سالفتي مع زوجي ،، مع ولده من طلقيته

[lomy]

الله يهديييييييكم ويحسسسسن بالكم يارب

غير الدعاء مافي

والله يوفقج

الله يهديه لج
ويخليكم لبعض

مشكوريين خواتي من كل قلبي على دعواتكم والله يهدي الجميع ​

 

[سعودية قلبها كويتي]

بعد عمري انتي جدام رب العالمين سويتي الواجب مع الولد وماقصرتي .. بس البلا ماطلع من لولد طلع من ابو الولد

واتوقع ان ام الولد هي من تنقل ولدها الحجي بحجة تبي تكره ابوه فيج ويحن عليها هي

خلي شرط رجعتج لبيتج ان الولد مايدش بيتج .. لأن الخير مابين فيهم ..

والله يصبر قلبج ياعمري

 

[هوفه]

والله يا اختي انا قريت موضوعج كله

والريال ما يرضى على ولدة عادي

وانت لج الحق انج ترفضين ان الولد يعيش عندج

 

[ام سويرة]

الله يصلح اموركم
ويصلحه لج هو وعيالج ولده
وانتي يجزاج خير
ومع الاسف ما ادري شنصحج فيه
بس ما شاالله عليج شكلج ما تحتاجين نصايح
الله يوفقكم

 

[pineapple]

قريت قصتج وبعض الردود الأولى

وما لقيت انج غلطانة في شي

الي سويتيه تاجرين عليه ولا حظت ان زوجك حط كل مسئولية الولد عليج واقل تصرف مو مقصود منج تلقينه نط وتفلسف عليج جدام الولد ويكرهه فيج اكثر بدال ما يقوم بتقريب المسافات بينكم .

مصداقيتج جدامه وجدام اهله والولد قضى عليها ولا حتى حاول يوقف معاج ويعلم ولده باسلوب حلو الصح وشلون يتعامل معاج واهو اصلا مو مصدقج خصوصا انه رد عليج وقال اكيد الولد كان صاج اول مره ---وهذي نقطة مهمة يفترض تدافعين عن عمرج خصوصا لما تتهمين بالكذب والتلفيق .

شوفي طردج من البيت على موقف سخيف وفوق هذا ما فكر يقوم بحل المشكلة باسلوب صحيح

سافر واستانس وترك الحل بيدج --- واضح يبيج تسوين له كل شي وبالأخير انتي الي مو زينه وبره عشان قلتي ييب قلاص ماي حق نفسك --- لا تكونون مفكرين ان اسلوبنا في تربية اطفالنا هي الصحيحة لاحظو الأحانب العرب والغير عرب الطفل والبنت يسوون كل شي الا احنا الي اخطانا في تربية عيالنا ومفكرين هذا الصح .

في وحده قالت قصة اخوها --- مع ان زوجته الغلطانه حسب نظري انتي محتاجة موقف قوي من اهلج لان يطردج الريال من البيت هذا يبييع العشرة بسرعة والي جذي لازم ياخذ درس ويتنازل عن افكاره الي حطها في راسه عندك مشاكل مع ابوك وامك وزوجاته سببو لك عقده في حياتك يالله يت لك فرصة تغير وتصلح الي سواه ابوك فيكم واخوانك وانت الحين تكرر نفس الغلط .

اذا كان واعي خل يحس انه قاعد يكرر نفس غلط ابوه ولا يخسرج ويخسر استقراره لموضوع جدا تافه وللأسف بعد كل الي سويتيه للولد يطردج عشان قلاص ماي وانتي صاحبة الحق .

تقدرين ما تخسين حياتج وبنفس الوقت تعطينه درس حلو يعرف فيها قيمتج ومقدارج وكل هذا بالعقل والبعد عن العصبية والرد الي ما يتناسب مع زواج واولاد .

لا زم رجل كبير يدخل بالموضوع ابو يكون لكم مو القصد التفاهم تعرية بقصد يصلح ويعلمكم ما فيه مصلحتكم وسعادتكم .

انا وياج اذا انتي حاسة ان الولد انتي مو عارفة تتعاملين معاه خلي ابوه يكون له دور في تقريب المسافات وخليه يشيل مسئولية ولده اذا ماكان عاجبه انك تربينه وتقومين بمهامه ولما يكبر الولد بيفهم اكثر .

 

[lomy]

بعد عمري انتي جدام رب العالمين سويتي الواجب مع الولد وماقصرتي .. بس البلا ماطلع من لولد طلع من ابو الولد

واتوقع ان ام الولد هي من تنقل ولدها الحجي بحجة تبي تكره ابوه فيج ويحن عليها هي

خلي شرط رجعتج لبيتج ان الولد مايدش بيتج .. لأن الخير مابين فيهم ..

والله يصبر قلبج ياعمري

والله يا اختي انا قريت موضوعج كله

والريال ما يرضى على ولدة عادي

وانت لج الحق انج ترفضين ان الولد يعيش عندج

والحمدالله أهم شي الواحد لما ينام على المخده يحط راسة مرتاح ،، وانا مثل ماحب عيالي اشلون الناس تعاملهم أحب اعامل عيال الناس لأنه عندي مبدأ كما تدين تدان ،، والله ماينسى عباده ... وسالفة انه الولد مايدش بيتي صعبة شوي ،، ماحب افرق بين أب وولده ،، ,واحب عيالي يعرفون اخوهم ،، بس هم مادري فعلا القرار اللي بتاخذه ............ اهوا خلي يجي يكلم ابوي وذيك الساعه يصير كل الخير ان شاء الله ........ ​

الله يصلح اموركم
ويصلحه لج هو وعيالج ولده
وانتي يجزاج خير
ومع الاسف ما ادري شنصحج فيه
بس ما شاالله عليج شكلج ما تحتاجين نصايح
الله يوفقكم

مشكوره ياقلبي على دعواتج الحلوه ،، :tek:​

 

[$غــ(ز)ــل$]

الله يهدييه ويسخره لج ان شااءالله

 

[عشقي خالد]

الله يعينج حياتي موقف صعب وايد بس هذا الولد خبيث مع إن صغير ديري بالج منه ولا تعطينه فرصه يتبلى عليج وحاولي تقربين منه ميخالف عشان زوجج والله يهديه ويخليه ولد حقج

 

[فناتق^كويتيه]

السلام عليكم ورحمة الله وبركاته

انا مع اعرف تفاصيل حياتج بس من اللي قريته عندي تعليق

هذا مهما كان عمره 7 سنين يعني تقدرين تلفين مخه وتقصين عليه بجم كلمه وتودينه الألعاب وتقرين له قصص وتسولفين وتاخذين وتعطين معاه عشان تكسبينه ويتقرب منج ... خلج قريبه منه حيييل عشان زوجج يحس بالراحه

الحين زوجج يشوف نفسه ومعاناته في ولده ومايبي ولده نفسه

يعني ركزي على علاقتج بالولد عشان تتعدل علاقتج بالأبو

كل ماتدشين البيت قولي له شريت لك حلاو او اي شي يحبه وبوسيه ولعبي معاه


والله يسخر امورج

ومالج الا الدعاء

 

[جوك احلى جو]

ميخالف حبيبتي كل شي بالهداوه ينحل ومبين انج طيبه بس انفعاليه وايد اهم شي اذا يه الولد عندكم لازم جدام ابوه تكونين هاديه عشان لايربط عصبيتج مع وجود ولده والله يبعد عنج المشاكل يارب

 

[lomy]

ولا حظت ان زوجك حط كل مسئولية الولد عليج واقل تصرف مو مقصود منج تلقينه نط وتفلسف عليج جدام الولد ويكرهه فيج اكثر بدال ما يقوم بتقريب المسافات بينكم .

زوجي للأســــــــــف خالتي معودته على الاتكاليه بمواضيع البيت ،، مايحب مسئوليات أبد ،، وبخصوص التفلسف هذا عادي دايما زوجي يداري على أغلاطـه ودايم يبي ايبين لي انه اهوا دايم صح زوجي في خاصية كلش مو حلوه اهيا الكبرياء ... تخيلي مره في بيت ابوي عالغدا شاف بنتي ابوي الله يحفظه معلمها تقول قبل الغدا بسم الله وبعد الغدا الحمدالله واهيا عمرها مايتعدا السنة ونص ........... والله انه كابر وقال جدام أبوي شنو الأدب الزايد مابي عيالي مؤدبين زيادة عن اللزوم ........... لما ردينا البيت دمعت عينه وقالي انا كابرت جدام عمي ( اللي هو ابوي )) وكنت حدي مستانس اشلون بنتي جدها يعلمها جذي وانا ماني قادر اعلمهم الا الخراب ............ عندج هذا موقف من مواقف كثيره ،، أهم شي عند ريلي انه يشتغل ويأمن مستقبل اليهال ............ ويلغي وجوده كأب وكل شي فوق راسي ........

​

نقطة مهمة يفترض تدافعين عن عمرج خصوصا لما تتهمين بالكذب والتلفيق

.

عادي زوجي وايد ينكر وماعتقد في رجل يعترف بالغلط حق زوجته وانا ادري انه يدري اتي انا ماجذب واهوا يعرفني ،، لأنه على قولته مايــــحب يكبر راسي عليه ........​

شوفي طردج من البيت على موقف سخيف وفوق هذا ما فكر يقوم بحل المشكلة باسلوب صحيح

سافر واستانس وترك الحل بيدج

زوجي دايم يتهرب من المشاكل بالسفر ،، وفعلا يبيني دايم انا احل الأمــــــور وأحميه من الحساب ،،​

ويتنازل عن افكاره الي حطها في راسه عندك مشاكل مع ابوك وامك وزوجاته سببو لك عقده في حياتك يالله يت لك فرصة تغير وتصلح الي سواه ابوك فيكم واخوانك وانت الحين تكرر نفس الغلط .

ئي والله .... الله يصلح حاله ،، دايم اعاتبه واذكره في أبوه اقول زروه وشوفه مسكين ابوه مريض ومحتاج عياله حوله ولكن للاسف مسكين عمي قامو عياله يحاسبونه على الماضي وناسين انه رب العالمين يحاسبهم ،،،،،،،،، على رضا الوالدين ................. يارب تصلحهم يارب ​

تقدرين ما تخسين حياتج وبنفس الوقت تعطينه درس حلو يعرف فيها قيمتج ومقدارج وكل هذا بالعقل والبعد عن العصبية والرد الي ما يتناسب مع زواج واولاد .

لا زم رجل كبير يدخل بالموضوع ابو يكون لكم مو القصد التفاهم تعرية بقصد يصلح ويعلمكم ما فيه مصلحتكم وسعادتكم .

انا وياج اذا انتي حاسة ان الولد انتي مو عارفة تتعاملين معاه خلي ابوه يكون له دور في تقريب المسافات وخليه يشيل مسئولية ولده اذا ماكان عاجبه انك تربينه وتقومين بمهامه ولما يكبر الولد بيفهم اكثر .[/

بالفعل أنا ابوي كبير بالسن وحكيم وراح يتدخل ويصلح بينا وفعلا محتاجة لوجودة عشان ريلي يعرف انه مو على كل كلمة البنت تنطرد واذا مو حاسب حسابي لازم يحسب حساي لأبوي .....

وأخيرا ........ أشكر تفاعلج معاي ........... وعلى ردج الرائع لأنه فعلا احنا في زمن لازم نعلم عيالنا اشلون يعتمدون على أنفسهم .......​

:tek:

 

[۩۩ الجـــــود ۩۩]

الله يعينج اختى من كلامج ما قصرتى معاه

ما اقول الا الله يهدى زوجج ويصلح الحال

 

[lomy]

السلام عليكم ورحمة الله وبركاته

انا مع اعرف تفاصيل حياتج بس من اللي قريته عندي تعليق

هذا مهما كان عمره 7 سنين يعني تقدرين تلفين مخه وتقصين عليه بجم كلمه وتودينه الألعاب وتقرين له قصص وتسولفين وتاخذين وتعطين معاه عشان تكسبينه ويتقرب منج ... خلج قريبه منه حيييل عشان زوجج يحس بالراحه

الحين زوجج يشوف نفسه ومعاناته في ولده ومايبي ولده نفسه

يعني ركزي على علاقتج بالولد عشان تتعدل علاقتج بالأبو

كل ماتدشين البيت قولي له شريت لك حلاو او اي شي يحبه وبوسيه ولعبي معاه


والله يسخر امورج

ومالج الا الدعاء

حبيبتي ....... اشكرج على ردج ............. ويه ياعمري ،،،،،،،، على بالج عيال هالوقت ينقص عليهم بحلاو أو ألعاب الله يرحم أيامنا قبل والله ..........


انا والله حتى بلي ستشن مع اني عمري ما لعبت فيه .............. عشان اقرب له قمت اباريه وخليته يعلمني .. عليه ........... وكل ماشتري حق عيالي شي ،،،،،،،،، والله اشتري لــه بس الشكوى لله ...


وانا الحجي اللي تقولينه من اول ماتزوجت جربته ،،،،،،،،،،،، بس ماكو فايدة الشمكلة حبيبتي ،، بالأهل .......


1- خالتي دايم تحسس الولد انه مسكين ............ 2- توكله بيدها واهوا عمره 7 سنوات تلقمه لقمه لقمة والله من الدلع الزايد ............ يتطاول على ابوه وجدته ،،، سب وطق ............. ومايتحجون بحجة هذا مسكين ........

شنو اللي مسكين ........... تخيلي كله يغيبونه من المدرسة ،،،،،،، يسوي روحة مريض ............

هالسوالف ماطوف علينا حبيبتي ........ ودوم يدري اني كاشفه الاعيبه ............ ,اصلا مخه كبير ونظيف بس وايد وايد يمثل .........


حتى ابوووووووه كاشفه ... وقالي اكثر من مره ........ بس ابوه خايف ياخذ موقف .. يقولي اخاف يكرهني واخسره .......

ومو مستوعب ريلي بطريقته هذي فعلا باجر بخسره الدلع الزايد ماراح يفيده بشي ................


كلنا تربينا على الشدة ............. كوهنا أمهاتنا ولا أبهاتنا .................. لازم الواحد يكون له وزن ...

واذا بخلي الولد عايش على كيفه يوديه يمين ويسار بحجة انه يخاف انه يخسره .......... أنا أضمن له مليوووووووووون بالمية انه بخسر ولده بدلع الزايد ..........



باجر لي كبر الولد وشاف اللي مثله تعليم ومراكز وادب وأخلاق ............. راح يروح حق أبوه ويلومه على الدلع الماصخ ............. ويوقوله يبه ريتك علمتني ... طقيتني ...... زفتيني وفهمتني ...... ولكن بعد فوات الأوان ......


خلونا نكون واقعيين شوي .........



وانا معاج ........... السبيل ,,, حق زوجي ... اهوا ... مدى نجاح العلاقة بيني وبين ولده ........ بس شسوي اقطع روحي على شانه ............ والله عاد كيفه انا اهم شي ارضي ربي ....... والباقي طاف


مايهموني ...............



وشكرا لج عزيزتي وعلى دعواتج ............. وربي يهديهم يارب ويسخر زوجي لي ويشيل العقد من راسه ​

 

[الكادي-83]

بصرااااااحه الله يعينج ويصبرج

بس أحسن شي انج أحتسبتي الأجر عند الله وهذا اللي راح ينصرج

بعدين المفروض منج لما رحتي لبيت أهلج شرطتي على ريلج إذا بتردين مالج شغل بالولد

وخل يعيش عند جدته ام ابوه إذا هي حابه انه مايتربى عند امه خل تشيل مسؤليته

نصيحتي احتسبي الأجر وعند ربج مافيه شي يضيع

 

[lomy]

بصرااااااحه الله يعينج ويصبرج

بس أحسن شي انج أحتسبتي الأجر عند الله وهذا اللي راح ينصرج

بعدين المفروض منج لما رحتي لبيت أهلج شرطتي على ريلج إذا بتردين مالج شغل بالولد

وخل يعيش عند جدته ام ابوه إذا هي حابه انه مايتربى عند امه خل تشيل مسؤليته

نصيحتي احتسبي الأجر وعند ربج مافيه شي يضيع

ئي والله ياوخيتي الكلام سهل خالتي تقول لو عندي احد يوديه المدرسة او يدرسه جان قعدته عندي لأني خالتتي ماتعرف لا تقرا ولا تدرس ............ كل الموضوع حجتهم بالدراسة مو شي ثاني والله ......... وادري الحين بلشت العطله راح اعيش بصفاء نفسي ليما تبلش المدارس والله يعيني ..........ومشكوره على الرد

حبيبتي ........... وفعلا الأجر على الله ​

 

[Om 7oo7oo]

الله يعينج و يحل مشكلتج و يسهل أمورج ، آنا ما عندي شي أضيفه على اللي قالوه البنات بس أضم صوتي لصوتهم و أقول لازم ابوج يتدخل بحكمه و يحل الموضوع بالهداوه .

 

[my_size]

الله يعينج حبيبتي و يهدي بالج
خيتي في كل الاحوال حطي الله جدامج و انتي تعاملين هالولد
و انتي اسم الله عليج مبين عليج حنونه و طيبه و بنت اياويد يطول لي بعمرج
طولي بالج و وسعي صدرج

 

[كل الحب]

:nocommint:

 

[روحـ روحه]

حبيبتي دام زوجج زين ماعليج من الولد عامليه بما يمليه عليج ضميرج ومبين من كلامج انج سنعه ارجعي لزوجج وادعي انه الله يسخره لج

 

[*برونزيه شقره*]

ماشاء الله عليج الله يهدي زوجج ويصلح احواله لج ... سمعي حبيبتي انتي خلج في بيت اهلج انتي لج كرامتج ولج عزت نفسج ولا يمكن اشجعج انج تقعدين ع طول في بيت اهلج بس خليه اهوه اللى يرجع لج ويتأسف لج جدامهم وصدقيني هذى فرصه انج ترتاحين وتاخذين طريقه يديده بالتعامل مع بيتج الاول زوجج: حاولي تعلمينه انك كلشي بحياتي وكلمتك ماشيه علي والحين انتي عرفتي نقطة ضعفه اهي ولده وهذا بسبب اللى شافه من صغره حاولي تشترين هديه او شي يحبه ولده وكلشي جدامه عشان يعرف انج حابه تتقربين منه واي شي خليه شاهد ع محبتج انج تتقربين منه عشان مايكون عنده عذر .. وولده : كلميه مره ومرتين ولا تيئسين توه صغير وبسرعه تقدرين تتغلبين عليه يعنى لو صدر منه موقف واجهيه جدام ابوه ودام انج عرفتي انه ينقل الحجي طنشي اى تصرف منه لما يرجع ابوه وناقشيه جدامه صج انه شي متعب بس عشان انتي ماشاءالله عليج حاولتي وايد بس ميخالف ... قعدي وفكري وصدقيني انه ريلج مرده بيرجع لج متأكده انح راح تكونين بأحسن حال حبيبتي