لحقوا علي بديت احس صج اني مريضه نفسيا

[ديم00]

بقول لكم اليوم قصتي وابي رايكم
:0bee2e8d89:
أخ بس

انا يا بنات طول عمري متينه يعني ما أذكر بمرحلة طفولتي أو بمرحلة مراهقتي إن جسمي كان زين ..
لما دشيت الجامعه بديت أحس إني لازم أضعف لي متى بصير متينه جذي ...
كان حزتها وزني تقريبا 115
سنة 2003 بديت اسوي الرجيم تقريبا من شهر 2 الى شهر 9 ضعفت وصار وزني 80
عقبها بفترة وقفت على هالوزن مده
بعدين تقريبا بسنة 2004 شهر 4 صار وزني 75
وبعد ثبت على هالوزن فترة طويلة ... وصار يتراوح بين 75 و 72 ازيد وانقص
عقبها قلت ابي ادش بال 60
صارت سنة 2006 وضعفت لين ما وصلت 66
بعدين انخطبت وملجتي كانت 2007 شهر 2 ومع اللويه والخرعه من العرس ضعفت ووصلت 64

تزوجت عاد وأخ من الزواج
طبعا طلعات مع ريلي وكلها مطاعم زاد وزني لين ما استقر على 68
وحملت عقبها وطيحت .. وطبعا مع الاجهاض كان زايد وزني يعين كان يروح بين 68 و 70 قعدت ما نزلتهم وحملت مره ثانيه
والحين انا بالتاسع :0bee2e8d89: تدرون جم وزني صار 85
والله كل يوم اوقف على الميزان زايده مع الحمال تقريبا 15 كيلو
من اول شهر وانا احاتي وزني وكل ما زاد كيلو يضيق خلقي ومو راضي يوقف مع اني احاول وقت الحمال ما اكل وايد الا لما اكون تعبانه او يصير معاي هبوط ضغط
المشكله اللي مضيقه خلقي اني مع الحمال مو بس طلع لي بطن على جسمي اللي أول لاااااا
تنفخت حيل فخوذي صاروا دبل وزنودي واوراكي حتى اشوف ظهري احس كلي انتفخت اخذت بالعرض

ونفسيتي تعبانه و زوجي بعد لاعت جبده مني من كثر ما احاتي ورفيجاتي يقولون ان انا مريضه نفسيا

بس محد حاس فيني ... انا تعبت حيل عشان اوصل للضعف اللي ضعفته قبل الحمال
وحدي خايفه اني عقب الولاده ما اضعف
يعين اشوف فخوذي والأوراك اقول هذولي شيفششهم ؟؟؟؟
والله فيني البجييييه

طول الوقت اشوف الحوامل اللي مثلي وايد ما تنفخوا وعادي ريولهم صغيره بس كرشه
كارهه نفسي وما احب اشوف روحي بالمنظره
ولما اطالع صور عرسي وصور ملجتي انخننننننننق حدددددي

قاعده انطر ولادتي عشان ما ازيد اكثر ...
ولما اشوف البنات اللي ما ضعفوا بعد ولادتهم واختربت اجسامهم اقول هذولي واهما اصلا ضعاف
شلون انا عيل اللي قابلية السمنه عندي كبيره
لو قعدت من الحين إلى فترة ولادتي على هالوزن يكون لازم انزل 21 كيلو على الأقل عشان ارد لأيام عرسي وملجتي

انا مريضه نفسيا ؟؟ شسوي ؟؟؟
احس كل اللي حولي متضايق مني من كثر ما اتحلطم على هالسالفه
فيني فوبيا من المتن
ما ابي اصير نفس قبل ما ابي ارد بطه

 

[نشميه]

حبيبتي ديم انتي لا مريضه ولا شي بس شدعوه كل هالمحاتات كل وحده حامل راح يزيد وزنها عادي هذا الشي وبعدين الزياده تختلف من وحده لي وحده يعني في ناس تلاقين بس ابطنهم وناس لا جسمهم كله شوفي لا تخافين انج ما راح ترجعين وزنج القديم لان انتي طالما قاعده تحاتين اكيد عندج اراده وعزيمه للرده للوزن القديم وبعدين انتي ليش تشوفين البنات اللي ما ردوا عقب الولاده حق اجسامهم هذولي خليهم عنج يمكن بعضهم كسلواا وملوا من الرجيم او ما عندهم اراده شوفي انتي حطي في بالج البنات اللي يضعفون عقب الولاده ويا كثرهم انا خواتي جذي والله اختي طول عمرها ضعيه وجسمها اينن بس اخر مره حملت بتوام صارت منطاد تخيلي طول عمرها وزنها ما يزيد عن 65 وبالحمل صك وزنها 100 والله كل اللي يشوفها يتحسر على حالتها والحين الحمد الله عقب ما اولدت صج انها مو ذابحه عمرها بالرجيم بس وصلت 69 لان الحامل جسمها يخزن ماااي وغير الياهل والسوالف الثانيه شوفي توكلي على الله ويبيلنا بيبي حلوووو وعقب الولاده ابدي بالرجيم وانا متأكده انج راح ترجعين اضعف بعد من اول بعدين انتي لازم تصيرين قدوه نفسج تذكري قبل كان وزنج جم وضعفتي وصار جم يعني قدرتي تحققين حلمج واكيد راح اتحققينه مره ثانيه

 

[ديم00]

هلا نشميه
ومشكوره على المرورو ومواساتي

انا مشكلتي مو مصدقه اني ضعفت
كله اقول حق روحي انا شلون ضعفت كل هالضعف ..
عشان جذي اخاف اني ما ارد ...
بس إن شاء الله بحطه هدف جدامي واوصل له للمره الثانيه

 

[نفنوف 85]

السلام عليكم

اولا الف مبروك على الحمال و انشالله يطله من الذريه الصالحه يارب

ثانيا

انا حاسه بوضعج

مو مجرد احساس ,,, عن تجربه

انا كان وزني 108 و قدرت انزله لي 72

و عقبها استانست على الضعف و بدا يزيد وزني و بعدها بسنتين وزنت ولا انا 92 يعني زايدة 20 كيلو

حاليا مسويه رجيم و قدرت اوصل 79 او قولي 80

والله ان حتى بيوم الدي اوف اخاف اكل ,,, تلقيني اكل بس احس بتانيب الضمير

لاني جربت الحالتين المتن و الضعف

انشالله اوصل لهدفي و اقط 15 كيلو

بس انا من الحين خايف اني عقب الزواج امتن

مابي اعيش نفس الوضع مرة ثانيه



بس انا اللي يشجعني ان عندنا وحدة بالدوام جسمها جنها عارضه ازياء

البنت عصله و طويله و جسمها ماشالله مقسم و متروس بالاماكن المطلوبه

بحمالتها تزيد اكثر من 20 كيلو و من تولد تمسك عمرها شهر رجيم قاسي و عقب شهرين دايت كير و تقط هالوزن و ترد مثل اول و احلى بعد

والله ماتقولين هذي متزوجه و عندها 4 مادري 5 الله يخليهم لها


اهم شي لا تياسين و خلي عندج امل ان اللي قدرتي تسوينه و تقطين 40 كيلو انشالله بتسوينه و تقطين هال 20


و موفقه انشالله

 

[ديم00]

السلام عليكم

اولا الف مبروك على الحمال و انشالله يطله من الذريه الصالحه يارب

ثانيا

انا حاسه بوضعج

مو مجرد احساس ,,, عن تجربه

انا كان وزني 108 و قدرت انزله لي 72

و عقبها استانست على الضعف و بدا يزيد وزني و بعدها بسنتين وزنت ولا انا 92 يعني زايدة 20 كيلو

حاليا مسويه رجيم و قدرت اوصل 79 او قولي 80

والله ان حتى بيوم الدي اوف اخاف اكل ,,, تلقيني اكل بس احس بتانيب الضمير

لاني جربت الحالتين المتن و الضعف

انشالله اوصل لهدفي و اقط 15 كيلو

بس انا من الحين خايف اني عقب الزواج امتن

مابي اعيش نفس الوضع مرة ثانيه



بس انا اللي يشجعني ان عندنا وحدة بالدوام جسمها جنها عارضه ازياء

البنت عصله و طويله و جسمها ماشالله مقسم و متروس بالاماكن المطلوبه

بحمالتها تزيد اكثر من 20 كيلو و من تولد تمسك عمرها شهر رجيم قاسي و عقب شهرين دايت كير و تقط هالوزن و ترد مثل اول و احلى بعد

والله ماتقولين هذي متزوجه و عندها 4 مادري 5 الله يخليهم لها


اهم شي لا تياسين و خلي عندج امل ان اللي قدرتي تسوينه و تقطين 40 كيلو انشالله بتسوينه و تقطين هال 20


و موفقه انشالله

مشكوره يا قلبي على هالكلام
غن شاء الله يصير فالي نفس اللي معاج بالدوام ..
انا قاعده اقول بس اولد بجابل روحي يبي لي مشوار جاد