6 اشهر اعالج هرموناتي وماكو فايده...بلييييز ساعدوني

[cadi28]

الله يخليكم اللي عندها حل تساعدني

مشكلتي ان في فترة انقطعت عني الدوره مدة 9 شهور وانا مو متزجه
ورحت حق الدكتورة سميرة العوضي وسويت تحاليل وسونار وطلع عندي تكيس بالمبايض هرموناتي متلخبطه وعندي ارتفاع بهرمون الذكورة وهرمون الحليب ....وبديت اعالج معاها خذيت حبوب تنزل هرمون الحليب اللي تصيير حبتيين بالاسبوع حق هرمون الذكورة عطتني الاندركيور +ديان هذا لمنع الحمل اساسا بس قالتلي عشان ينظملج الدورة وخلصت كورس 3شهور والحمدلله راح التكييس ونزل هرمون الحليب لكن هرمون الذكورة لا وخذيت 3 اشهر ثانين وهم ماكو فايده وحده نفسيتي تعبت وشعري قاعد يطيح بشكل مو طبيعي ...الله يخليكم اللي عندهاحل او تقدر تفيدني تكفوووون والله تعبت

 

[miss-one]

انا الدكتور يوسف بوعباس كان يصرف لي حبوب كولفاج حق تنزل هرمون الذكورة

اذا كان وزنج زايد حاولي تتخفينه وراح ينتظم معاج كل شي

 

[حنون المزيون]

احسن شي استخدمي العسل
اخذي من عسل العويد او اي مكان يبيع عسل وقوليله يحط لج خلطه لتنظيم الهرمون بصراحه عجييييييب
ويكفى القرآن يشهد لفوايد العسل
والله يشفيج يارب

 

[نور الكويت]

اختي هذي نصيحه لوجه الله اشربي البرقدوش

الرسول صلى الله عليه وسلم كان يوصي السيده عائشه رضي الله عنها انها توصل المعلومه للبنات لأنها مفيده


مثل وحده مره كبيره بالعمر ووصلت سن اليأس وانقطعت عنها الدوره طبعا

شافت بنتها تشرب شربت معاها ثاني يوم انزلت الدوره على الام؟؟؟


وسوي عنها سيرج بقوقل عشان تتأكدين واسمها عشبة البرقدوش دوريها بقوقل

 

[زوزونوفا]

انا اشرب شاي البردقوش
ممتاز جدا لتنظيم جميع هرمونات الجسم
جربيه حبيبتي

 

[AL-N7EESAA]

بعد عمري حاسه فيج النفسيه شيصير فيها لما ينعفسون الهرمونات ، انا اعالج عند دكتور هاني عقدة بالشعب التخصصي الحمدالله ماصارلي شهر هرمون الذكورة وايد خف وكل شي منتظم عندي ووزني قاعد يقل انصحج فيه والله يهون عليج :*

 

[AL-N7EESAA]

بخصوص شاي البرقدوش من وين احصله؟

 

[زوزونوفا]

عند العطارين حبيبتي
وهو مثل ورق النعناع الناشف
بس ورقته صغير مره

 

[إنسانه بكل حالاتي]

شوفي حبيبتي لا تستعملين حبوب ديان لأنج إذا تركتيها راح تزيد شعر جسمج أنا كنت أعالج عند لطيفه الدويسان سنتين والله الحبوب مالهم معنى مع العلم انا نفس حالتج بالضبط بس قطعت الحبوب والحين ببدى بشرب بردقوش ومرمريه وسمعت عن القسط الهندي إنه ينظم الدوره والهرمونات بس طعمه يلوع الجبد وأتمنالج الشفاء يارب

 

[* ورود *]

ابعطيج نصيحه اخويه

شربي المردقوش والمراميه بس بأيام معينه بالشهر شربيها بسادس وسابع وثامن وتاسع الدورة كوبين باليوم بس اهم شي اذا انقطع دم الدورة عنج يعني لاتشربينها باول الدورة

ثاني شي اكلي قفشة سمسم على الريج لمدة شهر

بس انتبهي المردقوش مو اللي يبعونه بالجمعيات لاااااااااا

المردقوش شكله مثل الزعتر اللي نسوي فيه الجاي تلقينه بالحواي

ومو تستمرين على هالاشياء بس شهر واحد !!!!!!

والله يرزقج يارب

 

[ابرار]

نصيحتي لج عن تجربه تحركي واشتغلي شغل البيت ودشي النادي ..واتركي الادويه الطبيه وخليج على البردقوش والمرمريه
ه..

 

[bent 3sal]

صارحة انا انصحج تشربين الشاي الاخضر واااااايد زين وحاولي تخففين وزنج
والله يشافيج

 

[cadi28]

والله وايد نزلت وزني بس ماكو فايده

 

[زوزونوفا]

كادي حبيبتي جربي شاي البردقوش والله ما تندمي
وبتدعي لي كمان

 

[cadi28]

بعد عمري حاسه فيج النفسيه شيصير فيها لما ينعفسون الهرمونات ، انا اعالج عند دكتور هاني عقدة بالشعب التخصصي الحمدالله ماصارلي شهر هرمون الذكورة وايد خف وكل شي منتظم عندي ووزني قاعد يقل انصحج فيه والله يهون عليج :*

انا وايد سمعت عنه ويقولون ممتاز بس استحي اروح حق ريال....عموما يعطيج الف عافيه والله يهون عالجميع

 

[cadi28]

حبيباتي تسلمووون كلكم والله يعطيكم الف عافيه وما قصرتوا ..وايد استفدت منك

 

[اشراقة الحياة]

حبيتي والله انا اعاني من نفس المشكله
عسى الله يشافينا

 

[صوت السهارى]

يعني شاي البرقدوش بس حق تنظيم الهرمونات ولا عادي يعني اي واحد يشربه للفايده بس ؟؟

 

[cadi28]

حبيتي والله انا اعاني من نفس المشكله
عسى الله يشافينا

حبيبتي الله يعينج.. اهم شي لايبدعون فيج بادوية الهرمونات ترى والله ما استفدت منها شي خل نجرب الاشياء الطبيعيه على قولتهم اذا مانفعت ما تظر