أبي رايكم شسوي ؟

[ديم00]

هلا بنات .....
أنا ودي أشوف رايكم لأن الموضوع حيل محيرني هاليومين ..
أنا ما بقى شي على ولادتي وراح أولد هني بالكويت مع العلم ان اهلي بالسعوديه
يعني بتنفس هني ..
وكنت ناويه اني عقب 20 يوم تقريبا اروح عند أهلي بالسعوديه وأعيد هناك واقعد بعد العيد ..
بس محتاره جم اقعد هناك انا كان ودي اقعد شهر ونص ..
انا ولادتي بتكون شهر 8 ..
وودي اروح من نص الرمضان .. واقعد هناك لي أخر شهر 10 ..
لأن ودي لما ارد حق ريلي أكون فارقه عليه .. ابي اضعف عقب الولاده وودي اغير شكلي .. يعين عارفين ناتوا شلون عقب النفاس ..

بس خايفه ان تكون المده طويله لان ريلي ما راح يكون معاي طبعا بيقعد بالكويت ..

أخاف حمولتي ينقدون علي اني خليت ريلي كل هالفتره ..
خصوصا ان خالتي تدقق بهالأمور.. يعني ماراح اكون معيده معاه بنفس اليوم ..
احنا صار لنا على زواجنا سنه ونص تقريبا ..
شرايكم .. ؟؟

وايد لو اقعد شهر ونص ؟؟

 

[عاشقه الاسمرانى27]

لالا حبيبتى بالعكس مو وايد ولا شىء


بس المشكله ان بعد الولاده دائما او اغلب حالات الولادها بيلهم حاله نفسيه او عصبيه يعنى اكتئاب فأنصحج تكونى يم اهلج وايد احسن


وسوى فترة نقاهه وبعدين ردى وانتى مرتاحه ولو على خالتج وحمولتج انتى بتصيرين بالنفاس يعنى مالهم شغل ولازم ترتاحين

وولدتج اهى الى بتحدد يا تسافرين بعد 20 يوم او اكثر


لان لو ولدتى طبيعى عادى


لكن الله لا يقول لو ولدتى قيصرى ما بيصير تسافرين قبل شهر ويكون بالطائره عشان العمليه

انشاء الله تقومى بالسلامه حبيبتى

 

[همسات ليالي]

الله يهون عليج ويقومج بالسلامه

وثاني شي صعبه تخلين ريلج فوق الشهرين بحجه اني باضعف وووووو

ما ادري احس مو عدله

 

[ديم00]

:0bee2e8d89:
أنا محتاره والله ..
انا ريلي ما عنده مانع قال لي عادي اللي يريحج ..

بس خالتي لي الحين ما تدري ..
انا بروح بنص النفاس وبقعد شهر عقبه ..
المشكله انه يصادف العيد يعني بقعد عقب العيد شهر

 

[( مي )]

اذا زوجج موافق
خالتج مالها علاقة بالموضوع !!!!

​

 

[soo_soo]

خاالتك هي زؤجك ؤلا ؤلدهاا الي زؤجك !!

مااعلييك منها تؤافق ماتؤاافق الشي هذا بينك ؤبين زؤجك
ؤبعدين معرؤف النفااس طبيعي تنفس عند امهاا
عشان تنفسه عدل ؤترتااح نفسيا ؤنقااه بعد الؤلااده ؤالخ ؤالخ بعدين نفستك عند امك لها نفعه لك ؤلـ زؤجك بعد اكيييد

بعدين شيي عادي
بنت خالتي ؤلدت قيصريه بلكؤيت
ؤقعدت يمكن 12 مادري 15 يعني اسبؤعيين اتؤقع عشان اؤرااق بنتهااا ؤالمؤاافقه ؤعلى ماطلع جؤاازهااا
ؤاؤل ماطلع على طؤل سييييده رااحت عند امهاا

يعني بالمختصر
لا تفكريين فيهااا ابدااا
يعني لا ؤلدتيي شؤفي لا خلصت اؤراق بيبي ؤلما يطلع جؤاز رؤحي عند اهلك

ؤان شاءالله تسهل عليك امؤرك ؤتسهل ؤلدتك اللهم امين

 

[om_judy]

واايد تخلين ريلج كل هالمده

يعني قبل لا تروحين 20 يوم وعقبها شهر ونص تقريبا 70 يووم
وااااااااااااايد على الريال حرااام

انا اقول كملي الاربعين عند اهلج وردي على طول

 

[آخر حبيبة]

اي حبيبتي إذا ريلج موافق خلاص مالج شغل بأحد ثاني أهم شي ريلج
وشهر ونص مو وايد

 

[بطة رشيقة]

الله يهون عليج يالغاليه والبنت بحزت ولادتها تبين اهلج اهم اللى تمونين عليهم يتكشفون عليج ويجابلونج ويشوفون الياهال عنج فالاحسن انج تروحين تولدين عندهم وترجعين عقب الاربعين انشالله ...

 

[ام عباااااااااادي]

الله يهون عليج بحده وتقومين بالسلامه

ومن ناحيه تقعدين عند اهلج قعدي اذا ريلج راضي ماعليج من احد

ولا تحسبين حق احد حساب

 

[شندوخه]

يعني انتي اللي ماعندج اهل وماودج تشوفينه شنو انتي مو بشر ؟
ودام زوجج راضي خلاص محد له كلمه عليج
وبعد ياربي انتي نفاس تبين تغيرين وتتفنتقين بشكلج شلون بتسوين كل هذا عند الحموله

 

[كـ غلا ــلي]

انا اقول تمي عند ريلج احسن لج خاصه اذا اهل ريلج زينين .. وان قدرتي طرشي على امج او احد من اهلج ايي يقعد عندج

 

[ام سويرة]

خالتج عالعين والراس
زوجج موافق هم عالعين والراس
اهلج فاقدتهم والله يعينج
روحي واستانسي
وغيري لوك بس لا تطولين مو عشان خالتج لا تدقق
تمون صح بس ياختجي يا حبيبتجي>>>>>>على قولة سنا الفضه
الرجال ما ينترك كل هالفتره ترا من خبره اقولج وانا اختج
اي حبوب وموافق بس البعد يأثر ترا مو قصدي اقول فيه بلا ولا شي
بس ممكن يصير فتور مو لهفه او يتعود ان الجاهل مو موجود كل هالفتره ولما تردون
يحس بالازعاج من صجة الجاهل
والله يقومج بالسلامه انتي والنونو
ويخلي لج ابو النونو وحلو منج انج خايفه على زعل خالتج الله يجعل حريم عيالج يبرونج
وحريم اخوانج يبرون امج<<<<<قلبت عجوز​

 

[موت الحمر]

و الله انا انصحج تقدين انتو توكم متزوجين و هذا اول رمضان يمر عليكم لازم تكونون مع بعض



تبين تروحين روحي اسبوع و ردي علشان اهلج يشوفونج



اذا تبين تضعفين روحي نادي و سوي ريجيم و انتي عنده بالعكس خليه يشوف التغير عليج اصلا اهوا يستانس يحس انج قاعدة تتعبين علشانه

 

[ديم00]

اذا زوجج موافق
خالتج مالها علاقة بالموضوع !!!!

​

والله زوجي بالعكس راحمني ان لي سنه ما رحت السعوديه من اول ما حملت فقال لي روحي قد ما تبين
يعني ما عارض ولا شي بس خالتي لي الحين ما فاتحتها بالموضوع

خاالتك هي زؤجك ؤلا ؤلدهاا الي زؤجك !!

مااعلييك منها تؤافق ماتؤاافق الشي هذا بينك ؤبين زؤجك
ؤبعدين معرؤف النفااس طبيعي تنفس عند امهاا
عشان تنفسه عدل ؤترتااح نفسيا ؤنقااه بعد الؤلااده ؤالخ ؤالخ بعدين نفستك عند امك لها نفعه لك ؤلـ زؤجك بعد اكيييد

بعدين شيي عادي
بنت خالتي ؤلدت قيصريه بلكؤيت
ؤقعدت يمكن 12 مادري 15 يعني اسبؤعيين اتؤقع عشان اؤرااق بنتهااا ؤالمؤاافقه ؤعلى ماطلع جؤاازهااا
ؤاؤل ماطلع على طؤل سييييده رااحت عند امهاا

يعني بالمختصر
لا تفكريين فيهااا ابدااا
يعني لا ؤلدتيي شؤفي لا خلصت اؤراق بيبي ؤلما يطلع جؤاز رؤحي عند اهلك

ؤان شاءالله تسهل عليك امؤرك ؤتسهل ؤلدتك اللهم امين

والله اهي ما راح تقول لا طبعا بس انا خايفه تقول شي لما أرد ..

واايد تخلين ريلج كل هالمده

يعني قبل لا تروحين 20 يوم وعقبها شهر ونص تقريبا 70 يووم
وااااااااااااايد على الريال حرااام

انا اقول كملي الاربعين عند اهلج وردي على طول

انا ما ادري والله بحاول اقنعه انه ياخذ اجازه ويجينا هناك بس ما أظن بيرضا

اي حبيبتي إذا ريلج موافق خلاص مالج شغل بأحد ثاني أهم شي ريلج
وشهر ونص مو وايد

والله ؟؟ انا احس بعد مو وايد انا اعرف وحده زوجها يشتغل بمصر رايح دورة واهي تقعد احياننا بالكويت شهرين .. بس هاذي لها فتره متزوجه يعني عندهم ولدين

الله يهون عليج يالغاليه والبنت بحزت ولادتها تبين اهلج اهم اللى تمونين عليهم يتكشفون عليج ويجابلونج ويشوفون الياهال عنج فالاحسن انج تروحين تولدين عندهم وترجعين عقب الاربعين انشالله ...

شوفي اهما حمولتي زينين واتوقع يعين بيساعدوني بس انا خاطري اروح احس ودي اقعد اروووق اخذ راحتي تدرين غير عند الحموله .. وولهت على رفيجاتي هناك ودي يشوفون بنتي وبعدين اخوي بيكون ياي من بره اهو يدرس همن ودي اشوفه .. يعني احس حدي محتاجه اروح اقعد فترة هناك

الله يهون عليج بحده وتقومين بالسلامه

ومن ناحيه تقعدين عند اهلج قعدي اذا ريلج راضي ماعليج من احد

ولا تحسبين حق احد حساب

والله هذا اللي بخاطري وهو ما قصر ما قال شي يقول لي قعدي مالا يقل عن شهر اهو مقدر مشاعري
بس نفس ما قلت لكم احس ما راح يعجب خالتي

يعني انتي اللي ماعندج اهل وماودج تشوفينه شنو انتي مو بشر ؟
ودام زوجج راضي خلاص محد له كلمه عليج
وبعد ياربي انتي نفاس تبين تغيرين وتتفنتقين بشكلج شلون بتسوين كل هذا عند الحموله

ايه وانا ودي والله استغل الفرصه هناك اخذ راحتي يعني اروح نادي ولا اشوف لي صرفه بعمري واغير شكلي .. هناك على كيفي سيارة اهلي اطلع مع السايق ..
بس هني لازم احد يوديني اما ريلي ولا اروح مع خالتي لأني ما اسوق .. فاحس مو حلو جذي

انا اقول تمي عند ريلج احسن لج خاصه اذا اهل ريلج زينين .. وان قدرتي طرشي على امج او احد من اهلج ايي يقعد عندج

انا امي بتيي بس ماراح تقدر بعد تطول رمضان ياي لازم ترد تجابل اخاوني وابوي
وانا ودي اروح اشوفهم بعد برمضان



انا بستخير والله اكثر من مره ..
أمس قال لي ريلي اي يوم تبين احجز لج ..
من اي يوم لأي يوم ..
قال تبين لأخر شهر 10 ؟؟
يعين شهر ونص على اتفاقنا اهو بروحه قال جذي احان محددين يوم الروحه بس الرده ليمن الحين
حسيت ان اهو مو مستكثرها

 

[غنوة ستايل]

وااااااااااااااااااااااااااااااااااااااااااااااااااايد

نطري اهني بالكويت مني لانتهاء النفاااس و قبل العيد بيوم او اثنين روحي .. و خلي ريلج هناك يعيد معاج ومع اهلج .. خلي اهلج يمسكونه عندهم بحجه عشا و غدا و عزايم وخرابيط .. بعدين خليه على كيفه يرد وقعدي شهر او شهر ونصف بعدين ردي الكويت

 

[ديم00]

ما راح يرضى يعيد هناك ...
يبي يعيد هني بالكويت اكيد

 

[ملح بدويه]

حببتي اللي يريحج سويه

ومدام زرجج راضي خلاص

 

[بيتي بوب بس كويتيه]

اذا ريلج راضي عادي

انا نفس حالتج بولد آخر 8 بقعد عند اهلي 40 يوم
عادي لازم ابعد عنه علشان يشتاقلي