ساعدوني بالتوفل الله يخليكم(كل اللي تعرفونه عن التوفل المحلي)

[سحــر الحــلا]

السلام عليكم

بنااااااااات انا حبيت أقدم توفل وياليت تساعدوني لأني مااعرف ولا شي ...

اول شي انا ناوية اقدم الاختبار بجامعة الكويت لوكاااااال ( محلي ) لأني مو ذاك الزود بالانجليزي

يعني اذا رحتلهم باجر وقلت ابي امتحن يمتحنوني بنفس اليوم ولا يعطوني موعد والعاده مواعدهم بعيده؟؟

ثاني شي وين أحصل مذكرات فيها تمارين على التوفل اللوكاااااال ؟؟

لاني دورت بالانترنت لقيت اختباراااااات صعبه يعني مستواها عالمي وماعرفت اجاوب الا على ربع الأسئلة او اقل ....

ابي تمارين لإختبار التوفل لوكاااااااااال وين أحصل ؟؟ الاميدست عندهم مذكرات ؟؟

امممممممممممم

بعد ودي اعرف اذا الحين فيه دورات للتوفل ؟؟؟

لأن ودي أدخل دورات ؟؟

اللي نجحت فيه تكفون تقولي شنو مستوى القواعد والكلمات وفيه ليسننغ أولا لأني مااحبه

وفيه رايتنغ او لأ؟؟؟؟؟؟؟؟؟؟؟؟؟؟

تكفووووووووووووووووووووووووووووون جاوبوني

 

[miss 3yara]

رد: ساعدوني بالتوفل الله يخليكم

والله لو اعرف جان قتلج

 

[.]

وعليكم السلام..

وضحت العنوان..

اعتقد ان امتحاناتهم محدد بمواعيد معينه..

موفقه يارب..

 

[nana_x5]

بلشت دورات التوفل الخاصة بفصل الصيف والتي تقدمها جامعة الكويت

تقدرين تنطرين لي الكورس الأول لانه عندهم دورة توفل cbt لوكااال
انا خذيتها الكورس اللي فات ومدتها شهرين وشوي
قبل الدورة عطونا امتحان توفل تجريبي وخذيت 420 وبعد الدورة هم نفس مستواي ماتغير
( بصراحة تطورت شوي بس مو ذاااك التطور ومايسوى فلوسي اللي قطيتها 120 دينار
الدكاترة نص ونص
والقروب كااان ايييب المرض )


التوفل يعتمد على خبرتج بالانقليزي وتأسيسج



انا مثل حالتج ابييييييييي انجح بالتووووووووووووفل ماني عارفة شسووووووي
ولازم ايييب 500 او 475 اقققققققققل شي

قاعده افكر اسجل بواااحد من المعاااهد القوية
يمكن اميدست... او اقترحوا علينا شي ثاني؟؟؟؟
دكتوري قااالي اذا مستواكم متوسط اخذولكم دورة تأسيس سنعة وقعدوا جابلوا عمركم 6 شهور لغة
وبعدين دشوا الماستر




:/


موفقين ​

 

[nana_x5]

وصح بخصوص مواعيد امتحان التوفل في جامعة الكويت

ترى في مواعيد محددة ،، اول شي تسوينه تروحين الخالدية -كلية الدراسات العليا
وهناك في مكتب تسجلين اسمج حق امتحان التوفل
اتوقع بــ 25 دينار

وإما يعطونج الموعد اذا كان جاااهز او ينطرونج شوي
العادة يكون عندهم موعد كل شهر على حسبب عدد الأشخاص اللي يبون يمتحنون


والنتيجة بعد اسبوعين :>


وبشرينااا حبوبة​

 

[نانو الشيطانه]

انا خبببببببببببببببببببره بالتوفل
وكلشي اقوله اعتمديه :dddds:

اولا التوفل عبارة عن مهارات ومايحتاج تأسيس (إذا بتاخذينه حق جامعة الكويت)
يبيله تدريب على المهارات
يعني اما تاخذين كتب توفل وتتدربين عليها او تدشين دورتين عشان تدربين يوميا
وفي كتاب للدكتور عباس الشمري دكتور بجامعة الكويت اسم الكتاب التوفل ولونه ازرق وداخله كله اختباارات توفل محلووله ووايد بتفيدج

طبعا لاتاخذين لمتحان بجامعة الكويت اببببببببببببببببببببد ابدا ابدا
لأنه يحطونج بقاعة رياضية فيها 100 طالب وشغلون المسجله على العالي وماتسمعين شي وازعاج الطلبة

اخذي لمتحان بالاميديست وسعره ارخص اصلن , وكونون معاج يمكن 15 طالب بس بقاعة لمتحان
لكن في زحمة على مواعيدهم ,, كل اسبوع عندهم اختبار واحد
اما الجامعة كل شهر مره .. وعقب يومين اعتقد عندهم امتحان

اما دورة التوفل اخذيها من مركز اللغات بجامعة الكويت اقوى دورة وفيها نخبة دكاترة جامعة الكويت بما فيهم ماثيو رئيس شعبة القرامر .. ورئيس وحدة الانجليزي بالطب المساعد ولد العنزي ووووو

اما دورة التوفل إلي يقدمها مركز خدمة المجتمع التابع لجامعة الكويت فهي فااااااااااشله بمعنى الكلمة
ورديييييييئة ودرسونج اساتذة اي شي

اما دورة الاميديست تمشي حالها بس مو ذاك الزود

على فكرة معهد انفو سنتر قوي بالانجليزي
اما اكسبرشن فاشل بمعنى الكلمة لكن نظام التسجيل ومرونه اختيار ساعات المحاظرات اهو الي يونس ويفيد البنات البيزي


كل إلي قلته من واقع تجربة شخصية لكل ماسبق ذكره

وانا ماخذه التوفل من سنتين والحين ان شالله بنهاية السنة بتخرج من الماجستير

ادعولنا

واي سؤال انا حاظرة

موفقه

 

[سحــر الحــلا]

شكرااااا لردودكم

بس حبيت اسأل اذا امتحنت عند الاميدست معترف فيه امتحانهم ولا لااااااازم امتحن بالجامعه أحسن؟؟

 

[rayaan]

http://www.qataru.com/vb/showthread.php?t=20466
http://www.stuff.co.uk/toefl.htm
http://www.english-test.net/
http://esl.about.com/library/quiz/bl_toefl1.htm
http://www.qataru.com/vb/archive/index.php/f-130.html
http://free-esl.com/channels/gg/?gclid=CKukgY69_JACFQ6ZQwodzByz1Q

شوفي هالسايتات راح تفيدج

 

[نانو الشيطانه]

الاميديست اهي الجهه الوحيده المعتمدة لاختبارات التوفل .. وامتحانات التوفل بالجامعه مو من الجامعة نفسها .. تيي من الاميديست .. حتى إلي يمتحنونج موظفين الاميديست

 

[@استثمار@]

الاميديست اهي الجهه الوحيده المعتمدة لاختبارات التوفل .. وامتحانات التوفل بالجامعه مو من الجامعة نفسها .. تيي من الاميديست .. حتى إلي يمتحنونج موظفين الاميديست

صاجه الاميديست احسن من الجامعه وانا قدمت بالاثنين بس شفت الاميديست افضل والحمدلله يبت التوفل

وانصحج فيه والله ايوفقج

 

[الأميرة]

شنو الاميديست ووين ؟؟

ومتى مواعيدهم؟؟


لان ودي اخذ توفل واكمل ماستر

 

[نانو الشيطانه]

الاميديست مركز انجليزي موجود بمنطقة لبلاجات باللفه إلي جبال مطعم ريز ون

 

[looty5]

مرحباا

ابي اسالكم هل التوفل نفس Ielts

وشنو والفرق بينهم ؟
وايهو احسن ؟

 

[-Bello-]

Ielts<-=-= يكون عالمي يعني تقدرين تستخدمينه حق الجامعات الخارجيه ..

local<-=-=-= هذا يكون حق الدراسه بداخل الكويت يعني حق الجامعات الداخليه فقط ويكون السكور اللي يبونه اقل من الخارجي والامتحان هم اسهل

 

[-Bello-]

عندج الاميديست نفس ماقالوا البنات وهم عندج بالجامعه الامريكيه ..بس بالجامعه الامريكيه غالي

 

[looty5]

انزين انا مثلا اخذت الايلتس وجبت 5نقاط ونص ,, هل يقبلوني الجامعه ,, والا لا ؟ والمعدل الادني كم ؟

وهـل اقدر احسبه كتوفـل ؟ والا الاختبار غير ؟ وشنو اصعب ؟

 

[سحــر الحــلا]

شكرااا بنات على ردودكم

بس العاده المديست دوراته دايما ولا بالسنه مرتين بس؟؟

 

[@استثمار@]

شكرااا بنات على ردودكم

بس العاده المديست دوراته دايما ولا بالسنه مرتين بس؟؟

هلا حبيبتي بالنسبه للدورات اللي ايقدمها الاميديست ماعندي فكره عنها انا امتحنت التوفل عندهم

دقي عليهم واستفسري بخصوص الدورات:5750670

وموفقه حبيبتي