طرقكم لتدريب الطفل على النونية

[كنووز]

بسم الله الرحمن الرحيم

يا ريت لو كل وحدة تدخل تعطينا نصائح و tips عشان ندرب عيالنا على دخول دورة المياة اكرمكم الله

1- متى تبدين تدربينه؟ اي عمر؟

2- تبدين بالنونية ولا مباشرة يستخدم دروة مياه الكبار اعزكم الله مع وجود حاجز التدريب؟

3- هل تحطون النونية في غرف الجلوس ام في الحمام؟
4- كم مرة باليوم تذكرينه؟


وغيرة من نصائحكم وطرقكم


وشاكرة لكم مقدما

 

[ريحانة_14]

أنا دربت بنتي على الطريقه التاليه :-

1- لبستها pull up وقطينا البامبرز بو نجوم .. إللي كل فيه 5 نجوم وكلما تتبول مرة تروح نجمة إستانست عليها

2- كل نص ساعه تروح الحمام

3- بالليل أوديها مرتين حتى لوكانت نايمه

4- القيصرية أو النونية أستخدمها بالحمام فقط وما أحطها بره الحمام نهاااااااااااااائي

5- إبتديت معاها من عمرها 2 ونص

وتعلمت بسرعه ماشالله

وأي شي إحنا حاضرين

 

[كنووز]

الله يعطيج العافية ويا ريحانة جوابج مفيد والله يحفظ بنتج

يعني الموضوع يبيله مجابل وتفرغ شوي

بس شؤال بالنسبة للpull up لما تبلسينها اياه تلبسينها فوقه شي ولا تخلينه جذي عشان تشوفين النجوم؟؟

وخلال جم اسبوع او شهر يتعود الطفل؟

 

[ريحانة_14]

على حسب نشاطج يتعود ولدج

وأنا كنت ألبسها pull up وفوقه سروال خفيف

وأديها الحمام كل نصف ساعه .. وأنا موديتها الحمام أشوف إن النجوم موجوده مو رايحه فأقولها بنتي شاطرة شوفي أكو نجمة حلوة حقها ... بس لما تكون مسويتها ونجمه وحده رايحه أقولها شوفي .. ماكو نجمة إنتي سويتي ( ... ) وأبينلها إني زعلانة منها

وإهي تقولي ماما ماراح أسوي جذي بعد مرة ماما أنا سوري

وتقريبا خلال 4 أشهر تعودت تماما إنها تتخلص من الحفاظة

 

[french`coffee]

على حسب نشاطج يتعود ولدج

وأنا كنت ألبسها pull up وفوقه سروال خفيف

وأديها الحمام كل نصف ساعه .. وأنا موديتها الحمام أشوف إن النجوم موجوده مو رايحه فأقولها بنتي شاطرة شوفي أكو نجمة حلوة حقها ... بس لما تكون مسويتها ونجمه وحده رايحه أقولها شوفي .. ماكو نجمة إنتي سويتي ( ... ) وأبينلها إني زعلانة منها

وإهي تقولي ماما ماراح أسوي جذي بعد مرة ماما أنا سوري

وتقريبا خلال 4 أشهر تعودت تماما إنها تتخلص من الحفاظة

ياربي الولد غييير عن البنت .... ياخذ وقت طويييل .. انا استخدم حق ولدي pull up ماركة هاجيز قبل لا ينام وهم اذا طلعنا بره البيت .. بس بالبيت البسه يا الاندروير القطن او النايلون .......... بس ودي أسألج شنو ماركة ال Pull up الي فيه نجووووم ؟؟ فكرته حلوه واعتقد راح يتشجع منها .

 

[كنووز]

صحيح الولد غير البنت ودايما اقرا ان الولد يتاخر شوي عن البنت

بس مثل ما قالت ريحانه كله على مجهود الام خصوصا اذا العمر مناسب مثل ال 2 ونص مو مبجر وايد ولا متاخر وايد

ومااااا قصرتي يا ريحانة 14

الله يبارك لج ببنوتتج العسل

 

[أم شواقه]

ومنكم نستفيد

 

[وسامي]

آنا قاعدة احاول اعلم بنتي وسبقتيني في طرح هالموضوع كنت ناوية اعرض نفس المشكلة شريت لها النونية من ايكيا وكل ماقعدت عليها تشكتي منها تعورها ياحياتي بس يبيلها طولة بال اذتني بنتي لدرجة اغريت خواتي بمية دينار بس يعلمونهاالحمام وانتم بكرامة حيل تأذيني عمرها سنتين

 

[زوجة جوجي]

انا ولدي عمره تقريبا سنتين و بلشت فيه بس المشكله انه يخاف يقعد على النونية شسوي ؟؟؟؟

 

[كوووين]

انة ولدى عمرة 3 سنين مايلبس بامبرز ساعات يروح الحمام وساعات بهدومة بس مشكلتة الخروج عزكم اللة مايعرف يسوى بالحمام شسوى معاة