باااااااااااااركولي يابنات الحمدالله ولدت في تاريخ 25 وجبت بنوته الله يخليها لي يارب :::tek:
وعقبال ماتولدون كلكم بالسلامه ان شاء الله وبصراحه الحمدالله سهاله من رب العالمين
ومشكورين لكل اللي دعولي وانصحوني اروح المستشفى ولا كاااااااااااان ولدت بالبيت
بصراحه حسيت بعوار بذاك اليوم كل 3 دقايق شي مو طبيعي تخيلوا بالليل رحت لمستشفى طيبه وردوني وقبل صلاه الفجر يزيد العوار علي واصحي زوجي ونروح للمستشفى وفحصتني الدكتوره وقالت بدري روحي امشي انتي معاج طلق بس الرحم مسكر عطتني ابره مهدئه ورديت للبيت زوجي بهذلته معي ياحرام كل شوي رايح راد ولا نام زين وانا بعد مانمت عاد مشيت نص ساعه بس حسيت اني بموت العوار يروح ويرد ورجلي مشدوده شد وظهري الله لا يوريكم طبعا قلت بصبر لما الظهر والله مدري شلون صبرت ولا اكلت شي عاد حبوب فقر الدم لازم اخذها يوميا لان نسبته عندي حاده ويمكن احتاج لاجياس دم بوقت الولاده
طبعا على صلاه الظهر رحت للمستشفى وفحصت وكل هذا العور والالم ومفتوحه 1سم قالتلي تبين اوسع لج انا عاد خايفه والحمدالله اني قلتلها لا بنطر شوي وبروح امشي طلعنا من المستشفى على البحر بس وصلنا قلت لزوجي ردني للبيت والله ماقدر انزل هو يحاول فيني بس ماقدرت طبعا انا معي دوخه وحدي نعسانه
ردينا وحطيت راسي ونمت شوي بس الا افز من العوار والله حالتي حاله و امي طبعا لاحظت بس انا كنت مابيها تدري لان فيها سكري والضغط ومابي اتعبها سألتني وقلتلها اني مانمت زين لان راسي يعورني باخذ بندول وبحط راسي وادش غرفتي وانسدح وامي كانت حاسه اني على ويه ولاده كل شوي تدخل علي وتشوفني والله تعبتها معي المهم قبل صلاه العصر صار العوار كل 5 دقايق يروح ويرد والحمدالله اني قريت مواضيع عن الولاده بما اني بجريه عشان جذي طيران لبست عباتي وقلت خلاص الحين ماراح يردوني وعلمت زوجي مكان جنطتي: وقلت يلا بولد وبشوف ولدي <<<<< على بالي ولد لا وسميناها طلال بعد :eh_s(1): واغراضي اللي شاريتها على اساس انها ولد من كلام السونار
بس الحمدالله مافي احلى من البنوته
_03BA: ويلا مو مشكله نلبسها لبس صبيان خخخخخخخخخخ:tomato2:
المهم رحت لمستشفى العدان ( عاد انا العدان وطيبه عشان قريبه من عند بيتي وهم حفظوني من كثر جياتي )
نرجع لسالفه طبعا فحصني دكتور مصري الله يقطع بليسه بغى يوديني في داهيه قاللي ( بزمتك انتي بتتألمي دانتي مفتوحه 1 ) حطمني تحطيم قلتله طيب بسوي تخطيط اتأكد لان العوار كل خمس دقايق
قاللي ماينفعش روحي امشي والمشكله رفض يعطيني ابره قال ايش عشان بتحسي بالطلق لو فيه !!!!!!!
رفع ضغطي ....
رديت للبيت وانا حتى نفسيتي تعبانه قعدت على النت وتصفحت وانا في عالم ثاني <<< حشا ماصارت قصه ولاده :tomato2:
قلت خلني اسأل و لقيت فجوره :tek:
ونصحتني اروح للمستشفى الله يجزاها خير والعوار بذاك الوقت والله كل 3 دقايق ويشد معي
المهم دقيت على اختي بعملها قلت اخاف اقول لأمي اخوفها معي وعلمتها عاد هي طارت فيني توج تقولين هذي ولاده هي مشاء الله عندها خمس عيال وخبره وتروح معي المستشفى طبعا اخذنا زوجي وهو يقولي تراهم بيعطونج ابره مهدئه وبيردونج <<<<<< زياده تحطيم :
اختي قالت بنروح للعدان على الاقل حكومي مارح يولدوني قيصريه الا اذا استلزم الامر عاد انا مو طايقه اشوف الدكتور المصري المهم رحت بس لقيت دكتور ثاني شاف اوراق الدكتور اللي قبله وقالي لا مو ولاده عاد الحمدالله اختي قالت على الاقل افحصها <<<<< لا وانا اقول لا مابي فحص تعبت منه
المهم فحصت وهني الطامه <<<<<<<<< مفتوحه 5 سم قالها الدكتور دخوووووووووووول << عاد انا احسني بحلم والله على طول بكيت خوف مدري وش جاني اقول لا برد البيت
لبست اللبس الاخضر وانا قاعده ارتجف وادعي من الخوف عاد اختي توصي علي عطوها ابره الظهر والكمام ومدري شنو ..........الخ
لا والدكتور يستهبل يقول لاتخافي عليها بنعاملها سبيشل <<<<< يستهزاء هو وجهه
دخلوني الساعه اربعه والحمدالله قدامي ورقه ادعيه مالت الولاده قعدت اقراء فيه وبعض الاحيان اخورها واخربط بالايات من العوار عاد قريت مكتوب ان الدعاء بوقت الولاده مستجاب واقعد ادعي لخواتي والله دعيتلكم كلكم ودعيت لبنوته ان الله يرزقها وارجع اقراء الادعيه لما غطيت عاد صحيت على عوار واشوف مال الطلق يرتفع واصيح انادي على بالي بيجيني دكتور يولدني <<<<<< ماعرف نظام العدان
المهم تجي سستر تقولي انتي بتولدي بوووووووووووووووش <<< وانا اقولها عطيني ابره الظهر ماقدر وهي تصارخ علي بووووووووووش وانا الله يخليج ابره ظهر كمام اي شي ماقدر حدي خوافه عطتني الكمام والحمدالله ولدت وقلتلها شنو جبت وترفعها لي تقولي شوفي عاد انا على بالي ولد اناظر وانها بنوته انا ماني مستوعبه اقولها ولد !!!1
تقولي انتي ماتشوفي بنت والحمدالله فرحت وطبعا الساعه كانت ثمانيه يعني ماطولت وسهاله من رب العالمين مشاء الله وولدتهم زينه بس غرفهم تلوع الجبد والجاهل يخلونه عندج كل شوي زود على التعب اللي انا فيه عاد قالو مافي غرف فاضيه بنحطج بغرفه ولاده تحت لما نشوف باجر ...
عاد الصبح لقولي غرفه وزاروني اهلي وحدي متأزمه قلت بطلع وياكم المستشفى يجيب الهم يكلمهم زوجي قالو لا مانقدر لازم اول شي دكتور الاطفال يكشف على البنت وهو يجي باجر الظهر والله مدري شلون عدا ذاك اليوم والمشكله عاملات النظافه يخوفون وتكرمون حمامتهم تلوع الجبد والمكان يجيب الغم
بس الحمدالله بكرتها كشف الدكتور على بنتي ومافيها شي وطلعت من المستشفى بالسلامه وحدي طايره من الفرح ....
وبــــــــــــــــــدال طلال جبت عـــــــــــروب <<<<<< وشرايكم بالاسم
والحين بنتي نايمه حدي <<<<<<< ادعولها تنام بالليل وتخليني انام دايم مسهرتني
ويلا عقبال ماشوفكم والدين ومودعين كروشكم <<<<<< شكلكم بتطردوني من تجمعكم ولدت وخلاص :tomato2:
بس بطل عليكم كل شوي
_03BA:
<<<<<<<<<<<<<<<<<<<<<<< تعبت من الكتابه
