه و أي شي تسوينه بتلقينه في ميزان حسناتج ..

أنا ألاحظ مدرسات معاي .. حزت ما يدرون إن المديرة ممكن تمر عليهم أو التوجيه .. شوفوهم بس شلون لوية .. و هذا كلش مو لصالحهم .. لأن بالأخير الكل راح يلاحظ إنج محتاسة حتى طالباتج راح يحسون بالفرق .. و هذي مو حلوة بحقهم .. و انتي جذي أهدرت بحق من حقوقهم عليج ..

أنا راح أعدد لكم كم شغلة أسويها أنا .. يمكن بإذن الله تحبون التدريس :tek:

- خليج على طول مبتسمة .. صدقيني الإبتسامة تسوي الهوايل و تحبب الناس فيج .. حتى لو ضايق خلقج من شغلة بالبيت أو المدرسة .. خلقي لنفسج عالم بروحج و طلعي من الهموم ..
- لا تسمعين كلام الناس اللي ليلها نهارها تتذمر .. لأن بالأخير راح يؤثر فيج .. و نفسيتج تنعفس
- أحسني النية .. و مهما صار معاج خليج أكبر بمستواج في تعاملج مع الناس .. و خلي الناس تتعلم منج
- تفاءلي دائما .. و لا تخلين التشاؤم يغزو كل تفكيرج .. عمرج ما راح تنجزين شيء إذا كان تفكيرج راد ورا
- خلي صداقاتج في العمل محدودة .. صدقيني ترتاحين جذي .. و خليج رسمية كثر ما تقدرين .. بعض الناس ما تظهر شخصياتهم الحقيقية إلا بعد عشرة طويلة ..
- تثقفي أكثر في مادتج و غيرها ..اقري وايد .. ابهري الناس بالمعلومات اللي عندج ... لا تعطينهم فكرة إنج إنسانة محدودة التفكير ..
- لا تحطين كل همج رأي رئيسة القسم أو المديرة أو التوجيه فيج .. أهم شي رأي بناتج و أولياء أمورهم ..
- جددي من أسلوبج في التدريس .. فاجئي طالباتج بالوسائل اللي تستخدمينها .. خليهم يستمتعون بكل دقيقة من حصتج .. بالأخير انتي المستفيدة ..
- مكتبج .. خليه مملكتج .. حطي عليه كل شي تحبينه .. و دلعي نفسج بأدواتج اللي تستخدمينها للكتابة أو حفظ وسائلج ..

امممم .. هذا كل اللي أسويه و ودي كل المعلمات يسوونه .. لأن التعليم بالأخير راح يتدهور إذا المعلمين و المعلمات يكرهون مجال عملهم ..

بصراحة .. أنا هالسنة ناجحة رئاسة قسم .. و دائما أدعي ربي إنه يرزقني بمعلمات يحبون شغلهم و يخافون الله في كل شيء ..

و أنا أول شي راح أطلبه منهم .. ما يتذمرون .. تعبت بصراحة من كثر ما أواجه ناس كله تتذمر بالشغل و غير الشغل .. التذمر ضياع وقت و جهد .. خلونا نستفيد من وقتنا بشكل أفضل و ننتج أفضل ..

بالتوفيق للكل .. :tek:
​

 

[**أم السنع**]

صدقوني يا ابلات الدوام حلو والتدريس حلو والتحضير سهالات والطلبة شهر وينظبطون معاج
بسسسسسسسسسسسسسس
التعب كله من الجو المحيط فينا من ناحية:
1- ادارة صارمة على ناس وناس لأ
2-عدم تقدير لظروف المعلمة اذا كانت طارئة
3-الاعمال الادارية والمناوبات وادخال الدرجات التي ليست من اختصاص المعلمة
4- التفرقة في تكليف المعلمات بالاعمال الاضافية
5-عدم تقدير وشكر المعلمة عن

​

د الانجاز مما يثير الاحباط في الجو المدرسي
6- عدم احترام المعلمة وانتقادها وتوجيهها امام الطلبة دون مراعاة لهيبة المعلم امام الطلبة

الله يعين ولنل الاجر ان شاء الله

 

[الغايه]

كفيتي ووفيتي يا ام السنع
صج انك ام الستع

 

[الغايه]

كفيتي ووفيتي يا ام السنع
صج انك ام الستع

عفوا خطا مطبعي السننننننننننننننننننننننننع
شسوي اكتب بلظلام

 

[أبلة كويتية]

أولا مشكورين يا بنات على المرور والنقاش الهادف
والله كلامكم كله صح
آنا إكتشفت من النقاش شبه إجماع إنه الأعمال إللي يكلفونا فيها ومو من صميم عملنا
وتسلط الإدارات
والإحتياط والمناوبات ... ألخ
إهيه إللي مكرهتنا بالدوام والتدريس والله أنا أضم صوتي لصوتكم
7
7

أبلة مس عطتنا حل حلو إنشاء الله يحببنا بالدوام
صح المفروض كل يوم نجدد حصتنا ونحط الله بعيونا وهو إللي يراقبنا ويشوفنا شنسوي لليهال
وما لنا شغل من الناظرة والموجهة مدام إتقينا الله بعملنا الله راح يسخرهم لنا
إنتوا شرايكم ؟؟؟

7

7

 

[je t'adore]

بقولكم شي يظحك؟؟؟!!!!!!

تدرون.......


أنا منتقلة من المدرسة اللي ناظرتها خلتني أكره نفسي من سنة...........أمس.....قعدت من النوم حلمانة فيها....كابوووووووس مززززعج


والله.....


((من كثر ما آنا أحب مدرستي الجديدة.....وكارهة هذيج المدرسة)).....شوفو الأثر النفسي اللي تركته فيني.....


صج صج صج صج صج صج.....حسبي الله عليها من ناظرة

الله حسيبها


بس يعني....مايصرفونلنا بدل.....(((ظغط نفسي))).....لوووووووووووووووووووووول


والله أنا أكرهها وأكره إسمها......وماحب طاريها ولاطاري مدرستها الفاشلة.....


سجن مو مدرسة


الله يعين الأبلات الجدد.....اللي عندها


وسوري......طولت قرقتي




الشي الثاني اللي بقوله.....إن فعلا البايخ في وظيفة التدريس....إن قاعدين نتحمل شي فوق طاقتنا ومومن مجال عملنا...



شكــــــــــــــــــــــــــــرا عالموضوع اللي أدري بس فشة خلق....ومحد بيسمع صوتنا........ولاحد بيحس فينا

 

[أبلة كويتية]

حبيبتي أم علي
فشي خلقك
ولا تزعلين
الله يوفقج مع ناظرة أحسن قولي آآآآآآمين

 

[غصن لبان]

بصراحة انا كنت حيل متشائمة وكارهة التدريس

بس قرأت كلام ابلة مس وتفائلت

مشكورة على الافادة الروعة ابلة مس

ومشكورة ابلة كويتية على الموضوع

 

[مشغوله و محتاسه]

كلام ابله مس يفتح النفس


ابله كويتيه .... موضوعج مهم ... التدريس حلو بس الاعمال اللي مالها علاقه فيه اهي اللي تغث
الله يعين و يوفق الجميع

 

[أبلة كويتية]

حياكم الله جميعا على المرور
وفعلا أبلة مس شرحت صدورنا وخلتنا نتفائل
الله يكثر من أمثالها

 

[pure feminine]

ياربي ضيقتوووو خلقي انا كلها سنه وانظم لطاقم المدرسات وانا بروحي ما واطن المدرسه ولا جوها اووف شي مو طبيعي


بس نسبتي مالت عليها حدتي ما ادش الا التربيه


الله يعين ان شالله


<< جبتو طاري المدرسه عورني بطني مادري شكوو

 

[جلكسية والدنيا عكسية]

انا مواكرة التدريس الا يلوع الجبد ماتوقعت التدريس جذي انا توني صارلي سنه بس المدرسة الي فيها خلي المدرسة انا مدرسة عربي ابتدائي المدرسات الي معاي يكرهوني على شنو تتوقعون

عشان البس ةاهتم بشكلي وهم اعوذبالله جنهم رايحيين عزا


ماادري شسوي

 

[جلكسية والدنيا عكسية]

انا مواكرة التدريس الا يلوع الجبد ماتوقعت التدريس جذي انا توني صارلي سنه بس المدرسة الي فيها خلي المدرسة انا مدرسة عربي ابتدائي المدرسات الي معاي يكرهوني على شنو تتوقعون

عشان البس ةاهتم بشكلي وهم اعوذبالله جنهم رايحيين عزا


ماادري شسوي​

 

[NuNu4]

بالعكس احلى شي التدرييييييييييييييس
وخااصه اذا في بنااااااااااااااااااااااااااااااااات يحبوونج

 

[الانوار]

صراحه اذا انتي ماله ماراح تنتجين او يمكن تنتجين بس ع الماشي و يمكن اي شي اوصل معلومه و خلاص وهذا حرام عشان نحلل معاشنا ع الاقل و اقولج حاولي تمرين ع الاقسام تونسين نفسج و تغيرين من غرفتج اشوي و تعرفين سوالف المدرسات ماتخلص وابحثي عن مدرسه تلازمج على طول و تباشرين الاداره و اعرضي خدماتج ع الكل راح تحسين بتغييييير انشا لله

 

[zincoo]

انا بعد اكره التدريييييييييييس :cxxxp:
بس شنسوي وين نروح ماكو مكان عطلهم نفس عطل التدريس :0bee2e8d89:

 

[Winter Q8]

حب ما تعمل حتى تعمل ماتحب

 

[((الجوري))]

بنات بسالكم اذا صرت مدرسه وماقدرت اكمل بالتدريس اقدر احول اداريه ولا مايصير .. لازم قبل لا اصير مدرسه احول اداريه ؟؟بليييز ابي رد .. حدي محتاره وخايفه ):