كلية بوكس هل للبنات(تم دمج المواضيع المتشابهه لاستفسار عن كلية بوكسهل)

[BeHBeHaNia]

هاااي




بنات بلييز بليييز ابي اعرف عن كلية بوكس هل اي احد يعرف عنها اي شيي يقولي يعني شروط القبول والتخصصاات بلييييييييييييييييييييييييييييييز

:cxxxp:

 

[.]

رد: كلية بوكس هل للبنات

خخخ حظج لفيت ويهي ولا القى جريده يمي مقابلة مع رئيسها..

خل ايبها لج من النت جود تفيدج ان شاءالله..

 

[.]

رد: كلية بوكس هل للبنات

شوط القبول..

ويشترط للقبول في الكلية شهادة الثانوية العامة او ما يعادلها، واجادة اللغة الانكليزية بمعدل توفل لا يقل عن 550.



تخصصات الجامعة

مدة الدراسة في كلية بوكسهل سنتان مقسمة الى اربعة فصول دراسية تمنح الطالبة عند تخرجها شهادة الدبلوم في احد التخصصات التالية:

دبلوم الادارة، دبلوم التسويق، دبلوم التمويل والبنوك، دبلوم الموارد البشرية، دبلوم نظم المعلومات، دبلوم التصميم الداخلي، دبلوم الميكروبيولوجي، كما تعمل الكلية على استحداث تخصصات جديدة كلما دعت الحاجة الى ذلك.

 

[BeHBeHaNia]

رد: كلية بوكس هل للبنات

واااي مشكووره حبيبتييييي بس ابيي اعرف بعد عنهاااااا وبعدين ليش مو وايد مشهووره ليش محد يدريي عنهاااا


ابي احد يعرف اذا فيه احد عنهاا وبليز اي جريدة قريتي Pp:

 

[bnt_7waa]

رد: كلية بوكس هل للبنات

انا ادرس فيها حبوبه

والدراسه فيها وايد حلوه


واذا تسألين ليش مافي احد فيها لان توه صارلها كورسين مفتوحه حتى المبنى مااكتمل كله

والسبب الثاني انه بمنطقه ابوحليفه شوي بعيده

واي سؤال ثاني انا حاضر لج

 

[.]

رد: كلية بوكس هل للبنات

الراي العام..

وااي كنت حاطه عنوانه والنسب البعث راحوا ..

بس بردهم..

والعفو ولو..

 

[.]

رد: كلية بوكس هل للبنات

تقع كلية بوكسهل الكويت في منطقة ابوحليفة على طريق الفحيحيل السريع مخرج 211 مما يتيح امكانية التنقل بسهولة.

نسب القبول البعث الداخليه 60% = نقطتين..

وفي كورس تمهيدي لانجليزي..

دشي قوقل بتلقين وايد معلومات عنها ..

موفقه يارب..

 

[MISS DaL3]

رد: كلية بوكس هل للبنات

حبيبتي هذا موقعهم..
www.Bhck.edu.kw

موفقة

 

[MISS DaL3]

رد: كلية بوكس هل للبنات

ان شاء الله قدرت افيدج.

 

[нάγoηά cнεмίsтяγ]

رد: كلية بوكس هل للبنات

الكليـة فتحت سنـة 2007 توهـا يديدة
تخصصـاتها إدارة أعمـال ، فنـون التصميم وتقنيـات البنـاء ،
نظم المعلومـات والمكتبـات ، العلومـ التطبيقـية.

رقمهم 2447979 وموقع الجامعـه :
http://www.bhck.edu.kw/

وانشاءالله اختنـا bnt_7waa ماتقصـر معاج دام انهـا بالكليـة

 

[BeHBeHaNia]

رد: كلية بوكس هل للبنات

وااااااااااااااااااي بعد عمري والله كلكم مشكوريين انشااله بروحلهاا السنه اليايااااا ونااساااا D:

 

[BeHBeHaNia]

رد: كلية بوكس هل للبنات

انزين بنت حوا بلييز حياتي قوليلي شلون مكانها يعنيي وشلون الي يدرسون فيها واذا الانقليزي مالهم صعب يعني شوفي انا متفوقه بالانقليزي بس يعني مثل جامعة الخليج والامريكيه احسهم وايد صعبين علي ف هاذي شلوون وانتي شنو تدرسيين انا ودي ادرس ارت وديزان اذا تعرفين احد بليز قوليلي شرراايج فيييه

 

[bnt_7waa]

رد: كلية بوكس هل للبنات

حبوبه موقع الكليه وايد حلو بعيد عن الزحمه وكلشي فيه يمنا واذا على التخصص للحين ماتخصصنا شهر 10 التخصص
والانجليزي حده سهل ماحسيت بفرق كبير عن الثانويه واحس الانجلش تحسن عندي وبعدين كلشي بالتعود

 

[BeHBeHaNia]

رد: كلية بوكس هل للبنات

ونااسه والله ارتحت انشااله عاد ادشهاا يااارب ومشكوورين كلكم مرا ثانيااا

 

[^^ROSE^^]

رد: كلية بوكس هل للبنات

للاسف ماعندهم محاسبة لا هم ولا الاسترالية ولا جان دشيتها ارخص من الامريكية وقست

 

[واحشنى موت]

رد: كلية بوكس هل للبنات

ممكن أسأل كم سعرهم بالكورس ؟
وهل الدراسة فيه مختلطة ؟
وهل فيها تخصصات تنفع التوظيف فيه كمدرسة في التربية ؟

 

[bnt_7waa]

رد: كلية بوكس هل للبنات

ممكن أسأل كم سعرهم بالكورس ؟
وهل الدراسة فيه مختلطة ؟
وهل فيها تخصصات تنفع التوظيف فيه كمدرسة في التربية ؟

بالنسبه حق الاسعار مااعرف جم بالكورس بس تقريبا ذيك المره حسبتها وطلع 5000 للشهاده

واحنا دبلوم مو بكالوريوس

والكليه مو مختلطه بس للبنات

واذا تبين تصيرين مدرسه ماتوقع لانها دبلوم الا اذا دشيتي اي تي وكملتي بعدها بكالوريوس يمكن تقدرين تصيرين مدرسه حاسوب

 

[شهد ستايل*]

كليه بوكسهل...........شتعرفون عنها يا حلوين ؟؟؟؟

السلام عليكم ورحمه الله وبركاته ........
شلونكم حبايبى ان شاء الله بخير ..........
الله يخليكم ابى معلومات عن كليه بوكسهل ...اللى فى ابو حليفه ........
شلون الدراسه فيها ...........واوقاتهم .............
وممكن الطالبه تكمل دراستها فى جامه الكويت بعدها او تحول على التربيه الاساسيه ..والتجارى .....

او اى شى تعرفونه عن هالكليه ..............

ولكم الف تحيه .:tek:
الله يوفق الجميع ان شاء الله ........

 

[^وجد قلبي^]

رد: كليه بوكسهل...........شتعرفون عنها يا حلوين ؟؟؟؟

انا اللى اعرفه شهادتها دبلوم !! ف ماتسوي ادفع فلوس على دبلوم ؟؟!!

 

[Oprah Show]

رد: كليه بوكسهل...........شتعرفون عنها يا حلوين ؟؟؟؟

السلام عليكم

بوكس هيل كلية استرالية ومكانها ابو حليفه ، ويعطونج دبلوم سنتين بالمجالات التاليه:

إدارة الاعمال

فنون التصميم وتقنيات البناء

نظم الملعومات والمكتبات

العلوم التطبيقية وفروعها


وبهالنك راح تلاقين كل تخصص وجم سعره بالكورس الواحد

http://www.bhck.edu.kw/index.php?module=category_page&id=53


وبالنسبه لأوقات الدراسه تقدرين تختارين بين الصبح و العصر




تحياتي