باريس وميونخ وفيينا.. ساعدوني

[اللبـــوة]

مرحبا صبايا ..
محتاجة مساعدتكم..
ابي اعرف ( الأماكن السياحية + المطاعم+ الاسواق)
في { فيينا و ميونخ و باريس}
مع العلم ان راح أقعد بكل دولة 5 أيام فقط !!
بلييييييييييييز ردوا علي​

[/CENTER]

 

[اللبـــوة]

بنات شدعوه !!!
محد يعرف شي عن هالدول؟!!
عفيه ردوا علي​

 

[سمبوسة]

هلا حياتي
فيينا

شارع الكارتنر وساحة ستيفنز هذولة السوق والعروض والمطاعم يعني كل يوم لازم بتروحين له
شارع ماريا هلفر سوق
حديقة البراتر ملاهي وفاتحة لما نص الليل
نهر الدانوب وبرج الدانوب وحديقتهم
قصر الشنبرون وحديقة الحيوان
حديقة شتادبارك حديقة عامة فيها بحيرة وورد
المطاعم في شارع الكارتنر وبعد عندج فرايديز وما أنصحج بالمطاعم العربية نصابين

ميونخ
شارع المارين بلاتز السوق والمطاعم ويتفرع منه الماكسيميليان شتراسا شارع الماركات ومحطة القطار الرئيسية فيها مطاعم وسوبرماركت فاتحة طول الليل وجبالهم المطاعم التركية والشاورما
قصر نيفين بيرج وحديقته
الانجلش قاردن حديقة عامة
الاوليمبيك بارك ومجمع الاوليمبك زينترم ومتحف البي ام دبليو
رحلة قارمش تبعد ساعة عن ميونخ بالقطار أو السيارة وايد حلوة قرية روعة ويمها بحيرة وجبال وثلج وتلفريك
رحلة بحيرة شتانبيرغ بالاندرقراوند ثلث ساعة عن ميونخ
مجمع ريم اركادن مجمع تجاري
تقدرين تروحين سالزبيرج بالقطار ساعة ونص
اليقولاند ساعة ونص بالقطار

باريس
طبعا الشانزيليزيه المطاعم والسوق يعني كل يوم هناك وفيه محلات فاتحة لما نص الليل
برج ايفيل
غاليريا لافاييت مجمع والشارع اللي يمه سوق
رحلة بنهر السين وكنيسة نوتردام
قصر فرساي
مكان تصعدين فيه قمة جبل يطل على باريس وفيه رسامين
متحف اللوفر
منطقة الو ديفانس أسواق
يورو ديزني بالاندرقراوند والمحطة اللي قبلها الأوت لت فيليج خليها بالطلعة من يورو ديزني

وهذا اللي أذكره ألحين يا قلبي

 

[اميرة الغيد]

ماشاء الله سمبوسه ماقصرت قالت اهم الاماكن

 

[أم بدوووري]

بصراحة يعطيج الف عافية سمبوسة بس ماتعرفين احلا وارخص الفنادق هناك​

:dddds:

 

[حاااايره]

ياااااااااااحلوج ياسمبوسه

 

[أم خالد]

شكرا ادعولي الله يسهل اموري واروح النمسا

 

[أم بدوووري]

بنات انا حاجزه فندق المريديان ميونخ- المرديان فيينا-سوفتيل الشانز باريس اللى يعرف شى عن هالفنادق يشارك

 

[سمبوسة]

بنات شدعوة أحرجتوني :tek: انتوا خواتي وابي لكم الوناسة

حااايرة يا قلبي شخبارج ,, يالله قربت سفرتنا _03BA: ان شاء الله تستانسين ياااارب,, تستاهلين كل خير

أم بدوري حبيبتي حددي الأحلى ؟ والا الأرخص ترى تفرق وااايد :dddds: اختياراتج الأفضل,, المريديان بميونخ أحسن موقع وفخم وراقي

قباله على طول محطة القطار والأندرقراوند والسوق دقيقتين مشي والمطاعم التركية تحته بالضبط والتلفزيون فيه قنوات عربية
المريديان في فيينا حلو وراقي و5 دقايق مشي الى ساحة ستيفنز والثلاجة اللي فيه "الميني بار" أغراضها ببلاش
اللي بباريس ما أعرفه بس من اسمه موقعه حلو وان شاء الله البنات يفيدونج

 

[أم بدوووري]

بنات شدعوة أحرجتوني :tek: انتوا خواتي وابي لكم الوناسة

حااايرة يا قلبي شخبارج ,, يالله قربت سفرتنا _03BA: ان شاء الله تستانسين ياااارب,, تستاهلين كل خير

أم بدوري حبيبتي حددي الأحلى ؟ والا الأرخص ترى تفرق وااايد :dddds: اختياراتج الأفضل,, المريديان بميونخ أحسن موقع وفخم وراقي

قباله على طول محطة القطار والأندرقراوند والسوق دقيقتين مشي والمطاعم التركية تحته بالضبط والتلفزيون فيه قنوات عربية
المريديان في فيينا حلو وراقي و5 دقايق مشي الى ساحة ستيفنز والثلاجة اللي فيه "الميني بار" أغراضها ببلاش
اللي بباريس ما أعرفه بس من اسمه موقعه حلو وان شاء الله البنات يفيدونج

هلا سمبوسة تروحين وتردين بالسلامة انشالله حبيبتى -- انا قلت الفنادق هذى راقيه وتعاملهم زين -- انشالله استانس ياااااااااارب ​

 

[اللبـــوة]

سمبوسة الله يعطيج ألف عافية على هالمعلومات
مشكوووووووووووورة بعد عمري ماقصرتي​

 

[dan]

والله انا رحت مع سفريات ما اذكر الاسماء بس شوفي اول ما تنزلين الفندق اخذي خريطة المنطقة يكون كلشي فيها وايد راح تفيدج

فينا فيها مدينة ملاهي وايد حلوه

 

[أم بدوووري]

والله انا رحت مع سفريات ما اذكر الاسماء بس شوفي اول ما تنزلين الفندق اخذي خريطة المنطقة يكون كلشي فيها وايد راح تفيدج

فينا فيها مدينة ملاهي وايد حلوه

حبيبتى تعرفين شنو اسمها ومنوين احجز؟؟؟؟؟؟ يعطيج الف عافية:dddds::dddds:

 

[الطش والرش]

ام بدوري رايحة مع قروب ولا بروحكم وشلون بتروحين باريس بالطيارة ولا القطار ؟

وان شاء الله تستانسين وتروحين وتردين بالسلامة

 

[أم بدوووري]

ام بدوري رايحة مع قروب ولا بروحكم وشلون بتروحين باريس بالطيارة ولا القطار ؟

وان شاء الله تستانسين وتروحين وتردين بالسلامة

هلا حبيبتى لاوالله رايحة انا وريلى وولدى عمره 3.5سنوات برحنا-------والتنقلات الداخلية بالطيارة تعرفين معاى ولدى:klhfl:​

 

[sho-sho_93]

باريس مايتعاملون معاج اذامتحجبه التكسي يمشي عنج