المهم رحنا حق مكتب سياحي وحجزنا حق جزيرة جيمس بوند وسفاري وفنتاسي ووررلد
يعني مادري شقولج يا ستبرق والزينه انكم علمتوني شويه انا صرت القايد والا زوجي موعارف شي يعني اشوه اخذت منكم معلومات
صرت دليله هاهاهاهاهاهها
رحنا ثاني يوم الصبح فانتاسي تنفع حق يهال بس تمشينا فيها ودخلنا عرض المسرح ريلي يوم شاف مسرح عصب وتناجر معاي وقال ماني داش يايبتنا مسرحيه
صارلي ربع ساعه اساحله اقوله دش عرض حلو يقول مابي وطلع بره بغييت ابجي ضاق خلقي والناس كلها اطالعنا بس انا قعدت قلت ماني رايحه وراه وماكو 5 دقايق والا اشوفه قاعد يمي وساكت لما صار شوي اكشن وحركات وناس تنزل من فوقنا وتطلع بينا اهني اشوي استانس وماكو وشوي والا اشوفه قاعد يشجع عجبه عرض الساحر لوووووووووووووول المهم اشوه عدت هالرحله على خير
الحين رحله جزيرة جيمس بوند انا عجبتني واااايد احب طلعات البحر رحنا 4 جزر على ماوصلنا جيمس بوند وناسه صج صج منظر طبيعي خيااااااااااااااااااال ودي اعيش فيها على طول
ركبونا سفينه كبيره ولما وصلنا اول جزيره نزلونا بقوارب صغيره وريلي يجدف لين طاحت ايده وانا اغني لوووووووووول عايشه الدور يعني وبعدين صعدنا الجزيره فيها اكواخ مثل شاليهات ماكو امشي وابطل الابواب وكل شوي اقوله ابي هالشاليه لالا ابي هذاك وقعدت ادش شاليه شاليه وبعدين رصعدنا الباخره ورحنا جزيرة ثانيه هذي تونسسسسسسسس نزلنا القوارب ودخلونا مغاره واااااي شي عجيييب داخل ظلمه انا قمت اصارخ كل شوي اقول حق ريلي راح يطق راسي بالصخر ممر ضيج نمر فيها ليين نطلع من صوب الثاني وتطلع بحيره وسط الصخر والاشجااااااااااااار منظر فضييييييع شوي عليه
اشوه ان يومها كان الجو نسناس وشوي غايم ومطر خفيف ... وبعدها رحنا جزيرة نزلنا نطور فيها لان فيها مناظر طبيعيه تشوق حق الصور ضخور واشجار غريبه واخر شي وصلنا جزيرة جيمس بوند ريلي يقولي شنو وين جيمس بوند انا متتتتتتتتتتتت عليه من الضحك هاهاهاهاهاهاهاهاهاهاه
اقوله كاهي هذي الصخره الطويله وسط البحر هذي جيمس بوند،، جان يخزني يقولي هذي بس ذابحتنا جيمس بوند وجيمس بوند عشان صخره!@@!!! اقوله بعد كل الناس يايين حق هالصخره انا شكو وااااي ريلي يننني مادري شنو يبي
المهم الرحله كانت ممتعه طلعنا الصبح ورجعنا عالمغرب رديت حدي هلكانه طبعا لدرجه اني نمت بهدومي لي ثاني يوم مو حاسه بنفسي
نمت من ساعه 7 المغرب لي ساعه 6 الصبح!!
