تجمع امهات 2008 حياكم

[أم وجيه]

اي والله كويتية المشكله العرس والمشكله الأكبر اني للحين ما أنجزت شي

سلامته ولدج ديري بالج ترى توهم صغار عيالج لين يكبرون شوي ويصير عليهم شوية لحم تخلينهم يشيلونهم بس هالوقت الأفضل ما حد يشيلهم والحمد لله على سلامته وما يشوف شر ان شاء الله

 

[كويتيه وافتخر]

هلا ام وجيه

الله يسلمج

وبعدين ليش ماخلصتي حق العرس ؟؟ اهم شيء نفنونج شريتيه والا بعد ؟؟

 

[كويتيه وافتخر]

على طاري اللحم
جم المفروض الوزن الطبيعي للطفل بوخمس شهور عيالي كل من شافهم قال صغار

 

[الاستاذة]

كويتيه انا بنتي جنها 7 كيلو
واي ضيقتي خلقي على الطيحه والله خايفه على زيونه مه هالخدامه بس شسوي مع هالدوامحبيبي وكان يبجي وايد؟

انا صايره هالايام وايد تبجي وتعضض ايدها حيل حطيتلها امس عسل وفركت لثتها جنها اشوه متى تطلع الضروس العاده؟.
في وحدها بيبيها ضرس معانا؟؟؟؟؟؟؟؟

ام وجيه زيونه بخير ماطلعها كلش واذا بطلعها اروح بيت اهلي روحي العمره وسعي قلبج انا رحت اول ماطلعت من النفاس على طول حدي ارتحت خلي اليهال عند امج ماعليهم شر انشالله وروحي والعرس لاحقه عليه شيبيله كلها 3 ايام شبتنجزين فيها روحي وسعي قلبج

 

[أم وجيه]

كويتية ما جهزت ولا شي السوق يبيله نفسيه علشان أروح ومع هالجو من وين النفسيه تيجي

الاستاذه والله محتاره ودي أروح صج يرتاح القلب الحين بعد فطوم تاكل يعني أهون شوي

وعلى طاري الوزن أعتقد الطبيعي بين 6 و 8 بأعمارهم

وبالنسبة للتسنين أهم يبدون من الحين تعضعض بس في منهم يطلعون وفي منهم يطولون يعني آنا عيالي يتأخرون شوي
يعني اللي يتأخر بشي يكون مبجر بشي ثاني وكل ياهل وحسب لا تقارنين وايد الأستاذه

 

[كويتيه وافتخر]

بنات انا مهمله عيالي من ناحيه الاكل بس عالحليب للحين


مرات اقول عادي ومرات الووم نفسي بس يا الله كلها جم يوم ويصير عمرهم باذن الله ست شهور وغصب هني باوكلهم

 

[أم وجيه]

بنات انا مهمله عيالي من ناحيه الاكل بس عالحليب للحين


مرات اقول عادي ومرات الووم نفسي بس يا الله كلها جم يوم ويصير عمرهم باذن الله ست شهور وغصب هني باوكلهم

لازم على الأقل تذوقينهم الأكل علشان يبيلهم وقت ليما يتقبلون الأكل بس ديري بالج لا تغصبينهم على شي ما ينفع ​

 

[كويتيه وافتخر]

ان شاء الله باذوقهم من يبدا شهر سبعه <<كسوله كل يوم تاجل

 

[كنكونه]

مساء الخير ادري غطيت عليكم.. شلونكم شخباركم كويتيه والله عور قلبي ولدج ما يشوف شر انشالله..

انا هالاسبوع متحبطه حدييييييي كنت اقولكم وانتو بالدوام اني قاعده مع ولدي واموقفه قيدي بس بس

المشكله بالصييييييييييييييييييييييفي ان عندنا ماده بقسم الجيولوجي نروح عمان والمشكله تدرون جم يوم؟؟:0bee2e8d89:


30 يوم؟؟ واااي مو قادره افارق حمني واهوا الحين في حساسيه بصدره يناغي وفيه بحه حبيبي الله يخليه لي ولابوه..ويكحكح ونشله بعد عمري ..

وسفرتي يوم الخميس الياي​

 

[إستبرق]

بنات حواء وي يقلبي اعرفه الجهاز كانوا يحطزنه لعيال خالي بس الحمدالله انها يات على جذي والله يشافيها لج يارب وهالشهر انشاءالله يعدي على خير



ام وجيه وي عاد والله عرس الاخو ونااااااااااااسه الله يخليه لكم قاعدين نقول لاخوي هو توه عمره 18 يالله بسرعه خلص جامعه عشان نزوجك انا عرس اخوي كان السنه الطافت ومن زمان ماعندنا عرس اخو واااااااااااااااي تعبنا فيه تعب كنا نبيه يطلع طلعه ونحاتي بس يوم العرس لما الكل يالنا والكل استانس ومدحمه ولما شفنا ابوي وخواني داخلين واي شعور حلو لايوصف الله يديم افراحكم يارب وليش للحين ماجهزتي شي والله نصيحه لاتخلين مافي وقت وتضغطين عمرج انا فصلت نفنوفي لعرس اخوي ورحت تايلند ورديت قبل العرس بنتفه لما رديت ولا يطلع النفنوف مو مثل الي فبالي وتوهقت محد يفصل لي لاني كنت ابيه حلو وراقي وكشخه مال عرس اخو ورحت شريت جاهز ويوم اسود يوم ماشريت جاهز خخخخخخخخ والله يا ان الي فصلته لثاني يوم والي فصلته لعرس بنت خالتي يسوونه الف مره لاتوهقين عمرج اهم شي خلصي النفنوف لاتنسين وراكم فره لتجهيزات العرس والله يسهل عليكم


كويتيه اول شي على الوزن لاتحاتين انا استبرق كل الي يشوفونها يقولون ضعيفه واشيل هم لما اوزنها يطلع طبيعي وانا اليوم انشاءالله راح اسوي موضوع وكل يوم انزل فيه جم صفحه من كتاب فوزيه العوضي عن البيبي ومكتوب فالكتاب ان وزن البيبي الطبيعي لعمر 5 شهور اذا صبي 7,3 واذا بنت 6,7 هذا موجود بالجدول فالكتاب


كويتيه لاحرام والله لاتشوفينهم شلون لما يبدون ياكلون يعورون القلب استبرق اسم الله عليها اذا وخرته وهي مو شبعانه تظل تبجي لما تشبع تسكت

 

[كنكونه]

بس بسألكم انا الحين قاعده اجرب اوكله واذوقه الاكل بس يعفس ويه..عادي

اي وبالنسبه لوزن البيبي قالي الدكتور ان الوزن الطبيعي للبيبي لما يكون بشهره الرابع ضعف وزنه يوم الولاده يعني لو وحده ولدها((البيبي)) وزنه وقت الولاده 2 كيلو بالرابع يكون 4 كيلو.. نظريه فيثاغورث....
:eh_s(1):
واتهقون لما اسافر انشالله وارد بينساني؟؟

 

[إستبرق]

كتكوته وييييييييييييييييييييييييييييي الله يعينج 30 يوم مسكين حمني يالله الله يكتب لج الي فيه الخير يارب

 

[إستبرق]

حبيبتي على الاكل عادي اول جم نتفه يعفسون ويهم بس بعدين ياكلون
ولا لبش ينساج اكيد راح يعرفج شنو هو قطو

 

[كويتيه وافتخر]

مساء الخير

لالالا اعترض ليش منزلين موضوعنا تحت

اشلونكم شاخبار البيبيات

انامدري شعلاج الخرعه ولدي كله مخترع وحالته حاله مدري شسوي فيه يكسر الخاطر لي فز من نومته يصرخ


كنكونه الله يعينج طيب ماتقدرين تاخذين ولدج معاج مع ابوه والخدامه لانه شهر حرام
وماراح ينسى اشدعوى بس حاولي تاخذينه

 

[كويتيه وافتخر]

يالله يارب انك تعافي وليدي
اليوم رابع يوم له بدون جهاز الاكسجين الحمدلله

ويضحك حلاة ضحكته

 

[كويتيه وافتخر]

موضوعنا مو بالصفحه الاولى

اشدعوى ليش شالوا التثبيت ؟

 

[إستبرق]

لووووووووووووووووووووووووول كويتيه يالله صباح خير توج تنتبهين انه نزل والله خليتيني اشك بنفسي اقول عيل منو الي كاتبه بالصقحه الي قبل هذي من جم يوم نزلوه وتوج تنتبهين
وكويتيه الله يحفظ لج ولدج يارب ودوم تشوفينه مبتسم

 

[الاستاذة]

صباح الخير بنات شلونكم؟؟؟؟؟

واي كنكونه الله يعينج على فراق حمني بس ماينساج اشلون ينسى امهلاتحاتين والله يوفقج

كويتيه وافتخر انشالله يقوم وليدج بالسلامه يارب وعلى طاري التثبيت يمكن من قلة نشاطنا بالدوانيه ماقامو يدشون البنات

ام وجيه انا اقول سافري والله بيسهل انشاله

استبرق شلونج وشلون العنونه؟

 

[أم وجيه]

صباح الخير
شلونكم بنات الديوانية الكسولة
كنكونه الله يعينج شهر وايد على فراق الحبايب بس الله يوفقج ويمرون بسرعه ان شاء الله
كويتية ان شاء الله دوووم مبتسم والله يشفيه لج وما يحتاج الجهاز مره ثانية بعون الله

استبرق والله مستانسه وايد بس الجو ما أقدر عليه شسوي بودي لو أحد منكم يقولي مكان وأروحله دايركت ما أقعد أدور وما أبي تفصيل قبل أخواني الاثنين تفصيل بس هالمره شفت وايد أشياء حلوه جاهزة السوق متروس بس مو في بالي وين شفت باخذ جاهز وأضبطه علي وقياسي مو صعب أبد
خلاص استبرق اجريني بدلتج اللي لبستيها بعرس أخوج :dddds: وحده حدها متكاسله من هالجو
وبنفس الوقت ودي بشي ناعم حيل وراقي مو يكون خرابيط وهبل وما أدري شنو أبيه ناعم وفخم وما أعرف وين أدور من زمان ما كان عندنا عرس

يلا شدو الهمة حملة لمساعدة أم وجيه للتجهيز لعرس أخوها

وجيه خلصته لقيت له بدله تهبل تهبل صج
فطوم جاهزه تقريبا على نص 7 بروح أفصل لها بالجنوبي فوق لعشان يكون القياس تمام ما تكون كبرت عنه ولا يكون كبير عنها
باقي أنا وزوجي وزوجي بسيطه يروح الأفينوز فوق المحل اليديد مال البدل نسيت اسمه اللي عندهم 5 ماركات بدلهم روعه يعني اهو يشيل عمره
باقي أنا الكارثه الكبيره
وغير هذا آنا الاخت الوحيده وودي أسوي حق أخوي فناتك بالعرس بس ما أعرف دلوني :0bee2e8d89:​

 

[الأمـــواج]

وانا وانا بعد جبت ولدي 27/11/2007 وهذا ولدي يوسف البجر

الله يخلية لي يارب ويجلة من الذرية الصالحة