ديوانية سوالف حريم اللي فوق الثلاثين حياكم الله ..........

[حلم الطفولة]

يعني عشرين وجم سنه .. ونتو عدو عاد هي هي هي هي

 

[OmRashed]

حتى انا عمري 30 وجم سنه بس

خوش طريقه حق العمر ههههههههههههههههه

 

[حلم الطفولة]

أحلى شي نعيش شعور العمر الداخلي .. وآنا مو حاسه إني عديت الثلاثيييييين ..
أوكي أعيش عمري بس بعد أعيش شعوووري.. وللا شرايكم؟

 

[حلم الطفولة]

يا جماعه آنا رايحه أصلي وودي العيال ناديهم
فرصه سعيده وأرجع لكم تالي .. يا أغلى الغوالي .

 

[همسات ليالي]

هههههههههههههه السالفه قلبت للعمر


انا بروح الجبره واشوف الفرق

والله ماشاءالله ما قمنا نلحق شي مو طبيعي


والعيال عسى الله يخليهم لنا مو قنوعين بالمره

والله ام راشد

غدانا اليوم شحلاته


صينيه دياي بالفرن ومعكرونه بالباشميل وملفوف كرمب


راحت بنتي دقتي على خالتي تحت تبي من غداهم وشنو غداهم مجبوس دياي

وجنهم اول مره يشوفه خلوا النعمه وطاحوله بهالعيش

والله مت من القهر

 

[اثمان]

مساء الخير

 

[ضحى الكويت]

السلام عليكم ورحمه الله وبركاته


مساء النور يا اثمان


منو معانا غير اثمان اليوم ؟؟؟

 

[OmRashed]

الله معاج حلم الطفوله

همسات .. عليكم بالعافيه وعادي اليهال هذي سوالفهم دايما يقهرون

اثمان .. مساء النوؤ شسالفتج اليوم شابكه

صافيه .. وعليكم السلام انا موجوده

 

[ضحى الكويت]

ام راشد


هلا فيج يا قلبى اشلونج الءيوم شخبارج يا قلبى ؟

 

[ضحى الكويت]

همسات

اعيالنا دعودنا عليهم اهما جذي قبل كنت اهتم وأزعل وتكدر الحين صارت معاى مرونه ما يهمنى خلااااص تعبت منهم ومن طلباتهم على قولت امى كثر الدق يفج اللحام

 

[OmRashed]

صافيه .. انا طيبه طاب حالج ان شالله

 

[ضحى الكويت]

ام راشد


دوم نسمع عنج طيبه يا قلبى


ام راشد مشتهي اروح العمره بس ريلى مو ماخذ اجازه من دوامه وقطيعه دوامه له نظام مع اللى معاه يعنى اهوا شهر 8 كاتب ناس كاتبين 7 وبالدور جذى


وشهر 8 يزيد الحر بالعمره وبصير وقتها مو زين وايد حر


وانا ودى وحتاجه اغير تعبانه عقب الولاده والتربيه

 

[OmRashed]

تسلمين واجمعين ان شالله

صافيه .. شهر 8 حر مانصحج بالعمره روحي بفبراير احسنلج على الاقل ارحم اشوي

 

[ضحى الكويت]

ام راشد


حظى صار جذى بس مانى رايحه ادرى ان وايدحر

 

[! بنت العاشره !]

اسلام عليكم ورحمه الله وبركاته

 

[OmRashed]

صافيه .. الله يكتب لج اللي فيه الخير ان شالله


بنت العاشره .. وعليكم السلام ورحمة الله وبركاته

 

[! بنت العاشره !]

وااااااي منغثه صار لي شهر خاشه اعلان نادي الكيمبردج انطر متى يجي موعد النادي لعيالي

ومواعدتهم وهو يقول اي ويوم بدى قال لا

بموت من القهر حرام شئ ثقه ومستوى وجامع كل شئ ترفيه ودراسه

بس شقول

 

[ضحى الكويت]

اسلام عليكم ورحمه الله وبركاته

وعليكم السلام ورحمه الله وبركاته حياج الله معانا ياليت تعرفينه بنفسج ما عليج امر :tek:

 

[! بنت العاشره !]

صافيه يا عسل وانا كل ما دشيت قلتوا عرفينا بنفسج شكلي لغز هههههههههههههههههه

اضحك انا متزوجه وعندي عيال وربه منزل وباقي لي على الثلاثين ها حذفه عصى لووووووووووووووووول

 

[OmRashed]

بنت العاشره .. منو اللي يقولج ايه ويوم بدا لاء

اذا اليهال عادي كلهم جذيه يحنون على الشي وبعدين يهونون