عمليتي كانت اليوم صباحاً والحمدلله على كل حال

[Snow angel]

اليوم صباحاً كانت عمليتي لسحب البويضات

والحمدلله على كل حال جميعها عبارة عن أكياس خالية من البويضات

رغم ان كمياتها كبيره واحجامها بالسونار جيده لكن الحمدلله مشيئة الرحمن


سبحان الله العظيم والحمدلله على كل حال


هل تعرفون احد مثل حالتي؟؟ وهل بإعادة التجربة تتكرر المشكلة؟؟؟

أحبكم في الله​

 

[نسايم دبى]

والله يا اختى اول مره اسمع فى حالتج
عسى الله يرزقج ولالالالالالالالالالالالايحرمج

 

[lollipops]

انشالله ماكو الا الخير بس السالفه يبيلها شوية صبر

 

[المبدعة]

حبيبتي خل املج بالله كبير

و هو الرزاق و بيده الرزق

يرزق من يشاء و يحرم من يشاء

وحاولي و لا تيأسين ابد ابد

والحمد لله عل ى كل حال

اكثري من الاستغفار و الصدقات و الدعاء و قيام الليل

 

[.>حــــــــ(و)ـــراء<.]

"عسى ان تكرهو شيئا" وهو خير لكم"

ياحياتي ان شاءالله تكون خيره لج وعسى الله يرزقج الذريه الصالحه

بس اللي اعرفه والله اعلم ان دام كلهم اكياس فاضيه ومافيها حوصله

يعني عندج تكيس شديد

انزين انا اللي اعرفه ان الدكتور قبل لا يعطيج ابر منشطه لازم يسويلج

تحاليل واذا شاف عندج تكيس لازم يعطيج علاج للتكيس مثل

حبوب جلوكوفاج اهي لمرضى السكر بس اكتشفو ان لها تاثير

ممتاز على تكيس المبايض

ولازم الدكتور يفحصج مرتين على الاقل قبل مايدخلج العمليه عشان يتأكد

من البويضات

عموما" الله يرزقج ولا يظيق خلقج​

:tek:

 

[حور العيون]

حبيبتي اللهم اجعل في الأمر خيرة وبإذن من الله يشافيك ويرزقج في الي فيه خيرة

 

[مبدعة]

الله يرزقج يارب و لا يخرمج

حبيبتي قبل لا تبدين في عملية الانابيب لازم تعالجين التكيسات و تتأكدين من ان العلاج 100 %

انا ما اعتقد الدكتور اللي تعالجين عنده خبره في هالشي و الا جان ما يرضى يعرضج للابر و المنشطات لانها اصلا تزيد التكيسات

ربي يكون في عونج اكثري من الاستتغفار و الدعاء و الله كريم

 

[++The DuchesS++]

الله يرزقج بالقريب العاجل ان شاء الله

 

[Yasmin]

والله مادري يا الغاليه

الله يرزقج بالذريه الصالحه ويفرح قلبج ان شاءالله

 

[Snow angel]

"عسى ان تكرهو شيئا" وهو خير لكم"

ياحياتي ان شاءالله تكون خيره لج وعسى الله يرزقج الذريه الصالحه

بس اللي اعرفه والله اعلم ان دام كلهم اكياس فاضيه ومافيها حوصله

يعني عندج تكيس شديد

انزين انا اللي اعرفه ان الدكتور قبل لا يعطيج ابر منشطه لازم يسويلج

تحاليل واذا شاف عندج تكيس لازم يعطيج علاج للتكيس مثل

حبوب جلوكوفاج اهي لمرضى السكر بس اكتشفو ان لها تاثير

ممتاز على تكيس المبايض

ولازم الدكتور يفحصج مرتين على الاقل قبل مايدخلج العمليه عشان يتأكد

من البويضات

عموما" الله يرزقج ولا يظيق خلقج​

:tek:

والله ياقلبي التكيس اللي عندي مو هين رغم ان وزني طبيعي ولي فتره طويله على الجلوكوفاج 850وحبتين باليوم لكن سبحان الله ما فاد معاه حتى مانع الحمل الله كريم يا الغاليه واذا تعرفين علاج للتكيس اللي عندي انقذيني

اللهم امين والحمدلله على كل حال​

 

[Snow angel]

الله يرزقج يارب و لا يخرمج

حبيبتي قبل لا تبدين في عملية الانابيب لازم تعالجين التكيسات و تتأكدين من ان العلاج 100 %

انا ما اعتقد الدكتور اللي تعالجين عنده خبره في هالشي و الا جان ما يرضى يعرضج للابر و المنشطات لانها اصلا تزيد التكيسات

ربي يكون في عونج اكثري من الاستتغفار و الدعاء و الله كريم

حاولت بكل الطرق اتعالج من التكيس مافي فايده سبحان الله

الى درجة ان الدكتور طلب مني ارقي نفسي واروح لشيخ يقرا علي لانه غير طبيعي وكثير بدرجه ما تتصورينها يقول اغلب المراجعات اللي عندي فيهم تكيس وحملوا الحمدلله بأطفال الانابيب الا انا يقول حاله خاصة ايش اقول غير الحمدلله الحمدلله على كل حال

اذا تعرفين كيف علاج التكيس تكفيييييييييييييين افيديني​

 

[.>حــــــــ(و)ـــراء<.]

والله انا سمعت ان القسط البحري تاخذينه من الحواي يفيد للتكيس بس

ماجربته كلش ؛؛ قريت عنه بأحد المنتديات

والله يشافيج لا تيئسين من رحمة الله

 

[Snow angel]

والله انا سمعت ان القسط البحري تاخذينه من الحواي يفيد للتكيس بس

ماجربته كلش ؛؛ قريت عنه بأحد المنتديات

والله يشافيج لا تيئسين من رحمة الله

هلا حبيبتي

بحثت عنه وقريت انه مدر للطمث وبصراحه انا يصير عندي نزيف بوقت الدوره واخاف من الاشياء الطبيعيه والاعشاب


شكرا كثير​

 

[الفرس الاصيل]

اختي علي بالتلبينة .. وصفة نبوية من الرسول الكريم
وعسىالله يشفيج

 

[تختوخه22]

لحمدالله علي سلامتج

والله يرزقج بالذريه الصالحه

اكثري من ذكر الله

 

[فورلا]

الحمدلله على سلامتج

 

[امراة من زمن الحب]

الله يرزقج ان شاء الله في القريب العاجل
رددي

رب لا تذرني فردا وانت خير الوارثين

 

[مبدعة]

سوي عملية تشيلين فيها التكيسات

 

[noona]

عشى ربي يشافيج ويعافيج

الله يرزقج بالذريه الصالحه يارب

 

[Snow angel]

اللهم آمين اجمعين

لكن غاليتي مبدعه العملية كثير خطره تسوي التصاقات واحتمال عقم دائم

الف شكر لكم