شايب وبنت في لندن يصير ولامايصير؟؟

[أرنوبهـ]

صباح الخير ياخبيرات لندن وكل من يطل على موضوعي


من العنوان: انا ارنوبه النية ان شاءالله اسافر لندن على شهر8 ان الله كتب وبسافر مع ابوي بس من العنوان ابوي الله يخليه على صحته وعافيته بس بالغت بالمسمى

بصراحه اول مره بسافر معاه بروحي اول اختي معانا بس تزوجت وانا ان شاءالله لاحقتها بالطريق بس تو الناس عالسنة الجديدة ان الله كتب

المهم مصختها صح :cxxxp:

بنات بصراحة حلمي لندن من كثر ماسمع عنها والحمدلله ابوي وافق عليها بس انا ماعرف شي عن اوروبا ولا حتى اللغة عندي ميييييييييييييييح اطقطق فيها

شنو تنصحوني اروح واتوكل على الله واجهز من هناك لعرسي ؟؟

وشلون اقدر اونس ابوي بصراحة خايفه مايستانس بالسفره لاني بس انا وياه احس ماكو سوالف

شنو تنصحوني اروح مع قروب ولا بروحنا؟؟
واي سفريات حجوزاتها اوكي؟؟

اتمنى اتمنى انكم تردون علي ولاتطنشون الموضوع عارفه بس مشاهدين فقط :eh_s(14):

والله محتاجه لردكم باسرع وقت يابنات واتمنى اني ماطولت عليكم


يالله بنام ومابي افتح الموضوع الا القى الردود كثر حبي لكم:tek:

>>>>>> فصلت مواصله انام اوك ولاتنسون الردود اللي تشرح الصدر​

 

[وطنية2004]

شوفي حبيبتب لندن وايد حلوة حق التجهيز بس ابوج راح يتعب من المشي اذا الشباب زهقوا شلون ابوج ولا اللغة لاتحاتين ماجنج بدولة اجنبية دار مادارج العرب

 

[nice smile]

لندن مايبيلها قروب


وروحي الاكسفورد كل شي فيه

وفيه محل اسمه بريمارك صاره سنه فاتح بالاكسفورد وشغله حلو وعملي

واذا تبين تجهزين روحي محل لورا اشلي بالاكسفورد كان عندنا بالكويت بس سكروووه

وحق الماركات روحي شارع بوند وهارودز

واذا تذكرت شي برد لج

وترا لندن مايبيلها لغه وخصوصا اذا سكنتي بالادجواروود او الاكسفورد

 

[أرنوبهـ]

بردتو قلبي بردودكم لا خلا ولاعدم ياكويتيات يابنات ديرتي

بس ابي معلومات اكثر والله غشيمه ماعرف شي نهائي عنها تكفون ساعدوني اكثر يالمشاهدين

 

[سمبوسة]

حبيبتي الله يوفقج انشالله ويخليلج أبوج يارب

انا ما أحب القروبات ولندن ما تحتاج قروب اذا قعدتوا باجوررود مع اني ما أحبه بس يصلح لكم لأن كل شي بالعربي وقهاوي وشيشة والوالد يستانس فيه لأن الكويتيين والخليجيين واايد يقعد بأي قهوة ويسولف معاهم
نهاية الشارع اجوررود تدشين على اكسفوورد وهذا السوق ما تخلصينه بيوم والا اثنين ويتفرع منه بوند ستريت مال الماركات وعندج سلفردجز بعد ماركات وشغلات حلوة
بالتاكسي والا الأندرقراوند تروحون هارودز والشارع نفسه فيه هارفي نيكلز وبربرييز وزارا ومانغو وغيره
الهايد بارك تتمشون فيها والأحلى الريجنت بارك وااايد أكبر وفيها حديقة ورود روحولها يوم
روحوا متحف مدام توسو اللي هو متحف الشمع
روحوا ساعة بيج بن وركبوا لندن آي ويمهم تروحون قصر بيكنهام بالاس ويمه حديقة تتمشون فيها
روحوا بعد جسر لندن "لندن بردج"
فيه رحلات تروحون برة لندن بو ثلث ساعة جذي حق مزرعة تتمشون فيها وتقطعون الفاكهة اذا تبين أدور لج السايت مالها
عندج بيستر فيليج هذي قرية الآوت لت الخصم على الماركات يمكن أربعين دقيقة عن لندن
فيه مجمع بلو ووتر يبعد شوي عن لندن يمكن نص ساعة حلو وكبير
في شارع اجوورد بتلقين اعلانات بالعربي عن رحلات حق برايتون وغيرها اخذوا برشور وسألوهم عنها كلهم عرب يعني ماكو مشكلة
فيه مدينه ملاهي قريبة بس يمكن ما تصلح لكم
واذا تبين شي بعد بلغيني حبيبتي

 

[::رمـــش الغــــــلا::]

حبيبتي مافي امكانيه تسافر اختك معاكم

 

[أرنوبهـ]

ياحياتي ياسمبوسه على ردج اللي يشرح الصدر

طيب تعرفين فندق الهوليدي ان اكسفورد الصراحه اليوم رحت السفريات وقالولي عنه امدحوه حيل لي موقعه على نهاية شارع الاكسفورد 4ستار
انا بخاطري الكمبرلاند بس فل مافي حجز

 

[w0o0dy cullen]

لندن مايبيلها لا انجلش ولا شي داير مدايرج عرب ولا جنج قاعده بدوله اجنبيه

واذا سكنتوا بالاجوردود او الاكسفورد شارع كلللله سوووق وفي مع السوقه كافيهات تقدرين تخلين ابـوج بالكافيه
وتتمشين قريب منه لان هو راح يستانس كله شياب عرب من الكويت وغير الكويت يهبلووون

راح تروحين وتشوفين واذكري كلامي

يبى جهزي جنطتج وروحي لندن ماتتطوف تهبل ولا تنسين روحي الهايد بارك
والريجنت بارك =حديقه الزهور حدها زووووووووغه تجنن

والله يوفقكم وتستانسون وربي يخلي لج الوالد يارب

سلام

 

[سمبوسة]

هلا يا قلبي .. أول مرة أسمع عن الهوليدي ان وطبعا كمبرلاند أحسن وشوفي هالفندق ثيستل موقعة عجيب بين اجوورود واكسفورد
http://www.thistle.com/hotels/marble-arch/

وشوفي فندق سلفرجز بعد زين

ودوري على موقع الهوليدي ان وشوفيه اذا زين ونظيف توكلي على الله

دورت لج عليه بالنت ولقيت وايد هوليدي ان بلندن بس هذا أعتقد اللي يقصدونه موجود باكسفورد سيركس وهذي يا قلبي آخر شارع اكسفورد مكانه زين بس بعييييد عن اجوررود يعني اجوررود بالبداية وهذا بالنهاية يمكن كيلوين مشي ,, لو مو بروحج مع الوالد أقولج وايد زين بس في حالتج تبين مكان قريب من اجوررود علشان يتونس مع العرب اللي هناك وشوفي صوره نظيف بس ما أدري شكل الغرف صغيرة وتقمت اللي حطيتهم لج بالأول اختيار أحسن واذا ميزانيتكم زينة عندج الماريوت بعد أحسن وأحسن
شوفي هذا الهوليدي ان
http://www.ichotelsgroup.com/h/d/hi/1/en/hotel/lonmr?rpb=hotel&crUrl=/h/d/hi/1/en/hotelsearchresults

وهذا الماريوت
http://www.marriott.com/hotels/travel/lonma-london-marriott-hotel-marble-arch

 

[kuwaitya_zoGaa]

وى جنها هذا حالتى مع اللى عندى بس انا عكسج ابوى يموت على السوق والسفر
اذا كشخ لج بجوليه السفارى اللى من فوق لى تحت فيه 15 مخبات وخري عنه لوووووووووووووووووووووووووووووووووول
ان شاء الله سهالات لاتحاتين واذا تخافين صلي استخاره قبلها حبيبتى

 

[شيهانه]

ما شاء الله سمبوسه كفت ووفت .. نصيحة وديه الصبح ايتمشا بالهايد بارك وروحي صوب البحيره قعدوا ووكلوا البط وخصوصا الصبح وناااااااسه وهدوء وروحوا عرووض الملكة كل احد ابتستانسوون وباجي الاماكن الي قالت عنها سمبوسه..

 

[أرنوبهـ]

ماقصرتو يابنات كفيتو ووفيتو

بس الظاهر السفره بح مااااااااااافي اشوفه امس ماله خلق الله يستر ويكتب اللي فيه خير

بنات وربي تعبت تعبت ابي تغيير جو وخصوصا قبل الزواج لاني حاسه ابو الشباب عتبة الباب مانطلع منها

آآآآآآآآآآآه ابي اغير روتيني الممل وربي تعبت تعبت

 

[caramella]

شيهانه حبيبتي ممكن استفسار ما تدرين الساعه جم يوم الأحد عروض الملكه اللي في باكنغهام بالاس ؟

 

[ام حموود]

ياربي ابي اروح لندن شوفولي احد يروح معانا نبي جم وحده

 

[kuwaitya_zoGaa]

ام حموود انا ان شاء الله بروح
شكله بيصير وناسه لانه جم وحده بيروحون على شهر 8 خل نشوفج اهناك

 

[بنت جنيف]

وى جنها هذا حالتى مع اللى عندى بس انا عكسج ابوى يموت على السوق والسفر
اذا كشخ لج بجوليه السفارى اللى من فوق لى تحت فيه 15 مخبات وخري عنه لوووووووووووووووووووووووووووووووووول
ان شاء الله سهالات لاتحاتين واذا تخافين صلي استخاره قبلها حبيبتى

يحليله ابوج الله يخلي لكم انشالله ويطول بعمره

 

[الاسطوره]

الهوليدي مو باكسفورد مكانه اخر الاجورد رود يم الجسر حلو ونظيف بس بعيد عن اكسفورد تتعبين وانتي تمشين:0bee2e8d89: الثستل ماربل ارش احلا ومكانه وسط السوق انصح اللي تروح لندن انها تسكن فيه