اشفيكم يا كويتيات.....عين وصابتكم!!!!!

[فرح الياسر]

بسم الله الرحمن الرحيم




اشلونكم خواتي...........الكويتيات...........

ودي اقولكم شنو اللي جذبني لمنتديات......كويتيات....

1 - انه بأسم الكويت.
2 - لما ادش المنتدى احس اني بين خواتي ...الكويتيات.
3- المنتدى له طابع خاص...يتميز فيه...روح الكويت.



هذا هي المميزات اللي كانت تجذبني للمنتدى........:0bee2e8d89: وقول كانت لأني ماقمت اشوف هالتميز!!!!!!!
ما ادري اشفيكم يا .....كويتيات......

قبل ماكنت اشوف موضوع منقول........

قبل ما اشوف موضوع من منتدى ثاني......


الحين صارت اكثر المواضيع مسروقه من منتديات ثانيه....ولا بعد مكتوبه بنفس الصيغه و العنون !!!!


وين التميز اللي كان يشدني لمواضيع الكويتيات!!!!!؟؟؟؟؟

وين المواضيع اللي ما اقراها الا عند الكويتيات؟؟؟؟؟؟؟؟


بس اسفه عالاطاله........ انا صج محتره من هالموضع!!!!!!!!!:eh_s(14):

 

[كل الحب]

انا ما انقل لان مشاركاتى قليلة كلة ردود


بس شفية المنقول اذا كان شى مفيد

 

[Red Strawberry]

حبيبتي حتى المنقول مفيد

مشكوووره

 

[فرح الياسر]

صح مافيها شي اذا الموضوع مميز...........بس ان المواضيع المنقول تصير اكثر من كاتبات المنتدى....هذا اللي انا ضده!!!!

لا تخلون المنتدى يفقد روح التميز اللي فيه بكثرت المنقول!!!!!!

 

[قهوة برية]

الله يسامحج اخت فرح

خرعتيني ...!!

ع بالي شئ 2





لأني داشة وانا مخترعه قلت صار شئ وانا مادري

هالأيام اشويه غاطة عن المنتدى ....!!!!!

أمممممم ...

موضوعج بمحلة خبرج حايشة بيات صيفي ..!!!

و برضو عامل هجرة العصافير لها دور

مع حبي

 

[كل الأسامي مأخوذة ليش؟]

بالعكس المنقول يفيدنا وايد خاصة اذا كنا ما ندش منتديات ثانية وكل المنتديات فيها منقول
يمكن انتي ودج بالتميز وجهة نظرج وانا احترمها

 

[عرموشة]

بصراحه انا اشوف فعلا المنتدي في بعض الكسل شوي لكن هذا بسبب السفر والكورس الصيفي وعدم انتظام النوم بس مع ذلك يبقى المنتدي مميز وفيه الخير ان شاء الله

 

[ام كتكوت]

حتن انا اخترعت من العنوان قلت مادري شصاير ؟؟

بس صدقيني اللي تنقل شي مفيد مو شي عيب

بالعكس حابه تفيد على حسابه النقل ...

ومشكوره حبيبتي وبسم الله علينا من العين ههههه مو ناقصين .......

 

[بتبوتااا]

لا عاجي ياقلبي دشي كل الاقسام وبتلاقين مواضيع يديده وهذا ماينمع انه الوحده تنقل شي مفيد لنا

 

[yam_yam]

بنات شفيكم انهديتوا على البنت
هي تقصد انه المنتدى كان فيه مواضيع مميزة خاصة فينا احنا عرفتوا
و كانت وايد منتديات تقلدنا
يعني غير عن منتديات الثانية و هذا يدل على حرص البنت و حبها لمنتدنانا

حبيبتي يمكن عشان البنات لاهين بس انشالله فترة و تعدي و لا تنسين في اقسام جديدة فتحت و صارت المواضيع اكثر عشان جذي صار هالشي
لكن صدقيني يظل مميز على طول مهما بس نطري على رمضان ههههههه

 

[فرح الياسر]

لا عاجي ياقلبي دشي كل الاقسام وبتلاقين مواضيع يديده وهذا ماينمع انه الوحده تنقل شي مفيد لنا

صحيح اختي ....بس المنقول صار اكثر!!!!!

قبل كنت احس اني بين خواتي و اسولف معاهم.....

الحين صرت احس اني .............اقرأ منتدى!!!!!!!.....

لاني قبل كنت احس اني في بيت اهلي...بين خواتي و حريم اخواني و كل وحده عندها سالفه شكل....

اقصد سوالفنا العاديه.......فاهمين شقصد!!!!


لا تلوموني اذا قلت....فقدت سوالفكم يا....الكويتيات!!!!!


:0bee2e8d89:

 

[أساور]

على ايدج تثرين المنتدى ويرجع نفس قبل <<< توني يديدة وماعرفت المنتدى عدل

 

[امـــــل مقتول]

صح كلامج

نبي مواضيع من اقلامنا مو منقوله

وهذا يزيد من عدد الاعضاء وحيوية ونشاط المنتدى


واتمنى نرد لروحنا الكويتيه من جديد

تسلم ايدج

 

[حناينq8]

مشكووووووره حبيبتي على كل هالمشاعر الحلوه

بس انا اذا شفت موضوع يفيد خواتي بكويتيات ......الصراحه ما ابخل عليهم فيه بالعكس

 

[نـــــور]

فى الاعادة افادة صح و انشاء الله محد يتضايق من المنقول

 

[bnt_7waa]

فديت منتدانا

انا عن نفسي ماادش مكان غيره فكل المواضيع يديده علي

 

[جوك احلى جو]

علي كل شي تناقش حتي علي صور تواقيعنا و الحين علي مواضيعنا ماخلينا شي هههههههههههههههههههههه بس صاجه حلاته الموضوع مومنقول بس ساعات تلقين بمنتدي ثاني موضوع مفيد ومهم وتحبين ان تفيدين غيرج

 

[فرح الياسر]

انا مو ضد المنقول ...بالعكس فيه مواضع تفيد ودج الكل يقراها....
....................انا ضد ان المنتدى يفقد الروح اللي تميزه عن باقي المنتديات....


.....اللي مو فاهمه قصدي تدش اي منتدى نسائي متخصص.....
.........ومثلكم عارف المنتديات الثانيه....وتقارن بينها ...تلقى المواضيع متشابه...وما فيها اي شي جديد!!!!!! ....


:tek:

 

[فرح الياسر]

على ايدج تثرين المنتدى ويرجع نفس قبل <<< توني يديدة وماعرفت المنتدى عدل

دشي الصفحات القديمه وانتي تعرفين شنو اقصد بالتميز اللي قبل كنت اشوف....
بس يمكن صج....السالفه بيات صيفي!!!!!

 

[قهوة برية]

انا مو ضد المنقول ...بالعكس فيه مواضع تفيد ودج الكل يقراها....
....................انا ضد ان المنتدى يفقد الروح اللي تميزه عن باقي المنتديات....


.....اللي مو فاهمه قصدي تدش اي منتدى نسائي متخصص.....
.........ومثلكم عارف المنتديات الثانيه....وتقارن بينها ...تلقى المواضيع متشابه...وما فيها اي شي جديد!!!!!! ....


:tek:

فـــــــــــاهمه فدييتج فاهمة :tek:

مو هذا الي خلانا مقابلينه اكثر من المنتديات ال2

وفعلا منتدانا اسم الله عليه متجدد سواء بالمواضيع وغيره

لكن لابد من الغطات والكسل ساعات ...!!!!

ومشكورة ياقلبي كلامج هذا وسام ع صدورنا :tek: