رودي للاستشارات الهندسية

[rudy]

شلونكم بنات 0000000000

بغيت اسال عن السجاد لصالات الاستقبال وين احصله ؟؟؟؟

علما بأن الجلسات ماخذتها من اللمسات الاخيره0

اذا تبينن سجاد ايراني احنا دايمن ناخذ من ... مممم مادري شسم المجمع بس اهو ورا مبنى الخطوط الجوية الكويتية الرئيسي الي مقابل برج حمود واغلب محلات هالمجمع سفريات وتلقين فيه محل زاوية كبير سجادة حلو وثمين يصلح لغرف الاستقبال اسمه البلدي علمي فيه من 3 سنوات.
وعندك بعد السجاد الإيراني بالسالمية بس ولا مرة دخلته.

 

[اخت فروحه]

مساء الخير حبايبي :

رودي حياتي ابي استشارة

عندي سؤال بخصوص بالوعة المطبخ (تكرومون) وين افضل مكان لها :بالنص ولا على طرف ؟؟؟

 

[ام وهابي]

فروحه شوفي ردي عليج بالديوانيه

 

[اخت فروحه]

مشكورة ام وهابي الله يوفقج

 

[rudy]

مساء الخير حبايبي :

رودي حياتي ابي استشارة

عندي سؤال بخصوص بالوعة المطبخ (تكرومون) وين افضل مكان لها :بالنص ولا على طرف ؟؟؟

اكيد بالطرف وان حصل تكون مخفية مثلا ورا الباب او ينحط فوقها شي مثل مكرمه ...ز

 

[اخت فروحه]

تسلمين حياتي

 

[اخت فروحه]

مرحبا رودي :
تعبتج معاي بس بسألكم عن سقف الحمامات والمطابخ شنو الموضة الحين؟؟؟؟

 

[ام الدنيا]

يعطيج العافية حبيبتي عندي حمام سباحة مغطى كيربي بس موعاجبني ابي اسوي ديكور حقه ممكن تعطيني رايج

 

[ام وهابي]

رودي حبيبتي شلونك
حابه استشيرك في غرفة نومي انا شريت غرفه وكلها حفر يدوي وشغل وايد والكبت والتسريحه لونهم ذهبي والسرير يكون كله ترخيم ذهبي مع تنجيد جلد بني غامج شنو اصبغ غرفتي ويطلع الغرفه حلوه يعني يبين شكل السرير حلو
ما ابي الاحمر او العنابي ماله منهم شنو تقترحين اصبغ غرفتي اي لون او احط ورق جدران بنقشه حلوه ورا السرير بس والباجي صبغ ردي عليه بسرعه

 

[**سهام**]

يعطيكم العافية خوش موضوع

انا في طور التصميم لبيتي وهو زاوية دخت من كثر ما قولبت المخطط يمين ويسار
ابي اطلع لي صالات حلوة وما بي بنفس الوقت اضيع شي من المساحة

شفت مخططات حق ناس وضاق خلقي مصغرين الصالات حيل ودخلت بيوت صالاتها كانها صالة افراح ماخذه اكثر من نص البيت وهم ما عجبتني اشوف انها تتعب في التأثيث

ابي تعطوني رايكم شنو انسب مساحة للصالات

 

[خزامى]

يعطيكم العافية

من وين أقدر أحصل استكرزات حلوة للطوفة؟ وهل طريقتها سهلة

 

[rudy]

مرحبا رودي :
تعبتج معاي بس بسألكم عن سقف الحمامات والمطابخ شنو الموضة الحين؟؟؟؟

جبس حاله حال الغرف وللمطبخ اذا كان ستايلك ريفي حطي السقف جبس بشكل الواح الخشب مثل مطعم جوني كارينو

 

[rudy]

يعطيج العافية حبيبتي عندي حمام سباحة مغطى كيربي بس موعاجبني ابي اسوي ديكور حقه ممكن تعطيني رايج

اذا كنتي تقصدين الكيربي للسقف بس يعني مثل المضله غطيه من برا بسعف النخل راح يصير شكله حلو كانك باحد المنتجعات اما اذا كنتي تقصدين انه عبارة عن غرفة مسكرة وتقدرين تتفننين بالحوائط والرسم عليها او تحطين لوحات من السيراميك وتزينين المكان بالزرع والجلسات الملونه

 

[rudy]

رودي حبيبتي شلونك
حابه استشيرك في غرفة نومي انا شريت غرفه وكلها حفر يدوي وشغل وايد والكبت والتسريحه لونهم ذهبي والسرير يكون كله ترخيم ذهبي مع تنجيد جلد بني غامج شنو اصبغ غرفتي ويطلع الغرفه حلوه يعني يبين شكل السرير حلو
ما ابي الاحمر او العنابي ماله منهم شنو تقترحين اصبغ غرفتي اي لون او احط ورق جدران بنقشه حلوه ورا السرير بس والباجي صبغ ردي عليه بسرعه

مرحبا اختي

حطي ظهر السرير ورق جدران لونه رمادي بنقشه ذهبية ( ذكرت احد بدلات السهرة لزهير مراد ) وباقي الغرفه صبغ درجة الون مستوحاه من ورق الجدران الي بتحطينه والحين الدارج رمادي.
وترى الرمادي والذهبي عجيبين مع بعض والله يوفقك

 

[rudy]

يعطيكم العافية خوش موضوع

انا في طور التصميم لبيتي وهو زاوية دخت من كثر ما قولبت المخطط يمين ويسار
ابي اطلع لي صالات حلوة وما بي بنفس الوقت اضيع شي من المساحة

شفت مخططات حق ناس وضاق خلقي مصغرين الصالات حيل ودخلت بيوت صالاتها كانها صالة افراح ماخذه اكثر من نص البيت وهم ما عجبتني اشوف انها تتعب في التأثيث

ابي تعطوني رايكم شنو انسب مساحة للصالات

كلامك عدل لازم تكون غرفة الاستقبال وسط انا افضل عرض غرفة الاستقبال لا يتجاوز 5 امتار ودائما حطي في بالك انك تبين تسولفين مع ضيوفك فلازم المسافة بين الجلسات ما تصير بعيدة وتكون قريبه يعني بيني وبين الي جدامي بالكثير 4 امتار وحلو ان الغرفة ما تتخللها ابواب كثيرة مثل المدخل والحمام وباب للخدمة ورابع مادري حق شنو....

 

[rudy]

يعطيكم العافية

من وين أقدر أحصل استكرزات حلوة للطوفة؟ وهل طريقتها سهلة

انا شفتهم عند ايكيا والبنات يقولون عن محلات الديكور وورق الجدران

 

[أم الحارث]

السلام عليكم الله يجزيج خير أنا عندى مشكلة باب الفيلا الرئيسى يفتح على طول على الصالة وعلى اليمين زاويه على حرف L وماعندى مدخل أبى أحط أنتريه وأناعندى باب للأستقبال خارجى يدخل على الأستقبال

 

[حلوين رغم الحزن]

السلام عليكم الله يجزاج خير بغيت مساعده
ادخل في الموضوع انا عندي في البيت المدخل اللي هو عباره عن الاستقبال المؤدي اللي الصاله حق الضيوف المدخل هذا انا مهتمه فيه حيل بس عندي مشكله جننتني الي هي الوحد ه(التكيف) طالع منه هوز (اللي حق الغاز) الين الديكور والبايب الماي نازل منه تحت الين الارض منظره موعاجبني ابي اغطي الطوفه(الطوفه تقريبا اكثر من مترين والوحده بنص ) بديكورات خشب اومرايا اي شي حلو واللي واجهت نفس مشكلتي وا عنده فكره ياليت تفيدني

ولكم مني جزيل اشكر

 

[rudy]

السلام عليكم الله يجزيج خير أنا عندى مشكلة باب الفيلا الرئيسى يفتح على طول على الصالة وعلى اليمين زاويه على حرف L وماعندى مدخل أبى أحط أنتريه وأناعندى باب للأستقبال خارجى يدخل على الأستقبال

هلا اختي

هذي صج مشكلة

انا اول ما رسمت خريطة البيت حطيت مدخل طوله 5 متر وعرضه 3
وهذا بدورة يعطي خصوصية للبيت ومايصير مكشوف
على العموم هذي نصيحة للي تبي تبني

اما بالنسبة لمشكلتك
فاقترح تحطين على يمين الباب مباشرة او يسارة الانتريه
وياريت تحاولين تحطين لنا خريطة الصالة
او على الأقل شرح عن المساحة والأثاث الموجود ومكانه عشان اقدر افيدك.​

 

[rudy]

السلام عليكم الله يجزاج خير بغيت مساعده
ادخل في الموضوع انا عندي في البيت المدخل اللي هو عباره عن الاستقبال المؤدي اللي الصاله حق الضيوف المدخل هذا انا مهتمه فيه حيل بس عندي مشكله جننتني الي هي الوحد ه(التكيف) طالع منه هوز (اللي حق الغاز) الين الديكور والبايب الماي نازل منه تحت الين الارض منظره موعاجبني ابي اغطي الطوفه(الطوفه تقريبا اكثر من مترين والوحده بنص ) بديكورات خشب اومرايا اي شي حلو واللي واجهت نفس مشكلتي وا عنده فكره ياليت تفيدني

ولكم مني جزيل اشكر

مرحبا اختي

هناك عدة طرق تقدرين تغطين فيها هذا العيب على سبيل المثال:

تقدرين تقولين للنجار يسويلك صندوق بطول البايب وعرضه بس مايكون عريض وايد وتصبغينه بنفس لون الحائط.
وتغطينه باشياء كثيرة مثل خزانة للعبايات والشيلات وهذي وايد مفيدة لنا لي صار عندنا جمعة حريم
او تغطينها بمرايا كبيرة بالطول تفيد بالمداخل
او تحطين لوحة من الجوبلان ( السجاد الإيطالي او الأمريكي الي يعلق على الحائط) ادري ان موضته قديمه بس مفيد لمشكلتك.

هذا الي طرا على بالي حاليا.​