الانوار لدخلة العرووووس

[شمس وقمر55]

السلام عليكم

بنات خواتي الحبيبات عرس اختي قريييب <<< عقبالي وعقبال البنات اللي مو متزوجاات آآآآمين

ومثل ما تعرفون كل عروس تحب تتميز بعرسها وتبهر الناس بلبسها وكشختها ودخلتها..

واختي احجزت دخلتها عند (الانوار) والمندوبه اسمها ام سعاد كويتيه..
المهم صارت الدخله عليها 370 ..واذا صار اللي اتفقت عليه اختي مع المندوبه من الدخله والاشعار وغيرها تمام التمام

بس اختي خايفه ومتردده <<< حقها لانها عروووس وهذي ليله العمر

فياريت اللي جربت هالمحل وام سعاد تطمن اختي على شغلهم ..واهم شي انه شرطنا يكون الدي جي والاشعار اسلااااميه

واختي خايفه من شغلهم وخايفه انهم ما يسوونه اسلامي
لان المندوبه رفضت رفض تااام انها تسمعنا بعض الاغاني والاشعار <<< تقول حقوق الطبع محفووظه؟؟

يعني تكون مفاجاه يوم العرس؟؟؟


هاا خواتي منو سمعت عن هالمحل او جربته......ولها دعوه حلللوة من القلب..




منتظرتكم ولووووو بكلمه حللللللوة حلوة مثل الدعاء لاختي بالتوفيق ولي بالزوج الصالح هههههههه ....

 

[بنت بلادي]

مشاركة: الانوار لدخلة العرووووس

الف مبرووك لاختج والله يرزقج الزوج الصالح.

بس اشلون اتحجزون شي انتو مو امجربينه وفوق هذا اهي مارضت اتسمعكم الأغاني .... سمحيلي انتوا غلطانين....قولو حق اللي حجزتو عندها نبي نسمع ومن حقكم انكم تسمعون اغنيه اغنيه وكل شركات الديجيه اتسوي جذيه احسن من ما يصير العرس وتطلع الاغاني مو عاجبتكم وكل شي مو حلو ( اذا فات الفوت ما ينفع الصوت) وبعدين شنو يعني حقوق الطبع محفوظه اشدعوه انتو يايبين مسجله معاكم واتسجلون اللي بتشغله لكم .... هاذي يمكن تبي تبلشكم وما تبي اتسمعكم لأنها اتخاف انكم اتهونون.

 

[دلوعة الكويت]

مشاركة: الانوار لدخلة العرووووس

الله يوفقها يا رب
ويزرقج بالزوج الصالح


ماعندي فكره عنها والله!

ان شاء الله البنات يفيدونج ..

 

[شمس وقمر55]

مشاركة: الانوار لدخلة العرووووس

بنت بلادي
حياج ربي والف شكر لج على مرورج ومشاركتج ...والله معاج حق بس المندوبه شااطره تفر الراس بكلامها وتشيلج وتحطج ؟؟
والله محتاريين وما ندري...العربون مو مشكله نقدر نكنسل العقد...لو ثبتلنا عكس كلامها عشان جذي حابه اعرف اللي جربها او سمع عنها

الله يجزاك كل خير يارب يا بنت بلادي على مشاركتج



دلوعة الكويت
هلا والله فيج...والف شكر على مشاركتج الحلللللوة مثلج....
الله يبارك فيج ياعمري

 

[حبنا الله عليه]

مشاركة: الانوار لدخلة العرووووس

عســى الله يوفقها

وعقبالج وعقبال الجميع

ما اعرفها بس احس حيل غاليه بـ 370 !! شعر واغنية

اذكر دخلة اختي الشعر للمكتوم وجديده + الأغنية لراشد الماجد

وكل البنات استخفوا عليها والله كلفتنــا 100 فقط

وهبلتهم وانا اعيد تسجيلها ليما اعجبتني

حبيبتي اصري عليهم لازم لازم تسمعونها حصريا شنو بتسجلونها انتوا وتوزعونها اهي اول وتالي لكم

 

[شمس وقمر55]

مشاركة: الانوار لدخلة العرووووس

حبنا الله عليه

الله يوفقج ويسعد قلبج...شاكره مرورج ومشاركتج القيمه

راح اكلم اختي تكلمها وتصر عليها نسمع الاغاني؟؟؟ عشان نتطمن

 

[رها]

الف مبروك

 

[*** دلــــع الكــويـت ***]

مره كنت معزومه لعرس وكانت دخلة العروس عند الانوار


وكانت حلووووووووووووه للامانه

 

[الحرير]

ألف مبرررررررررررررررررررروك
وعقبالج انشاءالله

 

[ريفيل]

موفقين

 

[* ألماسه *]

الف مبرووك لاختج والله يرزقج الزوج الصالح.

بس اشلون اتحجزون شي انتو مو امجربينه وفوق هذا اهي مارضت اتسمعكم الأغاني .... سمحيلي انتوا غلطانين....قولو حق اللي حجزتو عندها نبي نسمع ومن حقكم انكم تسمعون اغنيه اغنيه وكل شركات الديجيه اتسوي جذيه احسن من ما يصير العرس وتطلع الاغاني مو عاجبتكم وكل شي مو حلو ( اذا فات الفوت ما ينفع الصوت) وبعدين شنو يعني حقوق الطبع محفوظه اشدعوه انتو يايبين مسجله معاكم واتسجلون اللي بتشغله لكم .... هاذي يمكن تبي تبلشكم وما تبي اتسمعكم لأنها اتخاف انكم اتهونون.

لازم تسمعون الاغاني والدخلة وووين قاعدين
وحاولي تحضرين عرس وتشوفين شغلهم واغانيهم
موفقين:eh_s(7):

 

[عنووود]

لله يهديكم بنات شوفوا التاريخ

09/03/06,

 

[ساندى]

يحليلكم ههههه