يا بنات عندى استفسار ساعدونى عن المدرسة الباكستانية

[نـــــور]

السلام بنات منو تعرف اسعار المدرسة الباكستانية و فى وحدة عندها واحد من عيالها يدرس بهالمدرسة انا الصراحة ابى ادخل ولدى شهر 9 .
متى يكون التسجيل و يصير انه احد غيرى او غير ابوه يسجله لانى يمكن اكون مسافرة بالصيف و خصوصا اذا كان شهر 8 .

اشلون الدراسة عندهم يعنى اللى مجربه و حاطه عيالها ؟

 

[om mariam]

شوفي يالحلوة
الدراسه عندهم تبتدي من شهر اربعه
وانتي اذا للحين ما سجلتيه تقدرين الحين تروحين تسجلينه
انا اتكلم عن المدرسه الي على الشارع مقابل الجابرية
اهيه كلها سنه كلمله ما تتعدى 400 دينار
واجباتهم وايد ودراستهم قويه
بس العربي ضعاف فيه
والعربي والدين منهج الوزاره
والله يوفقج
واي استفسار راسليني على الخاص يالحلوة
وبالتوفيق يارب

 

[النجوم الثلاث]

عندي بعض المعلومات عن المدارس الباكستانية ممكن افيدج فيها ..

أحسن مدرسة باكستانية مدحوها لي هي اللي بخيطان وبحولي (مبنى الرؤية سابقا )

اللي بخيطان لا يقبل فيها التسجيل لأكتمال العدد لكل المراحل ما عدا أولى روضة ( بس تأكدي منهم أحسن )

اللي بحولي فالتسجيل سيكون بشهر اغسطس ولا يمكن التسجيل نيابة عنك لأن راح يكون هناك اختبار للطالب



الأخت أم مريم

ترى جميع المدارس الباكستانية تغير نظام الدراسة فيها من شهر 4 الى شهر 9 بقرار من وزارة التربية ​

 

[نـــــور]

ام مريم حبيبتى الله يعطيج الف عافية و انشاء الله اى استفسار اراسلج على الخاص

النجوم الثلاث انا ابى اسجلة باولى روضة بحولى ما اعتقد فيه اختبار جنى سمعت وحدة مسجلة ولدها اولى روضة من غير اختبار و التسجيل صح شهر 8 بس رفيجتى سجلت ولدها شهر 4 اللى فات اشلون

 

[النجوم الثلاث]

عزيزتي نور

اعتقد الأفضل تتصلين أو تذهبين للمدرسة قبل ما يكتمل العدد ويسكرون التسجيل بمرحلة ابنك.

 

[نـــــور]

النجوم الثلاث انا حاولت اتصل بس محد رد و ابى اسال اهم للحين يداومون علشان اروح لهم احسن

 

[النجوم الثلاث]

أغلب المدارس الخاصة تكون الادارة متواجدة حتى في العطل

 

[نـــــور]

انشاء الله و اشكرج على التجاوب اختى النجوم الثلاث و انا راح اكلمهم و الله يعطيج العافية

 

[سارة_kw]

بنتي بالمدرسة الباكستانية اللي بحولي جدام الجابرية

التسجيل لاولى روضة كان في شهر 3 اللي طاف

ودوامت بنتي من 1/4 الى 29/5 والمدرسين يداومون شهر 1/9/2008 عشان التسجيل


10/9/2008 يداومون الطلاب على اساس الورقة اللي وزعوها على الطلاب

ما ادري اذا غيروا النظام عشان ارمضان و لا لا

احسن شيء دقي على المدرسة تلفونهم : 2658334

 

[نـــــور]

حبيبتى سارة ما قصرتى و اشكرج على المساعدة و عن دوام رمضان حق المدارس الخاصة محد سال

 

[موزة ام فارس]

السلام بنات منو تعرف اسعار المدرسة الباكستانية و فى وحدة عندها واحد من عيالها يدرس بهالمدرسة انا الصراحة ابى ادخل ولدى شهر 9 .
متى يكون التسجيل و يصير انه احد غيرى او غير ابوه يسجله لانى يمكن اكون مسافرة بالصيف و خصوصا اذا كان شهر 8 .

اشلون الدراسة عندهم يعنى اللى مجربه و حاطه عيالها ؟

والله اختي نور المدرسة اسعارها احسن من المدارس الثانية بواااايد
بس نصيحتي لج والله سجليه بالمدرسة الهندية
ولد اختي كان بالباكستانية .. تقول عندهم زينيين ومستواهم قوي بس فيهم قساوة وشدة
----> اشلون مادري عنهم وعن طريقتهم بس تقول اختي "ولدي احس فيه منجعم منهم"

اما الهندية لأ .. مجربتها اختي الكبيرة مع بنتها
وتمدحها وااايد وحتى البنت تحب المدرسة ومدرسااتها


يعني احنا بيتنا جربنا المدرستين " الهندية اللي بالسالمية والباكستانية اللي بحولي"
طلعت المدرسة الهندية احسن من الباكستانية واسعارها حلوة ومقدور عليها
ومستواهم قوي وأحن على الطلبة


هذا اللي عندي حبيبتي
وعسى الله يوفقج

 

[نـــــور]

حبيبتى موزة ما قصرتى و عساج عالقوة و الله انا سمعت انهم ما يعاملون الطلبة عدل بس مستواهم قوى و هم راح امر على المدرسة الهندية و الله يعطيج العافية

 

[النجوم الثلاث]

والله اختي نور المدرسة اسعارها احسن من المدارس الثانية بواااايد
بس نصيحتي لج والله سجليه بالمدرسة الهندية
ولد اختي كان بالباكستانية .. تقول عندهم زينيين ومستواهم قوي بس فيهم قساوة وشدة
----> اشلون مادري عنهم وعن طريقتهم بس تقول اختي "ولدي احس فيه منجعم منهم"

اما الهندية لأ .. مجربتها اختي الكبيرة مع بنتها
وتمدحها وااايد وحتى البنت تحب المدرسة ومدرسااتها


يعني احنا بيتنا جربنا المدرستين " الهندية اللي بالسالمية والباكستانية اللي بحولي"
طلعت المدرسة الهندية احسن من الباكستانية واسعارها حلوة ومقدور عليها
ومستواهم قوي وأحن على الطلبة


هذا اللي عندي حبيبتي
وعسى الله يوفقج

أنا أؤيد كلام ام فارس

انا بنفسي لما رحت أسأل عن المدرسة الباكستانية شفت بعيني موقف ما عجبني وأثر على قراري

الطلبة كانوا بالفرصة واحد من المدرسين حاشر الطالب (عمره تقريبا 12) بزاوية يصرخ عليه بقوة بعدين ضربه على صدره
ثم يا الوكيل دخل الطالب لغرفته وما اسمع إلا صراخ الوكيل على الطالب
هذا الموقف صار وانا كنت انتظر الوكيل ..

اسلوبهم في التعامل مع الطلبة ما عجبني ..

 

[نـــــور]

امبيه اختى النجوم الثلاث من صجج و الله ليش كل هذا هم بفلوسهم و هم معاملتهم جذيه الواحد يخاف يدخل عيالة

 

[lovelybarbie]

واااااااااي صاجه احنا نبيهم يدرسون مويتعقدون

 

[kuwaitya_zoGaa]

حبيبتى انا بقول لج اللى اعرفه وسمعته من رفيجتى انه المدرسه واااااااااااااااااااايد زينه وتمدحها كتعليم
بس تقول لى الولد صار وايد سوقى وصار يردح لهم بالبيت ويتلفظ الفاظ وايد موحلوه والسبب انه اللى معاه بالمدرسه من جنسيات عربيه حتى اللغه مالته موحلوه صارت مكسره .

 

[نـــــور]

باربى الحلوة

كويتية زوغة لكم الف شكر على مشاركتكم

و اللة انا ابيه يتاسسس بس و ابى اطلعة و اكمله بالحكومة و كلشى على التربية ادرى انه جنسيات عربية بس و الله الكل مخوفنى و انا مثل ما قلتلكم ابى تاسيس و للحين افكر


لكم الف شكر على الردود

 

[موزة ام فارس]

و اللة انا ابيه يتاسسس بس و ابى اطلعة و اكمله بالحكومة و كلشى على التربية ادرى انه جنسيات عربية بس و الله الكل مخوفنى و انا مثل ما قلتلكم ابى تاسيس و للحين افكر

التأسيس بصراحه قوي عند الباكستانية والهنديه
بس الافضل والله الهنديه للأسباب اللي ذكرتها لج قبل

لو تقارنين عيال الحكومة وعيال الهنديه بالتأسيس ..
تلاقين الهنديه سابقين عيال الحكومة وحافظين الأحرف والأرقام كلها كتابة
وايدهم ما شاء الله قوية بالخط ويعطونم واجبات مو هينة بس والله نتيجتها عجيييييييبة
بالاضافة الى الأنشطة التربوية الخاصة فيهم
بعكس الحكومة اللي همهم بس رقص ونقزة واخرها الياهل مايعرف يمسك القلم عدل



ان شاء الله حتى ولدي فارس بيكون من طلاب المدرسة الهنديه

 

[نـــــور]

حبيبتى ام فارس الله يعطيج العافية و يخليلج فروسى و الصراحة افدتينى بشان المدرسة الهندية و الله للحين افكر ام فارس بس بالحكومة للحين احتمال 50% و الله كريم ما بقى شى عالتسجيل و نشوف اشكرج على الاهتمام ام فارس ما قصرتى حبيبتى